Varāha Purāṇa 192

अथ सर्वशान्तिवर्णनम् ।। सूत उवाच ।। श्रुत्वा तु मधुपर्क्कस्य ह्युत्पत्तिं दानमेव च ।। पुण्यं चैव फलं चैव कारणं ग्रहणं तथा

atha sarvaśāntivarṇanam || sūta uvāca || śrutvā tu madhuparkkasya hyutpattiṃ dānameva ca || puṇyaṃ caiva phalaṃ caiva kāraṇaṃ grahaṇaṃ tathā

Sanskrit only: no published translation is held for this verse.

विस्मयं परमं गत्वा सा मही संशितव्रता ।। पादौ गृह्य यथान्यायं प्रत्युवाच जनार्दनम्

vismayaṃ paramaṃ gatvā sā mahī saṃśitavratā || pādau gṛhya yathānyāyaṃ pratyuvāca janārdanam

Sanskrit only: no published translation is held for this verse.

देव वृत्तोपचारेण तव यन्मनसि प्रियम् ।। किं च तत्रैव दातव्यं तव कर्मपरायणैः

deva vṛttopacāreṇa tava yanmanasi priyam || kiṃ ca tatraiva dātavyaṃ tava karmaparāyaṇaiḥ

Sanskrit only: no published translation is held for this verse.

एतदाचक्ष्व तत्त्वेन तत्र यत्परमं महत् ।। श्रीवराह उवाच ।। साधु भूमे महाभागे यन्मां त्वं परिपृच्छसि

etadācakṣva tattvena tatra yatparamaṃ mahat || śrīvarāha uvāca || sādhu bhūme mahābhāge yanmāṃ tvaṃ paripṛcchasi

Sanskrit only: no published translation is held for this verse.

कथयिष्यामि तत्सर्वं दुःखसंसारमोक्षणम् ।। कृत्वा तु मम कर्माणि यत्त्वया पूर्वभाषितम्

kathayiṣyāmi tatsarvaṃ duḥkhasaṃsāramokṣaṇam || kṛtvā tu mama karmāṇi yattvayā pūrvabhāṣitam

Sanskrit only: no published translation is held for this verse.

पश्चाच्छान्तिं च मे कुर्याद्भूमे राष्ट्रसुखावहम् ।। सर्वकर्म ततः कृत्वा भूम्यां जानु निपात्य च

paścācchāntiṃ ca me kuryādbhūme rāṣṭrasukhāvaham || sarvakarma tataḥ kṛtvā bhūmyāṃ jānu nipātya ca

Sanskrit only: no published translation is held for this verse.

नमो नारायणायेति उक्त्वा मन्त्रमुदाहरेत् ।। मन्त्रः- ॐ नमो नमो वासुदेव त्वं गतिस्त्वं परायणम्

namo nārāyaṇāyeti uktvā mantramudāharet || mantraḥ- oṃ namo namo vāsudeva tvaṃ gatistvaṃ parāyaṇam

Sanskrit only: no published translation is held for this verse.

शरणं त्वां गतो नाथ संसारार्णवतारक ।। आगतस्त्वं च सुमुख पुनः समुचितेन वै

śaraṇaṃ tvāṃ gato nātha saṃsārārṇavatāraka || āgatastvaṃ ca sumukha punaḥ samucitena vai

Sanskrit only: no published translation is held for this verse.

दिशः पश्य अधः पश्य व्याधिभ्यो रक्ष नित्यशः ।। प्रसीद स्वस्य राष्ट्रस्य राज्ञः सर्वबलस्य च

diśaḥ paśya adhaḥ paśya vyādhibhyo rakṣa nityaśaḥ || prasīda svasya rāṣṭrasya rājñaḥ sarvabalasya ca

Sanskrit only: no published translation is held for this verse.

गर्भिणीनां च वृद्धानां व्रीहीणां च गवां तथा ।। ब्राह्मणानां च सततं शान्तिं कुरु शुभं कुरु

garbhiṇīnāṃ ca vṛddhānāṃ vrīhīṇāṃ ca gavāṃ tathā || brāhmaṇānāṃ ca satataṃ śāntiṃ kuru śubhaṃ kuru

Sanskrit only: no published translation is held for this verse.

