Varāha Purāṇa 203

अथ पापसमूहानुक्रमवर्णनम् ।। ऋषिपुत्र उवाच ।। अन्यान्यपि च पापानि चित्रगुप्तो दिदेश ह ।। व्यामिश्रान्कथ्यमानांश्च शृणुध्वं तान्महौजसः

atha pāpasamūhānukramavarṇanam || ṛṣiputra uvāca || anyānyapi ca pāpāni citragupto dideśa ha || vyāmiśrānkathyamānāṃśca śṛṇudhvaṃ tānmahaujasaḥ

Sanskrit only: no published translation is held for this verse.

शीलसंयमहीनानां कृष्णपक्षानुगामिनाम् ।। महापापैरुपेतानां कथ्यतां तत्पराभवम्

śīlasaṃyamahīnānāṃ kṛṣṇapakṣānugāminām || mahāpāpairupetānāṃ kathyatāṃ tatparābhavam

Sanskrit only: no published translation is held for this verse.

राजद्विष्टा गुरुद्विष्टाः सर्वे ते वै विगर्हिताः ।। अविश्वास्या ह्यसम्भाष्याः कुक्षिमात्रपरायणाः

rājadviṣṭā gurudviṣṭāḥ sarve te vai vigarhitāḥ || aviśvāsyā hyasambhāṣyāḥ kukṣimātraparāyaṇāḥ

Sanskrit only: no published translation is held for this verse.

हिंसाविहारिणः क्रूराः सूचकाः कार्यदूषकाः ।। गवेडकस्य वधकाः महिषाजादिकस्य च

hiṃsāvihāriṇaḥ krūrāḥ sūcakāḥ kāryadūṣakāḥ || gaveḍakasya vadhakāḥ mahiṣājādikasya ca

Sanskrit only: no published translation is held for this verse.

दावाग्निं ये च मुंचन्ति ये च सौकरिकास्तथा ।। तत्र कालमसंख्येयं पच्यन्ते पापकारिणः

dāvāgniṃ ye ca muṃcanti ye ca saukarikāstathā || tatra kālamasaṃkhyeyaṃ pacyante pāpakāriṇaḥ

Sanskrit only: no published translation is held for this verse.

कर्मक्षयाद्यदा भूयो मानुष्यं प्राप्नुवन्ति ते ।। अल्पायुषो भवन्तीह व्याधिग्रस्ताश्च नित्यशः

karmakṣayādyadā bhūyo mānuṣyaṃ prāpnuvanti te || alpāyuṣo bhavantīha vyādhigrastāśca nityaśaḥ

Sanskrit only: no published translation is held for this verse.

गर्भ एव विपद्यन्ते म्रियन्ते बालकास्तथा ।। परिरिंगरताः केचिन्म्रियन्ते पुरुषाधमाः

garbha eva vipadyante mriyante bālakāstathā || paririṃgaratāḥ kecinmriyante puruṣādhamāḥ

Sanskrit only: no published translation is held for this verse.

काष्ठवंशे च शस्त्रे च वायुना ज्वलनेन च ।। तोयेन वा पाशबन्धैः पतनेन विषेण वा

kāṣṭhavaṃśe ca śastre ca vāyunā jvalanena ca || toyena vā pāśabandhaiḥ patanena viṣeṇa vā

Sanskrit only: no published translation is held for this verse.

मातापितृवधं कष्टं मित्रसम्बन्धिबन्धुजम् ।। बहुशः प्राप्नुवन्त्येते विद्रवं चाप्यभीक्ष्णशः

mātāpitṛvadhaṃ kaṣṭaṃ mitrasambandhibandhujam || bahuśaḥ prāpnuvantyete vidravaṃ cāpyabhīkṣṇaśaḥ

Sanskrit only: no published translation is held for this verse.

