Varāha Purāṇa 211

पुनः पापनाशोपायवर्णनम् ।। ऋषिपुत्र उवाच।। एतच्छ्रुत्वा शुभं वाक्यं धर्मराजस्य नारदः ।। इदं भावेन भक्त्या च पुनर्वचनमब्रवीत्

punaḥ pāpanāśopāyavarṇanam || ṛṣiputra uvāca|| etacchrutvā śubhaṃ vākyaṃ dharmarājasya nāradaḥ || idaṃ bhāvena bhaktyā ca punarvacanamabravīt

Sanskrit only: no published translation is held for this verse.

नारद उवाच ।। समः सर्वेषु भूतेषु स्थावरेषु चरेषु च ।। धर्मराज महाबाहो पितृतुल्यपराक्रम

nārada uvāca || samaḥ sarveṣu bhūteṣu sthāvareṣu careṣu ca || dharmarāja mahābāho pitṛtulyaparākrama

Sanskrit only: no published translation is held for this verse.

ब्राह्मणानां हितार्थाय यदुक्तं मे प्रदक्षिणम् ।। इदं श्रेयतमाख्यानं श्रुतं श्रुतपरं पदम्

brāhmaṇānāṃ hitārthāya yaduktaṃ me pradakṣiṇam || idaṃ śreyatamākhyānaṃ śrutaṃ śrutaparaṃ padam

Sanskrit only: no published translation is held for this verse.

त्रयो वर्णा महाभाग यज्ञसामान्यभागिनः ।। शूद्रा वेदपवित्रेभ्यो ब्राह्मणैस्तु बहिष्कृताः

trayo varṇā mahābhāga yajñasāmānyabhāginaḥ || śūdrā vedapavitrebhyo brāhmaṇaistu bahiṣkṛtāḥ

Sanskrit only: no published translation is held for this verse.

यथैव सर्वसमता तव भूतेषु मानद ।। तथैव तेषामपि हि श्रेयो वाच्यं महामते

yathaiva sarvasamatā tava bhūteṣu mānada || tathaiva teṣāmapi hi śreyo vācyaṃ mahāmate

Sanskrit only: no published translation is held for this verse.

यथा कर्म हितं वाक्यं शूद्राणामपि कथ्यताम् ।। यम उवाच ।। अहं ते कथयिष्यामि चातुर्वर्ण्यस्य नित्यशः

yathā karma hitaṃ vākyaṃ śūdrāṇāmapi kathyatām || yama uvāca || ahaṃ te kathayiṣyāmi cāturvarṇyasya nityaśaḥ

Sanskrit only: no published translation is held for this verse.

यद्धितं धर्मयुक्तं च नित्यं भवति सुव्रत ।। केवलं श्रुतिसंयोगाच्छ्रद्धया नियमेन च

yaddhitaṃ dharmayuktaṃ ca nityaṃ bhavati suvrata || kevalaṃ śrutisaṃyogācchraddhayā niyamena ca

Sanskrit only: no published translation is held for this verse.

करोति पापनाशार्थमिदं वक्ष्यामि तच्छृणु ।। गावः पवित्रा मङ्गल्या देवानामपि देवताः

karoti pāpanāśārthamidaṃ vakṣyāmi tacchṛṇu || gāvaḥ pavitrā maṅgalyā devānāmapi devatāḥ

Sanskrit only: no published translation is held for this verse.

यस्ताः शुश्रूषते भक्त्या स पापेभ्यः प्रमुच्यते ।। सौम्ये मुहुर्ते संयुक्ते पंचगव्यं तु यः पिबेत्

yastāḥ śuśrūṣate bhaktyā sa pāpebhyaḥ pramucyate || saumye muhurte saṃyukte paṃcagavyaṃ tu yaḥ pibet

Sanskrit only: no published translation is held for this verse.

यावज्जीव कृतात्पापात्तत्क्षणादेव मुच्यते ।। लांगूलेनोद्धृतं तोयं मूर्ध्ना गृह्णाति यो नरः

yāvajjīva kṛtātpāpāttatkṣaṇādeva mucyate || lāṃgūlenoddhṛtaṃ toyaṃ mūrdhnā gṛhṇāti yo naraḥ

Sanskrit only: no published translation is held for this verse.

सर्वतीर्थफलं प्राप्य स पापेभ्यः प्रमुच्यते ।। प्रस्रवेण च यः स्नायाद्रोहिण्यां मानवे द्विज

sarvatīrthaphalaṃ prāpya sa pāpebhyaḥ pramucyate || prasraveṇa ca yaḥ snāyādrohiṇyāṃ mānave dvija

Sanskrit only: no published translation is held for this verse.

