Varāha Purāṇa 202

अथ नारकिदण्डनकर्मविपाकवर्णनम् ।। ऋषिरुवाच ।। विस्मयस्तु मया दृष्टस्तस्मिन्नद्भुतदर्शनः ।। चित्रगुप्तस्य सन्देशो धर्मराजेन धीमतः

atha nārakidaṇḍanakarmavipākavarṇanam || ṛṣiruvāca || vismayastu mayā dṛṣṭastasminnadbhutadarśanaḥ || citraguptasya sandeśo dharmarājena dhīmataḥ

Sanskrit only: no published translation is held for this verse.

प्राप्नुवन्ति फलं ते वै ये च क्षिप्ताः पुरा जनाः ।। अग्निना वै प्रतप्तास्ते बद्धा बन्धैः सुदारुणैः

prāpnuvanti phalaṃ te vai ye ca kṣiptāḥ purā janāḥ || agninā vai prataptāste baddhā bandhaiḥ sudāruṇaiḥ

Sanskrit only: no published translation is held for this verse.

सन्तप्ता बहवो ये ते तैस्तैः कर्मभिरुल्बणैः ।। श्यामाश्च दशनाभिर्ये त्विमं शीघ्रं प्रमापय

santaptā bahavo ye te taistaiḥ karmabhirulbaṇaiḥ || śyāmāśca daśanābhirye tvimaṃ śīghraṃ pramāpaya

Sanskrit only: no published translation is held for this verse.

दुराचारं पापरतं निर्घृणं पापचेतसम् ।। श्वानस्तु हिंसका ये च भक्षयन्तु दुरात्मकम्

durācāraṃ pāparataṃ nirghṛṇaṃ pāpacetasam || śvānastu hiṃsakā ye ca bhakṣayantu durātmakam

Sanskrit only: no published translation is held for this verse.

पितृघ्नो मातृगोघ्नस्तु सर्वदोषसमन्वितः ।। आरोप्य शाल्मलीं घोरां कण्टकैस्तैर्विपाटय

pitṛghno mātṛgoghnastu sarvadoṣasamanvitaḥ || āropya śālmalīṃ ghorāṃ kaṇṭakaistairvipāṭaya

Sanskrit only: no published translation is held for this verse.

एनं पाचय तैलस्य घृतक्षौद्रस्य वा पुनः ।। तप्तद्रोण्यां ततो मुंच ताम्रतप्तखले पुनः ।। ६ !। नराधममिमं क्षिप्त्वा प्रदीप्ते हव्यवाहने ।। ततो मनुष्यतां प्राप्य ऋणैस्तत्र प्रदीप्यते

enaṃ pācaya tailasya ghṛtakṣaudrasya vā punaḥ || taptadroṇyāṃ tato muṃca tāmrataptakhale punaḥ || 6 !| narādhamamimaṃ kṣiptvā pradīpte havyavāhane || tato manuṣyatāṃ prāpya ṛṇaistatra pradīpyate

Sanskrit only: no published translation is held for this verse.

शयनासनहर्त्तारमग्निदायी च यो नरः ।। वैतरण्यामयं चैव क्षिप्यतामचिरं पुनः

śayanāsanaharttāramagnidāyī ca yo naraḥ || vaitaraṇyāmayaṃ caiva kṣipyatāmaciraṃ punaḥ

Sanskrit only: no published translation is held for this verse.

पापकर्मायमत्यर्थं सर्व तीर्थविनाशकः ।। तस्य प्रदीप्तः कीलोऽयं वह्नितप्तोऽतिदुःस्पृशः

pāpakarmāyamatyarthaṃ sarva tīrthavināśakaḥ || tasya pradīptaḥ kīlo'yaṃ vahnitapto'tiduḥspṛśaḥ

Sanskrit only: no published translation is held for this verse.

आदेश्य चोभयोरस्य कर्णयोः कूटसाक्षिकः ।। यो नरः पिशुनः कूटसाक्षी चालीकजल्पकः

ādeśya cobhayorasya karṇayoḥ kūṭasākṣikaḥ || yo naraḥ piśunaḥ kūṭasākṣī cālīkajalpakaḥ

Sanskrit only: no published translation is held for this verse.

