Varāha Purāṇa 210

पुनः पतिव्रतामाहात्म्यवर्णनम् ।। नारद उवाच ।। रहस्यं धर्ममाख्यानं त्वयोक्तं तु महायशः ।। स्त्रीणां माहात्म्यमुद्दिश्य भास्करस्य मतं यथा

punaḥ pativratāmāhātmyavarṇanam || nārada uvāca || rahasyaṃ dharmamākhyānaṃ tvayoktaṃ tu mahāyaśaḥ || strīṇāṃ māhātmyamuddiśya bhāskarasya mataṃ yathā

Sanskrit only: no published translation is held for this verse.

इदं हि सर्वभूतेषु परं कौतूहलं मम ।। तदहं श्रोतुमिच्छामि कथयस्व महातपाः

idaṃ hi sarvabhūteṣu paraṃ kautūhalaṃ mama || tadahaṃ śrotumicchāmi kathayasva mahātapāḥ

Sanskrit only: no published translation is held for this verse.

ये नरा दुःखसन्तप्तास्तपस्तीव्रं समाश्रिताः ।। नानाव्रतशतोपायैः सुखहेतोर्महाप्रभ

ye narā duḥkhasantaptāstapastīvraṃ samāśritāḥ || nānāvrataśatopāyaiḥ sukhahetormahāprabha

Sanskrit only: no published translation is held for this verse.

मनसा निश्चितात्मानस्त्यक्त्वा सर्वप्रियाप्रियम् ।।। कांक्षन्ते बहवः केचित्केनचिद्विनिहन्यते

manasā niścitātmānastyaktvā sarvapriyāpriyam ||| kāṃkṣante bahavaḥ kecitkenacidvinihanyate

Sanskrit only: no published translation is held for this verse.

श्रुता लोके श्रुतिस्तात श्रेयोधर्मा हि नित्यशः।। सम्यक्कृच्छ्राश्रितस्याथ कथं पापे मतिर्भवेत्

śrutā loke śrutistāta śreyodharmā hi nityaśaḥ|| samyakkṛcchrāśritasyātha kathaṃ pāpe matirbhavet

Sanskrit only: no published translation is held for this verse.

कस्यैतच्चेष्टितं तात कर्त्ता कारयितापि वा ।। कः कर्षति जगच्चैको भूतग्रामं चतुर्विधम्

kasyaitacceṣṭitaṃ tāta karttā kārayitāpi vā || kaḥ karṣati jagaccaiko bhūtagrāmaṃ caturvidham

Sanskrit only: no published translation is held for this verse.

कं वा द्वेषं पुरस्कृत्य मतिस्तस्य प्रवर्त्तते ।। सुखदुःखादि लोकेऽस्मिन्प्रकरोति सुदारुणम्

kaṃ vā dveṣaṃ puraskṛtya matistasya pravarttate || sukhaduḥkhādi loke'sminprakaroti sudāruṇam

Sanskrit only: no published translation is held for this verse.

यद्येवं तु मया गुह्यं दुर्विज्ञेयं सुरैरपि ।। शक्यं श्रोतुं महाराज तदाख्याहि तपोधन

yadyevaṃ tu mayā guhyaṃ durvijñeyaṃ surairapi || śakyaṃ śrotuṃ mahārāja tadākhyāhi tapodhana

Sanskrit only: no published translation is held for this verse.

नारदेनैवमुक्तस्तु धर्मराजो महामनाः ।। विनयात्प्रश्रितं वाक्यमिदमाह महामुनिम्

nāradenaivamuktastu dharmarājo mahāmanāḥ || vinayātpraśritaṃ vākyamidamāha mahāmunim

Sanskrit only: no published translation is held for this verse.

यम उवाच ।। देवर्षे श्रूयतां पुण्यं यद्ब्रवीषि महामुने ।। त्वदुक्त्या मे कथयतः शृणुष्वावहितोऽनघ

yama uvāca || devarṣe śrūyatāṃ puṇyaṃ yadbravīṣi mahāmune || tvaduktyā me kathayataḥ śṛṇuṣvāvahito'nagha

Sanskrit only: no published translation is held for this verse.

न कश्चिद्दृश्यते लोके कर्त्ता कारयितापि वा ।। यद्वै परमधर्मात्मन् यस्मिन्कर्म प्रतिष्ठितम्

na kaściddṛśyate loke karttā kārayitāpi vā || yadvai paramadharmātman yasminkarma pratiṣṭhitam

Sanskrit only: no published translation is held for this verse.

