Varāha Purāṇa 198

अथ संसारचक्रयातनास्वरूपवर्णनम् ।। वर्त्तमानः सभामध्ये राजा प्रेतपुराधिपः ।। मामेकमृषभं तत्र दर्शनं च ददौ यमः

atha saṃsāracakrayātanāsvarūpavarṇanam || varttamānaḥ sabhāmadhye rājā pretapurādhipaḥ || māmekamṛṣabhaṃ tatra darśanaṃ ca dadau yamaḥ

Sanskrit only: no published translation is held for this verse.

याथातथ्येन मे पूजा कार्येण विधिनाऽकरोत् ।। आसनं पाद्यमर्घ्यं च वेददृष्टेन कर्मणा

yāthātathyena me pūjā kāryeṇa vidhinā'karot || āsanaṃ pādyamarghyaṃ ca vedadṛṣṭena karmaṇā

Sanskrit only: no published translation is held for this verse.

अब्रवीच्च पुनर्हृष्टो ह्यास्यतां च वरासने ।। कांचने कुशसंच्छन्ने दिव्यपुष्पोपशोभिते

abravīcca punarhṛṣṭo hyāsyatāṃ ca varāsane || kāṃcane kuśasaṃcchanne divyapuṣpopaśobhite

Sanskrit only: no published translation is held for this verse.

तस्य वक्त्रं महारौद्रं नित्यमेव भयानकम् ।। पश्यतस्तस्य मां विप्रास्ततः सौम्यतरं बभौ

tasya vaktraṃ mahāraudraṃ nityameva bhayānakam || paśyatastasya māṃ viprāstataḥ saumyataraṃ babhau

Sanskrit only: no published translation is held for this verse.

लोहिते तस्य वै नेत्रे जल्पतश्च पुनःपुनः ।। पद्मपत्रनिभे चैव जज्ञाते मम सौहृदात्

lohite tasya vai netre jalpataśca punaḥpunaḥ || padmapatranibhe caiva jajñāte mama sauhṛdāt

Sanskrit only: no published translation is held for this verse.

ततोऽहं तस्य भावेन भावितश्च पुनःपुनः ।। प्रहृष्टमानसो जातो विश्वासं च परं गतः

tato'haṃ tasya bhāvena bhāvitaśca punaḥpunaḥ || prahṛṣṭamānaso jāto viśvāsaṃ ca paraṃ gataḥ

Sanskrit only: no published translation is held for this verse.

तस्य प्रीतिकरं सद्यः सर्वदोषविनाशनम् ।। कामदं च यशोदं च दैवतैश्चापि पूजितम्

tasya prītikaraṃ sadyaḥ sarvadoṣavināśanam || kāmadaṃ ca yaśodaṃ ca daivataiścāpi pūjitam

Sanskrit only: no published translation is held for this verse.

कालवृद्धिकरं स्तोत्रं क्षिप्रं तत्र उदीरयन् ।। येन प्रीतो महातेजा यमः परमधार्मिकः

kālavṛddhikaraṃ stotraṃ kṣipraṃ tatra udīrayan || yena prīto mahātejā yamaḥ paramadhārmikaḥ

Sanskrit only: no published translation is held for this verse.

ऋषिपुत्र उवाच ।। त्वं धाता च विधाता च श्राद्धे चैव हि दृश्यसे ।। पितॄणां परमो देवश्चतुष्पाद नमोऽस्तु ते

ṛṣiputra uvāca || tvaṃ dhātā ca vidhātā ca śrāddhe caiva hi dṛśyase || pitṝṇāṃ paramo devaścatuṣpāda namo'stu te

Sanskrit only: no published translation is held for this verse.

कालज्ञश्च कृतज्ञश्च सत्यवादी दृढव्रतः ।। प्रेतनाथ महाभाग धर्मराज नमोऽस्तु ते

kālajñaśca kṛtajñaśca satyavādī dṛḍhavrataḥ || pretanātha mahābhāga dharmarāja namo'stu te

Sanskrit only: no published translation is held for this verse.