प्राणातिपातनं ते वै प्राप्नुवन्ति यथा तथा ।। लोहकाः कारुकाश्चैव गर्भाणां विनिहिंसकाः

prāṇātipātanaṃ te vai prāpnuvanti yathā tathā || lohakāḥ kārukāścaiva garbhāṇāṃ vinihiṃsakāḥ

Sanskrit only: no published translation is held for this verse.

मूलकर्मकरा ये च गरदाः पुरदाहकाः ।। ये च पञ्जरकर्त्तारो ये च शूलोपघातकाः

mūlakarmakarā ye ca garadāḥ puradāhakāḥ || ye ca pañjarakarttāro ye ca śūlopaghātakāḥ

Sanskrit only: no published translation is held for this verse.

पिशुनाः कलहाश्चैव ये च मिथ्याविदूषकाः ।। गोकुञ्जरखरोष्ट्राणां चर्मका मांसभेदकाः

piśunāḥ kalahāścaiva ye ca mithyāvidūṣakāḥ || gokuñjarakharoṣṭrāṇāṃ carmakā māṃsabhedakāḥ

Sanskrit only: no published translation is held for this verse.

उद्वेजनकराश्चण्डाः पच्यन्ते नरकेषु ते ।। तत्र कालं तु सम्प्राप्य यातनाश्च सुदुःसहाः

udvejanakarāścaṇḍāḥ pacyante narakeṣu te || tatra kālaṃ tu samprāpya yātanāśca suduḥsahāḥ

Sanskrit only: no published translation is held for this verse.

कर्मक्षयो यदा भूयो मानुष्यं प्राप्नुवन्ति ते ।। हीनाङ्गाः सुदरिद्राश्च भवंति पुरुषाधमाः

karmakṣayo yadā bhūyo mānuṣyaṃ prāpnuvanti te || hīnāṅgāḥ sudaridrāśca bhavaṃti puruṣādhamāḥ

Sanskrit only: no published translation is held for this verse.

श्रवणच्छेदनं चैव नासाच्छेदनमेव च ।। छेदनं हस्तपादानां प्राप्नुवंति स्वकर्मणा

śravaṇacchedanaṃ caiva nāsācchedanameva ca || chedanaṃ hastapādānāṃ prāpnuvaṃti svakarmaṇā

Sanskrit only: no published translation is held for this verse.

शारीरं मानसं दुःखं प्राप्नुवन्ति पुनःपुनः ।। गलवेदनास्तथोग्राश्च तथा मस्तकवेदनाः

śārīraṃ mānasaṃ duḥkhaṃ prāpnuvanti punaḥpunaḥ || galavedanāstathogrāśca tathā mastakavedanāḥ

Sanskrit only: no published translation is held for this verse.

कुक्ष्यामयं तथा तीव्रं प्राप्नुवंति नराधमाः ।। जडान्ध बधिरा मूकाः पंगवः पादसर्पिणः

kukṣyāmayaṃ tathā tīvraṃ prāpnuvaṃti narādhamāḥ || jaḍāndha badhirā mūkāḥ paṃgavaḥ pādasarpiṇaḥ

Sanskrit only: no published translation is held for this verse.

एकपक्षहताः काणाः कुनखाश्चामयाविनः ।। कुब्जाः खञ्जास्तथा हीना विकलाश्च घटोदराः

ekapakṣahatāḥ kāṇāḥ kunakhāścāmayāvinaḥ || kubjāḥ khañjāstathā hīnā vikalāśca ghaṭodarāḥ

Sanskrit only: no published translation is held for this verse.

गलत्कुष्ठाः श्वित्रकुष्ठा भवन्ति स्वैश्च कर्मभिः ।। वाताण्डाश्चाण्डहीनाश्च प्रमेहमधुमेहिनः

galatkuṣṭhāḥ śvitrakuṣṭhā bhavanti svaiśca karmabhiḥ || vātāṇḍāścāṇḍahīnāśca pramehamadhumehinaḥ

Sanskrit only: no published translation is held for this verse.

