Varāha Purāṇa 216

अथ गोकर्णशृंगेश्वरादिमाहात्म्यम् ।। ब्रह्मोवाच ।। तस्मात्स्थानादपक्रान्ते त्र्यम्बके मृगरूपिणि ।। अन्योऽन्यं मन्त्रयित्वा तु मया सह सुरोत्तमाः

atha gokarṇaśṛṃgeśvarādimāhātmyam || brahmovāca || tasmātsthānādapakrānte tryambake mṛgarūpiṇi || anyo'nyaṃ mantrayitvā tu mayā saha surottamāḥ

Sanskrit only: no published translation is held for this verse.

त्रिधाविभक्तं तच्छृङ्गं पृथक्पृथगवस्थितम् ।। सम्यक्स्थापयितुं देवा विधिदृष्टेन कर्मणा

tridhāvibhaktaṃ tacchṛṅgaṃ pṛthakpṛthagavasthitam || samyaksthāpayituṃ devā vidhidṛṣṭena karmaṇā

Sanskrit only: no published translation is held for this verse.

स्थापितं देवि नीत्वा वै शृंगाग्रं वज्रपाणिना ।। मया तत्रैव तन्मध्यं स्थापितं विधिवत्प्रभोः

sthāpitaṃ devi nītvā vai śṛṃgāgraṃ vajrapāṇinā || mayā tatraiva tanmadhyaṃ sthāpitaṃ vidhivatprabhoḥ

Sanskrit only: no published translation is held for this verse.

देवैर्देवर्षिभिश्चैव सिद्धैर्ब्रह्मर्षिभिस्तथा ।। गोकर्ण इति विख्यातिः कृता वैशेषिकी वरा

devairdevarṣibhiścaiva siddhairbrahmarṣibhistathā || gokarṇa iti vikhyātiḥ kṛtā vaiśeṣikī varā

Sanskrit only: no published translation is held for this verse.

विष्णुना देवतीर्थेन तन्मूलं स्थापितं ततः ।। तस्य शृङ्गेश्वर इति नाम तत्राभवन्महत् ।। ५ ।। thumb|Gokarna Atmalinga तत्र तत्रैव भगवांस्तस्मिन्शृंगे त्रिधा स्थिते ।। सान्निध्यं कल्पयामास भागेनैकेन चोन्मना

viṣṇunā devatīrthena tanmūlaṃ sthāpitaṃ tataḥ || tasya śṛṅgeśvara iti nāma tatrābhavanmahat || 5 || thumb|Gokarna Atmalinga tatra tatraiva bhagavāṃstasminśṛṃge tridhā sthite || sānnidhyaṃ kalpayāmāsa bhāgenaikena conmanā

Sanskrit only: no published translation is held for this verse.

शतं तेन तु भागानामात्मनो निहितं मृगे ।। तस्माद्द्विकं तु भागानां शृंगाणां त्रितये न्यधात्

śataṃ tena tu bhāgānāmātmano nihitaṃ mṛge || tasmāddvikaṃ tu bhāgānāṃ śṛṃgāṇāṃ tritaye nyadhāt

Sanskrit only: no published translation is held for this verse.

मार्गेण तच्छरीरेण निर्ययौ भगवान्विभुः ।। शैशिरस्य गिरेः पादं प्रपेदे स्वयमात्मनः

mārgeṇa taccharīreṇa niryayau bhagavānvibhuḥ || śaiśirasya gireḥ pādaṃ prapede svayamātmanaḥ

Sanskrit only: no published translation is held for this verse.

शतसंख्या स्मृता व्युष्टिस्तस्मिञ्छैलेश्वरे विभोः ।। त्रिधा विभक्ते शृंगेऽस्मिन्नेकाग्रगतिनिप्रभोः

śatasaṃkhyā smṛtā vyuṣṭistasmiñchaileśvare vibhoḥ || tridhā vibhakte śṛṃge'sminnekāgragatiniprabhoḥ

Sanskrit only: no published translation is held for this verse.

ततः सुरासुरगुरुर्देवं भूतमहेश्वरम् ।। तपसोऽग्रेण संसेव्य वव्रिरे विविधान्वरान्

tataḥ surāsuragururdevaṃ bhūtamaheśvaram || tapaso'greṇa saṃsevya vavrire vividhānvarān

Sanskrit only: no published translation is held for this verse.

देवदानवगन्धर्वाः सिद्धयक्षमहोरगाः ।। श्लेष्मातकवनं कृत्स्नं सर्वतः परिमण्डलम्

devadānavagandharvāḥ siddhayakṣamahoragāḥ || śleṣmātakavanaṃ kṛtsnaṃ sarvataḥ parimaṇḍalam

Sanskrit only: no published translation is held for this verse.

तीर्थयात्रां पुरस्कृत्य प्रादक्षिण्यं च चक्रतुः ।। फलान्निर्द्दिश्य तीर्थानां तथा क्षेत्रफलं महत्

tīrthayātrāṃ puraskṛtya prādakṣiṇyaṃ ca cakratuḥ || phalānnirddiśya tīrthānāṃ tathā kṣetraphalaṃ mahat

Sanskrit only: no published translation is held for this verse.