यस्य वै कीर्त्त्यते नाम येन चाज्ञाप्यते जगत् ।। व्यवहरामि वचश्चाहं यः करोति स्वयं कृतम्

yasya vai kīrttyate nāma yena cājñāpyate jagat || vyavaharāmi vacaścāhaṃ yaḥ karoti svayaṃ kṛtam

Sanskrit only: no published translation is held for this verse.

दिव्येऽस्मिन् सदसि ब्रह्मन् ब्रह्मर्षिगणसंवृते ।। यथाश्रुतं यथादृष्टं कथयिष्याम्यहं विभो

divye'smin sadasi brahman brahmarṣigaṇasaṃvṛte || yathāśrutaṃ yathādṛṣṭaṃ kathayiṣyāmyahaṃ vibho

Sanskrit only: no published translation is held for this verse.

स्वकर्म भुज्यते तात सम्भूतैर्यत्कृतं स्वयम् ।। आत्मानं पातयत्यात्मा किञ्चित्कर्म च कारयेत्

svakarma bhujyate tāta sambhūtairyatkṛtaṃ svayam || ātmānaṃ pātayatyātmā kiñcitkarma ca kārayet

Sanskrit only: no published translation is held for this verse.

वायुना भाविता संज्ञा संसारे सा दृढीकृता ।। तामेव भजते जन्तुः सुकृतं वाथ दुष्कृतम्

vāyunā bhāvitā saṃjñā saṃsāre sā dṛḍhīkṛtā || tāmeva bhajate jantuḥ sukṛtaṃ vātha duṣkṛtam

Sanskrit only: no published translation is held for this verse.

अभिघाताभिभूतस्तु आत्मनात्मानमुद्धरेत् ।। आत्मा शत्रुश्च बन्धुश्च न कश्चिद्बन्धुरात्मनः

abhighātābhibhūtastu ātmanātmānamuddharet || ātmā śatruśca bandhuśca na kaścidbandhurātmanaḥ

Sanskrit only: no published translation is held for this verse.

बन्धुं बन्धुपरिक्लेशं निर्मितं पूर्वकर्मभिः ।। जगत्यामुपभुङ्क्ते वै जीवा योनिशतैरपि

bandhuṃ bandhuparikleśaṃ nirmitaṃ pūrvakarmabhiḥ || jagatyāmupabhuṅkte vai jīvā yoniśatairapi

Sanskrit only: no published translation is held for this verse.

मिथ्याप्रवृत्तः शब्दोऽयं जगद्भ्रमति सर्वशः ।। यावत्तत्कुरुते कर्म तावत्कर्म स्वयंकृतम्

mithyāpravṛttaḥ śabdo'yaṃ jagadbhramati sarvaśaḥ || yāvattatkurute karma tāvatkarma svayaṃkṛtam

Sanskrit only: no published translation is held for this verse.

यथा यथा क्षयं याति ह्यशुभं पुरुषस्य वै ।। तथा तथा शुभा बुद्धिर्मनुजस्य प्रवर्त्तते

yathā yathā kṣayaṃ yāti hyaśubhaṃ puruṣasya vai || tathā tathā śubhā buddhirmanujasya pravarttate

Sanskrit only: no published translation is held for this verse.

संसारे प्राप्तदोषस्य जायमानस्य देहिनः ।। पततां च गतो भावः पापकर्मक्षयेन तु

saṃsāre prāptadoṣasya jāyamānasya dehinaḥ || patatāṃ ca gato bhāvaḥ pāpakarmakṣayena tu

Sanskrit only: no published translation is held for this verse.

शुभाशुभकरीं बुद्धिं लभते पौर्वदैहिकीम् ।। दुष्कृतैः कर्मभिर्देही शुभैर्वा स्वयमर्जितैः।। क्लेशक्षयं पापहरं शुभं कर्म करोत्यथ

śubhāśubhakarīṃ buddhiṃ labhate paurvadaihikīm || duṣkṛtaiḥ karmabhirdehī śubhairvā svayamarjitaiḥ|| kleśakṣayaṃ pāpaharaṃ śubhaṃ karma karotyatha

Sanskrit only: no published translation is held for this verse.

शुभाशुभं नरः प्राप्य कर्माकर्म तथैव च।। विवृते विमले कर्मण्यमरेषु महीयते

śubhāśubhaṃ naraḥ prāpya karmākarma tathaiva ca|| vivṛte vimale karmaṇyamareṣu mahīyate

Sanskrit only: no published translation is held for this verse.