योनिशूलाक्षिशूलाश्च श्वास हृद्गुह्यशूलिनः ।। पिण्डकावर्त्तभेदैश्च प्लीहगुल्मादिरोगिणः

yoniśūlākṣiśūlāśca śvāsa hṛdguhyaśūlinaḥ || piṇḍakāvarttabhedaiśca plīhagulmādirogiṇaḥ

Sanskrit only: no published translation is held for this verse.

बहुभिर्दारुणैर्घोरैर्व्याधिभिः समनुद्गताः ।। इत्येतान्हिंसकान्क्रूरान्घातयन्तु सुदारुणान्

bahubhirdāruṇairghorairvyādhibhiḥ samanudgatāḥ || ityetānhiṃsakānkrūrānghātayantu sudāruṇān

Sanskrit only: no published translation is held for this verse.

मिथ्याप्रलापिनो दूतान्पाचयन्तु यथाक्रमम् ।। कर्कशाः पुरुषाः सत्या ये च योषानिरर्थकाः

mithyāpralāpino dūtānpācayantu yathākramam || karkaśāḥ puruṣāḥ satyā ye ca yoṣānirarthakāḥ

Sanskrit only: no published translation is held for this verse.

एषां चतुर्विधा भाषा या मिथ्याप्यभिधीयते ।। हास्यरूपेण या भाषा चित्ररूपेण वा पुनः

eṣāṃ caturvidhā bhāṣā yā mithyāpyabhidhīyate || hāsyarūpeṇa yā bhāṣā citrarūpeṇa vā punaḥ

Sanskrit only: no published translation is held for this verse.

अरहस्यं रहस्यं वा पैशुन्येन तु निन्दनात् ।। उद्वेगजनना वापि कटुका लोकगर्हिताः

arahasyaṃ rahasyaṃ vā paiśunyena tu nindanāt || udvegajananā vāpi kaṭukā lokagarhitāḥ

Sanskrit only: no published translation is held for this verse.

स्नेहक्षयकरां रूक्षां भिन्नवृत्तविभूषिताम् ।। कदलीगर्भनिस्सारां मर्मस्पृक्कटुकाक्षराम्

snehakṣayakarāṃ rūkṣāṃ bhinnavṛttavibhūṣitām || kadalīgarbhanissārāṃ marmaspṛkkaṭukākṣarām

Sanskrit only: no published translation is held for this verse.

स्वरहीनामसंख्येयां भाषंते च निरर्थकम् ।। अयंत्रितमुखा ये च ये निबद्धाः प्रलापिनः

svarahīnāmasaṃkhyeyāṃ bhāṣaṃte ca nirarthakam || ayaṃtritamukhā ye ca ye nibaddhāḥ pralāpinaḥ

Sanskrit only: no published translation is held for this verse.

दूषयन्ति हि जल्पन्तोऽनृजवो निष्ठुराः शठाः ।। निर्दया गतलज्जाश्च मूर्खा मर्मविभेदिनः

dūṣayanti hi jalpanto'nṛjavo niṣṭhurāḥ śaṭhāḥ || nirdayā gatalajjāśca mūrkhā marmavibhedinaḥ

Sanskrit only: no published translation is held for this verse.

न मर्षयंति येऽन्येषां कीर्त्यमानाञ्छुभान्गुणान् ।। दुर्वाचः परुषांश्चण्डान्बन्धयध्वं नराधमान्

na marṣayaṃti ye'nyeṣāṃ kīrtyamānāñchubhānguṇān || durvācaḥ paruṣāṃścaṇḍānbandhayadhvaṃ narādhamān

Sanskrit only: no published translation is held for this verse.

ततस्तिर्यक्प्रजायन्ते बहुधा कीट पक्षिणः ।। लोके दोषकराश्चैव लोकद्विष्टास्तथा परे।।

tatastiryakprajāyante bahudhā kīṭa pakṣiṇaḥ || loke doṣakarāścaiva lokadviṣṭāstathā pare||

Sanskrit only: no published translation is held for this verse.