अन्नं कुरु सुवृष्टिं च सुभिक्षमभयं तथा ।। राष्ट्रं प्रवर्द्धतु विभो शान्तिर्भवतु नित्यशः

annaṃ kuru suvṛṣṭiṃ ca subhikṣamabhayaṃ tathā || rāṣṭraṃ pravarddhatu vibho śāntirbhavatu nityaśaḥ

Sanskrit only: no published translation is held for this verse.

देवानां ब्राह्मणानां च भक्तानां कन्यकासु च ।। पशूनां सर्वभूतानां शान्तिर्भवतु नित्यशः

devānāṃ brāhmaṇānāṃ ca bhaktānāṃ kanyakāsu ca || paśūnāṃ sarvabhūtānāṃ śāntirbhavatu nityaśaḥ

Sanskrit only: no published translation is held for this verse.

एवं शान्तिं पठित्वा तु मम कर्मपरायणः।। पुनर्जलाञ्जलिं दत्त्वा त्विमं मन्त्रमुदाहरेत्

evaṃ śāntiṃ paṭhitvā tu mama karmaparāyaṇaḥ|| punarjalāñjaliṃ dattvā tvimaṃ mantramudāharet

Sanskrit only: no published translation is held for this verse.

मन्त्रः- योऽसौ भवान्सर्वजगत्प्रसूतो यज्ञेषु देवेषु च कर्मसाक्षी ।। शान्तिं कुरु त्वं मम वासुदेव संसारमोक्षं च कुरुष्व देव

mantraḥ- yo'sau bhavānsarvajagatprasūto yajñeṣu deveṣu ca karmasākṣī || śāntiṃ kuru tvaṃ mama vāsudeva saṃsāramokṣaṃ ca kuruṣva deva

Sanskrit only: no published translation is held for this verse.

एषा सिद्धिश्च कीर्तिश्च ओजसा तु महौजसम् ।। लाभानां परमो लाभो गतीनां परमा गतिः

eṣā siddhiśca kīrtiśca ojasā tu mahaujasam || lābhānāṃ paramo lābho gatīnāṃ paramā gatiḥ

Sanskrit only: no published translation is held for this verse.

एवं पठति तत्त्वेन मम शान्तिं सुखावहाम् ।। ते तु मल्लयतां यान्ति पुनरावृत्तिवर्जिताः

evaṃ paṭhati tattvena mama śāntiṃ sukhāvahām || te tu mallayatāṃ yānti punarāvṛttivarjitāḥ

Sanskrit only: no published translation is held for this verse.

एवं शान्तिं पठित्वा तु मधुपर्कं प्रयोजयेत् ।। नमो नारायणायेति चोक्त्वा मन्त्रमुदाहरेत्

evaṃ śāntiṃ paṭhitvā tu madhuparkaṃ prayojayet || namo nārāyaṇāyeti coktvā mantramudāharet

Sanskrit only: no published translation is held for this verse.

मन्त्रः- योऽसौ भवान्देववरप्रसूतो यो वै समर्च्यो मधुपर्क्कनामा ।। आगच्छ सन्तिष्ठ इमे च पात्रे ममापि संसारविमोक्षणाय

mantraḥ- yo'sau bhavāndevavaraprasūto yo vai samarcyo madhuparkkanāmā || āgaccha santiṣṭha ime ca pātre mamāpi saṃsāravimokṣaṇāya

Sanskrit only: no published translation is held for this verse.

सर्पिर्दधिमधून्येव समं पात्रे ह्युदुम्बरे ।। अलाभे मधुनश्चापि गुडेन सह मिश्रयेत्

sarpirdadhimadhūnyeva samaṃ pātre hyudumbare || alābhe madhunaścāpi guḍena saha miśrayet

Sanskrit only: no published translation is held for this verse.

घृतालाभे तु सुश्रोणि लाजैः सह विमिश्रयेत् ।। अलाभे वापि दध्नश्च क्षीरेण सह मिश्रयेत्

ghṛtālābhe tu suśroṇi lājaiḥ saha vimiśrayet || alābhe vāpi dadhnaśca kṣīreṇa saha miśrayet

Sanskrit only: no published translation is held for this verse.