ग्रामयाजनकं विप्रमध्रुवं दांभिकं शठम्।। बद्ध्वा तु बन्धने घोरे दीयतां तु न किंचन

grāmayājanakaṃ vipramadhruvaṃ dāṃbhikaṃ śaṭham|| baddhvā tu bandhane ghore dīyatāṃ tu na kiṃcana

Sanskrit only: no published translation is held for this verse.

जिह्वाऽस्य छिद्यतां शीघ्रं वाचा दुष्टस्य पापिनः ।। गम्यागम्यं पुरा येन विज्ञातं न दुरात्मना

jihvā'sya chidyatāṃ śīghraṃ vācā duṣṭasya pāpinaḥ || gamyāgamyaṃ purā yena vijñātaṃ na durātmanā

Sanskrit only: no published translation is held for this verse.

कृतं लोभाभिभूतेन कामसम्मोहितेन च ।। तस्य च्छित्वा ततो लिंगं क्षारमग्निं च दीपय

kṛtaṃ lobhābhibhūtena kāmasammohitena ca || tasya cchitvā tato liṃgaṃ kṣāramagniṃ ca dīpaya

Sanskrit only: no published translation is held for this verse.

इमं तु खलकं कृत्वा दुरात्मा पापकारिणम् ।। दायादा बहवो येन स्वार्थहेतोर्विनाशिताः

imaṃ tu khalakaṃ kṛtvā durātmā pāpakāriṇam || dāyādā bahavo yena svārthahetorvināśitāḥ

Sanskrit only: no published translation is held for this verse.

इमं वार्धुषिकं विप्रं सर्वत्रांगेषु भेदय ।। तथायं यातनां यातु पापं बहु समाचरन्

imaṃ vārdhuṣikaṃ vipraṃ sarvatrāṃgeṣu bhedaya || tathāyaṃ yātanāṃ yātu pāpaṃ bahu samācaran

Sanskrit only: no published translation is held for this verse.

सुवर्णस्तेयिनं पापं कृतघ्नं च तथा नरम् ।। क्रूरं पितृहणं चैनं ब्रह्मघ्नेषु समीकुरु

suvarṇasteyinaṃ pāpaṃ kṛtaghnaṃ ca tathā naram || krūraṃ pitṛhaṇaṃ cainaṃ brahmaghneṣu samīkuru

Sanskrit only: no published translation is held for this verse.

अस्थि च्छित्वा ततः क्षिप्रं क्षारमग्निं च दापय ।। इमं तु विप्रं खादन्तु तीक्ष्णदंष्ट्राः सुदारुणाः

asthi cchitvā tataḥ kṣipraṃ kṣāramagniṃ ca dāpaya || imaṃ tu vipraṃ khādantu tīkṣṇadaṃṣṭrāḥ sudāruṇāḥ

Sanskrit only: no published translation is held for this verse.

पिशुनं हि महाव्याघ्राः पंच घोराः सुदारुणाः ।। इमं पचत पाकेषु बहुधा मर्मभेदिनम्

piśunaṃ hi mahāvyāghrāḥ paṃca ghorāḥ sudāruṇāḥ || imaṃ pacata pākeṣu bahudhā marmabhedinam

Sanskrit only: no published translation is held for this verse.

येनाग्निरुज्झितः पूर्वं गृहीत्वा च न पूजितः ।। इमं पापसमाचारं वीरघ्नमतिपापिनम्

yenāgnirujjhitaḥ pūrvaṃ gṛhītvā ca na pūjitaḥ || imaṃ pāpasamācāraṃ vīraghnamatipāpinam

Sanskrit only: no published translation is held for this verse.

कर्कटस्य तु घोरस्य नित्यक्रुद्धस्य मोचय ।। इमं घोरे ह्रदे क्षिप्तं सर्वयाजनयाजकम्

karkaṭasya tu ghorasya nityakruddhasya mocaya || imaṃ ghore hrade kṣiptaṃ sarvayājanayājakam

Sanskrit only: no published translation is held for this verse.