सर्वपापकृतान्दोषान्दहत्याशु न संशयः ।। धेनुस्तनाद्विनिष्क्रान्तां धारां क्षीरस्य यो नरः

sarvapāpakṛtāndoṣāndahatyāśu na saṃśayaḥ || dhenustanādviniṣkrāntāṃ dhārāṃ kṣīrasya yo naraḥ

Sanskrit only: no published translation is held for this verse.

शिरसा प्रतिगृह्णाति स पापेभ्यः प्रमुच्यते ।। ब्राह्मणस्तु सदा स्नातो भक्त्या परमया युतः

śirasā pratigṛhṇāti sa pāpebhyaḥ pramucyate || brāhmaṇastu sadā snāto bhaktyā paramayā yutaḥ

Sanskrit only: no published translation is held for this verse.

नमस्येत्प्रयतो भूत्वा स पापेभ्यः प्रमुच्यते ।। उदयान्निःसृतं सूर्यं भक्त्या परमया युतः

namasyetprayato bhūtvā sa pāpebhyaḥ pramucyate || udayānniḥsṛtaṃ sūryaṃ bhaktyā paramayā yutaḥ

Sanskrit only: no published translation is held for this verse.

नमस्येत्प्रयतो भूत्वा स पापेभ्यः प्रमुच्यते ।। दध्यक्षताञ्जलीभिस्तु त्रिभिः पूजयते शुचिः

namasyetprayato bhūtvā sa pāpebhyaḥ pramucyate || dadhyakṣatāñjalībhistu tribhiḥ pūjayate śuciḥ

Sanskrit only: no published translation is held for this verse.

तस्य भानुः प्रसन्नश्च ह्यशुभं यत्समर्जितम् ।। तस्य भानुः स संदह्य दूरीकुर्यात्सदा द्विज

tasya bhānuḥ prasannaśca hyaśubhaṃ yatsamarjitam || tasya bhānuḥ sa saṃdahya dūrīkuryātsadā dvija

Sanskrit only: no published translation is held for this verse.

तावकं दधिमिश्रं तु पात्रे औदुम्बरे स्थितम् ।। सोमाय पौर्णमास्यां हि दत्वा पापैः प्रमुच्यते

tāvakaṃ dadhimiśraṃ tu pātre audumbare sthitam || somāya paurṇamāsyāṃ hi datvā pāpaiḥ pramucyate

Sanskrit only: no published translation is held for this verse.

अरुन्धतीं बुधं चैव तथा सर्वान्महामुनीन् ।। अभ्यर्च्य वेदविधिना तेभ्यो दत्त्वा च तावकम्

arundhatīṃ budhaṃ caiva tathā sarvānmahāmunīn || abhyarcya vedavidhinā tebhyo dattvā ca tāvakam

Sanskrit only: no published translation is held for this verse.

एकाग्रमानसो भूत्वा यो नमस्येत्कृताञ्जलिः ।। किल्बिषं तस्य वै सर्वं तत्क्षणादेव नश्यति

ekāgramānaso bhūtvā yo namasyetkṛtāñjaliḥ || kilbiṣaṃ tasya vai sarvaṃ tatkṣaṇādeva naśyati

Sanskrit only: no published translation is held for this verse.

द्विजं शुश्रूषते यस्तु तर्पयित्वातिभक्तितः ।। नमस्येत्प्रयतो भूत्वा स पापेभ्यः प्रमुच्यते

dvijaṃ śuśrūṣate yastu tarpayitvātibhaktitaḥ || namasyetprayato bhūtvā sa pāpebhyaḥ pramucyate

Sanskrit only: no published translation is held for this verse.

विषुवेषु च योगेषु शुचिर्दत्त्वा पयो नरः ।। तस्य जन्मकृतं पापं तत्क्षणादेव नश्यति

viṣuveṣu ca yogeṣu śucirdattvā payo naraḥ || tasya janmakṛtaṃ pāpaṃ tatkṣaṇādeva naśyati

Sanskrit only: no published translation is held for this verse.

प्राचीनीग्रान्कुशान् कृत्वा स्थापयित्वा वृषं नरः ।। द्विजैः सह नमस्कृत्य सर्वपापैः प्रमुच्यते

prācīnīgrānkuśān kṛtvā sthāpayitvā vṛṣaṃ naraḥ || dvijaiḥ saha namaskṛtya sarvapāpaiḥ pramucyate

Sanskrit only: no published translation is held for this verse.

दक्षिणावर्त्तसव्येन कृत्वा प्राक्स्रोतसं नदीम् ।। कृत्वाऽभिषेकं विधिवत्ततः पापात्प्रमुच्यते

dakṣiṇāvarttasavyena kṛtvā prāksrotasaṃ nadīm || kṛtvā'bhiṣekaṃ vidhivattataḥ pāpātpramucyate

Sanskrit only: no published translation is held for this verse.