स्वर्गः शुभफलप्राप्तिर्निरयः पापसंभवः ।। नैव कश्चित्प्रदाता च नापहर्ता प्रदृश्यते

svargaḥ śubhaphalaprāptirnirayaḥ pāpasaṃbhavaḥ || naiva kaścitpradātā ca nāpahartā pradṛśyate

Sanskrit only: no published translation is held for this verse.

नारद उवाच ।। यद्येवं स्वकृतं कर्म समन्वेति शुभाशुभम् ।। शुभस्येह भवेदवृद्धिरशुभस्य क्षयोऽपि वा

nārada uvāca || yadyevaṃ svakṛtaṃ karma samanveti śubhāśubham || śubhasyeha bhavedavṛddhiraśubhasya kṣayo'pi vā

Sanskrit only: no published translation is held for this verse.

मनसा कर्मणा वापि तपसा चरितेन वा ।। यथा न रोहते जन्तुस्तथा त्वं वक्तुमर्हसि

manasā karmaṇā vāpi tapasā caritena vā || yathā na rohate jantustathā tvaṃ vaktumarhasi

Sanskrit only: no published translation is held for this verse.

यम उवाच ।। इदं पुण्यं पवित्रं च ह्यशुभानां शुभप्रदम् ।। कीर्त्तयिष्यामि ते सम्यक्पापदोषक्षयं सदा

yama uvāca || idaṃ puṇyaṃ pavitraṃ ca hyaśubhānāṃ śubhapradam || kīrttayiṣyāmi te samyakpāpadoṣakṣayaṃ sadā

Sanskrit only: no published translation is held for this verse.

प्रणम्य शिरसा सम्यक्पापपुण्यकराय च ।। कर्तृणे जगतो नित्यं विश्वस्य जगतो ह्यहम्

praṇamya śirasā samyakpāpapuṇyakarāya ca || kartṛṇe jagato nityaṃ viśvasya jagato hyaham

Sanskrit only: no published translation is held for this verse.

येन सृष्टमिदं सर्वं त्रैलोक्यं सचराचरम् ।। अनादिमध्यनिधनं दुर्विज्ञेयं सुरासुरैः

yena sṛṣṭamidaṃ sarvaṃ trailokyaṃ sacarācaram || anādimadhyanidhanaṃ durvijñeyaṃ surāsuraiḥ

Sanskrit only: no published translation is held for this verse.

यः समः सर्वभूतेषु जितात्मा शान्तमानसः ।। स पापेभ्यो विमुच्येत ज्ञानवान्सर्ववेदवित्

yaḥ samaḥ sarvabhūteṣu jitātmā śāntamānasaḥ || sa pāpebhyo vimucyeta jñānavānsarvavedavit

Sanskrit only: no published translation is held for this verse.

तत्त्वार्थं वेत्ति यः सम्यक्पुरुषं प्रकृतिं तथा ।। ज्ञात्वा वा यो न मुह्येत पदं प्राप्नोति शाश्वतम्

tattvārthaṃ vetti yaḥ samyakpuruṣaṃ prakṛtiṃ tathā || jñātvā vā yo na muhyeta padaṃ prāpnoti śāśvatam

Sanskrit only: no published translation is held for this verse.

गुणागुणपरिज्ञाता ह्यक्षयस्य क्षयस्य च ।। ध्याने नैव ह्यसंमूढः स पापेभ्यः प्रमुच्यते

guṇāguṇaparijñātā hyakṣayasya kṣayasya ca || dhyāne naiva hyasaṃmūḍhaḥ sa pāpebhyaḥ pramucyate

Sanskrit only: no published translation is held for this verse.

स्वदेहे परदेहे च सुखदुःखेन नित्यशः ।। विचारज्ञो भवद्येस्तु स मुच्येतैनसा ध्रुवम्

svadehe paradehe ca sukhaduḥkhena nityaśaḥ || vicārajño bhavadyestu sa mucyetainasā dhruvam

Sanskrit only: no published translation is held for this verse.

अहिंस्रः सर्वभूतेषु तृष्णाक्रोधविवर्जितः ।। शुभन्यायः सदा यश्च स पापेभ्यः प्रमुच्यते

ahiṃsraḥ sarvabhūteṣu tṛṣṇākrodhavivarjitaḥ || śubhanyāyaḥ sadā yaśca sa pāpebhyaḥ pramucyate

Sanskrit only: no published translation is held for this verse.