सर्वेषां तु पशूनां यो नित्यं धारयते जलम् ।। न त्राता न च दाता च पापस्यास्य दुरात्मनः

sarveṣāṃ tu paśūnāṃ yo nityaṃ dhārayate jalam || na trātā na ca dātā ca pāpasyāsya durātmanaḥ

Sanskrit only: no published translation is held for this verse.

अदानव्रतिनो विप्रा वेदविक्रयिणस्तथा ।। सर्वकर्माणि कुर्युर्ये दीयते न च किंचन

adānavratino viprā vedavikrayiṇastathā || sarvakarmāṇi kuryurye dīyate na ca kiṃcana

Sanskrit only: no published translation is held for this verse.

तोयभाजनहर्त्तारं भोजनं योऽनिवारयन् ।। हन्यतां सुदृढैर्दण्डैर्यमदूतैर्महाबलैः

toyabhājanaharttāraṃ bhojanaṃ yo'nivārayan || hanyatāṃ sudṛḍhairdaṇḍairyamadūtairmahābalaiḥ

Sanskrit only: no published translation is held for this verse.

वेणुदण्डकशाभिश्च लोहदण्डैस्तथैव च ।। जलमस्मै न दातव्यं भोजनं च कथंचन

veṇudaṇḍakaśābhiśca lohadaṇḍaistathaiva ca || jalamasmai na dātavyaṃ bhojanaṃ ca kathaṃcana

Sanskrit only: no published translation is held for this verse.

तस्मा अन्नं च पानं च न दातव्यं कदाचन ।। हत विश्वास्य हन्तारं वह्नौ शीघ्रं प्रपाचय

tasmā annaṃ ca pānaṃ ca na dātavyaṃ kadācana || hata viśvāsya hantāraṃ vahnau śīghraṃ prapācaya

Sanskrit only: no published translation is held for this verse.

ब्रह्मदेयं हृतं येन तं वै शीघ्रं विपाचय ।। बहुवर्षसहस्राणि पातये कर्म विस्तरे

brahmadeyaṃ hṛtaṃ yena taṃ vai śīghraṃ vipācaya || bahuvarṣasahasrāṇi pātaye karma vistare

Sanskrit only: no published translation is held for this verse.

समुत्तीर्णं ततः पश्चात्तिर्यग्योनौ प्रपातये ।। सूक्ष्मदेहविपाकेषु कीटपक्षिविजातिषु

samuttīrṇaṃ tataḥ paścāttiryagyonau prapātaye || sūkṣmadehavipākeṣu kīṭapakṣivijātiṣu

Sanskrit only: no published translation is held for this verse.

क्लिष्टो जातिसहस्रैस्तु जायते मानुषस्ततः ।। तत्र जातो दुरात्मा च कुलेषु विविधेषु च

kliṣṭo jātisahasraistu jāyate mānuṣastataḥ || tatra jāto durātmā ca kuleṣu vividheṣu ca

Sanskrit only: no published translation is held for this verse.

हिंसारूपेण घोरेण ब्रह्मवध्यां प्रदापयेत् ।। राज्ञस्तु मारकं घोरं ब्रह्मघ्नं दुष्कृतं तथा

hiṃsārūpeṇa ghoreṇa brahmavadhyāṃ pradāpayet || rājñastu mārakaṃ ghoraṃ brahmaghnaṃ duṣkṛtaṃ tathā

Sanskrit only: no published translation is held for this verse.

सुवर्णस्तेयिनं चैव सुरापं चैव कारयेत् ।। अनुभूय ततः काले ततो यक्ष्म प्रयोजयेत्

suvarṇasteyinaṃ caiva surāpaṃ caiva kārayet || anubhūya tataḥ kāle tato yakṣma prayojayet

Sanskrit only: no published translation is held for this verse.

गोघातको ह्ययं पापः कूटशाल्मलिमारुहेत् ।। कृष्यते विविधैर्घोरै राक्षसैर्घोरदर्शनैः

goghātako hyayaṃ pāpaḥ kūṭaśālmalimāruhet || kṛṣyate vividhairghorai rākṣasairghoradarśanaiḥ

Sanskrit only: no published translation is held for this verse.