तत्र कालं चिरं घोरं पच्यन्ते पापकारिणः।। कर्मक्षयो यदा भूयो मानुष्यं प्राप्नुवन्ति ते

tatra kālaṃ ciraṃ ghoraṃ pacyante pāpakāriṇaḥ|| karmakṣayo yadā bhūyo mānuṣyaṃ prāpnuvanti te

Sanskrit only: no published translation is held for this verse.

परिभूता अविज्ञाता नष्टचित्ता अकीर्त्तयः ।। अनर्च्याश्चाप्यनर्हाश्च स्वपक्षे ह्यवमानिताः

paribhūtā avijñātā naṣṭacittā akīrttayaḥ || anarcyāścāpyanarhāśca svapakṣe hyavamānitāḥ

Sanskrit only: no published translation is held for this verse.

त्यक्त्वा मित्राणि मित्रेषु ज्ञातिभिश्च निराकृताः ।। लोकदोषकराश्चैव लोकद्वेष्याश्च ये नराः

tyaktvā mitrāṇi mitreṣu jñātibhiśca nirākṛtāḥ || lokadoṣakarāścaiva lokadveṣyāśca ye narāḥ

Sanskrit only: no published translation is held for this verse.

अन्यैरपि कृतं पापं तेषां पतति मस्तके ।। वज्रं शस्त्रं विषं वापि देहाद्देहनिपातनम्

anyairapi kṛtaṃ pāpaṃ teṣāṃ patati mastake || vajraṃ śastraṃ viṣaṃ vāpi dehāddehanipātanam

Sanskrit only: no published translation is held for this verse.

मिथ्याप्रलापिनामेषामुक्ता क्लेशपरम्परा ।। स्तेयहारं प्रहारं च नीतिहारं तथैव च

mithyāpralāpināmeṣāmuktā kleśaparamparā || steyahāraṃ prahāraṃ ca nītihāraṃ tathaiva ca

Sanskrit only: no published translation is held for this verse.

स्तेयकर्माणि कुर्वन्ति प्रसह्य हरणानि च ।। करचण्डाशिनो ये च राजशब्दोपजीविनः

steyakarmāṇi kurvanti prasahya haraṇāni ca || karacaṇḍāśino ye ca rājaśabdopajīvinaḥ

Sanskrit only: no published translation is held for this verse.

पीडयन्ति जनान् सर्वान्कृपणान्ग्रामकूटकान् ।। सुवर्णमणिमुक्तानां कूटकर्मानुकारकाः

pīḍayanti janān sarvānkṛpaṇāngrāmakūṭakān || suvarṇamaṇimuktānāṃ kūṭakarmānukārakāḥ

Sanskrit only: no published translation is held for this verse.

समये कृतहर्त्तारो लोकपीडाकरा नराः ।। अनादिबुद्धयश्चान्ये स्वार्थातिशयकारिणः

samaye kṛtaharttāro lokapīḍākarā narāḥ || anādibuddhayaścānye svārthātiśayakāriṇaḥ

Sanskrit only: no published translation is held for this verse.

भूतनिष्ठाभियोगज्ञा व्यवहारेष्वनर्थकाः ।। भेदकाराश्च धातूनां रजतस्य च कारकाः

bhūtaniṣṭhābhiyogajñā vyavahāreṣvanarthakāḥ || bhedakārāśca dhātūnāṃ rajatasya ca kārakāḥ

Sanskrit only: no published translation is held for this verse.

न्यासार्थहारका ये च सम्मोहनकराश्च ये ।। ये तथोपाधिकाः क्षुद्राः पच्यन्ते तेषु तेष्वथ

nyāsārthahārakā ye ca sammohanakarāśca ye || ye tathopādhikāḥ kṣudrāḥ pacyante teṣu teṣvatha

Sanskrit only: no published translation is held for this verse.