प्राणायामैश्च निर्गृह्य त्वधः सन्धारणानि च ।। व्यवस्थितमना यस्तु स पापेभ्यः प्रमुच्यते

prāṇāyāmaiśca nirgṛhya tvadhaḥ sandhāraṇāni ca || vyavasthitamanā yastu sa pāpebhyaḥ pramucyate

Sanskrit only: no published translation is held for this verse.

निराशः सर्वतस्तिष्ठेदिष्टार्थेषु न लोलुपः।। परीतात्मा त्यजेत्प्राणान्सर्वपापात्प्रमुच्यते

nirāśaḥ sarvatastiṣṭhediṣṭārtheṣu na lolupaḥ|| parītātmā tyajetprāṇānsarvapāpātpramucyate

Sanskrit only: no published translation is held for this verse.

श्रद्दधानो जितक्रोधः परद्रव्यविवर्जकः ।। अनसूयश्च यो मर्त्यः स पापेभ्यः प्रमुच्यते

śraddadhāno jitakrodhaḥ paradravyavivarjakaḥ || anasūyaśca yo martyaḥ sa pāpebhyaḥ pramucyate

Sanskrit only: no published translation is held for this verse.

गुरुशुश्रूषया युक्तस्त्वहिंसानिरतश्च यः ।। अक्षुद्रशीलस्तु नरः स पापेभ्यः प्रमुच्यते

guruśuśrūṣayā yuktastvahiṃsānirataśca yaḥ || akṣudraśīlastu naraḥ sa pāpebhyaḥ pramucyate

Sanskrit only: no published translation is held for this verse.

प्रशस्तानि च यः कुर्यादप्रशस्तानि वर्जयेत् ।। मङ्गले परमो यश्च स पापेभ्यः प्रमुच्यते

praśastāni ca yaḥ kuryādapraśastāni varjayet || maṅgale paramo yaśca sa pāpebhyaḥ pramucyate

Sanskrit only: no published translation is held for this verse.

योऽभिगच्छति तीर्थानि विशुद्धेनान्तरात्मना ।। पापादुपरतो नित्यं स पापेभ्यः प्रमुच्यते

yo'bhigacchati tīrthāni viśuddhenāntarātmanā || pāpāduparato nityaṃ sa pāpebhyaḥ pramucyate

Sanskrit only: no published translation is held for this verse.

उत्थाय ब्राह्मणं गच्छेन्नरो भक्त्या समन्वितः ।। अभिगम्य प्रदानेन स पापेभ्यः प्रमुच्यते

utthāya brāhmaṇaṃ gacchennaro bhaktyā samanvitaḥ || abhigamya pradānena sa pāpebhyaḥ pramucyate

Sanskrit only: no published translation is held for this verse.

नारद उवाच ।। एतच्छ्रेयोहितं चैव सर्वेषां वै परन्तप ।। उपपन्नं च युक्तं च तत्त्वया समुदाहृतम्

nārada uvāca || etacchreyohitaṃ caiva sarveṣāṃ vai parantapa || upapannaṃ ca yuktaṃ ca tattvayā samudāhṛtam

Sanskrit only: no published translation is held for this verse.

विविधैः कारणोपायैः सम्यक्तत्त्वार्थदर्शितैः ।। संशयोऽभून्मम पुरा स त्वया नाशितः प्रभो

vividhaiḥ kāraṇopāyaiḥ samyaktattvārthadarśitaiḥ || saṃśayo'bhūnmama purā sa tvayā nāśitaḥ prabho

Sanskrit only: no published translation is held for this verse.

ततोऽप्यल्पतरश्चेत्स्यादुपायो योगवित्तम ।। कथ्यतां मे महाभाग येन पापं प्रणश्यति

tato'pyalpataraścetsyādupāyo yogavittama || kathyatāṃ me mahābhāga yena pāpaṃ praṇaśyati

Sanskrit only: no published translation is held for this verse.

दुष्करं पूर्वमुक्तं हि योगधर्मस्य साधनम् ।। पापापहरणं लोके यदन्यत्सुखसाधनम्

duṣkaraṃ pūrvamuktaṃ hi yogadharmasya sādhanam || pāpāpaharaṇaṃ loke yadanyatsukhasādhanam

Sanskrit only: no published translation is held for this verse.