पूतिपाकेषु पच्येत जन्तुभिः संप्रयोजितः ।। ब्रह्मवध्याच्चतुर्भागैर्मृगत्वं पशुतां गतः

pūtipākeṣu pacyeta jantubhiḥ saṃprayojitaḥ || brahmavadhyāccaturbhāgairmṛgatvaṃ paśutāṃ gataḥ

Sanskrit only: no published translation is held for this verse.

उद्विग्नवासं पतितं यत्र यत्रोपपद्यते ।। पापकर्मसमुद्विग्नो जातो जातः पुनःपुनः

udvignavāsaṃ patitaṃ yatra yatropapadyate || pāpakarmasamudvigno jāto jātaḥ punaḥpunaḥ

Sanskrit only: no published translation is held for this verse.

अयं तिष्ठति किं पापः पितृघाती दुरात्मवान् ।। ते तु वर्षशतं साग्रं भक्षयन्तु विचेतसः

ayaṃ tiṣṭhati kiṃ pāpaḥ pitṛghātī durātmavān || te tu varṣaśataṃ sāgraṃ bhakṣayantu vicetasaḥ

Sanskrit only: no published translation is held for this verse.

ततः पाकेषु घोरेषु पच्यतां च नराधमः ।। ततो मानुषतां प्राप्य गर्भस्थो प्रियतां पुनः

tataḥ pākeṣu ghoreṣu pacyatāṃ ca narādhamaḥ || tato mānuṣatāṃ prāpya garbhastho priyatāṃ punaḥ

Sanskrit only: no published translation is held for this verse.

व्यापन्नो दशगर्भेषु ततः पश्चाद्विमुच्यताम् ।। तत्रापि लब्ध्वा मानुष्यं क्लेशभागी च जायताम्

vyāpanno daśagarbheṣu tataḥ paścādvimucyatām || tatrāpi labdhvā mānuṣyaṃ kleśabhāgī ca jāyatām

Sanskrit only: no published translation is held for this verse.

बुभुक्षारुग्विकारैश्च सततं तत्र पीड्यताम् ।। पापाचारमिमं घोरं मित्रविश्वासघातकम्

bubhukṣārugvikāraiśca satataṃ tatra pīḍyatām || pāpācāramimaṃ ghoraṃ mitraviśvāsaghātakam

Sanskrit only: no published translation is held for this verse.

यन्त्रेण पीड्यतां क्षिप्रं ततः पश्चाद्विमुच्यताम् ।। दीप्यतां ज्वलने घोरे वर्षाणां च शतद्वयम्

yantreṇa pīḍyatāṃ kṣipraṃ tataḥ paścādvimucyatām || dīpyatāṃ jvalane ghore varṣāṇāṃ ca śatadvayam

Sanskrit only: no published translation is held for this verse.

जायतां च ततः पश्चाच्छूनां योनौ दुरात्मवान् ।। भ्रष्टोऽपि जायतां तस्मान्मानुषः क्लेश भाजनः

jāyatāṃ ca tataḥ paścācchūnāṃ yonau durātmavān || bhraṣṭo'pi jāyatāṃ tasmānmānuṣaḥ kleśa bhājanaḥ

Sanskrit only: no published translation is held for this verse.

प्राप्तवान्विविधान्रोगान्संसारे चैव दारुणान् ।। ब्रह्मस्वहारी पापोऽयं नरो लवणतस्करः

prāptavānvividhānrogānsaṃsāre caiva dāruṇān || brahmasvahārī pāpo'yaṃ naro lavaṇataskaraḥ

Sanskrit only: no published translation is held for this verse.

वर्षाणां तु शतं पंच तत्र क्लिष्टो दुरात्मवान् ।। कृमिको जायते पश्चाद्विष्ठायां कृमिकोऽपरः

varṣāṇāṃ tu śataṃ paṃca tatra kliṣṭo durātmavān || kṛmiko jāyate paścādviṣṭhāyāṃ kṛmiko'paraḥ

Sanskrit only: no published translation is held for this verse.