निरयेष्व प्रतिष्ठेषु दारुणेषु ततस्ततः।। तत्र कालं तु सुचिरं पच्यन्तां पापकारिणः

nirayeṣva pratiṣṭheṣu dāruṇeṣu tatastataḥ|| tatra kālaṃ tu suciraṃ pacyantāṃ pāpakāriṇaḥ

Sanskrit only: no published translation is held for this verse.

कर्मक्षयो यदा तेषां मानुष्यं प्राप्नुवन्ति ते ।। तत्र तत्रोपपद्यन्ते यत्र यत्र महद्भयम्

karmakṣayo yadā teṣāṃ mānuṣyaṃ prāpnuvanti te || tatra tatropapadyante yatra yatra mahadbhayam

Sanskrit only: no published translation is held for this verse.

यस्मिंश्चौरभयं देशे क्षुद्भयं राजतो भयम् ।। आपद्भ्योऽपि भयं यत्र व्याधिमृत्युभयं तथा

yasmiṃścaurabhayaṃ deśe kṣudbhayaṃ rājato bhayam || āpadbhyo'pi bhayaṃ yatra vyādhimṛtyubhayaṃ tathā

Sanskrit only: no published translation is held for this verse.

ईतयो यत्र देशेषु लुब्धेषु नगरेषु च ।। क्षयाः कालोपसर्गा वा जायन्ते तत्र ते नराः

ītayo yatra deśeṣu lubdheṣu nagareṣu ca || kṣayāḥ kālopasargā vā jāyante tatra te narāḥ

Sanskrit only: no published translation is held for this verse.

बहुदुःखपरिक्लिष्टा गर्भवासेन पीडिताः ।। एकहस्ता द्विहस्ता वा कूटाश्च विकृतोदराः

bahuduḥkhaparikliṣṭā garbhavāsena pīḍitāḥ || ekahastā dvihastā vā kūṭāśca vikṛtodarāḥ

Sanskrit only: no published translation is held for this verse.

तेषामपत्यं न भवेत्तद्रूपं च सुलक्षणम् ।। अतिह्रस्वं विवर्णं च विकृतं भ्रान्तलोचनम्

teṣāmapatyaṃ na bhavettadrūpaṃ ca sulakṣaṇam || atihrasvaṃ vivarṇaṃ ca vikṛtaṃ bhrāntalocanam

Sanskrit only: no published translation is held for this verse.

संसारे च यथा पक्वं कृपणं भैरवस्वनम् ।। महतः परिवारस्य तुष्टश्चोच्छिष्टभोजकः

saṃsāre ca yathā pakvaṃ kṛpaṇaṃ bhairavasvanam || mahataḥ parivārasya tuṣṭaścocchiṣṭabhojakaḥ

Sanskrit only: no published translation is held for this verse.

रूपतो गुणतो हीनो बलतः शीलतस्तथा ।। राजभृत्या भवन्त्येते पृथिवीपरिचारकाः

rūpato guṇato hīno balataḥ śīlatastathā || rājabhṛtyā bhavantyete pṛthivīparicārakāḥ

Sanskrit only: no published translation is held for this verse.

शिराविवृतगात्राश्च हीनाङ्गा वातरोगिणः ।। अश्रुपातितनेत्राश्च भार्या न प्राप्नुवन्ति ते

śirāvivṛtagātrāśca hīnāṅgā vātarogiṇaḥ || aśrupātitanetrāśca bhāryā na prāpnuvanti te

Sanskrit only: no published translation is held for this verse.

कर्मान्तकारका ह्येते तृणीभूता भवन्ति ते ।। अनर्थो राजदण्डो वा नित्यमुत्पाद्यते वधः

karmāntakārakā hyete tṛṇībhūtā bhavanti te || anartho rājadaṇḍo vā nityamutpādyate vadhaḥ

Sanskrit only: no published translation is held for this verse.

कर्मकल्याणकृच्छ्रेषु भृशं चापि विमुह्यति ।। कर्षकाः पशुपालाश्च वाणिज्यस्योपजीवकाः

karmakalyāṇakṛcchreṣu bhṛśaṃ cāpi vimuhyati || karṣakāḥ paśupālāśca vāṇijyasyopajīvakāḥ

Sanskrit only: no published translation is held for this verse.