कर्म कारयिता चैव भूतभव्य भवत्प्रभो ।। पावको मोहनश्चैव संक्षेपो विस्तरस्तथा

karma kārayitā caiva bhūtabhavya bhavatprabho || pāvako mohanaścaiva saṃkṣepo vistarastathā

Sanskrit only: no published translation is held for this verse.

दण्डपाणे विरूपाक्ष पाशहस्त नमोऽस्तु ते ।। आदित्यसदृशाकार सर्वजीवहर प्रभो

daṇḍapāṇe virūpākṣa pāśahasta namo'stu te || ādityasadṛśākāra sarvajīvahara prabho

Sanskrit only: no published translation is held for this verse.

कृष्णवर्ण दुराधर्ष तैलरूप नमोऽस्तु ते ।। मार्तण्डसदृश श्रीमन्मार्तण्डसदृशद्युतिः

kṛṣṇavarṇa durādharṣa tailarūpa namo'stu te || mārtaṇḍasadṛśa śrīmanmārtaṇḍasadṛśadyutiḥ

Sanskrit only: no published translation is held for this verse.

हव्यकव्यवहस्त्वं हि प्रभविष्णो नमोऽस्तु ते ।। पापहन्ता व्रती श्राद्धा नित्ययुक्तो महातपाः

havyakavyavahastvaṃ hi prabhaviṣṇo namo'stu te || pāpahantā vratī śrāddhā nityayukto mahātapāḥ

Sanskrit only: no published translation is held for this verse.

एकदृग्बहुदृग्भूत्वा काल मृत्यो नमोऽस्तु ते।। क्वचिद्दण्डी क्वचिन्मुण्डी क्वचित् कालो दुरासदः

ekadṛgbahudṛgbhūtvā kāla mṛtyo namo'stu te|| kvaciddaṇḍī kvacinmuṇḍī kvacit kālo durāsadaḥ

Sanskrit only: no published translation is held for this verse.

क्वचिद्बालः क्वचिद्वृद्धः क्वचिद्रौद्रो नमोऽस्तु ते ।। त्वया विराजितो लोकः शासितो धर्महेतुना

kvacidbālaḥ kvacidvṛddhaḥ kvacidraudro namo'stu te || tvayā virājito lokaḥ śāsito dharmahetunā

Sanskrit only: no published translation is held for this verse.

प्रत्यक्ष्यं दृश्यते देव त्वां विना न च सिध्यति ।। देवानां परमो देवस्तपसां परमं तपः

pratyakṣyaṃ dṛśyate deva tvāṃ vinā na ca sidhyati || devānāṃ paramo devastapasāṃ paramaṃ tapaḥ

Sanskrit only: no published translation is held for this verse.

जपानां परमं जप्यं त्वत्तश्चान्यो न दृश्यते ।। ऋषयो वा तथा क्रुद्धा हतबन्धुसुहृज्जनाः

japānāṃ paramaṃ japyaṃ tvattaścānyo na dṛśyate || ṛṣayo vā tathā kruddhā hatabandhusuhṛjjanāḥ

Sanskrit only: no published translation is held for this verse.

पतिव्रतास्तु या नार्यो दुःखितास्तपसि स्थिताः ।। न त्वं शक्त इह स्थानात्पातनाय कदाचन

pativratāstu yā nāryo duḥkhitāstapasi sthitāḥ || na tvaṃ śakta iha sthānātpātanāya kadācana

Sanskrit only: no published translation is held for this verse.

तस्मात्त्वं सर्वदेवेषु चैको धर्मभृतां वरः ।। कृतज्ञः सत्यवादी च सर्वभूतहिते रतः

tasmāttvaṃ sarvadeveṣu caiko dharmabhṛtāṃ varaḥ || kṛtajñaḥ satyavādī ca sarvabhūtahite rataḥ

Sanskrit only: no published translation is held for this verse.

वैशम्पायन उवाच ।। एवं श्रुत्वा स्तवं दिव्यमृषिपुत्रेण भाषितम् ।। परितुष्टस्तदा धर्मो ह्यौद्दालकसुतं प्रति

vaiśampāyana uvāca || evaṃ śrutvā stavaṃ divyamṛṣiputreṇa bhāṣitam || parituṣṭastadā dharmo hyauddālakasutaṃ prati

Sanskrit only: no published translation is held for this verse.

