Varāha Purāṇa 205

अथ शुभाशुभ फलानुकीर्तनवर्णनम् ।। ऋषिपुत्र उवाच ।। इदमन्यत्पुरा विप्राः श्रूयतां तस्य भाषितम् ।। यमस्य चित्रगुप्तस्य यच्च तत्र मया श्रुतम्

atha śubhāśubha phalānukīrtanavarṇanam || ṛṣiputra uvāca || idamanyatpurā viprāḥ śrūyatāṃ tasya bhāṣitam || yamasya citraguptasya yacca tatra mayā śrutam

Sanskrit only: no published translation is held for this verse.

अयं तु भवतां यातु यातु स्वर्गं महीक्षिताम् ।। अयं वृक्षस्त्वयं तिर्यगयं मोक्षं व्रजेन्नरः

ayaṃ tu bhavatāṃ yātu yātu svargaṃ mahīkṣitām || ayaṃ vṛkṣastvayaṃ tiryagayaṃ mokṣaṃ vrajennaraḥ

Sanskrit only: no published translation is held for this verse.

अयं नागो भवेच्छीघ्रमयं तु परमां गतिम् ।। स्वपूर्वकान्पश्यतेऽयमात्मनस्तु पितामहान्

ayaṃ nāgo bhavecchīghramayaṃ tu paramāṃ gatim || svapūrvakānpaśyate'yamātmanastu pitāmahān

Sanskrit only: no published translation is held for this verse.

क्लिश्यतो रुदतश्चैव वदतश्च पुनःपुनः ।। स्वेन दोषेण सर्वे वा अक्षयं नरकङ्गताः

kliśyato rudataścaiva vadataśca punaḥpunaḥ || svena doṣeṇa sarve vā akṣayaṃ narakaṅgatāḥ

Sanskrit only: no published translation is held for this verse.

दारत्यागी त्वधर्मिष्ठः पुत्रपौत्रविवर्जितः ।। क्षिप्तं वै रौरवे ह्येनं क्षपयन्तु महौजसः

dāratyāgī tvadharmiṣṭhaḥ putrapautravivarjitaḥ || kṣiptaṃ vai raurave hyenaṃ kṣapayantu mahaujasaḥ

Sanskrit only: no published translation is held for this verse.

मुच्यतां त इमे सर्वे ह्यतीतानागतास्तथा ।। मुच्यन्तामाशु मुच्यन्तां त एते पापवर्जिताः

mucyatāṃ ta ime sarve hyatītānāgatāstathā || mucyantāmāśu mucyantāṃ ta ete pāpavarjitāḥ

Sanskrit only: no published translation is held for this verse.

आगमे च विपत्तौ च सर्वधर्मानुपालकाः ।। ते तु कल्पान्बहून्स्वर्ग उषित्वा ह्यनसूयकाः

āgame ca vipattau ca sarvadharmānupālakāḥ || te tu kalpānbahūnsvarga uṣitvā hyanasūyakāḥ

Sanskrit only: no published translation is held for this verse.

बहुसुन्दरनार्यङ्के ह्याद्ये परमधार्मिकम् ।। कलौ मानुषतां यातु धर्मस्येह निदर्शनम्

bahusundaranāryaṅke hyādye paramadhārmikam || kalau mānuṣatāṃ yātu dharmasyeha nidarśanam

Sanskrit only: no published translation is held for this verse.

त्रिविष्टपे परिक्लेशो वासो ह्यस्याक्षयो भवेत् ।। अयमायोधने शत्रुं हत्वा तु निधनङ्गतः

triviṣṭape parikleśo vāso hyasyākṣayo bhavet || ayamāyodhane śatruṃ hatvā tu nidhanaṅgataḥ

Sanskrit only: no published translation is held for this verse.

ब्राह्मणार्थे गवार्थे वा राष्ट्रार्थे निधनङ्गतः ।। शक्रस्य ह्यमरावत्यां निवेदयत मा चिरम्

brāhmaṇārthe gavārthe vā rāṣṭrārthe nidhanaṅgataḥ || śakrasya hyamarāvatyāṃ nivedayata mā ciram

Sanskrit only: no published translation is held for this verse.