यद्यत्कुर्वन्ति ते कर्म सर्वत्र क्षयभागिनः ।। सत्यमन्विष्यमाणाश्च नैव ते कीर्त्तिभागिनः

yadyatkurvanti te karma sarvatra kṣayabhāginaḥ || satyamanviṣyamāṇāśca naiva te kīrttibhāginaḥ

Sanskrit only: no published translation is held for this verse.

यत्किञ्चिदशुभं कर्म तस्मिन्देशे समुच्छ्रितम् ।। तस्य देशस्य नैवास्ति वर्जयित्वातुरान्नरान्

yatkiñcidaśubhaṃ karma tasmindeśe samucchritam || tasya deśasya naivāsti varjayitvāturānnarān

Sanskrit only: no published translation is held for this verse.

सुवृष्ट्यामपि तेषां वै क्षेत्रं तं तु विवर्जयेत् ।। अशनिर्वा पतेत्तत्र क्षेत्रं वापि विनश्यति

suvṛṣṭyāmapi teṣāṃ vai kṣetraṃ taṃ tu vivarjayet || aśanirvā patettatra kṣetraṃ vāpi vinaśyati

Sanskrit only: no published translation is held for this verse.

न सुखं नापि निर्वाणं तेषां मानुषता भवेत् ।। उत्पद्यते नृशंसानां तीव्रः क्लेशः सुदारुणः

na sukhaṃ nāpi nirvāṇaṃ teṣāṃ mānuṣatā bhavet || utpadyate nṛśaṃsānāṃ tīvraḥ kleśaḥ sudāruṇaḥ

Sanskrit only: no published translation is held for this verse.

स्तेयकर्मप्रयुक्तानां मुक्त्वा क्लेशपरम्पराम् ।। परदारप्रसक्तानामिमां शृणुत यातनाम्

steyakarmaprayuktānāṃ muktvā kleśaparamparām || paradāraprasaktānāmimāṃ śṛṇuta yātanām

Sanskrit only: no published translation is held for this verse.

तिर्यङ्मानुषदेहेषु यान्ति विक्षिप्तमानसाः ।। विहरन्ति ह्यधर्मेषु धर्मचारित्रदूषकाः

tiryaṅmānuṣadeheṣu yānti vikṣiptamānasāḥ || viharanti hyadharmeṣu dharmacāritradūṣakāḥ

Sanskrit only: no published translation is held for this verse.

तांस्तेनैव प्रदानेन संग्रहेत्तु ग्रहेण वा ।। मूलकर्मप्रयोगेण राष्ट्रस्यातिक्रमेण वा

tāṃstenaiva pradānena saṃgrahettu graheṇa vā || mūlakarmaprayogeṇa rāṣṭrasyātikrameṇa vā

Sanskrit only: no published translation is held for this verse.

प्रसह्य वा प्रकृत्या वै ये चरन्ति कुलाङ्गनाः ।। वर्णसङ्करकर्त्तारः कुलधर्मादिदूषकाः

prasahya vā prakṛtyā vai ye caranti kulāṅganāḥ || varṇasaṅkarakarttāraḥ kuladharmādidūṣakāḥ

Sanskrit only: no published translation is held for this verse.

शीलशौचादिसम्पन्नं ये जनं धर्मलक्षणम् ।। धर्षयन्ति च ये पापाः श्रूयतां तत्पराभवः

śīlaśaucādisampannaṃ ye janaṃ dharmalakṣaṇam || dharṣayanti ca ye pāpāḥ śrūyatāṃ tatparābhavaḥ

Sanskrit only: no published translation is held for this verse.

निरयं पापभूयिष्ठा अनुभूय महाभयम् ।। बहुवर्षसहस्राणि कमर्णा तेन दुष्कृताः

nirayaṃ pāpabhūyiṣṭhā anubhūya mahābhayam || bahuvarṣasahasrāṇi kamarṇā tena duṣkṛtāḥ

Sanskrit only: no published translation is held for this verse.

