Varāha Purāṇa 195

भूम्यामनृतवादी च वेदजीवी च यो द्विजः ।। नक्षत्री च निमित्ती च चाण्डालाध्यापकस्तथा ।।195.१

bhūmyāmanṛtavādī ca vedajīvī ca yo dvijaḥ || nakṣatrī ca nimittī ca cāṇḍālādhyāpakastathā ||195.1

Sanskrit only: no published translation is held for this verse.

अथ यमलोकस्थपापिवर्णनम् ।। नाचिकेत उवाच ।। कथ्यमानं मया विप्राः शृण्वन्तु तपसि स्थिताः ।। नमश्च तस्मै देवाय धर्मराजाय धीमते

atha yamalokasthapāpivarṇanam || nāciketa uvāca || kathyamānaṃ mayā viprāḥ śṛṇvantu tapasi sthitāḥ || namaśca tasmai devāya dharmarājāya dhīmate

Sanskrit only: no published translation is held for this verse.

संसारं तु यथाशक्ति कथ्यमानं निबोधत ।। असत्यवादिनो ये च जन्तुस्त्रीबालघातकाः

saṃsāraṃ tu yathāśakti kathyamānaṃ nibodhata || asatyavādino ye ca jantustrībālaghātakāḥ

Sanskrit only: no published translation is held for this verse.

तथा ब्रह्महणः पापा ये च विश्वासघातकाः ।। ये ये शठाः कृतघ्नाश्च लोलुपाः पारदारिकाः

tathā brahmahaṇaḥ pāpā ye ca viśvāsaghātakāḥ || ye ye śaṭhāḥ kṛtaghnāśca lolupāḥ pāradārikāḥ

Sanskrit only: no published translation is held for this verse.

कन्यानां दूषका ये च ये च पापरता नराः ।। वेदानां दूषकाश्चैव वेदमार्गविहिंसकाः

kanyānāṃ dūṣakā ye ca ye ca pāparatā narāḥ || vedānāṃ dūṣakāścaiva vedamārgavihiṃsakāḥ

Sanskrit only: no published translation is held for this verse.

शूद्राणां याजकाश्चैव हाहाभूता द्विजातयः ।। अयाज्ययाजकाश्चैव ये ये कुष्ठयुता नराः

śūdrāṇāṃ yājakāścaiva hāhābhūtā dvijātayaḥ || ayājyayājakāścaiva ye ye kuṣṭhayutā narāḥ

Sanskrit only: no published translation is held for this verse.

सुरापो ब्रह्महा चैव यो द्विजो वीरघातकः ।। तथा वार्धुषिका ये च जिह्मप्रेक्षाश्च ये नराः

surāpo brahmahā caiva yo dvijo vīraghātakaḥ || tathā vārdhuṣikā ye ca jihmaprekṣāśca ye narāḥ

Sanskrit only: no published translation is held for this verse.

मातृत्यागी पितृत्यागी यः स्वसाध्वीं परित्यजेत् ।। गुरुद्वेषी दुराचारो दूताश्चाव्यक्तभाषिणः

mātṛtyāgī pitṛtyāgī yaḥ svasādhvīṃ parityajet || gurudveṣī durācāro dūtāścāvyaktabhāṣiṇaḥ

Sanskrit only: no published translation is held for this verse.

गृहक्षेत्रहरा ये च सेतुबन्धविनाशकाः।। अपुत्राश्चाप्यदाराश्च श्रद्धया च विवर्जिताः

gṛhakṣetraharā ye ca setubandhavināśakāḥ|| aputrāścāpyadārāśca śraddhayā ca vivarjitāḥ

Sanskrit only: no published translation is held for this verse.

अशौचा निर्दयाः पापा हिंसका व्रतभञ्जकाः ।। सोमविक्रयिणश्चैव स्त्रीजितः सर्वविक्रयी

aśaucā nirdayāḥ pāpā hiṃsakā vratabhañjakāḥ || somavikrayiṇaścaiva strījitaḥ sarvavikrayī

Sanskrit only: no published translation is held for this verse.