दक्षिणावर्त्तशङ्खेन कृत्वा चैव करे जलम् ।। शिरसा तद्गृहीत्वा तु विप्रो हृष्टमनाः शुचिः

dakṣiṇāvarttaśaṅkhena kṛtvā caiva kare jalam || śirasā tadgṛhītvā tu vipro hṛṣṭamanāḥ śuciḥ

Sanskrit only: no published translation is held for this verse.

तस्य जन्मकृतं पापं तत्क्षणादेव नश्यति ।। प्राक्स्रोतसं नदीं गत्वा नाभिमात्रजले स्थितः

tasya janmakṛtaṃ pāpaṃ tatkṣaṇādeva naśyati || prāksrotasaṃ nadīṃ gatvā nābhimātrajale sthitaḥ

Sanskrit only: no published translation is held for this verse.

स्नात्वा कृष्णतिलैर्मिश्रा दद्यात्सप्ताञ्जलीर्नरः ।। प्राणायामत्रयं कृत्वा ब्रह्मचारी जितेन्द्रियः

snātvā kṛṣṇatilairmiśrā dadyātsaptāñjalīrnaraḥ || prāṇāyāmatrayaṃ kṛtvā brahmacārī jitendriyaḥ

Sanskrit only: no published translation is held for this verse.

यावज्जीवकृतं पापं तत्क्षणादेव नश्यति ।। अच्छिद्रपद्मपत्रेण सर्वरत्नोदकेन तु

yāvajjīvakṛtaṃ pāpaṃ tatkṣaṇādeva naśyati || acchidrapadmapatreṇa sarvaratnodakena tu

Sanskrit only: no published translation is held for this verse.

त्रिधा यस्तु नरः स्नायात्सर्वपापैः प्रमुच्यते ।। अन्यच्च ते प्रवक्ष्यामि गुह्याद्गुह्यतरं मुने

tridhā yastu naraḥ snāyātsarvapāpaiḥ pramucyate || anyacca te pravakṣyāmi guhyādguhyataraṃ mune

Sanskrit only: no published translation is held for this verse.

कार्त्तिकेऽमलपक्षे तु स्मृता ह्येकादशी तिथिः ।। भुक्तिमुक्तिप्रदा या तु नाम्ना ख्याता प्रबोधिनी

kārttike'malapakṣe tu smṛtā hyekādaśī tithiḥ || bhuktimuktipradā yā tu nāmnā khyātā prabodhinī

Sanskrit only: no published translation is held for this verse.

या सा विष्णोः परा मूर्त्तिरव्यक्तानेकरूपिणी ।। सा क्षिप्ता मानुषे लोके द्वादशी मुनिपुङ्गव

yā sā viṣṇoḥ parā mūrttiravyaktānekarūpiṇī || sā kṣiptā mānuṣe loke dvādaśī munipuṅgava

Sanskrit only: no published translation is held for this verse.

ये उपोष्यन्ति विधिवन्नारायणपरायणाः ।। न तेषामशुभं किञ्चिज्जन्मकोटिकृतं मुने

ye upoṣyanti vidhivannārāyaṇaparāyaṇāḥ || na teṣāmaśubhaṃ kiñcijjanmakoṭikṛtaṃ mune

Sanskrit only: no published translation is held for this verse.

एकादशीं समाश्रित्य पुरा पृष्टो महेश्वरः ।। वाराहरूपी धरया सर्वलोकहिताय वै

ekādaśīṃ samāśritya purā pṛṣṭo maheśvaraḥ || vārāharūpī dharayā sarvalokahitāya vai

Sanskrit only: no published translation is held for this verse.

धरण्युवाच ।। अस्मिन्कलियुगे घोरे नराः पापरताः प्रभो ।। ब्रह्मस्वहरणे युक्ता तथा ब्राह्मणघातकाः

dharaṇyuvāca || asminkaliyuge ghore narāḥ pāparatāḥ prabho || brahmasvaharaṇe yuktā tathā brāhmaṇaghātakāḥ

Sanskrit only: no published translation is held for this verse.

गुरुद्रोहरता देव मित्रद्रोहरतास्तथा ।। स्वामिद्रोहरताश्चैव परदाराभिमर्शकाः

gurudroharatā deva mitradroharatāstathā || svāmidroharatāścaiva paradārābhimarśakāḥ

Sanskrit only: no published translation is held for this verse.

परद्रव्यापहरणे संसक्ताश्च सुरेश्वर ।। अभक्ष्यभक्षणरता वेदब्राह्मणनिन्दकाः

paradravyāpaharaṇe saṃsaktāśca sureśvara || abhakṣyabhakṣaṇaratā vedabrāhmaṇanindakāḥ

Sanskrit only: no published translation is held for this verse.