यम उवाच ।। परितुष्टोऽस्मि भद्रं ते माधुर्येण तवानघ ।। याथातथ्येन वाक्येन ब्रूहि किं करवाणि ते

yama uvāca || parituṣṭo'smi bhadraṃ te mādhuryeṇa tavānagha || yāthātathyena vākyena brūhi kiṃ karavāṇi te

Sanskrit only: no published translation is held for this verse.

वरं वरय भद्रं ते यं वरं काङ्क्षसे द्विज ।। शुभं वा श्रेयसा युक्तं जीवितं वाप्यनामयम्

varaṃ varaya bhadraṃ te yaṃ varaṃ kāṅkṣase dvija || śubhaṃ vā śreyasā yuktaṃ jīvitaṃ vāpyanāmayam

Sanskrit only: no published translation is held for this verse.

ऋषिपुत्र उवाच।। नेच्छाम्यहं महाभाग मृत्युं वा जीवितं प्रभो ।। यदि त्वं वरदो राजन्सर्वभूतहिते रतः

ṛṣiputra uvāca|| necchāmyahaṃ mahābhāga mṛtyuṃ vā jīvitaṃ prabho || yadi tvaṃ varado rājansarvabhūtahite rataḥ

Sanskrit only: no published translation is held for this verse.

द्रष्टुमिच्छाम्यहं देव तव देशं यथातथम् ।। पापानां च शुभानां च या गतिस्त्विह दृश्यते

draṣṭumicchāmyahaṃ deva tava deśaṃ yathātatham || pāpānāṃ ca śubhānāṃ ca yā gatistviha dṛśyate

Sanskrit only: no published translation is held for this verse.

सर्वं दर्शय मे राजन्यदि त्वं वरदो मम ।। चित्रगुप्तं च तं राजन्कार्यार्थं तव चिन्तकम्

sarvaṃ darśaya me rājanyadi tvaṃ varado mama || citraguptaṃ ca taṃ rājankāryārthaṃ tava cintakam

Sanskrit only: no published translation is held for this verse.

दर्शयस्व महाभाग सर्वलोकस्य चिन्तक ।। यथा कर्मविशेषाणां दर्शनार्थं करोति सः

darśayasva mahābhāga sarvalokasya cintaka || yathā karmaviśeṣāṇāṃ darśanārthaṃ karoti saḥ

Sanskrit only: no published translation is held for this verse.

एवमुक्तो महातेजा द्वारस्थं संदिदेश ह ।। चित्रगुप्तसकाशं तु नय विप्रं सुयन्त्रितम्

evamukto mahātejā dvārasthaṃ saṃdideśa ha || citraguptasakāśaṃ tu naya vipraṃ suyantritam

Sanskrit only: no published translation is held for this verse.

वक्तव्यश्च महाबाहुरस्मिन्विप्रे यथातथम् ।। प्राप्तकालं च युक्तं च तत्सर्वं वक्तुमर्हसि

vaktavyaśca mahābāhurasminvipre yathātatham || prāptakālaṃ ca yuktaṃ ca tatsarvaṃ vaktumarhasi

Sanskrit only: no published translation is held for this verse.

ततोऽहं त्वरितं नीतस्तेन दूतेन दर्शितः ।। प्राप्तश्च परया प्रीत्या चित्रगुप्तनिवेशनम्

tato'haṃ tvaritaṃ nītastena dūtena darśitaḥ || prāptaśca parayā prītyā citraguptaniveśanam

Sanskrit only: no published translation is held for this verse.

प्रत्युत्थितश्च मां दृष्ट्वा चिन्तयित्वा तु तत्त्वतः ।। स्वागतं मुनिशार्दूल यथेष्टं परिगम्यताम्

pratyutthitaśca māṃ dṛṣṭvā cintayitvā tu tattvataḥ || svāgataṃ muniśārdūla yatheṣṭaṃ parigamyatām

Sanskrit only: no published translation is held for this verse.

एवं सम्भाष्य मां वीरः स्वान्भृत्यान्सन्दिदेश ह ।। कृताञ्जलिपुटान्सर्वान्घोररूपान्भयानकान्

evaṃ sambhāṣya māṃ vīraḥ svānbhṛtyānsandideśa ha || kṛtāñjalipuṭānsarvānghorarūpānbhayānakān

Sanskrit only: no published translation is held for this verse.

चित्रगुप्त उवाच ।। भो भो शृणुत मे दूता मम चित्तानुवर्त्तकाः ।। भक्तिमन्तो दुराधर्षा नित्यं व्रतपरायणाः

citragupta uvāca || bho bho śṛṇuta me dūtā mama cittānuvarttakāḥ || bhaktimanto durādharṣā nityaṃ vrataparāyaṇāḥ

Sanskrit only: no published translation is held for this verse.

अयं विप्रो मयादिष्टः प्रेतावासं गमिष्यति ।। अस्य रक्षा च गुप्तिश्च भवद्भिः क्रियतामिति

ayaṃ vipro mayādiṣṭaḥ pretāvāsaṃ gamiṣyati || asya rakṣā ca guptiśca bhavadbhiḥ kriyatāmiti

Sanskrit only: no published translation is held for this verse.

नैव दुःखेन खेदः स्यान्न चोष्णेन च शीततः ।। भुक्षापि तृषा वापि एष आज्ञापयामि वः

naiva duḥkhena khedaḥ syānna coṣṇena ca śītataḥ || bhukṣāpi tṛṣā vāpi eṣa ājñāpayāmi vaḥ

Sanskrit only: no published translation is held for this verse.

एवं दत्तवरो विप्रो गुरुचित्तानुचिन्तकः ।। सर्वभूतदयावांश्च द्रव्यवांश्च स वै द्विजः

evaṃ dattavaro vipro gurucittānucintakaḥ || sarvabhūtadayāvāṃśca dravyavāṃśca sa vai dvijaḥ

Sanskrit only: no published translation is held for this verse.

यथाकाममयं पश्येद्धर्म्मराजपुरोत्तमम् ।। एवमुक्त्वा महातेजा गच्छ गच्छेति चाब्रवीत्

yathākāmamayaṃ paśyeddharmmarājapurottamam || evamuktvā mahātejā gaccha gaccheti cābravīt

Sanskrit only: no published translation is held for this verse.

ऋषिपुत्र उवाच ।। सन्दिष्टाश्च ततो दूताश्चित्रगुप्तेन धीमता ।। धावन्तस्त्वरमाणास्तु गृह्णन्तो घ्नन्त एव च

ṛṣiputra uvāca || sandiṣṭāśca tato dūtāścitraguptena dhīmatā || dhāvantastvaramāṇāstu gṛhṇanto ghnanta eva ca

Sanskrit only: no published translation is held for this verse.

बन्धयन्ति महाकाया निर्दहन्ति महाबलाः ।। पाटयन्ति प्रहारैश्च ताडयन्ति पुनः पुनः

bandhayanti mahākāyā nirdahanti mahābalāḥ || pāṭayanti prahāraiśca tāḍayanti punaḥ punaḥ

Sanskrit only: no published translation is held for this verse.

वेणुयष्टिप्रहारैश्च प्रहरन्ति ततोऽधिकैः ।। भग्ना भिन्ना विभिन्नाश्च तथा भग्नशिरोधराः

veṇuyaṣṭiprahāraiśca praharanti tato'dhikaiḥ || bhagnā bhinnā vibhinnāśca tathā bhagnaśirodharāḥ

Sanskrit only: no published translation is held for this verse.

रुदन्ति करुणं घोरं त्रातारं नाप्नुवन्ति ते ।। नरकेऽपि तथा पूर्णे ह्यगाधे तमसावृते

rudanti karuṇaṃ ghoraṃ trātāraṃ nāpnuvanti te || narake'pi tathā pūrṇe hyagādhe tamasāvṛte

Sanskrit only: no published translation is held for this verse.

केचिच्च तेषु पच्यन्ते दह्यन्ते पावकेन्धनम् ।। तैलपाके तथा केचित्केचित्क्षारेण सर्पिषा

kecicca teṣu pacyante dahyante pāvakendhanam || tailapāke tathā kecitkecitkṣāreṇa sarpiṣā

Sanskrit only: no published translation is held for this verse.

पतन्ति ते दुरात्मानस्तत्र तत्र च कर्मभिः ।। यातनाभिर्दह्यमाना घोराभिश्च ततस्ततः

patanti te durātmānastatra tatra ca karmabhiḥ || yātanābhirdahyamānā ghorābhiśca tatastataḥ

Sanskrit only: no published translation is held for this verse.

केचिद्यन्त्रमुपारोप्य संपीड्यन्ते तिला इव ।। तेषां संपीड्यमानानां शोणितं स्रवते बहु

kecidyantramupāropya saṃpīḍyante tilā iva || teṣāṃ saṃpīḍyamānānāṃ śoṇitaṃ sravate bahu

Sanskrit only: no published translation is held for this verse.

ततो वैतरणी घोरा संभूता निम्नगा तथा ।। सफेनसलिलावर्त्ता दुस्तरा पापकर्मिणाम्

tato vaitaraṇī ghorā saṃbhūtā nimnagā tathā || saphenasalilāvarttā dustarā pāpakarmiṇām

Sanskrit only: no published translation is held for this verse.

अथान्ये शूल आरोप्य दूताः पादेषु गृह्य वै ।। वैतरण्यां सुघोरायां प्रक्षिपन्ति सहस्रशः

athānye śūla āropya dūtāḥ pādeṣu gṛhya vai || vaitaraṇyāṃ sughorāyāṃ prakṣipanti sahasraśaḥ

Sanskrit only: no published translation is held for this verse.

नानुष्णे रुधिरे तत्र फेनमालासमाकुलाः ।। दशन्ति सर्पास्तांस्तत्र प्राणिनस्तु सहस्रशः

nānuṣṇe rudhire tatra phenamālāsamākulāḥ || daśanti sarpāstāṃstatra prāṇinastu sahasraśaḥ

Sanskrit only: no published translation is held for this verse.

अनुत्तार्य तदा तस्या उच्छ्रिता विकृतावशाः ।। आवर्त्तादूर्मयश्चैव ह्युत्तिष्ठन्ति सहस्रशः

anuttārya tadā tasyā ucchritā vikṛtāvaśāḥ || āvarttādūrmayaścaiva hyuttiṣṭhanti sahasraśaḥ

Sanskrit only: no published translation is held for this verse.

तत्र शुष्यन्ति ते पापाः सर्वदोषसमन्विताः ।। मज्जन्तश्च वमन्तश्च त्रातारं नाप्नुवन्ति ते

tatra śuṣyanti te pāpāḥ sarvadoṣasamanvitāḥ || majjantaśca vamantaśca trātāraṃ nāpnuvanti te

Sanskrit only: no published translation is held for this verse.

अथान्ये बहवस्तत्र बहुभिश्चापि दूतकैः ।। कूटशाल्मलिमारोप्य लोहकण्टकसंवृताम्

athānye bahavastatra bahubhiścāpi dūtakaiḥ || kūṭaśālmalimāropya lohakaṇṭakasaṃvṛtām

Sanskrit only: no published translation is held for this verse.

असिशक्तिप्रहारैश्च ताडयन्ति पुनःपुनः ।। तत्र शाखासु घोरासु मया दृष्टाः सहस्रशः

asiśaktiprahāraiśca tāḍayanti punaḥpunaḥ || tatra śākhāsu ghorāsu mayā dṛṣṭāḥ sahasraśaḥ

Sanskrit only: no published translation is held for this verse.

कूष्माण्डा यातुधानाश्च लंबमाना भयानकाः ।। अतिक्रम्य च ते स्कन्धास्तीक्ष्णकण्टकसङ्कुलाः

kūṣmāṇḍā yātudhānāśca laṃbamānā bhayānakāḥ || atikramya ca te skandhāstīkṣṇakaṇṭakasaṅkulāḥ

Sanskrit only: no published translation is held for this verse.

वेदनार्त्तास्तु वेगेन शीघ्रं शाखा उपारुहन् ।। तत्र ते निहता घोरा राक्षसाः पिशिताशनाः।

vedanārttāstu vegena śīghraṃ śākhā upāruhan || tatra te nihatā ghorā rākṣasāḥ piśitāśanāḥ|

Sanskrit only: no published translation is held for this verse.

घ्नन्ति चारूढगात्राणि निःशङ्कं तमसा वृतम् ।। संक्रमाच्चैव खादन्ति शालायां कपिवद्भृशम्

ghnanti cārūḍhagātrāṇi niḥśaṅkaṃ tamasā vṛtam || saṃkramāccaiva khādanti śālāyāṃ kapivadbhṛśam

Sanskrit only: no published translation is held for this verse.

यथा च कुक्कुटं खादेत् कश्चिन्म्लेच्छो निराकृतः ।। तथा कटकटाशब्दस्तस्मिन्वृक्षे मया श्रुतः

yathā ca kukkuṭaṃ khādet kaścinmleccho nirākṛtaḥ || tathā kaṭakaṭāśabdastasminvṛkṣe mayā śrutaḥ

Sanskrit only: no published translation is held for this verse.

पक्वमाम्रफलं यद्वन्नरः खादेद्यथा वने ।। एवं ते मुखतः कृत्वा महावक्त्रा दुरासदाः

pakvamāmraphalaṃ yadvannaraḥ khādedyathā vane || evaṃ te mukhataḥ kṛtvā mahāvaktrā durāsadāḥ

Sanskrit only: no published translation is held for this verse.

ततो जवेन संयुक्ता वनस्थाश्चूषिताः पुनः ।। आविष्टानि च कर्माणि पुनः शीघ्रमकामयन्

tato javena saṃyuktā vanasthāścūṣitāḥ punaḥ || āviṣṭāni ca karmāṇi punaḥ śīghramakāmayan

Sanskrit only: no published translation is held for this verse.

अधस्तात्तु पुनस्तत्र पश्यन्तः पापकर्मिणः ।। बहुसंख्येषु पापेषु दारुणेषु सुदुःखिताः

adhastāttu punastatra paśyantaḥ pāpakarmiṇaḥ || bahusaṃkhyeṣu pāpeṣu dāruṇeṣu suduḥkhitāḥ

Sanskrit only: no published translation is held for this verse.

भो देव पाहि मुञ्चेति वदन्तः पुरुषं वचः ।। यमदूता निरामर्षाः सूदयन्ति पुनः पुनः

bho deva pāhi muñceti vadantaḥ puruṣaṃ vacaḥ || yamadūtā nirāmarṣāḥ sūdayanti punaḥ punaḥ

Sanskrit only: no published translation is held for this verse.

पाषाणवर्षैः केचित्तु पांसुवर्षैश्च विद्रुताः ।। प्रविशन्ति नगच्छायां ततस्ते प्रज्वलन्ति तु

pāṣāṇavarṣaiḥ kecittu pāṃsuvarṣaiśca vidrutāḥ || praviśanti nagacchāyāṃ tataste prajvalanti tu

Sanskrit only: no published translation is held for this verse.

द्रवन्ति च पुनस्तत्र दूतैश्चापि दृढं हताः ।। भुवनेषु च घोरेषु पच्यन्ते ते दृढाग्निना

dravanti ca punastatra dūtaiścāpi dṛḍhaṃ hatāḥ || bhuvaneṣu ca ghoreṣu pacyante te dṛḍhāgninā

Sanskrit only: no published translation is held for this verse.

वारिपूर्णं ततः कुम्भं शीतलं च जलं पुनः ।। दीयतां दीयतां चेति ब्रुवते नः प्रसीदथ

vāripūrṇaṃ tataḥ kumbhaṃ śītalaṃ ca jalaṃ punaḥ || dīyatāṃ dīyatāṃ ceti bruvate naḥ prasīdatha

Sanskrit only: no published translation is held for this verse.

ततः पानीयरूपेण जलं तप्तं तु दीयते ।। तेन दग्धाश्च आर्त्ताश्च क्रोशन्तश्च परस्परम्

tataḥ pānīyarūpeṇa jalaṃ taptaṃ tu dīyate || tena dagdhāśca ārttāśca krośantaśca parasparam

Sanskrit only: no published translation is held for this verse.

आलिङ्ग्यालिङ्ग्य दुःखार्त्ताः केचित्तत्र पतन्ति वै ।। तथान्ये क्षुधितास्तत्र हाहाभूतमचेतसः

āliṅgyāliṅgya duḥkhārttāḥ kecittatra patanti vai || tathānye kṣudhitāstatra hāhābhūtamacetasaḥ

Sanskrit only: no published translation is held for this verse.

अन्नानां च सुमिष्टानां भक्ष्याणां च विशेषतः ।। पश्यन्ति राशिं तत्रस्थां सुगन्धां पर्वतोपमाम्

annānāṃ ca sumiṣṭānāṃ bhakṣyāṇāṃ ca viśeṣataḥ || paśyanti rāśiṃ tatrasthāṃ sugandhāṃ parvatopamām

Sanskrit only: no published translation is held for this verse.

दधिक्षीररसांश्चैव कृसरान्पायसं तथा ।। मधुमाधवपूर्णानि सुरामैरेयकस्य च

dadhikṣīrarasāṃścaiva kṛsarānpāyasaṃ tathā || madhumādhavapūrṇāni surāmaireyakasya ca

Sanskrit only: no published translation is held for this verse.

माध्वीकस्य च पानस्य सीधोर्जातीरसस्य च ।। पानानि दिव्यानि सुगन्धीनि वै शीतलानिच

mādhvīkasya ca pānasya sīdhorjātīrasasya ca || pānāni divyāni sugandhīni vai śītalānica

Sanskrit only: no published translation is held for this verse.

गोरसस्य च पानानि भाजनानि च नित्यशः ।। तपोऽर्जितानि दिव्यानि तिष्ठन्ति सुकृतात्मनाम्

gorasasya ca pānāni bhājanāni ca nityaśaḥ || tapo'rjitāni divyāni tiṣṭhanti sukṛtātmanām

Sanskrit only: no published translation is held for this verse.

माल्यानि धूपं गन्धाश्च नानारससमायुताः ।। मनोहराश्च कान्ताश्च भूयिष्ठाश्च सहस्रशः

mālyāni dhūpaṃ gandhāśca nānārasasamāyutāḥ || manoharāśca kāntāśca bhūyiṣṭhāśca sahasraśaḥ

Sanskrit only: no published translation is held for this verse.

भोजनेषु च सर्वेषु स्त्रियः कान्ता मनोहराः ।। गृहीतकुम्भमणिकाः सर्वाभरणभूषिताः

bhojaneṣu ca sarveṣu striyaḥ kāntā manoharāḥ || gṛhītakumbhamaṇikāḥ sarvābharaṇabhūṣitāḥ

Sanskrit only: no published translation is held for this verse.

फलानि कुण्डहस्ताश्च पात्रहस्तास्तथापराः ।। सुमनःपाद्य हस्ताश्च अदीना परमाङ्गनाः

phalāni kuṇḍahastāśca pātrahastāstathāparāḥ || sumanaḥpādya hastāśca adīnā paramāṅganāḥ

Sanskrit only: no published translation is held for this verse.

अन्नदानरताश्चैव भोजयन्ति सहस्रशः ।। नूपुरोज्वलपादाश्च तिष्ठन्ति च मनोहराः

annadānaratāścaiva bhojayanti sahasraśaḥ || nūpurojvalapādāśca tiṣṭhanti ca manoharāḥ

Sanskrit only: no published translation is held for this verse.

उपस्थाप्य महायोग्यमत्र काले च योषितः ।। ब्रुवन्ति सर्वास्ताश्चैव तस्यां तस्य च दक्षिणाः

upasthāpya mahāyogyamatra kāle ca yoṣitaḥ || bruvanti sarvāstāścaiva tasyāṃ tasya ca dakṣiṇāḥ

Sanskrit only: no published translation is held for this verse.

पापाशया निष्कृतिकाः सर्वदानविवर्जिताः ।। परापवादनिरताः पापैर्बद्धकथानकाः

pāpāśayā niṣkṛtikāḥ sarvadānavivarjitāḥ || parāpavādaniratāḥ pāpairbaddhakathānakāḥ

Sanskrit only: no published translation is held for this verse.

निर्लज्जा गृहका देया याचितुं मनसा हिताः ।। सुलभानि न दत्तानि विभवे सति लौकिके

nirlajjā gṛhakā deyā yācituṃ manasā hitāḥ || sulabhāni na dattāni vibhave sati laukike

Sanskrit only: no published translation is held for this verse.

पानीयमथ काष्ठानि यद्यन्नं सुखमागतम् ।। तेन वध्या भवन्तो वै यातनाभिरनेकशः

pānīyamatha kāṣṭhāni yadyannaṃ sukhamāgatam || tena vadhyā bhavanto vai yātanābhiranekaśaḥ

Sanskrit only: no published translation is held for this verse.

निघ्नन्तश्च हसन्तश्च दूता निष्ठुरवादिनः ।। भोभो कृतघ्ना लुब्धाश्च परदाराभिमर्शकाः

nighnantaśca hasantaśca dūtā niṣṭhuravādinaḥ || bhobho kṛtaghnā lubdhāśca paradārābhimarśakāḥ

Sanskrit only: no published translation is held for this verse.

कुलेषु सुदरिद्रेषु सञ्जाताः पापकर्मिणः।। पापैरनुगता घोरैर्मानुषं लोकमाश्रिताः

kuleṣu sudaridreṣu sañjātāḥ pāpakarmiṇaḥ|| pāpairanugatā ghorairmānuṣaṃ lokamāśritāḥ

Sanskrit only: no published translation is held for this verse.

वृत्तस्था भुञ्जते हेमांश्चातुर्वर्ण्यान्विशेषतः ।। ततः सत्यरता शान्ता दयावन्तः सुधार्मिकाः

vṛttasthā bhuñjate hemāṃścāturvarṇyānviśeṣataḥ || tataḥ satyaratā śāntā dayāvantaḥ sudhārmikāḥ

Sanskrit only: no published translation is held for this verse.

इह विश्राम्य ते धीराः किंचित्कालं सहानुगाः ।। गच्छन्ति परमं स्थानं पृथिव्यां वा महत्कुले

iha viśrāmya te dhīrāḥ kiṃcitkālaṃ sahānugāḥ || gacchanti paramaṃ sthānaṃ pṛthivyāṃ vā mahatkule

Sanskrit only: no published translation is held for this verse.

बहुसुन्दरनारीके समृद्धे सुसमाहिताः ।। अजायन्त तथा क्षान्ताः प्राप्स्यन्ति परमां गतिम्

bahusundaranārīke samṛddhe susamāhitāḥ || ajāyanta tathā kṣāntāḥ prāpsyanti paramāṃ gatim

Sanskrit only: no published translation is held for this verse.

चूषयित्वा तु तान्सर्वांस्ते च तस्मिन्नगोत्तमे ।। विसृजन्ति क्षितिं यावदास्थिभूतान्नरांस्तथा

cūṣayitvā tu tānsarvāṃste ca tasminnagottame || visṛjanti kṣitiṃ yāvadāsthibhūtānnarāṃstathā

Sanskrit only: no published translation is held for this verse.

इति श्रीवराहपुराणे भगवच्छास्त्रे संसारचक्र यातनानां स्वरूपवर्णनं नामाष्टनवत्यधिकशततमोऽध्यायः

iti śrīvarāhapurāṇe bhagavacchāstre saṃsāracakra yātanānāṃ svarūpavarṇanaṃ nāmāṣṭanavatyadhikaśatatamo'dhyāyaḥ

Sanskrit only: no published translation is held for this verse.