शकुन्तो जायते घोरस्तत्र पश्चाद्वृको भवेत् ।। इममग्निप्रदं घोरं काष्ठाग्नौ सम्प्रतापय

śakunto jāyate ghorastatra paścādvṛko bhavet || imamagnipradaṃ ghoraṃ kāṣṭhāgnau sampratāpaya

Sanskrit only: no published translation is held for this verse.

स्वकर्मसु विहीनेषु पश्चाल्लब्धगतिस्तथा ।। ततश्चाथ मृगो वापि ततो मानुषतां व्रजेत्

svakarmasu vihīneṣu paścāllabdhagatistathā || tataścātha mṛgo vāpi tato mānuṣatāṃ vrajet

Sanskrit only: no published translation is held for this verse.

तत्रापि दारुणं दुःखमुपभुंक्ते दुरात्मवान् ।। सर्वदुष्कृतकार्येषु सह संघातचिन्तकैः

tatrāpi dāruṇaṃ duḥkhamupabhuṃkte durātmavān || sarvaduṣkṛtakāryeṣu saha saṃghātacintakaiḥ

Sanskrit only: no published translation is held for this verse.

एवं कर्मसमायुक्तास्ते भवन्तु सहस्रशः ।। परद्रव्यापहाराश्च रौरवे पतितास्तथा

evaṃ karmasamāyuktāste bhavantu sahasraśaḥ || paradravyāpahārāśca raurave patitāstathā

Sanskrit only: no published translation is held for this verse.

कुम्भीपाकेषु निर्दग्धः पश्चाद्गर्दभतां गतः ।। ततो जातस्त्वसौ पापः शूकरो मलभुक्तथा

kumbhīpākeṣu nirdagdhaḥ paścādgardabhatāṃ gataḥ || tato jātastvasau pāpaḥ śūkaro malabhuktathā

Sanskrit only: no published translation is held for this verse.

प्राप्नोतु विविधांस्तापान्यथा हृतधनश्च सन् ।। क्षुधातृष्णापराक्रान्तो गर्दभो दशजन्मसु

prāpnotu vividhāṃstāpānyathā hṛtadhanaśca san || kṣudhātṛṣṇāparākrānto gardabho daśajanmasu

Sanskrit only: no published translation is held for this verse.

मानुष्यं समनुप्राप्य चौरो भवति पापकृत् ।। परोपघाती निर्लज्जः सर्वेदोषसमन्वितः

mānuṣyaṃ samanuprāpya cauro bhavati pāpakṛt || paropaghātī nirlajjaḥ sarvedoṣasamanvitaḥ

Sanskrit only: no published translation is held for this verse.

वृक्षशाखावलम्बोऽत्र ह्यधःशीर्षः प्रजायते ।। अग्निना पच्यतां पश्चाल्लुब्धो वै पुरुषाधमः

vṛkṣaśākhāvalambo'tra hyadhaḥśīrṣaḥ prajāyate || agninā pacyatāṃ paścāllubdho vai puruṣādhamaḥ

Sanskrit only: no published translation is held for this verse.

ततो वर्षशते पूर्णे मुच्यते स पुनः पुनः ।। अजितात्मा तथा पापः पिशुनश्च दुरात्मवान्

tato varṣaśate pūrṇe mucyate sa punaḥ punaḥ || ajitātmā tathā pāpaḥ piśunaśca durātmavān

Sanskrit only: no published translation is held for this verse.

पूर्वैश्च सूकरो भूत्वा नकुलो जायते पुनः ।। विमुक्तश्च ततः पश्चान्मानुष्यं लभते चिरात्

pūrvaiśca sūkaro bhūtvā nakulo jāyate punaḥ || vimuktaśca tataḥ paścānmānuṣyaṃ labhate cirāt

Sanskrit only: no published translation is held for this verse.

धिक्कृतः सर्वलोकेन कूटसाक्ष्यनृतव्रतः ।। न शर्म लभते क्वापि कर्मणा स्वेन गर्हितः

dhikkṛtaḥ sarvalokena kūṭasākṣyanṛtavrataḥ || na śarma labhate kvāpi karmaṇā svena garhitaḥ

Sanskrit only: no published translation is held for this verse.