कर्मक्षये यदा भूयो मानुष्यं यान्ति दारुणम् ।। सङ्कीर्णयोनिजाः क्षुद्रा भवन्ति पुरुषाधमाः

karmakṣaye yadā bhūyo mānuṣyaṃ yānti dāruṇam || saṅkīrṇayonijāḥ kṣudrā bhavanti puruṣādhamāḥ

Sanskrit only: no published translation is held for this verse.

वेश्यालङ्घककूटानां शौण्डिकानां तथैव च ।। दुष्टपाषण्डनारीणां नैकमैथुनगामिनाम्

veśyālaṅghakakūṭānāṃ śauṇḍikānāṃ tathaiva ca || duṣṭapāṣaṇḍanārīṇāṃ naikamaithunagāminām

Sanskrit only: no published translation is held for this verse.

निर्ल्लज्जपुण्ड्रकाः केचिद्बद्धपौरुषगण्डकाः ।। स्त्रीबन्धकाः स्त्रीविनाशाः स्त्रीवेषाः स्त्रीविहारिणः

nirllajjapuṇḍrakāḥ kecidbaddhapauruṣagaṇḍakāḥ || strībandhakāḥ strīvināśāḥ strīveṣāḥ strīvihāriṇaḥ

Sanskrit only: no published translation is held for this verse.

स्त्रीणां चानुप्रवृद्धा ये स्त्रीभोगपरिभोगिनः ।। तद्दैवतास्तन्नियमास्तद्वेषास्तत्प्रभाषिताः

strīṇāṃ cānupravṛddhā ye strībhogaparibhoginaḥ || taddaivatāstanniyamāstadveṣāstatprabhāṣitāḥ

Sanskrit only: no published translation is held for this verse.

तद्भावास्तत्कथालापास्तद्भोगाः परिभोगिनः ।। विप्रलोभं च दानेषु प्राप्नुवन्ति नराधमाः

tadbhāvāstatkathālāpāstadbhogāḥ paribhoginaḥ || vipralobhaṃ ca dāneṣu prāpnuvanti narādhamāḥ

Sanskrit only: no published translation is held for this verse.

सौभाग्यपरमासक्ता नरा बीभत्सदर्शनाः ।। अबुद्धैः सह संवासं प्रियं चाविप्रियं तथा

saubhāgyaparamāsaktā narā bībhatsadarśanāḥ || abuddhaiḥ saha saṃvāsaṃ priyaṃ cāvipriyaṃ tathā

Sanskrit only: no published translation is held for this verse.

शारीरं मानसं दुःखं प्राप्नुवन्ति नराधमाः ।। कृमिभिर्भक्षणं चैव तप्ततैलोपसेचनम्

śārīraṃ mānasaṃ duḥkhaṃ prāpnuvanti narādhamāḥ || kṛmibhirbhakṣaṇaṃ caiva taptatailopasecanam

Sanskrit only: no published translation is held for this verse.

अग्निक्षारनदीभ्यां तु प्राप्नुवन्ति न संशयः ।। परदारप्रसक्तानां भयं भवति निग्रहः

agnikṣāranadībhyāṃ tu prāpnuvanti na saṃśayaḥ || paradāraprasaktānāṃ bhayaṃ bhavati nigrahaḥ

Sanskrit only: no published translation is held for this verse.

सर्वं च निखिलं कार्यं यन्मया समुदाहृतम्

sarvaṃ ca nikhilaṃ kāryaṃ yanmayā samudāhṛtam

Sanskrit only: no published translation is held for this verse.

इति श्रीवराहपुराणे पापसमूहानुक्रमो नाम त्र्यधिकद्विशततमोऽध्याय

iti śrīvarāhapurāṇe pāpasamūhānukramo nāma tryadhikadviśatatamo'dhyāya

Sanskrit only: no published translation is held for this verse.