यथास्थानानि ते तस्मान्निवृत्ताश्च सुरादयः ।। एवं तस्मान्निवृत्तेषु दैवतेषु तदा ततः

yathāsthānāni te tasmānnivṛttāśca surādayaḥ || evaṃ tasmānnivṛtteṣu daivateṣu tadā tataḥ

Sanskrit only: no published translation is held for this verse.

पौलस्त्यो रावणो नाम भ्रातृभिः सह राक्षसैः ।। आगम्योग्रेण तपसा देवमाराधयद्विभुम्

paulastyo rāvaṇo nāma bhrātṛbhiḥ saha rākṣasaiḥ || āgamyogreṇa tapasā devamārādhayadvibhum

Sanskrit only: no published translation is held for this verse.

शुश्रूषया च परया गोकर्णेश्वरमव्ययम् ।। यदा तु तस्य तुष्टो वै वरदः शंकरः स्वयम्

śuśrūṣayā ca parayā gokarṇeśvaramavyayam || yadā tu tasya tuṣṭo vai varadaḥ śaṃkaraḥ svayam

Sanskrit only: no published translation is held for this verse.

तदा त्रैलोक्यविजयं वरं वव्रे स राक्षसः ।। प्रसादात्तस्य तत्सर्वं वाञ्छितं मनसा हि यत्

tadā trailokyavijayaṃ varaṃ vavre sa rākṣasaḥ || prasādāttasya tatsarvaṃ vāñchitaṃ manasā hi yat

Sanskrit only: no published translation is held for this verse.

अवाप्य च दशग्रीवस्तदिष्टं परमेश्वरात् ।। त्रैलोक्यविजयायाशु तत्क्षणादेव निर्ययौ

avāpya ca daśagrīvastadiṣṭaṃ parameśvarāt || trailokyavijayāyāśu tatkṣaṇādeva niryayau

Sanskrit only: no published translation is held for this verse.

त्रैलोक्यं स विनिर्जित्य शक्रं च त्रिदशाधिपम् ।। तदुत्पाट्यानयामास पुत्रेणेन्द्रजिता सह

trailokyaṃ sa vinirjitya śakraṃ ca tridaśādhipam || tadutpāṭyānayāmāsa putreṇendrajitā saha

Sanskrit only: no published translation is held for this verse.

शृंगाग्रं यत्पुरा नीत्वा स्थापितं वज्रपाणिना ।। तदुत्पाट्यानयामास पुत्रेणेन्द्रजिता सह

śṛṃgāgraṃ yatpurā nītvā sthāpitaṃ vajrapāṇinā || tadutpāṭyānayāmāsa putreṇendrajitā saha

Sanskrit only: no published translation is held for this verse.

तद्यावद्रावणः स्थाप्य मुहूर्त्तमुदधेस्तटे ।। सन्ध्यामुपासते तत्र लग्नस्तावदसौ भुवि

tadyāvadrāvaṇaḥ sthāpya muhūrttamudadhestaṭe || sandhyāmupāsate tatra lagnastāvadasau bhuvi

Sanskrit only: no published translation is held for this verse.

न शशाक यदा रक्षस्तदुत्पाटयितुं बलात् ।। वज्रकल्पं समुत्सृज्य तदा लंकां विनिर्ययौ

na śaśāka yadā rakṣastadutpāṭayituṃ balāt || vajrakalpaṃ samutsṛjya tadā laṃkāṃ viniryayau

Sanskrit only: no published translation is held for this verse.

स तु दक्षिणगोकर्णो विज्ञेयस्ते महामते ।। स्वयं प्रतिष्ठितस्तत्र स्वयं भूतपतिः शिवः

sa tu dakṣiṇagokarṇo vijñeyaste mahāmate || svayaṃ pratiṣṭhitastatra svayaṃ bhūtapatiḥ śivaḥ

Sanskrit only: no published translation is held for this verse.

एतत्ते कथितं सर्वं मया विस्तरतो मुने ।। यथावदुत्तरस्तस्य गोकर्णस्य महात्मनः

etatte kathitaṃ sarvaṃ mayā vistarato mune || yathāvaduttarastasya gokarṇasya mahātmanaḥ

Sanskrit only: no published translation is held for this verse.

दक्षिणस्य च विप्रर्षे तथा शृंगेश्वरस्य च।। शैलेश्वरस्य च विभो स्थित्युत्पत्तिर्यथाक्रमम्

dakṣiṇasya ca viprarṣe tathā śṛṃgeśvarasya ca|| śaileśvarasya ca vibho sthityutpattiryathākramam

Sanskrit only: no published translation is held for this verse.

व्युष्टिः क्षेत्रस्य महती तीर्थानां च समुद्भवः ।। प्रोक्तं सर्वं मया वत्स किमन्यच्छ्रोतुमिच्छसि

vyuṣṭiḥ kṣetrasya mahatī tīrthānāṃ ca samudbhavaḥ || proktaṃ sarvaṃ mayā vatsa kimanyacchrotumicchasi

Sanskrit only: no published translation is held for this verse.

इति श्रीवराहपुराणे गोकर्णशृंगेश्वरादीनां माहात्म्यं नाम षोडशाधिकद्विशततमोऽध्यायः

iti śrīvarāhapurāṇe gokarṇaśṛṃgeśvarādīnāṃ māhātmyaṃ nāma ṣoḍaśādhikadviśatatamo'dhyāyaḥ

Sanskrit only: no published translation is held for this verse.