अल्पोपायकरं चैव सुखोपायं च सर्वशः ।। येन पापकृतान्दोषानपोहति सुदारुणान्

alpopāyakaraṃ caiva sukhopāyaṃ ca sarvaśaḥ || yena pāpakṛtāndoṣānapohati sudāruṇān

Sanskrit only: no published translation is held for this verse.

आत्मायत्ताश्च ये नित्यं न च विस्तारविस्तरः ।। गुणैश्च विविधैर्युक्ता इहलोके परत्र च

ātmāyattāśca ye nityaṃ na ca vistāravistaraḥ || guṇaiśca vividhairyuktā ihaloke paratra ca

Sanskrit only: no published translation is held for this verse.

कर्मणामशुभानां च विविधोत्पत्तिजन्मनाम् ।। यः समर्थः स्फोटयितुं तन्मे ब्रूहि महातपाः

karmaṇāmaśubhānāṃ ca vividhotpattijanmanām || yaḥ samarthaḥ sphoṭayituṃ tanme brūhi mahātapāḥ

Sanskrit only: no published translation is held for this verse.

यम उवाच ।। यथा स भगवानाह धर्ममेतं प्रजापतिः ।। तदहं भावयिष्यामि नमस्कृत्य स्वयम्भुवम्

yama uvāca || yathā sa bhagavānāha dharmametaṃ prajāpatiḥ || tadahaṃ bhāvayiṣyāmi namaskṛtya svayambhuvam

Sanskrit only: no published translation is held for this verse.

लोकानां श्रेयसोऽर्थं तु पापानां तु विनाशनम् ।। क्रियाकारनियोगं च प्रोच्यमानं निबोध मे

lokānāṃ śreyaso'rthaṃ tu pāpānāṃ tu vināśanam || kriyākāraniyogaṃ ca procyamānaṃ nibodha me

Sanskrit only: no published translation is held for this verse.

कैवल्यमभिसम्पन्ने श्रद्दधानो भवेन्नरः ।। अनन्यमानसः कुर्याद्यथा धर्मानुशासनम्

kaivalyamabhisampanne śraddadhāno bhavennaraḥ || ananyamānasaḥ kuryādyathā dharmānuśāsanam

Sanskrit only: no published translation is held for this verse.

प्राप्नुयादीप्सितान्कामान्पापैर्मुक्तो यथासुखम् ।। यः कुर्याद्धर्मसंयुक्तं विशुद्धेनान्तरात्मना

prāpnuyādīpsitānkāmānpāpairmukto yathāsukham || yaḥ kuryāddharmasaṃyuktaṃ viśuddhenāntarātmanā

Sanskrit only: no published translation is held for this verse.

यस्तु कारयते रूपं शिशुमारं प्रजापतिम् ।। दृष्ट्वा नमस्येत्प्रयतः स पापेभ्यः प्रमुच्यते

yastu kārayate rūpaṃ śiśumāraṃ prajāpatim || dṛṣṭvā namasyetprayataḥ sa pāpebhyaḥ pramucyate

Sanskrit only: no published translation is held for this verse.

यदा तस्य शरीरस्थं सोमं पश्येत्समाहितः ।। महापातकनाशस्तु तदा तस्य विधीयते

yadā tasya śarīrasthaṃ somaṃ paśyetsamāhitaḥ || mahāpātakanāśastu tadā tasya vidhīyate

Sanskrit only: no published translation is held for this verse.

ललाटे तूत्थितं दृष्ट्वा मुच्यते च स पातकैः ।। कण्ठस्थं पातकैः सर्वैर्ह्रदिस्थं च कृताकृतैः

lalāṭe tūtthitaṃ dṛṣṭvā mucyate ca sa pātakaiḥ || kaṇṭhasthaṃ pātakaiḥ sarvairhradisthaṃ ca kṛtākṛtaiḥ

Sanskrit only: no published translation is held for this verse.

मनसा कर्मणा वाचा यत्किंचित्कलुषं कृतम् ।। उदरस्थं तु तं दृष्ट्वा मुच्यते नात्र संशयः

manasā karmaṇā vācā yatkiṃcitkaluṣaṃ kṛtam || udarasthaṃ tu taṃ dṛṣṭvā mucyate nātra saṃśayaḥ

Sanskrit only: no published translation is held for this verse.