इमं ह्यानृतिकं दुष्टं क्षेत्रहारकमेव च ।। स्वकर्म दुष्कृतं यावत्तावदुःखं भुनक्त्वसौ

imaṃ hyānṛtikaṃ duṣṭaṃ kṣetrahārakameva ca || svakarma duṣkṛtaṃ yāvattāvaduḥkhaṃ bhunaktvasau

Sanskrit only: no published translation is held for this verse.

कर्मण्येकैकशश्चायं स तु तिष्ठत्वयं पुनः ।। वर्षलक्षं न सन्देहस्ततस्तिष्ठत्वयं पुनः

karmaṇyekaikaśaścāyaṃ sa tu tiṣṭhatvayaṃ punaḥ || varṣalakṣaṃ na sandehastatastiṣṭhatvayaṃ punaḥ

Sanskrit only: no published translation is held for this verse.

ततो जातीः स्मरेत्सर्वास्तिर्यग्योनिं समाश्रितः ।। जायतां मानुषः पश्चात्क्षुधया परिपीडितः

tato jātīḥ smaretsarvāstiryagyoniṃ samāśritaḥ || jāyatāṃ mānuṣaḥ paścātkṣudhayā paripīḍitaḥ

Sanskrit only: no published translation is held for this verse.

सर्वकामविमुक्तस्तु सर्वदोषसमन्वितः ।। क्वचिज्जात्यां भवेदन्धः क्वचिद्बधिर एव च

sarvakāmavimuktastu sarvadoṣasamanvitaḥ || kvacijjātyāṃ bhavedandhaḥ kvacidbadhira eva ca

Sanskrit only: no published translation is held for this verse.

क्वचिन्मूकश्च काणश्च क्वचिद्व्याधिसमन्वितः ।। एवं हि प्राप्नुयाद्दुःखं न च सौख्यमवाप्नुयात्

kvacinmūkaśca kāṇaśca kvacidvyādhisamanvitaḥ || evaṃ hi prāpnuyādduḥkhaṃ na ca saukhyamavāpnuyāt

Sanskrit only: no published translation is held for this verse.

तीव्रैरन्तर्गतैर्दुःखैर्भूमिहर्त्ता नराधमः ।। इमं बन्धैर्दृढैर्बद्ध्वा विपाचय तथाचिरम्

tīvrairantargatairduḥkhairbhūmiharttā narādhamaḥ || imaṃ bandhairdṛḍhairbaddhvā vipācaya tathāciram

Sanskrit only: no published translation is held for this verse.

प्रबद्धः सुचिरं कालं मम लोकं गतो नरः ।। जायतां स चिरं पापो मार्जारस्तेन कर्मणा

prabaddhaḥ suciraṃ kālaṃ mama lokaṃ gato naraḥ || jāyatāṃ sa ciraṃ pāpo mārjārastena karmaṇā

Sanskrit only: no published translation is held for this verse.

तीव्रक्षुधापरिक्लिष्टो बद्धो बन्धनयन्त्रितः ।। दुःखान्यनुभवंस्तत्र पापकर्मा नराधमः

tīvrakṣudhāparikliṣṭo baddho bandhanayantritaḥ || duḥkhānyanubhavaṃstatra pāpakarmā narādhamaḥ

Sanskrit only: no published translation is held for this verse.

सप्तधा सप्त चैकां च जातिं गत्वा स पच्यते ।। इमं शाकुनिकं पापं श्वभिर्गृध्रैश्च घातय

saptadhā sapta caikāṃ ca jātiṃ gatvā sa pacyate || imaṃ śākunikaṃ pāpaṃ śvabhirgṛdhraiśca ghātaya

Sanskrit only: no published translation is held for this verse.

ततः कुक्कुटतां यातु विड्भक्षश्च दुरात्मवान् ।। दंशश्च मशकश्चैव ततः पश्चाद्भवेत्तु सः

tataḥ kukkuṭatāṃ yātu viḍbhakṣaśca durātmavān || daṃśaśca maśakaścaiva tataḥ paścādbhavettu saḥ

Sanskrit only: no published translation is held for this verse.