दधि क्षौद्रं घृतं चैव कारयेत समं तथा ।। समर्पयामि देवेश रुद्र सर्पिर्घृतं मधु

dadhi kṣaudraṃ ghṛtaṃ caiva kārayeta samaṃ tathā || samarpayāmi deveśa rudra sarpirghṛtaṃ madhu

Sanskrit only: no published translation is held for this verse.

सर्वेषामप्यलाभे तु मम कर्मपरायणाः ।। अप एव ततो गृह्य इमं मन्त्रमुदाहारेत्

sarveṣāmapyalābhe tu mama karmaparāyaṇāḥ || apa eva tato gṛhya imaṃ mantramudāhāret

Sanskrit only: no published translation is held for this verse.

मन्त्रः— योऽसौ भवान्नाभिमात्रप्रसूतो यज्ञैश्च मन्त्रैः सरहस्यजप्यैः ।। सोऽयं मया ते परिकल्पितश्च गृहाण दिव्यो मधुपर्क्कनामा

mantraḥ— yo'sau bhavānnābhimātraprasūto yajñaiśca mantraiḥ sarahasyajapyaiḥ || so'yaṃ mayā te parikalpitaśca gṛhāṇa divyo madhuparkkanāmā

Sanskrit only: no published translation is held for this verse.

यो ददाति महाभागे मयोक्तं विधिपूर्वकम् ।। सर्वयज्ञफलं प्राप्य मम लोकं प्रपद्यते

yo dadāti mahābhāge mayoktaṃ vidhipūrvakam || sarvayajñaphalaṃ prāpya mama lokaṃ prapadyate

Sanskrit only: no published translation is held for this verse.

अन्यच्च ते प्रवक्ष्यामि तच्छृणुष्व वसुन्धरे ।। यो वै प्राणान्प्रमुंचेत मम कर्मपरायणः

anyacca te pravakṣyāmi tacchṛṇuṣva vasundhare || yo vai prāṇānpramuṃceta mama karmaparāyaṇaḥ

Sanskrit only: no published translation is held for this verse.

तस्य चैवेह दातव्यं मन्त्रेण विधिपूर्वकम् ।। यावत्प्राणान्प्रमुंचेत कृत्वा कर्म सुपुष्कलम्

tasya caiveha dātavyaṃ mantreṇa vidhipūrvakam || yāvatprāṇānpramuṃceta kṛtvā karma supuṣkalam

Sanskrit only: no published translation is held for this verse.

मद्भक्तेन तु दातव्यं सर्वसंसारमोक्षणम् ।। दृष्ट्वा तु विह्वलं ह्येनं मम कर्मपरायणः

madbhaktena tu dātavyaṃ sarvasaṃsāramokṣaṇam || dṛṣṭvā tu vihvalaṃ hyenaṃ mama karmaparāyaṇaḥ

Sanskrit only: no published translation is held for this verse.

मधुपर्क्कं परं गृह्य चेमं मन्त्रमुदाहरेत्

madhuparkkaṃ paraṃ gṛhya cemaṃ mantramudāharet

Sanskrit only: no published translation is held for this verse.

मन्त्रः- योऽसौ भवांस्तिष्ठति सर्वदेहे नारायणः सर्वजगत्प्रधानः ।। गृहाण चैवं सुरलोकनाथ भक्तोपनीतं मधुपर्क्कसंज्ञम्

mantraḥ- yo'sau bhavāṃstiṣṭhati sarvadehe nārāyaṇaḥ sarvajagatpradhānaḥ || gṛhāṇa caivaṃ suralokanātha bhaktopanītaṃ madhuparkkasaṃjñam

Sanskrit only: no published translation is held for this verse.

अनेनैव तु मन्त्रेण दद्याच्च मधुपर्क्ककम् ।। नरस्य मृत्युकाले तु दद्यात्संसार मोक्षणम्

anenaiva tu mantreṇa dadyācca madhuparkkakam || narasya mṛtyukāle tu dadyātsaṃsāra mokṣaṇam

Sanskrit only: no published translation is held for this verse.