दाम्भिका भिन्नमर्यादा नायमस्तीति वादिनः ।। असत्प्रतिग्रहे सक्ता अगम्यागमने रताः

dāmbhikā bhinnamaryādā nāyamastīti vādinaḥ || asatpratigrahe saktā agamyāgamane ratāḥ

Sanskrit only: no published translation is held for this verse.

एतैश्चान्यैश्च पापैश्च संसक्ता ये नरा विभो ।। किमासाद्य गतिर्देव तेषां वद सुरेश्वर

etaiścānyaiśca pāpaiśca saṃsaktā ye narā vibho || kimāsādya gatirdeva teṣāṃ vada sureśvara

Sanskrit only: no published translation is held for this verse.

श्रीवराह उवाच ।। साधु देवि महाभागे यत्पृष्टोऽहं वरानने ।। रहस्यं ते प्रवक्ष्यामि लोकानां हितकाम्यया

śrīvarāha uvāca || sādhu devi mahābhāge yatpṛṣṭo'haṃ varānane || rahasyaṃ te pravakṣyāmi lokānāṃ hitakāmyayā

Sanskrit only: no published translation is held for this verse.

महापातकयुक्ता ये नराः सुकृतवर्जिताः ।। तेषां मया हितार्थाय निर्मितं तच्छृणुष्व मे

mahāpātakayuktā ye narāḥ sukṛtavarjitāḥ || teṣāṃ mayā hitārthāya nirmitaṃ tacchṛṇuṣva me

Sanskrit only: no published translation is held for this verse.

या सा विष्णोः परा शक्तिरव्यक्तानेकरूपिणी ।। सा मर्त्ये निर्मिता भूमे द्वादशीरूपधारिणी

yā sā viṣṇoḥ parā śaktiravyaktānekarūpiṇī || sā martye nirmitā bhūme dvādaśīrūpadhāriṇī

Sanskrit only: no published translation is held for this verse.

तामुपोष्य नरा भद्रे महापापरताश्च ये ।। पुण्यपापविनिर्मुक्ता गच्छन्ति पदमव्ययम्

tāmupoṣya narā bhadre mahāpāparatāśca ye || puṇyapāpavinirmuktā gacchanti padamavyayam

Sanskrit only: no published translation is held for this verse.

उपायोऽतःपरो नान्यो विद्यते हि वसुन्धरे ।। एकादशीं विना येन सर्वपापक्षयो भवेत्

upāyo'taḥparo nānyo vidyate hi vasundhare || ekādaśīṃ vinā yena sarvapāpakṣayo bhavet

Sanskrit only: no published translation is held for this verse.

यथा शुक्ला तथा कृष्णा ह्युपोष्या सा प्रयत्नतः ।। शुक्ला भक्तिप्रदा नित्यं कृष्णा मुक्तिं प्रयच्छति

yathā śuklā tathā kṛṣṇā hyupoṣyā sā prayatnataḥ || śuklā bhaktipradā nityaṃ kṛṣṇā muktiṃ prayacchati

Sanskrit only: no published translation is held for this verse.

तस्मात्सर्वप्रयत्नेन कर्त्तव्या द्वादशी सदा।। यदीच्छेद्वैष्णवं लोकं गन्तुं वै भूतधारिणि

tasmātsarvaprayatnena karttavyā dvādaśī sadā|| yadīcchedvaiṣṇavaṃ lokaṃ gantuṃ vai bhūtadhāriṇi

Sanskrit only: no published translation is held for this verse.

मनसा वचसा चैव कर्मणा समुपार्जितम् ।। पापं मासकृतं पुंसां दहत्येकादशी कृता

manasā vacasā caiva karmaṇā samupārjitam || pāpaṃ māsakṛtaṃ puṃsāṃ dahatyekādaśī kṛtā

Sanskrit only: no published translation is held for this verse.

दहन्तीह पुराणानि भूयोभूयो वरानने ।। न भोक्तव्यं न भोक्तव्यं सम्प्राप्ते हरिवासरे

dahantīha purāṇāni bhūyobhūyo varānane || na bhoktavyaṃ na bhoktavyaṃ samprāpte harivāsare

Sanskrit only: no published translation is held for this verse.

यदीच्छथ नरा गन्तुं तद्विष्णोः परमं पदम् ।। न भोक्तव्यं न भोक्तव्यं तदा केशववासरे

yadīcchatha narā gantuṃ tadviṣṇoḥ paramaṃ padam || na bhoktavyaṃ na bhoktavyaṃ tadā keśavavāsare

Sanskrit only: no published translation is held for this verse.

ऊर्ध्वबाहुर्विरौम्येष प्रलापं मे शृणुष्व तम् ।। आराधयस्व विश्वेशमेकादश्यामतन्द्रितः

ūrdhvabāhurviraumyeṣa pralāpaṃ me śṛṇuṣva tam || ārādhayasva viśveśamekādaśyāmatandritaḥ

Sanskrit only: no published translation is held for this verse.