तत्र वैमानिको भूत्वा कल्पमेकं निवत्स्यति ।। तथैवायं महाभागो धर्मात्मा धर्मवत्सलः

tatra vaimāniko bhūtvā kalpamekaṃ nivatsyati || tathaivāyaṃ mahābhāgo dharmātmā dharmavatsalaḥ

Sanskrit only: no published translation is held for this verse.

बहुदानरतो नित्यं सर्वभूतानुकम्पकः ।। एनं गन्धैश्च माल्यैश्च शीघ्रमेव प्रपूजय

bahudānarato nityaṃ sarvabhūtānukampakaḥ || enaṃ gandhaiśca mālyaiśca śīghrameva prapūjaya

Sanskrit only: no published translation is held for this verse.

अस्मै पूजा भवेद्देया मयादिष्टा महात्मने ।। वीज्यतां चामरैरेष रथमस्मै प्रदीयताम्

asmai pūjā bhaveddeyā mayādiṣṭā mahātmane || vījyatāṃ cāmaraireṣa rathamasmai pradīyatām

Sanskrit only: no published translation is held for this verse.

प्रेतवासं समुत्सृज्य हीतो यातु त्रिविष्टपम् ।। इन्द्रस्यार्द्धं भवेच्चैव देवदेवस्य धीमतः

pretavāsaṃ samutsṛjya hīto yātu triviṣṭapam || indrasyārddhaṃ bhaveccaiva devadevasya dhīmataḥ

Sanskrit only: no published translation is held for this verse.

शङ्खतूर्यनिनादेन तत्र वै विजयेन च ।। तत्र वै पूजयित्वा च प्रायशो लभतां सुखम्

śaṅkhatūryaninādena tatra vai vijayena ca || tatra vai pūjayitvā ca prāyaśo labhatāṃ sukham

Sanskrit only: no published translation is held for this verse.

अयं गच्छतु भद्रं चापीन्द्रदेशं दुरासदम् ।। अनेन वै कीर्तिमता लोकः सर्वो ह्यलंकृतः

ayaṃ gacchatu bhadraṃ cāpīndradeśaṃ durāsadam || anena vai kīrtimatā lokaḥ sarvo hyalaṃkṛtaḥ

Sanskrit only: no published translation is held for this verse.

गुणैश्च शतसंख्याकैः शक्र एनं प्रतीक्षते ।। तावत्स्थास्यति धर्मात्मा यावच्छक्रस्त्रिविष्टपे

guṇaiśca śatasaṃkhyākaiḥ śakra enaṃ pratīkṣate || tāvatsthāsyati dharmātmā yāvacchakrastriviṣṭape

Sanskrit only: no published translation is held for this verse.

तावत्स मोदते स्वर्गे यावद्धर्मोऽनुमीयते ।। ततच्युतश्च कालेन मानुष्ये सुखमश्नुते

tāvatsa modate svarge yāvaddharmo'numīyate || tatacyutaśca kālena mānuṣye sukhamaśnute

Sanskrit only: no published translation is held for this verse.

रत्नवेणुप्रदश्चैव सर्वधर्मैरलंकृतः ।। अश्विनोर्नय लोकं तु सर्वसौख्यसमन्वितम्

ratnaveṇupradaścaiva sarvadharmairalaṃkṛtaḥ || aśvinornaya lokaṃ tu sarvasaukhyasamanvitam

Sanskrit only: no published translation is held for this verse.

अयं यातु महाभागो देवदेवं सनातनम् ।। अतिसृष्टः पुरा येन यथोक्ताः सुखदोहनाः

ayaṃ yātu mahābhāgo devadevaṃ sanātanam || atisṛṣṭaḥ purā yena yathoktāḥ sukhadohanāḥ

Sanskrit only: no published translation is held for this verse.

सर्वशक्त्या समेतेन द्विजेभ्य उपपादिताः ।। शुचीनां ब्राह्मणानाम्बह्वन्नदानं विशेषतः

sarvaśaktyā sametena dvijebhya upapāditāḥ || śucīnāṃ brāhmaṇānāmbahvannadānaṃ viśeṣataḥ

Sanskrit only: no published translation is held for this verse.