जातिकर्म सहस्रं तु ततो मानुषतां व्रजेत् ।। इमं सौकरिकं पापं महिषा घातयन्तु तम्

jātikarma sahasraṃ tu tato mānuṣatāṃ vrajet || imaṃ saukarikaṃ pāpaṃ mahiṣā ghātayantu tam

Sanskrit only: no published translation is held for this verse.

वर्षाणां च सहस्रं तु धावमानं ततस्ततः।। विभिन्नं च प्रभिन्नं च शृंगाभ्यां पद्भिरेव च

varṣāṇāṃ ca sahasraṃ tu dhāvamānaṃ tatastataḥ|| vibhinnaṃ ca prabhinnaṃ ca śṛṃgābhyāṃ padbhireva ca

Sanskrit only: no published translation is held for this verse.

तस्माद्देशात्ततो मुक्तस्ततः सूकरतां व्रजेत् ।। महिषः कुक्कुटश्चैव शशो जम्बूक एव च

tasmāddeśāttato muktastataḥ sūkaratāṃ vrajet || mahiṣaḥ kukkuṭaścaiva śaśo jambūka eva ca

Sanskrit only: no published translation is held for this verse.

यां यां याति पुनर्जातिं तत्र भक्ष्यो भवेत्तु सः ।। कर्मक्षयोऽन्यथा नास्ति मया पूर्वं विनिर्मितम्

yāṃ yāṃ yāti punarjātiṃ tatra bhakṣyo bhavettu saḥ || karmakṣayo'nyathā nāsti mayā pūrvaṃ vinirmitam

Sanskrit only: no published translation is held for this verse.

प्राप्य मानुषतां पश्चात्पुनर्व्याधो भविष्यति ।। अन्यथा निष्कृतिर्नास्ति जातिजन्मशतैरपि

prāpya mānuṣatāṃ paścātpunarvyādho bhaviṣyati || anyathā niṣkṛtirnāsti jātijanmaśatairapi

Sanskrit only: no published translation is held for this verse.

उच्छिष्टान्नप्रदातारं पापाचारमधार्मिकम् ।। अङ्गारैः पचतां चैनं त्रीणि वर्षशतानि च

ucchiṣṭānnapradātāraṃ pāpācāramadhārmikam || aṅgāraiḥ pacatāṃ cainaṃ trīṇi varṣaśatāni ca

Sanskrit only: no published translation is held for this verse.

भिन्नचारित्रदुःशीला भर्त्तुर्व्यलीककारिणी ।। आयसान्पुरुषान्सप्त ह्यालिङ्गतु समन्ततः

bhinnacāritraduḥśīlā bhartturvyalīkakāriṇī || āyasānpuruṣānsapta hyāliṅgatu samantataḥ

Sanskrit only: no published translation is held for this verse.

ततः शुनी भवेत्पश्चात्सूकरी च ततः परम् ।। कर्मक्षये ततः पश्चान्मानुषी दुःखिता भवेत्

tataḥ śunī bhavetpaścātsūkarī ca tataḥ param || karmakṣaye tataḥ paścānmānuṣī duḥkhitā bhavet

Sanskrit only: no published translation is held for this verse.

न च सौख्यमवाप्नोति तेन दुःखेन दुखिता ।। अनेन भृत्या बहवः श्रांताः शांताः प्रवाहिताः

na ca saukhyamavāpnoti tena duḥkhena dukhitā || anena bhṛtyā bahavaḥ śrāṃtāḥ śāṃtāḥ pravāhitāḥ

Sanskrit only: no published translation is held for this verse.

भक्ष्यं भोज्यं च पानं च न तेषामुपपादितम् ।। अनुमोदे प्रजा दृष्ट्वा लिप्समानो दुरात्मवान्

bhakṣyaṃ bhojyaṃ ca pānaṃ ca na teṣāmupapāditam || anumode prajā dṛṣṭvā lipsamāno durātmavān

Sanskrit only: no published translation is held for this verse.