वाङ्मनोभिः कृतानां तु पापानां विप्रमोक्षणम् ।। यदा लांगलकण्ठे तु स्थितं पश्येद्दिवाकरम्

vāṅmanobhiḥ kṛtānāṃ tu pāpānāṃ vipramokṣaṇam || yadā lāṃgalakaṇṭhe tu sthitaṃ paśyeddivākaram

Sanskrit only: no published translation is held for this verse.

तदा स दुष्कृतान्सर्वान्विनाशयति मानवः ।। यदा सोमं गुरुं सर्वं यः कुर्यात्तु प्रदक्षिणम्

tadā sa duṣkṛtānsarvānvināśayati mānavaḥ || yadā somaṃ guruṃ sarvaṃ yaḥ kuryāttu pradakṣiṇam

Sanskrit only: no published translation is held for this verse.

ध्यायेत ह्यक्षयं यस्तु स पापेभ्यः प्रमुच्यते ।। भृगुर्बुधः शनैश्चारो लोहिताङ्गश्च वीर्यवान्

dhyāyeta hyakṣayaṃ yastu sa pāpebhyaḥ pramucyate || bhṛgurbudhaḥ śanaiścāro lohitāṅgaśca vīryavān

Sanskrit only: no published translation is held for this verse.

सौम्यरूपो यदा चन्द्रः कुरुते च प्रदक्षिणाम् ।। हृदि कृत्वा तु तत्पापं यो ध्यायेदक्षरं शुचिः

saumyarūpo yadā candraḥ kurute ca pradakṣiṇām || hṛdi kṛtvā tu tatpāpaṃ yo dhyāyedakṣaraṃ śuciḥ

Sanskrit only: no published translation is held for this verse.

तदा निर्मलतां याति चन्द्रमाः शारदो यथा ।। प्राणायामशतं कृत्वा सर्वपापैः प्रमुच्यते

tadā nirmalatāṃ yāti candramāḥ śārado yathā || prāṇāyāmaśataṃ kṛtvā sarvapāpaiḥ pramucyate

Sanskrit only: no published translation is held for this verse.

जघनस्थं शुचिर्दृष्ट्वा नरश्चन्द्रमसं मुने ।। नमस्येत्प्रयतो भूत्वा सर्वपापैः प्रमुच्यते

jaghanasthaṃ śucirdṛṣṭvā naraścandramasaṃ mune || namasyetprayato bhūtvā sarvapāpaiḥ pramucyate

Sanskrit only: no published translation is held for this verse.

आर्द्रस्थमार्द्रकर्मा तु ध्यात्वा चाष्टशताक्षरम् ।। यदा चन्द्रश्च सूर्यश्च द्वावन्योऽन्यं प्रपश्यतः

ārdrasthamārdrakarmā tu dhyātvā cāṣṭaśatākṣaram || yadā candraśca sūryaśca dvāvanyo'nyaṃ prapaśyataḥ

Sanskrit only: no published translation is held for this verse.

सम्पूर्णौ विमलौ सम्यग्भ्राजमानौ स्वतेजसा ।। कृत्वा हृदि तथा पापं यो ध्यायेत्परमव्ययम्

sampūrṇau vimalau samyagbhrājamānau svatejasā || kṛtvā hṛdi tathā pāpaṃ yo dhyāyetparamavyayam

Sanskrit only: no published translation is held for this verse.

वामनं ब्राह्मणं दृष्ट्वा वाराहं च जलोत्थितम् ।। धरणी चोद्धृता येन सिंहं चापि महामुने

vāmanaṃ brāhmaṇaṃ dṛṣṭvā vārāhaṃ ca jalotthitam || dharaṇī coddhṛtā yena siṃhaṃ cāpi mahāmune

Sanskrit only: no published translation is held for this verse.

नमस्येद्वै पयोभक्षः स पापेभ्यः प्रमुच्यते ।। प्राणायामं च यः कुर्यात्सोऽपि पापात्प्रमुच्यते

namasyedvai payobhakṣaḥ sa pāpebhyaḥ pramucyate || prāṇāyāmaṃ ca yaḥ kuryātso'pi pāpātpramucyate

Sanskrit only: no published translation is held for this verse.

इति श्रीवराहपुराणे भगवच्छास्त्रे संसारचक्रे पापनाशोपायनिरूपणं नाम दशाधिकद्विशततमोऽध्यायः

iti śrīvarāhapurāṇe bhagavacchāstre saṃsāracakre pāpanāśopāyanirūpaṇaṃ nāma daśādhikadviśatatamo'dhyāyaḥ

Sanskrit only: no published translation is held for this verse.