न शंखेन पिबेत्तोयं न हन्यान्मत्स्यसूकरौ ।। एकादश्यां न भुञ्जीत पक्षयोरुभयोरपि

na śaṃkhena pibettoyaṃ na hanyānmatsyasūkarau || ekādaśyāṃ na bhuñjīta pakṣayorubhayorapi

Sanskrit only: no published translation is held for this verse.

स ब्रह्महा सुरापश्च स स्तेयी गुरुतल्पगः ।। एकादश्यां तु यो भुंक्ते पक्षयोरुभयोरपि

sa brahmahā surāpaśca sa steyī gurutalpagaḥ || ekādaśyāṃ tu yo bhuṃkte pakṣayorubhayorapi

Sanskrit only: no published translation is held for this verse.

किं तेन न कृतं पापं दुर्वृत्तेनात्मघातिना ।। एकादश्यां विशालाक्षि भुक्तं येन विजानता

kiṃ tena na kṛtaṃ pāpaṃ durvṛttenātmaghātinā || ekādaśyāṃ viśālākṣi bhuktaṃ yena vijānatā

Sanskrit only: no published translation is held for this verse.

एकादशीं च यः शुक्लामसमर्थं उपोषितुम् ।। तदा नक्तं प्रकर्त्तव्यं तथाऽयाचितमेव वा

ekādaśīṃ ca yaḥ śuklāmasamarthaṃ upoṣitum || tadā naktaṃ prakarttavyaṃ tathā'yācitameva vā

Sanskrit only: no published translation is held for this verse.

एकभक्तेन दानेन कर्त्तव्यं द्वादशीव्रतम् ।। न करोति यदा भूमे व्रतं वा दानमेव वा

ekabhaktena dānena karttavyaṃ dvādaśīvratam || na karoti yadā bhūme vrataṃ vā dānameva vā

Sanskrit only: no published translation is held for this verse.

एका सा द्वादशी पुण्या उपोष्या सा प्रबोधिनी ।। तस्यामाराध्य विश्वेषं जगतामीश्वरेश्वरम्

ekā sā dvādaśī puṇyā upoṣyā sā prabodhinī || tasyāmārādhya viśveṣaṃ jagatāmīśvareśvaram

Sanskrit only: no published translation is held for this verse.

प्राप्नोति सकलं चैतद्द्वादशद्वादशीफलम् ।। पूर्वाभाद्रपदायोगे सैव या द्वादशी भवेत

prāpnoti sakalaṃ caitaddvādaśadvādaśīphalam || pūrvābhādrapadāyoge saiva yā dvādaśī bhaveta

Sanskrit only: no published translation is held for this verse.

अतीव महती तस्यां सर्वं कृतमिहाक्षयम् ।। उत्तराभाद्रसहिता यदि सैकादशी भवेत्

atīva mahatī tasyāṃ sarvaṃ kṛtamihākṣayam || uttarābhādrasahitā yadi saikādaśī bhavet

Sanskrit only: no published translation is held for this verse.

तदा कोटिगुणं पुण्यं केशवाल्लभते फलम् ।। सकृद्देवेऽर्च्चिते तस्यां लभते भूतधारिणि

tadā koṭiguṇaṃ puṇyaṃ keśavāllabhate phalam || sakṛddeve'rccite tasyāṃ labhate bhūtadhāriṇi

Sanskrit only: no published translation is held for this verse.

यथा प्रबोधिनी पुण्या तथा यस्यां स्वपेद्धरिः ।। उपोष्या हि महाभागे त्वनन्तफलदा हि सा

yathā prabodhinī puṇyā tathā yasyāṃ svapeddhariḥ || upoṣyā hi mahābhāge tvanantaphaladā hi sā

Sanskrit only: no published translation is held for this verse.

शयने बोधने चैव हरेस्तु परिवर्त्तने ।। उपोष्यैव विधानेन नरो निर्मलतां व्रजेत्

śayane bodhane caiva harestu parivarttane || upoṣyaiva vidhānena naro nirmalatāṃ vrajet

Sanskrit only: no published translation is held for this verse.

तस्मात्सर्वप्रयत्नेन द्वादशीं समुपोषयेत् ।। यदीच्छेत्तु विशालाक्षि शाश्वतीं गतिमात्मनः

tasmātsarvaprayatnena dvādaśīṃ samupoṣayet || yadīcchettu viśālākṣi śāśvatīṃ gatimātmanaḥ

Sanskrit only: no published translation is held for this verse.

एकादशी सोमयुता कार्त्तिके मासि भामिनि ।। उत्तराभाद्रसंयोगे अनन्तफलदा हि सा

ekādaśī somayutā kārttike māsi bhāmini || uttarābhādrasaṃyoge anantaphaladā hi sā

Sanskrit only: no published translation is held for this verse.