सर्वपापसुसङ्गाश्च चिन्तका येऽतिवैरिणः ।। स्वाम्यर्थे न हता ये च ये च युद्धपराङ्मुखाः

sarvapāpasusaṅgāśca cintakā ye'tivairiṇaḥ || svāmyarthe na hatā ye ca ye ca yuddhaparāṅmukhāḥ

Sanskrit only: no published translation is held for this verse.

परवित्तापहारी च राजघाती च यो नरः ।। अशक्तः पापघोषश्च तथा ये ह्यग्निजीविनः

paravittāpahārī ca rājaghātī ca yo naraḥ || aśaktaḥ pāpaghoṣaśca tathā ye hyagnijīvinaḥ

Sanskrit only: no published translation is held for this verse.

शुश्रूषया च मुक्ता ये लिङ्गिनः पापकर्मिणः ।। पात्रकारी चक्रिणश्च नरा ये चाप्यधार्मिकाः

śuśrūṣayā ca muktā ye liṅginaḥ pāpakarmiṇaḥ || pātrakārī cakriṇaśca narā ye cāpyadhārmikāḥ

Sanskrit only: no published translation is held for this verse.

देवागारांश्च सत्राणि तीर्थविक्रयिणस्तथा ।। व्रतविद्वेषिणो ये च तथाऽसद्वादिनो नराः

devāgārāṃśca satrāṇi tīrthavikrayiṇastathā || vratavidveṣiṇo ye ca tathā'sadvādino narāḥ

Sanskrit only: no published translation is held for this verse.

मिथ्या च नखरोमाणि धारयन्ति च ये नराः ।। कूटा वक्रस्वभावाश्च कूटशासनकारिणः

mithyā ca nakharomāṇi dhārayanti ca ye narāḥ || kūṭā vakrasvabhāvāśca kūṭaśāsanakāriṇaḥ

Sanskrit only: no published translation is held for this verse.

अज्ञानादव्रती यश्च यश्चाश्रमबहिष्कृतः ।। विप्रकीर्णप्रतिग्राही सूचकस्तीर्थनाशकः

ajñānādavratī yaśca yaścāśramabahiṣkṛtaḥ || viprakīrṇapratigrāhī sūcakastīrthanāśakaḥ

Sanskrit only: no published translation is held for this verse.

कलही च प्रतर्क्यश्च निष्ठुरश्च नराधमः।। एते चान्ये च बहवो ह्यनिर्दिष्टाः सहस्रशः

kalahī ca pratarkyaśca niṣṭhuraśca narādhamaḥ|| ete cānye ca bahavo hyanirdiṣṭāḥ sahasraśaḥ

Sanskrit only: no published translation is held for this verse.

स्त्रियो नराश्च गच्छन्ति यत्र तच्छृणुतामलाः ।। कुर्वन्तीह यथा सर्वे तत्र गत्वा यमालये

striyo narāśca gacchanti yatra tacchṛṇutāmalāḥ || kurvantīha yathā sarve tatra gatvā yamālaye

Sanskrit only: no published translation is held for this verse.

तानि वै कथयिष्यामि श्रूयतां द्विजसत्तमाः ।। वैशम्पायन उवाच ।। एवं तस्य वचः श्रुत्वा सर्व एव तपोधनाः

tāni vai kathayiṣyāmi śrūyatāṃ dvijasattamāḥ || vaiśampāyana uvāca || evaṃ tasya vacaḥ śrutvā sarva eva tapodhanāḥ

Sanskrit only: no published translation is held for this verse.

पप्रच्छुर्विस्मयाविष्टा नाचिकेतमृषिं तदा ।। ऋषय ऊचुः ।। त्वया सर्वं यथा दृष्टं ब्रूहि तत्र विदां वर

papracchurvismayāviṣṭā nāciketamṛṣiṃ tadā || ṛṣaya ūcuḥ || tvayā sarvaṃ yathā dṛṣṭaṃ brūhi tatra vidāṃ vara

Sanskrit only: no published translation is held for this verse.

यथास्वरूपः कालोऽसौ येन सर्वं प्रवर्त्तते ।। इह कर्माणि यः कृत्वा पुरुषो ह्यल्पचेतनः

yathāsvarūpaḥ kālo'sau yena sarvaṃ pravarttate || iha karmāṇi yaḥ kṛtvā puruṣo hyalpacetanaḥ

Sanskrit only: no published translation is held for this verse.