तेन कल्पं वसिष्यन्ति रुद्रकल्पा मनोरमाः ।। तत्र कल्पं वसेद्गत्वा रुद्रलोकं न संशयः

tena kalpaṃ vasiṣyanti rudrakalpā manoramāḥ || tatra kalpaṃ vasedgatvā rudralokaṃ na saṃśayaḥ

Sanskrit only: no published translation is held for this verse.

तेन दत्तं द्विजातिभ्यो मधुखण्डपुरःसरम् ।। रसैश्च विविधैर्युक्तं सर्वगन्धमनोरमम्

tena dattaṃ dvijātibhyo madhukhaṇḍapuraḥsaram || rasaiśca vividhairyuktaṃ sarvagandhamanoramam

Sanskrit only: no published translation is held for this verse.

तरुणी क्षीरसम्पन्ना गौः सुवर्णयुता शुभा ।। सवत्सा हेमवासाश्च दत्ताऽनेन महात्मना

taruṇī kṣīrasampannā gauḥ suvarṇayutā śubhā || savatsā hemavāsāśca dattā'nena mahātmanā

Sanskrit only: no published translation is held for this verse.

अस्य लेख्यं मया दृष्टं तिस्रः कोट्यस्त्रिविष्टपे ।। स्वर्गात्परिच्युतश्चापि ऋषीणां जायते कुले

asya lekhyaṃ mayā dṛṣṭaṃ tisraḥ koṭyastriviṣṭape || svargātparicyutaścāpi ṛṣīṇāṃ jāyate kule

Sanskrit only: no published translation is held for this verse.

सुवर्णस्य प्रदाता च त्रिदशेभ्यो निवेद्यताम् ।। त्रिदशानभ्यनुज्ञाप्य यातु देवमुमापतिम्

suvarṇasya pradātā ca tridaśebhyo nivedyatām || tridaśānabhyanujñāpya yātu devamumāpatim

Sanskrit only: no published translation is held for this verse.

तत्रैष वै महातेजा यथेष्टं काममाप्नुयात् ।। तत्रैवायमपि प्रेतगणभक्तो महातपाः

tatraiṣa vai mahātejā yatheṣṭaṃ kāmamāpnuyāt || tatraivāyamapi pretagaṇabhakto mahātapāḥ

Sanskrit only: no published translation is held for this verse.

प्रयातु पितृभिः सार्द्धं तर्पिता येन पूर्वजाः ।। दानव्रता दिवं यान्तु नानालोकनमस्कृताः

prayātu pitṛbhiḥ sārddhaṃ tarpitā yena pūrvajāḥ || dānavratā divaṃ yāntu nānālokanamaskṛtāḥ

Sanskrit only: no published translation is held for this verse.

अयं भद्रो महाकामं सर्वभूतहिते रतः ।। सर्वकामैरयं पूज्यः सर्वकामप्रदो नरः

ayaṃ bhadro mahākāmaṃ sarvabhūtahite rataḥ || sarvakāmairayaṃ pūjyaḥ sarvakāmaprado naraḥ

Sanskrit only: no published translation is held for this verse.

क्षितिप्रदो द्विजातिभ्यो ह्ययं यातु त्रिविष्टपम् ।। तत्रैव तिष्ठताद्वीरो ब्रह्मलोके सहानुगः

kṣitiprado dvijātibhyo hyayaṃ yātu triviṣṭapam || tatraiva tiṣṭhatādvīro brahmaloke sahānugaḥ

Sanskrit only: no published translation is held for this verse.

विविधैः कामभोगैस्तु सेव्यमानो नरोत्तमः ।। अक्षयं चाजरं स्थानं पूज्यमानो महर्षिभिः

vividhaiḥ kāmabhogaistu sevyamāno narottamaḥ || akṣayaṃ cājaraṃ sthānaṃ pūjyamāno maharṣibhiḥ

Sanskrit only: no published translation is held for this verse.

इति श्रीवराहपुराणे भगवच्छास्त्रे संसारचक्रे शुभाशुभफलानुकीर्त्तनं नाम पञ्चाधिकद्विशततमोऽध्यायः

iti śrīvarāhapurāṇe bhagavacchāstre saṃsāracakre śubhāśubhaphalānukīrttanaṃ nāma pañcādhikadviśatatamo'dhyāyaḥ

Sanskrit only: no published translation is held for this verse.