तस्यां यत्क्रियते भद्रे तदनन्तगुणं स्मृतम् ।। एकादशी भौमयुता यदा स्याद्भूतधारिणि

tasyāṃ yatkriyate bhadre tadanantaguṇaṃ smṛtam || ekādaśī bhaumayutā yadā syādbhūtadhāriṇi

Sanskrit only: no published translation is held for this verse.

स्नात्वा देवे समभ्यर्च्य प्राप्नोति परमं फलम् ।। प्राप्नोति सकलं चैव द्वादशद्वादशीफलम्

snātvā deve samabhyarcya prāpnoti paramaṃ phalam || prāpnoti sakalaṃ caiva dvādaśadvādaśīphalam

Sanskrit only: no published translation is held for this verse.

जलपूर्णं तथा कुंभं स्थापयित्वा विचक्षणः ।। पञ्चरत्नसमोपेतं घृतपात्रयुतं तथा

jalapūrṇaṃ tathā kuṃbhaṃ sthāpayitvā vicakṣaṇaḥ || pañcaratnasamopetaṃ ghṛtapātrayutaṃ tathā

Sanskrit only: no published translation is held for this verse.

तस्योपरि न्यसेन्मत्स्यस्वरूपं तु जनार्दनम् ।। निष्कमात्रसुवर्णेन घटितं तु वरानने

tasyopari nyasenmatsyasvarūpaṃ tu janārdanam || niṣkamātrasuvarṇena ghaṭitaṃ tu varānane

Sanskrit only: no published translation is held for this verse.

पंचामृतेन संस्नाप्य कुंकुमेन विलेपितम् ।। पीतवस्त्रयुगच्छन्नं छत्रोपानद्युगान्वितम्

paṃcāmṛtena saṃsnāpya kuṃkumena vilepitam || pītavastrayugacchannaṃ chatropānadyugānvitam

Sanskrit only: no published translation is held for this verse.

पूजयेत् कमलैर्देवि मद्भक्तः संयतेन्द्रियः ।। मत्स्यं कूर्मं वराहं च नरसिंहं च वामनम्

pūjayet kamalairdevi madbhaktaḥ saṃyatendriyaḥ || matsyaṃ kūrmaṃ varāhaṃ ca narasiṃhaṃ ca vāmanam

Sanskrit only: no published translation is held for this verse.

रामं रामं च कृष्णं च बुद्धं चैव च कल्किनम् ।। एवं दशावतारांश्च पूजयेद्भक्तिसंयुतः

rāmaṃ rāmaṃ ca kṛṣṇaṃ ca buddhaṃ caiva ca kalkinam || evaṃ daśāvatārāṃśca pūjayedbhaktisaṃyutaḥ

Sanskrit only: no published translation is held for this verse.

पुष्पैर्धूपैस्तथा दीपनैवद्यैर्विविधैरपि ।। संपूज्यैवमलङ्कारैर्विविधैरुपशोभितम्

puṣpairdhūpaistathā dīpanaivadyairvividhairapi || saṃpūjyaivamalaṅkārairvividhairupaśobhitam

Sanskrit only: no published translation is held for this verse.

रात्रौ चोत्थापनं कार्यं देवदेवस्य सुव्रते।। प्रभाते विमले स्नात्वा भक्त्या संपूज्य केशवम्

rātrau cotthāpanaṃ kāryaṃ devadevasya suvrate|| prabhāte vimale snātvā bhaktyā saṃpūjya keśavam

Sanskrit only: no published translation is held for this verse.

पुष्पधूपादिनैवेद्यैः फलैर्नानाविधैः शुभैः।। ततस्तु पूजयेद्विद्वानाचार्यं भक्तिसंयुतः

puṣpadhūpādinaivedyaiḥ phalairnānāvidhaiḥ śubhaiḥ|| tatastu pūjayedvidvānācāryaṃ bhaktisaṃyutaḥ

Sanskrit only: no published translation is held for this verse.

अलङ्कारोपहारैश्च वस्त्राद्यैश्च स्वशक्तितः ।। पूजयित्वा विधानेन तं देवं प्रतिपादयेत्

alaṅkāropahāraiśca vastrādyaiśca svaśaktitaḥ || pūjayitvā vidhānena taṃ devaṃ pratipādayet

Sanskrit only: no published translation is held for this verse.

जगदादिर्जगद्रूपो जगदादिरनादिमान् ।। जगदादिर्जगद्योनिः प्रीयतां मे जनार्दनः

jagadādirjagadrūpo jagadādiranādimān || jagadādirjagadyoniḥ prīyatāṃ me janārdanaḥ

Sanskrit only: no published translation is held for this verse.