वारयेत्स तदा तं तु ब्रह्मलोके च स प्रभुः ।। कल्पान्तं पच्यमानोऽपि दह्यमानोपि वा पुनः

vārayetsa tadā taṃ tu brahmaloke ca sa prabhuḥ || kalpāntaṃ pacyamāno'pi dahyamānopi vā punaḥ

Sanskrit only: no published translation is held for this verse.

न नाशो हि शरीरस्य तस्मिन्देशे तपोधनाः ।। यस्य यस्य हि यत्कर्म पच्यमानः पुनः पुनः

na nāśo hi śarīrasya tasmindeśe tapodhanāḥ || yasya yasya hi yatkarma pacyamānaḥ punaḥ punaḥ

Sanskrit only: no published translation is held for this verse.

अवश्यं चैव गन्तव्यं तस्य पार्श्वं पुनःपुनः ।। न तु त्रासाद्द्विजः शक्तस्तत्र गन्तुं हि कश्चन

avaśyaṃ caiva gantavyaṃ tasya pārśvaṃ punaḥpunaḥ || na tu trāsāddvijaḥ śaktastatra gantuṃ hi kaścana

Sanskrit only: no published translation is held for this verse.

न गच्छन्ति च ये तत्र दानेन निगमेन च ।। वैतरण्याश्च यद्रूपं किंतोयं च वहत्यसौ

na gacchanti ca ye tatra dānena nigamena ca || vaitaraṇyāśca yadrūpaṃ kiṃtoyaṃ ca vahatyasau

Sanskrit only: no published translation is held for this verse.

रौरवो वा कथं विप्र किंरूपं कूटशाल्मलेः ।। कीदृशा वा हि ते दूताः किं कार्याः किं पराक्रमाः

rauravo vā kathaṃ vipra kiṃrūpaṃ kūṭaśālmaleḥ || kīdṛśā vā hi te dūtāḥ kiṃ kāryāḥ kiṃ parākramāḥ

Sanskrit only: no published translation is held for this verse.

किं च किंच तु कुर्वाणाः किंच किंच समाचरन् ।। न चेतो लभते जन्तुच्छादितं पूर्वतेजसा

kiṃ ca kiṃca tu kurvāṇāḥ kiṃca kiṃca samācaran || na ceto labhate jantucchāditaṃ pūrvatejasā

Sanskrit only: no published translation is held for this verse.

धृतिं न लभते किंचित्तैस्तैर्दोषैः सुवासिताः ।। दोषं सत्यमजानन्तस्तथा मोहेन मोहिताः

dhṛtiṃ na labhate kiṃcittaistairdoṣaiḥ suvāsitāḥ || doṣaṃ satyamajānantastathā mohena mohitāḥ

Sanskrit only: no published translation is held for this verse.

बोद्धव्यं नावबुध्यन्ते गुणानां तु गुणोत्तरम् ।। हाहाभूताश्च चिंतार्त्ताः सर्वदोषसमन्विताः

boddhavyaṃ nāvabudhyante guṇānāṃ tu guṇottaram || hāhābhūtāśca ciṃtārttāḥ sarvadoṣasamanvitāḥ

Sanskrit only: no published translation is held for this verse.

परं परमजानन्तो रमन्ते कस्य मायया ।। क्लिश्यन्ते बहवस्तत्र कृत्वा पापमचेतसः

paraṃ paramajānanto ramante kasya māyayā || kliśyante bahavastatra kṛtvā pāpamacetasaḥ

Sanskrit only: no published translation is held for this verse.

एतत्कथय वत्स त्वं यतः प्रत्यक्षदर्शिवान्

etatkathaya vatsa tvaṃ yataḥ pratyakṣadarśivān

Sanskrit only: no published translation is held for this verse.

इति श्रीवराहपुराणे संसारचक्रे यमलोकस्थपापिवर्णनं नाम पञ्चनवत्यधिकशततमोऽध्यायः

iti śrīvarāhapurāṇe saṃsāracakre yamalokasthapāpivarṇanaṃ nāma pañcanavatyadhikaśatatamo'dhyāyaḥ

Sanskrit only: no published translation is held for this verse.