एवं कुरुत भद्रं वो मम पार्श्वे तु दुर्मतिः ।। रौरवे नरके घोरे सर्वदोषसमन्विते

evaṃ kuruta bhadraṃ vo mama pārśve tu durmatiḥ || raurave narake ghore sarvadoṣasamanvite

Sanskrit only: no published translation is held for this verse.

सर्वकर्माणि कुर्वाणं क्षपयध्वं दुरासदम् ।। वर्षाणां तु सहस्राणि तैस्तैः कर्मभिरावृतम्

sarvakarmāṇi kurvāṇaṃ kṣapayadhvaṃ durāsadam || varṣāṇāṃ tu sahasrāṇi taistaiḥ karmabhirāvṛtam

Sanskrit only: no published translation is held for this verse.

प्रक्षिप्यतामयं पश्चाद्दस्युजातौ दुरात्मवान् ।। जायतामुरगः पश्चात्ततः कर्म समाश्रयेत्

prakṣipyatāmayaṃ paścāddasyujātau durātmavān || jāyatāmuragaḥ paścāttataḥ karma samāśrayet

Sanskrit only: no published translation is held for this verse.

ततः पश्चाद्भवेत्पापश्चेतरः सर्वपापकृत् ।। सूकरस्तु भवेत्पश्चान्मेषः संजायते पुनः

tataḥ paścādbhavetpāpaścetaraḥ sarvapāpakṛt || sūkarastu bhavetpaścānmeṣaḥ saṃjāyate punaḥ

Sanskrit only: no published translation is held for this verse.

हस्त्यश्वश्च शृगालश्च सूकरो बक एव च ।। ततो जातस्तु सर्वेषु संसारेषु पुनः पुनः

hastyaśvaśca śṛgālaśca sūkaro baka eva ca || tato jātastu sarveṣu saṃsāreṣu punaḥ punaḥ

Sanskrit only: no published translation is held for this verse.

वर्षाणामयुतं साग्रं ततो मानुषतां व्रजेत् ।। पंचगर्भेषु सापत्सु पंच जातो म्रियेत सः

varṣāṇāmayutaṃ sāgraṃ tato mānuṣatāṃ vrajet || paṃcagarbheṣu sāpatsu paṃca jāto mriyeta saḥ

Sanskrit only: no published translation is held for this verse.

अपौगण्डो म्रियेत्पंच कर्मशेषक्षये तु सः ।। ततो मानुषतां याति चैष कर्माविनिर्णयः

apaugaṇḍo mriyetpaṃca karmaśeṣakṣaye tu saḥ || tato mānuṣatāṃ yāti caiṣa karmāvinirṇayaḥ

Sanskrit only: no published translation is held for this verse.

पापस्य सुकृतस्याथ प्रजानां विनिपातने ।। भूतानां चाप्यसंमानं दुष्प्रहारश्च सर्वशः

pāpasya sukṛtasyātha prajānāṃ vinipātane || bhūtānāṃ cāpyasaṃmānaṃ duṣprahāraśca sarvaśaḥ

Sanskrit only: no published translation is held for this verse.

अतः स्वयम्भुवा पूर्वं कर्मपाको यथार्थवत्

ataḥ svayambhuvā pūrvaṃ karmapāko yathārthavat

Sanskrit only: no published translation is held for this verse.

जात्यन्तरसहस्राणि प्रयुतान्यर्बुदानि च ।। शान्तिं न लभते चैव भूमे क्षेत्रहरो नरः

jātyantarasahasrāṇi prayutānyarbudāni ca || śāntiṃ na labhate caiva bhūme kṣetraharo naraḥ

Sanskrit only: no published translation is held for this verse.

इति श्रीवराहपुराणे संसारचक्रे नारकिदण्डकर्मविपाक वर्णनं नाम द्व्यधिकद्विशततमोऽध्यायः

iti śrīvarāhapurāṇe saṃsāracakre nārakidaṇḍakarmavipāka varṇanaṃ nāma dvyadhikadviśatatamo'dhyāyaḥ

Sanskrit only: no published translation is held for this verse.