Varāha Purāṇa 217

अथ धरणीवराहसंवादफलश्रुतिवर्णनम् ।। सनत्कुमार उवाच ।। उक्तं भगवता सर्वं यथावत्परमेष्ठिना ।। पृष्टेन संशयं सम्यक्परं कृत्वार्थनिश्चयम्

atha dharaṇīvarāhasaṃvādaphalaśrutivarṇanam || sanatkumāra uvāca || uktaṃ bhagavatā sarvaṃ yathāvatparameṣṭhinā || pṛṣṭena saṃśayaṃ samyakparaṃ kṛtvārthaniścayam

Sanskrit only: no published translation is held for this verse.

भगवद्विश्वरूपस्य स्थाणोरप्रतिमौजसः ।। क्रीडतो लोकनाथस्य कानने मृगरूपिणः

bhagavadviśvarūpasya sthāṇorapratimaujasaḥ || krīḍato lokanāthasya kānane mṛgarūpiṇaḥ

Sanskrit only: no published translation is held for this verse.

यथा शरीरं शृङ्गं च पुण्यक्षेत्रे प्रतिष्ठितम् ।। हिताय जगतस्तत्र तीर्थानि च यथाभवन्

yathā śarīraṃ śṛṅgaṃ ca puṇyakṣetre pratiṣṭhitam || hitāya jagatastatra tīrthāni ca yathābhavan

Sanskrit only: no published translation is held for this verse.

तन्मे ब्रूहि महाभाग यथातत्त्वं जगत्पते ।। ब्रह्मोवाच ।। पुलस्त्यो वक्ष्यते शेषं यदतोऽन्यन्महामुने

tanme brūhi mahābhāga yathātattvaṃ jagatpate || brahmovāca || pulastyo vakṣyate śeṣaṃ yadato'nyanmahāmune

Sanskrit only: no published translation is held for this verse.

सर्वेषामेव तीर्थानामेषां फलविनिश्चयम् ।। कुरु राज्यं पुरस्कृत्य मुनीनां पुरतो वने

sarveṣāmeva tīrthānāmeṣāṃ phalaviniścayam || kuru rājyaṃ puraskṛtya munīnāṃ purato vane

Sanskrit only: no published translation is held for this verse.

पुत्रो मे मत्समः सम्यग्वेदवेदांगतत्त्ववित् ।। यच्छ्रुत्वा पुरुषस्तात विमुक्तः सर्वकिल्बिषैः

putro me matsamaḥ samyagvedavedāṃgatattvavit || yacchrutvā puruṣastāta vimuktaḥ sarvakilbiṣaiḥ

Sanskrit only: no published translation is held for this verse.

यशस्वी कीर्त्तिमान्भूत्वा वन्द्यते प्रेत्य चेह च ।। श्रोतव्यमेतत्सततं चातुर्वर्ण्यैः सुसंयुतैः

yaśasvī kīrttimānbhūtvā vandyate pretya ceha ca || śrotavyametatsatataṃ cāturvarṇyaiḥ susaṃyutaiḥ

Sanskrit only: no published translation is held for this verse.

मंगल्यं च शिवं चैव धर्मकामार्थसाधकम् ।। श्रीभूतिजननं पुण्यमायुष्यं विजयावहम्

maṃgalyaṃ ca śivaṃ caiva dharmakāmārthasādhakam || śrībhūtijananaṃ puṇyamāyuṣyaṃ vijayāvaham

Sanskrit only: no published translation is held for this verse.

धन्यं यशस्यं पापघ्नं स्वस्तिकृच्छान्तिकारकम् ।। श्रुत्वैवं पुरुषः सम्यङ्न दुर्गतिमवाप्नुयात्

dhanyaṃ yaśasyaṃ pāpaghnaṃ svastikṛcchāntikārakam || śrutvaivaṃ puruṣaḥ samyaṅna durgatimavāpnuyāt

Sanskrit only: no published translation is held for this verse.

कीर्तयित्वा व्रजेत्स्वर्गं कल्यमुत्थाय मानवः ।। सूत उवाच ।। इत्युक्त्वा भगवान्देवः परमेष्ठी प्रजापतिः

kīrtayitvā vrajetsvargaṃ kalyamutthāya mānavaḥ || sūta uvāca || ityuktvā bhagavāndevaḥ parameṣṭhī prajāpatiḥ

Sanskrit only: no published translation is held for this verse.

सनत्कुमारं सन्दिश्य विरराम महायशाः ।। एतद्वः कथितं सर्वं मया तत्त्वेन सत्तमाः

sanatkumāraṃ sandiśya virarāma mahāyaśāḥ || etadvaḥ kathitaṃ sarvaṃ mayā tattvena sattamāḥ

Sanskrit only: no published translation is held for this verse.

वराहभूमिसंवादं सारमुद्धृत्य सत्तमाः ।। यश्चैव कीर्त्तयेन्नित्यं शृणुयाद्वापि भक्तितः

varāhabhūmisaṃvādaṃ sāramuddhṛtya sattamāḥ || yaścaiva kīrttayennityaