Varāha Purāṇa 200

पुनः नरकयातनास्वरूपवर्णनम् ।। ऋषिपुत्र उवाच।। तप्तं चैव महातप्तं महारौरवरौरवौ ।। सप्ततालश्च नरको नरकः कालसूत्रकः

punaḥ narakayātanāsvarūpavarṇanam || ṛṣiputra uvāca|| taptaṃ caiva mahātaptaṃ mahārauravarauravau || saptatālaśca narako narakaḥ kālasūtrakaḥ

Sanskrit only: no published translation is held for this verse.

अन्धकारश्च नरको अन्धकारवरस्तथा।। अष्टावेते तु नरकाः पच्यन्ते यत्र पापिनः

andhakāraśca narako andhakāravarastathā|| aṣṭāvete tu narakāḥ pacyante yatra pāpinaḥ

Sanskrit only: no published translation is held for this verse.

प्रथमे प्रथमं विद्याद्द्वितीये द्विगुणं तथा।। तृतीये त्रिगुणं विद्याच्चतुर्थे तु चतुर्गुणम्

prathame prathamaṃ vidyāddvitīye dviguṇaṃ tathā|| tṛtīye triguṇaṃ vidyāccaturthe tu caturguṇam

Sanskrit only: no published translation is held for this verse.

पञ्चमे तु गुणाः पञ्च षष्ठे षङ्गुणमुच्यते।। सप्तमे तु गुणाः सप्त अष्टमेऽष्टविधा गुणाः

pañcame tu guṇāḥ pañca ṣaṣṭhe ṣaṅguṇamucyate|| saptame tu guṇāḥ sapta aṣṭame'ṣṭavidhā guṇāḥ

Sanskrit only: no published translation is held for this verse.

अहोरात्रेण चाध्वानं प्रेता गच्छन्ति तत्पुरम्।। दुःखितानां ततो दुःखं दुःखाद्दुःखतरं ततः

ahorātreṇa cādhvānaṃ pretā gacchanti tatpuram|| duḥkhitānāṃ tato duḥkhaṃ duḥkhādduḥkhataraṃ tataḥ

Sanskrit only: no published translation is held for this verse.

दुःखमेवात्र न सुखं दुःखैर्दुःखं विवर्ध्यते ।। उपायस्तत्र नैवास्ति येन स्वल्पं सुखं भवेत्

duḥkhamevātra na sukhaṃ duḥkhairduḥkhaṃ vivardhyate || upāyastatra naivāsti yena svalpaṃ sukhaṃ bhavet

Sanskrit only: no published translation is held for this verse.

मुच्यते च मृतस्तत्र मारकास्तत्र दुर्लभाः ।। शब्दे स्पर्शे तथा रूपे रसे गन्धे तु पञ्चमे

mucyate ca mṛtastatra mārakāstatra durlabhāḥ || śabde sparśe tathā rūpe rase gandhe tu pañcame

Sanskrit only: no published translation is held for this verse.

न सुखं तत्र तस्यास्ति किञ्चिदेवात्र विद्यते ।। शारीरैर्मानसैश्चैव दुःखैर्दुःखांतगामिभिः

na sukhaṃ tatra tasyāsti kiñcidevātra vidyate || śārīrairmānasaiścaiva duḥkhairduḥkhāṃtagāmibhiḥ

Sanskrit only: no published translation is held for this verse.

आयसैः कण्टकैस्तीक्ष्णैस्तप्तैस्तप्तावृता मही ।। अन्तरिक्षं खगानीकैरग्निजिह्वैः समावृतम्

āyasaiḥ kaṇṭakaistīkṣṇaistaptaistaptāvṛtā mahī || antarikṣaṃ khagānīkairagnijihvaiḥ samāvṛtam

Sanskrit only: no published translation is held for this verse.

अतीव च बुभुक्षात्र पिपासा चाप्यतीव हि ।। उष्णमत्युष्णमेवात्र शीतलं चातिशीतलम्

atīva ca bubhukṣātra pipāsā cāpyatīva hi || uṣṇamatyuṣṇamevātra śītalaṃ cātiśītalam

Sanskrit only: no published translation is held for this verse.

पातुकामश्च पानीयं राक्षसैर्नीयते सरः ।। हंससारससंकीर्णं पद्मोत्पलविभूषितम्

pātukāmaśca pānīyaṃ rākṣasairnīyate saraḥ || haṃsasārasasaṃkīrṇaṃ padmotpalavibhūṣitam

Sanskrit only: no published translation is held for this verse.

पातुकामश्च पानीयं सहसा तत्र धावति ।। सलिलं प्रेक्षते चैव तत्र तप्ततरं तथा

pātukāmaśca pānīyaṃ sahasā tatra dhāvati || salilaṃ prekṣate caiva tatra taptataraṃ tathā

Sanskrit only: no published translation is held for this verse.

ततः पक्वानि मांसानि राक्षसैः परिणीयते ।। क्षारोदकेऽपि च तथा क्षिप्यतेऽत्र महाह्रदे

tataḥ pakvāni māṃsāni rākṣasaiḥ pariṇīyate || kṣārodake'pi ca tathā kṣipyate'tra mahāhrade

Sanskrit only: no published translation is held for this verse.

तत्र चैव ह्रदे नैका मत्स्याः खादन्ति सर्वशः ।। ततः कालावसाने तु कथञ्चित्प्रपलायिनः

tatra caiva hrade naikā matsyāḥ khādanti sarvaśaḥ || tataḥ kālāvasāne tu kathañcitprapalāyinaḥ

Sanskrit only: no published translation is held for this verse.

किञ्चिदन्तरमागम्य वेदनार्थाः पतन्ति हि ।। यातनार्थं पुनस्तत्र मांसं चैवोपजायते

kiñcidantaramāgamya vedanārthāḥ patanti hi || yātanārthaṃ punastatra māṃsaṃ caivopajāyate

Sanskrit only: no published translation is held for this verse.

शिरस्येवोपविष्टस्य प्रस्थितस्य प्रधावतः ।। तस्यार्त्तायामवस्थायां दुःखं भवति दारुणम्

śirasyevopaviṣṭasya prasthitasya pradhāvataḥ || tasyārttāyāmavasthāyāṃ duḥkhaṃ bhavati dāruṇam

Sanskrit only: no published translation is held for this verse.

करीषगर्त्तस्तत्रैव कुम्भीपाकः सुदारुणः ।। पद्मपत्राकृतिस्तस्य पेशी तत्र शरीरजः

karīṣagarttastatraiva kumbhīpākaḥ sudāruṇaḥ || padmapatrākṛtistasya peśī tatra śarīrajaḥ

Sanskrit only: no published translation is held for this verse.

पाटयन्ति सुमार्गेण राक्षसाः करपत्रिकाः ।। निपीड्य दशनै रोषं भीमनादाः सुरोषिताः

pāṭayanti sumārgeṇa rākṣasāḥ karapatrikāḥ || nipīḍya daśanai roṣaṃ bhīmanādāḥ suroṣitāḥ

Sanskrit only: no published translation is held for this verse.

असिपत्रवनं चात्र शृङ्गाटकवनं तथा ।। तत्र शृङ्गाटकाश्चैव तप्तवालुकमिश्रिताः

asipatravanaṃ cātra śṛṅgāṭakavanaṃ tathā || tatra śṛṅgāṭakāścaiva taptavālukamiśritāḥ

Sanskrit only: no published translation is held for this verse.

दह्यते छिद्यते चैव विध्यते भिद्यते पथा।। पात्यते पीड्यते चैव कृष्यते च विशस्यते

dahyate chidyate caiva vidhyate bhidyate pathā|| pātyate pīḍyate caiva kṛṣyate ca viśasyate

Sanskrit only: no published translation is held for this verse.

श्यामाश्च शबलाश्चैव श्वानस्तेऽत्र दुरासदाः ।। खादन्ति च सुसंरब्धाः सर्पवृश्चिकसन्निभैः

śyāmāśca śabalāścaiva śvānaste'tra durāsadāḥ || khādanti ca susaṃrabdhāḥ sarpavṛścikasannibhaiḥ

Sanskrit only: no published translation is held for this verse.

कण्टकैः प्रतिकूलैश्च तत्रान्या कूट शाल्मलिः ।। कर्षन्ति तत्र चैवैनं यावदस्थ्यवशेषितः

kaṇṭakaiḥ pratikūlaiśca tatrānyā kūṭa śālmaliḥ || karṣanti tatra caivainaṃ yāvadasthyavaśeṣitaḥ

Sanskrit only: no published translation is held for this verse.

यद्दुःखं तस्य दुर्बुद्धेः प्रतिकूलं च तस्य यत् ।। तत्तदोत्पद्यते शीघ्रं यातनार्थाय यत्नतः

yadduḥkhaṃ tasya durbuddheḥ pratikūlaṃ ca tasya yat || tattadotpadyate śīghraṃ yātanārthāya yatnataḥ

Sanskrit only: no published translation is held for this verse.

शीतकामस्य वै चोष्णमुष्णकामस्य शीतलम् ।। सुखकामस्य वै दुःखं सुखं नैवात्र विद्यते

śītakāmasya vai coṣṇamuṣṇakāmasya śītalam || sukhakāmasya vai duḥkhaṃ sukhaṃ naivātra vidyate

Sanskrit only: no published translation is held for this verse.

छिन्नाश्च शतधाप्येवं ह्यनिशं तैः सहस्रशः ।। छिन्नाङ्गाः सर्वगात्रेषु सर्वमेव स विन्दति

chinnāśca śatadhāpyevaṃ hyaniśaṃ taiḥ sahasraśaḥ || chinnāṅgāḥ sarvagātreṣu sarvameva sa vindati

Sanskrit only: no published translation is held for this verse.

सलिलं च नदीं घोरां व्यालाकीर्णां भयानकाम् ।। उत्तार्यन्ते च तां प्रेतां यां दृष्ट्वैव भयं भवेत्

salilaṃ ca nadīṃ ghorāṃ vyālākīrṇāṃ bhayānakām || uttāryante ca tāṃ pretāṃ yāṃ dṛṣṭvaiva bhayaṃ bhavet

Sanskrit only: no published translation is held for this verse.

करम्भवालुका नाम शतयोजनमायता ।। अग्निज्वालासमा घोरा यथा येन स गच्छति

karambhavālukā nāma śatayojanamāyatā || agnijvālāsamā ghorā yathā yena sa gacchati

Sanskrit only: no published translation is held for this verse.

ततो वैतरणी नाम क्षारोदा तु महानदी ।। योजनानि तु पञ्चाशदधस्थात्पंचयोजनम्

tato vaitaraṇī nāma kṣārodā tu mahānadī || yojanāni tu pañcāśadadhasthātpaṃcayojanam

Sanskrit only: no published translation is held for this verse.

अगाधपङ्का वै तत्र चर्ममांसास्थिभेदना ।। तत्र कर्कटका घोरा वज्रदंष्ट्रा विशन्ति ताम्

agādhapaṅkā vai tatra carmamāṃsāsthibhedanā || tatra karkaṭakā ghorā vajradaṃṣṭrā viśanti tām

Sanskrit only: no published translation is held for this verse.

उलूकाश्च धनुर्मात्रा वज्रजिह्वास्थिभेदनाः ।। महाविषा महाक्रोधा दुर्विषह्याः सुदारुणाः

ulūkāśca dhanurmātrā vajrajihvāsthibhedanāḥ || mahāviṣā mahākrodhā durviṣahyāḥ sudāruṇāḥ

Sanskrit only: no published translation is held for this verse.

समुत्तीर्य तु कृच्छ्रेण तस्माद्योजनकर्दमात् ।। वसन्त्यत्र धरे केचिच्छून्यागारे निराश्रये

samuttīrya tu kṛcchreṇa tasmādyojanakardamāt || vasantyatra dhare kecicchūnyāgāre nirāśraye

Sanskrit only: no published translation is held for this verse.

यत्र वै मूषिकगणा भक्षयन्ति ह्यनेकशः ।। मूषकैर्जग्ध गात्रस्तु ह्यस्थिमात्रावशेषितः

yatra vai mūṣikagaṇā bhakṣayanti hyanekaśaḥ || mūṣakairjagdha gātrastu hyasthimātrāvaśeṣitaḥ

Sanskrit only: no published translation is held for this verse.

प्रभाते वायुना स्पृष्टः पुनर्मांसं स विन्दति ।। शून्यागारप्रवेशात्तु गव्यूतेर्नातिदूरतः

prabhāte vāyunā spṛṣṭaḥ punarmāṃsaṃ sa vindati || śūnyāgārapraveśāttu gavyūternātidūrataḥ

Sanskrit only: no published translation is held for this verse.

सहकारवनं नाम रौद्रा यत्र च पक्षिणः ।। निस्त्वगस्थिस्तैः क्रियते निर्मांसश्चैव मानवः

sahakāravanaṃ nāma raudrā yatra ca pakṣiṇaḥ || nistvagasthistaiḥ kriyate nirmāṃsaścaiva mānavaḥ

Sanskrit only: no published translation is held for this verse.

सन्ध्याभ्र इव चाभाति प्रदीप्तो नित्यमेव तु ।। दशयोजनविस्तार्णा अधः शतसमायता

sandhyābhra iva cābhāti pradīpto nityameva tu || daśayojanavistārṇā adhaḥ śatasamāyatā

Sanskrit only: no published translation is held for this verse.

यमचुल्लीति विख्याता गम्भीरा सा त्रियोजनम् ।। नित्यं प्रज्वलिता सा तु नित्यं धूमान्धकारिता

yamacullīti vikhyātā gambhīrā sā triyojanam || nityaṃ prajvalitā sā tu nityaṃ dhūmāndhakāritā

Sanskrit only: no published translation is held for this verse.

तत्र प्रेतसहस्राणि प्रयुतान्यर्बुदानि च ।। प्रक्षिप्यन्ते त्वहोरात्रं राक्षसैर्यमकिङ्करैः

tatra pretasahasrāṇi prayutānyarbudāni ca || prakṣipyante tvahorātraṃ rākṣasairyamakiṅkaraiḥ

Sanskrit only: no published translation is held for this verse.

निःशिराजालकश्चैव निरक्षिश्रवणस्तथा ।। वटवृक्षो नातिदूरे दक्षिणे तु त्रियोजनम्

niḥśirājālakaścaiva nirakṣiśravaṇastathā || vaṭavṛkṣo nātidūre dakṣiṇe tu triyojanam

Sanskrit only: no published translation is held for this verse.

चुल्लीकुक्षौ तु विश्रान्ता वेगिनी वहते तु सा ।। तां समुत्तीर्य कृच्छ्रेण यातनाः सप्तकाः पुनः

cullīkukṣau tu viśrāntā veginī vahate tu sā || tāṃ samuttīrya kṛcchreṇa yātanāḥ saptakāḥ punaḥ

Sanskrit only: no published translation is held for this verse.

एकैकं दुस्तरं घोरं यथापूर्वं यथाक्रमात् ।। अनुभुङ्क्ते स कृच्छ्रेण दुष्कृती तीव्रवेदनाः

ekaikaṃ dustaraṃ ghoraṃ yathāpūrvaṃ yathākramāt || anubhuṅkte sa kṛcchreṇa duṣkṛtī tīvravedanāḥ

Sanskrit only: no published translation is held for this verse.

दश तत्र लताः शूलाः कुम्भीपाकास्त्रयोदश ।। याति पापमहोरात्रं तस्मिन्नियमितेन तु

daśa tatra latāḥ śūlāḥ kumbhīpākāstrayodaśa || yāti pāpamahorātraṃ tasminniyamitena tu

Sanskrit only: no published translation is held for this verse.

राक्षसैर्निरनुक्रोशैर्दुर्निरीक्ष्यैस्ततस्ततः ।। अङ्गारेषु विधूमेषु शूलप्रोतस्तु पच्यते

rākṣasairniranukrośairdurnirīkṣyaistatastataḥ || aṅgāreṣu vidhūmeṣu śūlaprotastu pacyate

Sanskrit only: no published translation is held for this verse.

शुष्कोदपाने धूमे च अधःशीर्षोऽवलम्बते ।। ज्वाल्यते तीक्ष्णतैले तु कटाहे स तु पच्यते

śuṣkodapāne dhūme ca adhaḥśīrṣo'valambate || jvālyate tīkṣṇataile tu kaṭāhe sa tu pacyate

Sanskrit only: no published translation is held for this verse.

करीषगर्त्ते स पुनः पच्यते मेदवह्निना ।। एकैकस्मिन्दशाहं च शूलादिषु स पच्यते

karīṣagartte sa punaḥ pacyate medavahninā || ekaikasmindaśāhaṃ ca śūlādiṣu sa pacyate

Sanskrit only: no published translation is held for this verse.

यातनाः सप्तकास्तस्य निष्क्रान्तस्य त्रियोजने ।। यतो यमनदी नाम तप्तत्रपुजलोर्मिणी

yātanāḥ saptakāstasya niṣkrāntasya triyojane || yato yamanadī nāma taptatrapujalormiṇī

Sanskrit only: no published translation is held for this verse.

समुत्तीर्य तु कृच्छ्रेण दह्यमानस्त्वचेतनः ।। ततो मुहूर्त्तं विश्रान्तः किंचिदन्तरमागतः

samuttīrya tu kṛcchreṇa dahyamānastvacetanaḥ || tato muhūrttaṃ viśrāntaḥ kiṃcidantaramāgataḥ

Sanskrit only: no published translation is held for this verse.

दीर्घिकां मोक्षते कान्तां शीतोदां शीतकाननाम् ।। सर्वकामान्स लभते भगिनी सा यमस्य तु

dīrghikāṃ mokṣate kāntāṃ śītodāṃ śītakānanām || sarvakāmānsa labhate bhaginī sā yamasya tu

Sanskrit only: no published translation is held for this verse.

भक्ष्यं भोज्यं च सर्वैस्तु पापिभिस्तत्र लभ्यते ।। स सर्वं विस्मरत्यत्र त्रिरात्रमुषितोऽपि सन्

bhakṣyaṃ bhojyaṃ ca sarvaistu pāpibhistatra labhyate || sa sarvaṃ vismaratyatra trirātramuṣito'pi san

Sanskrit only: no published translation is held for this verse.

ततः शूलवहो नाम पर्वतः शतयोजनः ।। निराश्रयः स सत्वानामेकपाषाण एव च

tataḥ śūlavaho nāma parvataḥ śatayojanaḥ || nirāśrayaḥ sa satvānāmekapāṣāṇa eva ca

Sanskrit only: no published translation is held for this verse.

तत्र वर्षति पर्जन्यस्तत्र तप्तजलं सदा ।। तत्र कृच्छ्रेण तरति अहोरात्रेण मानवः

tatra varṣati parjanyastatra taptajalaṃ sadā || tatra kṛcchreṇa tarati ahorātreṇa mānavaḥ

Sanskrit only: no published translation is held for this verse.

शृङ्गारकवनं नाम तत्र पश्यन्ति शाद्वलम् ।। नीलमक्षिकदंशैश्च सुव्याप्तं तद्वनं महत्

śṛṅgārakavanaṃ nāma tatra paśyanti śādvalam || nīlamakṣikadaṃśaiśca suvyāptaṃ tadvanaṃ mahat

Sanskrit only: no published translation is held for this verse.

यैस्तु स्पृष्टश्च दष्टश्च कृमिरूपश्च जायते ।। प्रेतो वर्षति मांसासृगस्मात्कृच्छ्रात्तु निर्गतः

yaistu spṛṣṭaśca daṣṭaśca kṛmirūpaśca jāyate || preto varṣati māṃsāsṛgasmātkṛcchrāttu nirgataḥ

Sanskrit only: no published translation is held for this verse.

ततोऽन्यल्लभते चैव यातनार्थं प्रयत्नतः ।। ततः पश्यति पुत्रांस्तु महद्दुःखं सुदारुणम्

tato'nyallabhate caiva yātanārthaṃ prayatnataḥ || tataḥ paśyati putrāṃstu mahadduḥkhaṃ sudāruṇam

Sanskrit only: no published translation is held for this verse.

मातरं पितरं चैव पुत्रान्दारांस्तथा प्रियान्।। पुरस्ताद्बध्यमानं स क्रन्दमानमचेतनम्

mātaraṃ pitaraṃ caiva putrāndārāṃstathā priyān|| purastādbadhyamānaṃ sa krandamānamacetanam

Sanskrit only: no published translation is held for this verse.

हा त्राहि त्राहि पुत्रेति क्रन्दमानस्ततस्ततः ।। लगुडैर्मुद्गरैर्दण्डैर्जानुभिर्वेणुभिस्तथा

hā trāhi trāhi putreti krandamānastatastataḥ || laguḍairmudgarairdaṇḍairjānubhirveṇubhistathā

Sanskrit only: no published translation is held for this verse.

मुष्टिभिश्च कशाभिश्च व्यालैरङ्कगतैरपि ।। तद्दृष्ट्वा तादृशं दुःखं ततो मोहं स गच्छति

muṣṭibhiśca kaśābhiśca vyālairaṅkagatairapi || taddṛṣṭvā tādṛśaṃ duḥkhaṃ tato mohaṃ sa gacchati

Sanskrit only: no published translation is held for this verse.

एवमेवात्मकर्माणि पर्यायेण पुनः पुनः ।। प्राप्नुवन्तीह तेऽत्रैव नरा दुष्कृतकारिणः

evamevātmakarmāṇi paryāyeṇa punaḥ punaḥ || prāpnuvantīha te'traiva narā duṣkṛtakāriṇaḥ

Sanskrit only: no published translation is held for this verse.

पातकानि च चत्वारि समाचारेण पंचमम् ।। कृत्वा तानि नरा यान्ति तं देशं पापकारिणः

pātakāni ca catvāri samācāreṇa paṃcamam || kṛtvā tāni narā yānti taṃ deśaṃ pāpakāriṇaḥ

Sanskrit only: no published translation is held for this verse.

तदादिषु च सर्वेषु गुणान्तरपथं गतः ।। यदा भवति स प्रेतस्तदा स्थावरतां व्रजेत्

tadādiṣu ca sarveṣu guṇāntarapathaṃ gataḥ || yadā bhavati sa pretastadā sthāvaratāṃ vrajet

Sanskrit only: no published translation is held for this verse.

तदा वा स्थावरे तेषु जातस्य हि भवेन्नरः ।। क्रमशः स भवेत्प्रेतस्तदा पशुगणेष्वपि

tadā vā sthāvare teṣu jātasya hi bhavennaraḥ || kramaśaḥ sa bhavetpretastadā paśugaṇeṣvapi

Sanskrit only: no published translation is held for this verse.

षष्टिवर्षसहस्राणि षष्टिवर्षशतानि च ।। गतः स वसति प्रेतो नरके तु पुनःपुनः

ṣaṣṭivarṣasahasrāṇi ṣaṣṭivarṣaśatāni ca || gataḥ sa vasati preto narake tu punaḥpunaḥ

Sanskrit only: no published translation is held for this verse.

ततो निवृत्तकर्मा तु स्वेदजः सम्भवेत्पुनः ।। स्वेदजानां ततो नित्यं सर्वसंसारचंक्रमात्

tato nivṛttakarmā tu svedajaḥ sambhavetpunaḥ || svedajānāṃ tato nityaṃ sarvasaṃsāracaṃkramāt

Sanskrit only: no published translation is held for this verse.

ततश्च पक्षिणां योनिं सर्वां संतरते पुनः ।। गोयोनौ तु ततो गत्वा पुनर्मानुषतां व्रजेत्

tataśca pakṣiṇāṃ yoniṃ sarvāṃ saṃtarate punaḥ || goyonau tu tato gatvā punarmānuṣatāṃ vrajet

Sanskrit only: no published translation is held for this verse.

मानुषे शूद्रतां याति लब्ध्वा यदि तु तुष्यति ।। ततो वैश्यत्वमागच्छेत्कमर्णाऽनेन वेष्टितः

mānuṣe śūdratāṃ yāti labdhvā yadi tu tuṣyati || tato vaiśyatvamāgacchetkamarṇā'nena veṣṭitaḥ

Sanskrit only: no published translation is held for this verse.

वैश्यात्क्षत्रियतां याति तस्माच्च ब्राह्मणो भवेत् ।। ब्राह्मणत्वमपि प्राप्तः पापकर्मा दुरात्मवान्

vaiśyātkṣatriyatāṃ yāti tasmācca brāhmaṇo bhavet || brāhmaṇatvamapi prāptaḥ pāpakarmā durātmavān

Sanskrit only: no published translation is held for this verse.

दुःशिक्षितेन मनसा ह्यात्मद्रोग्धा भवेत्तदा ।। शरीरं मानसं घोरं व्यसनैरुपपादितम्

duḥśikṣitena manasā hyātmadrogdhā bhavettadā || śarīraṃ mānasaṃ ghoraṃ vyasanairupapāditam

Sanskrit only: no published translation is held for this verse.

उपयुक्तो नरो जातः पूर्वकर्मभिरन्वितः ।। ज्ञेयश्च ब्रह्महा कुष्ठी काकाक्षः काकतालुकः

upayukto naro jātaḥ pūrvakarmabhiranvitaḥ || jñeyaśca brahmahā kuṣṭhī kākākṣaḥ kākatālukaḥ

Sanskrit only: no published translation is held for this verse.

सुरापः श्यावदन्तश्च पूतिगन्धश्च पापकृत् ।। राजहा पितृहा चैव सुरापश्चापि यो भवेत्

surāpaḥ śyāvadantaśca pūtigandhaśca pāpakṛt || rājahā pitṛhā caiva surāpaścāpi yo bhavet

Sanskrit only: no published translation is held for this verse.

सुवर्णहर्ता च नरो ब्रह्मघ्नेन समो हि सः ।। क्वचिच्चात्र विरूपाणां नराणां पापकर्मिणाम्

suvarṇahartā ca naro brahmaghnena samo hi saḥ || kvaciccātra virūpāṇāṃ narāṇāṃ pāpakarmiṇām

Sanskrit only: no published translation is held for this verse.

यावद्भिः कर्मभिस्तैस्तैस्तेषु निर्याणवेश्मसु ।। छिन्नभिन्नविशस्तानां रुधिरेण समन्ततः

yāvadbhiḥ karmabhistaistaisteṣu niryāṇaveśmasu || chinnabhinnaviśastānāṃ rudhireṇa samantataḥ

Sanskrit only: no published translation is held for this verse.

व्याप्तं महीतलं सर्वमापगाश्चापि निर्गताः ।। अजस्रं क्लिश्यमानानां क्रन्दतां च सुदारुणम्

vyāptaṃ mahītalaṃ sarvamāpagāścāpi nirgatāḥ || ajasraṃ kliśyamānānāṃ krandatāṃ ca sudāruṇam

Sanskrit only: no published translation is held for this verse.

समुत्तस्थौ महानादो हाहाकारसमाकुलः ।। बध्नतो विविधैर्बन्धैर्घातयन्तश्च दारुणम्

samuttasthau mahānādo hāhākārasamākulaḥ || badhnato vividhairbandhairghātayantaśca dāruṇam

Sanskrit only: no published translation is held for this verse.

लौहयष्टिप्रहारैश्च आयुधैश्च सुदारुणैः ।। छेदनैर्भेदनैश्चोग्रैः पीडनाभिश्च सर्वशः

lauhayaṣṭiprahāraiśca āyudhaiśca sudāruṇaiḥ || chedanairbhedanaiścograiḥ pīḍanābhiśca sarvaśaḥ

Sanskrit only: no published translation is held for this verse.

श्रान्ताः कर्मकरा दूता मोहेनायत्तचेतसः ।। यदा श्रान्ताश्च खिन्नाश्च हन्तारः पापकर्मिणाम्

śrāntāḥ karmakarā dūtā mohenāyattacetasaḥ || yadā śrāntāśca khinnāśca hantāraḥ pāpakarmiṇām

Sanskrit only: no published translation is held for this verse.

विज्ञापयेत्तदा दूताश्चित्रगुप्तं महौजसम्

vijñāpayettadā dūtāścitraguptaṃ mahaujasam

Sanskrit only: no published translation is held for this verse.

इति श्रीवराहपुराणे संसारचक्रे नरकयातनास्वरूपवर्णनं नाम द्विशततमोऽध्यायः

iti śrīvarāhapurāṇe saṃsāracakre narakayātanāsvarūpavarṇanaṃ nāma dviśatatamo'dhyāyaḥ

Sanskrit only: no published translation is held for this verse.