एषा गतिर्महाभागे मधुपर्क्कस्य कीर्त्तिता ।। एवं कश्चिन्न जानाति मधुपर्कं वसुन्धरे

eṣā gatirmahābhāge madhuparkkasya kīrttitā || evaṃ kaścinna jānāti madhuparkaṃ vasundhare

Sanskrit only: no published translation is held for this verse.

एवं हि मधुपर्क्कश्च देयः सिद्धिमभीप्सुभिः ।। अर्चित्वा देवदेवेशं सर्वसंसारनाशनम्

evaṃ hi madhuparkkaśca deyaḥ siddhimabhīpsubhiḥ || arcitvā devadeveśaṃ sarvasaṃsāranāśanam

Sanskrit only: no published translation is held for this verse.

ददाति मधुपर्कं यः स याति परमां गतिम् ।। अयं पवित्रो विमलः सर्वकाम विशोधनः

dadāti madhuparkaṃ yaḥ sa yāti paramāṃ gatim || ayaṃ pavitro vimalaḥ sarvakāma viśodhanaḥ

Sanskrit only: no published translation is held for this verse.

दीक्षिताय च दातव्यो यश्च शिष्यो गुरुप्रियः ।। न मूर्खाय प्रदातव्यमविनीताय कर्हिचित्

dīkṣitāya ca dātavyo yaśca śiṣyo gurupriyaḥ || na mūrkhāya pradātavyamavinītāya karhicit

Sanskrit only: no published translation is held for this verse.

शृणोति मधुपर्क्कस्य चाख्यानं पापनाशनम् ।। याति दिव्यां परां सिद्धिं मधुपर्क्कस्य कारणात्

śṛṇoti madhuparkkasya cākhyānaṃ pāpanāśanam || yāti divyāṃ parāṃ siddhiṃ madhuparkkasya kāraṇāt

Sanskrit only: no published translation is held for this verse.

एतत्ते कथितं भद्रे मधुपर्क्कविभावनम् ।। सर्वसंसारमोक्षार्थं यदीच्छेत्सिद्धिमुत्तमाम्

etatte kathitaṃ bhadre madhuparkkavibhāvanam || sarvasaṃsāramokṣārthaṃ yadīcchetsiddhimuttamām

Sanskrit only: no published translation is held for this verse.

राजद्वारे श्मशाने वा भये च व्यसने तथा ।। ये पठन्ति त्विमां शान्तिं शीघ्रं कार्यं भविष्यति

rājadvāre śmaśāne vā bhaye ca vyasane tathā || ye paṭhanti tvimāṃ śāntiṃ śīghraṃ kāryaṃ bhaviṣyati

Sanskrit only: no published translation is held for this verse.

अपुत्रो लभते पुत्रमभार्यश्च प्रियां लभेत् ।। अपतिर्लभते कान्तं बद्धो मुच्येत बन्धनात्

aputro labhate putramabhāryaśca priyāṃ labhet || apatirlabhate kāntaṃ baddho mucyeta bandhanāt

Sanskrit only: no published translation is held for this verse.

एतत्ते कथितं भूमे महाशान्तिं सुखावहाम् ।। सर्वसंसारमोक्षार्थं रहस्यं परमं महत्

etatte kathitaṃ bhūme mahāśāntiṃ sukhāvahām || sarvasaṃsāramokṣārthaṃ rahasyaṃ paramaṃ mahat

Sanskrit only: no published translation is held for this verse.

यस्त्वनेन विधानेन कुर्याच्छान्तिमनुत्तमाम्।। सर्वसङ्गान्परित्यज्य मम लोकं च गच्छति

yastvanena vidhānena kuryācchāntimanuttamām|| sarvasaṅgānparityajya mama lokaṃ ca gacchati

Sanskrit only: no published translation is held for this verse.

इति श्रीवराहपुराणे भगवच्छास्त्रे सर्वशान्तिकरणं नाम द्विनवत्यधिकशततमोऽध्यायः

iti śrīvarāhapurāṇe bhagavacchāstre sarvaśāntikaraṇaṃ nāma dvinavatyadhikaśatatamo'dhyāyaḥ

Sanskrit only: no published translation is held for this verse.