यदि वक्त्रसहस्राणां सहस्राणि भवन्ति तैः ।। संख्यातुं नैव शक्यन्ते प्रबोधिन्यास्तथा गुणाः

yadi vaktrasahasrāṇāṃ sahasrāṇi bhavanti taiḥ || saṃkhyātuṃ naiva śakyante prabodhinyāstathā guṇāḥ

Sanskrit only: no published translation is held for this verse.

तथाप्युद्देशमात्रेण शक्त्या वक्ष्यामि तच्छृणु ।। चन्द्रतारार्कसङ्काशमधिष्ठायानुजीविभिः

tathāpyuddeśamātreṇa śaktyā vakṣyāmi tacchṛṇu || candratārārkasaṅkāśamadhiṣṭhāyānujīvibhiḥ

Sanskrit only: no published translation is held for this verse.

सहैव यानमागच्छेन्मम लोकं वसुन्धरे ।। ततः कल्पसहस्रांते सप्तद्वीपेश्वरो भवेत्

sahaiva yānamāgacchenmama lokaṃ vasundhare || tataḥ kalpasahasrāṃte saptadvīpeśvaro bhavet

Sanskrit only: no published translation is held for this verse.

आयुरारोग्यसंपन्नो जन्मातीतो भवेत्ततः ।। ब्रह्मघ्नश्च सुरापश्च स्तेयी च गुरुतल्पगः

āyurārogyasaṃpanno janmātīto bhavettataḥ || brahmaghnaśca surāpaśca steyī ca gurutalpagaḥ

Sanskrit only: no published translation is held for this verse.

पापान्येतानि सर्वाणि श्रवणेनैव नाशयेत्

pāpānyetāni sarvāṇi śravaṇenaiva nāśayet

Sanskrit only: no published translation is held for this verse.

पश्ये च धीमानधनोऽपि भक्त्या स्पृशेन्मनुष्यं इह चिन्त्यमानः।। शृणोति भक्तस्य मतिं ददाति विकल्मषः सोऽपि दिवं प्रयाति

paśye ca dhīmānadhano'pi bhaktyā spṛśenmanuṣyaṃ iha cintyamānaḥ|| śṛṇoti bhaktasya matiṃ dadāti vikalmaṣaḥ so'pi divaṃ prayāti

Sanskrit only: no published translation is held for this verse.

दुःस्वप्नः प्रशममुपैति पठ्यमाने माहात्म्ये भवभयहारके नरस्य ।। यः कुर्याद्व्रतवरमेतदव्ययाया बोधिन्याः किमुत फलं तु तस्य वाच्यम्

duḥsvapnaḥ praśamamupaiti paṭhyamāne māhātmye bhavabhayahārake narasya || yaḥ kuryādvratavarametadavyayāyā bodhinyāḥ kimuta phalaṃ tu tasya vācyam

Sanskrit only: no published translation is held for this verse.

ते धन्यास्ते कृतार्थाश्च तैरेव सुकृतं कृतम्।। तैरात्मजन्म सफलं कृतं ये व्रतकारकाः

te dhanyāste kṛtārthāśca taireva sukṛtaṃ kṛtam|| tairātmajanma saphalaṃ kṛtaṃ ye vratakārakāḥ

Sanskrit only: no published translation is held for this verse.

नारायणाच्युतानन्त वासुदेवेति यो नरः ।। सततं कीर्त्तयेद्भूमे याति मल्लयतां प्रिये

nārāyaṇācyutānanta vāsudeveti yo naraḥ || satataṃ kīrttayedbhūme yāti mallayatāṃ priye

Sanskrit only: no published translation is held for this verse.

किं पुनः श्रद्धया युक्तः पूजयेन्मामनन्यधीः ।। गुरूपदिष्टमार्गेण याति मल्लयतां नरः

kiṃ punaḥ śraddhayā yuktaḥ pūjayenmāmananyadhīḥ || gurūpadiṣṭamārgeṇa yāti mallayatāṃ naraḥ

Sanskrit only: no published translation is held for this verse.

तस्य यज्ञवराहस्य विष्णोरमिततेजसः ।। प्रयाणं ये च कुर्वति ते पूज्याः सततं सुरैः

tasya yajñavarāhasya viṣṇoramitatejasaḥ || prayāṇaṃ ye ca kurvati te pūjyāḥ satataṃ suraiḥ

Sanskrit only: no published translation is held for this verse.

तस्मात् सुनियतैर्भाव्यं वैष्णवं मार्गमास्पदम्।। दुर्ल्लभं वैष्णवत्वं हि त्रिषु लोकेषु सुन्दरि

tasmāt suniyatairbhāvyaṃ vaiṣṇavaṃ mārgamāspadam|| durllabhaṃ vaiṣṇavatvaṃ hi triṣu lokeṣu sundari

Sanskrit only: no published translation is held for this verse.

जन्मान्तरसहस्रेषु समाराध्य वृषध्वजम् ।। वैष्णवत्वं लभेत् कश्चित्सर्वपापक्षये सति

janmāntarasahasreṣu samārādhya vṛṣadhvajam || vaiṣṇavatvaṃ labhet kaścitsarvapāpakṣaye sati

Sanskrit only: no published translation is held for this verse.

पापक्षयमवाप्नोति चेश्वराराधने कृते ।। ज्ञानमन्विच्छता रुद्रं पूजयेत्परमेश्वरम्

pāpakṣayamavāpnoti ceśvarārādhane kṛte || jñānamanvicchatā rudraṃ pūjayetparameśvaram

Sanskrit only: no published translation is held for this verse.

मामाराध्य तथा याति तद्विष्णोः परमं पदम् ।। वैष्णवा हि महाभागाः पुनन्ति सकलं जगत्

māmārādhya tathā yāti tadviṣṇoḥ paramaṃ padam || vaiṣṇavā hi mahābhāgāḥ punanti sakalaṃ jagat

Sanskrit only: no published translation is held for this verse.

संस्मृतः कीर्तितो वापि दृष्टः स्पृष्टोऽपि वा प्रिये ।। पुनाति भगवद्भक्तश्चाण्डालोऽपि यदृच्छया

saṃsmṛtaḥ kīrtito vāpi dṛṣṭaḥ spṛṣṭo'pi vā priye || punāti bhagavadbhaktaścāṇḍālo'pi yadṛcchayā

Sanskrit only: no published translation is held for this verse.

एतज्ज्ञात्वा तु विद्वद्भिः पूजनीयो जनार्दनः।। वेदोक्तविधिना भद्रे आगमोक्तेन वा सुधीः

etajjñātvā tu vidvadbhiḥ pūjanīyo janārdanaḥ|| vedoktavidhinā bhadre āgamoktena vā sudhīḥ

Sanskrit only: no published translation is held for this verse.

यम उवाच ।। एतच्छ्रुत्वा महाभागा धरणी संशितव्रता ।। समाराध्य जगन्नाथं विधिना तल्लयङ्गता

yama uvāca || etacchrutvā mahābhāgā dharaṇī saṃśitavratā || samārādhya jagannāthaṃ vidhinā tallayaṅgatā

Sanskrit only: no published translation is held for this verse.

महापातकभागी स्यात्सुगतिं नाप्नुयात्क्वचित् ।। उपवासासमर्थानां तथैव पृथुलोचने

mahāpātakabhāgī syātsugatiṃ nāpnuyātkvacit || upavāsāsamarthānāṃ tathaiva pṛthulocane

Sanskrit only: no published translation is held for this verse.

तेषां नैवास्त्ययं लोको यान्ति तत्परमं पदम्।। ये सकृद्द्वादशीमेतामुपोष्यंति विधानतः

teṣāṃ naivāstyayaṃ loko yānti tatparamaṃ padam|| ye sakṛddvādaśīmetāmupoṣyaṃti vidhānataḥ

Sanskrit only: no published translation is held for this verse.

प्रबोधनाख्यां सुधियस्ते यांति परमं पदम् ।। न यमं यातनादण्डान्नरकं न च किङ्करान्

prabodhanākhyāṃ sudhiyaste yāṃti paramaṃ padam || na yamaṃ yātanādaṇḍānnarakaṃ na ca kiṅkarān

Sanskrit only: no published translation is held for this verse.

पश्यंति द्विजशार्दूल इति सत्यं मयोदितम् ।। एतत्ते सर्वमाख्यातं यथादृष्टं यथाश्रुतम्

paśyaṃti dvijaśārdūla iti satyaṃ mayoditam || etatte sarvamākhyātaṃ yathādṛṣṭaṃ yathāśrutam

Sanskrit only: no published translation is held for this verse.

कथितं मे महाभाग यत्त्वया परिपृच्छितम्।। स्वयंभुवा यथा प्रोक्तं गुह्याख्यानं महामुने

kathitaṃ me mahābhāga yattvayā paripṛcchitam|| svayaṃbhuvā yathā proktaṃ guhyākhyānaṃ mahāmune

Sanskrit only: no published translation is held for this verse.

तत्ते सर्वं समासेन व्याख्यातं धर्मवत्सल

tatte sarvaṃ samāsena vyākhyātaṃ dharmavatsala

Sanskrit only: no published translation is held for this verse.

इति श्रीवराहपुराणे पापनाशोपायवर्णनं नामैकादशाधिकद्विशततमोऽध्यायः

iti śrīvarāhapurāṇe pāpanāśopāyavarṇanaṃ nāmaikādaśādhikadviśatatamo'dhyāyaḥ

Sanskrit only: no published translation is held for this verse.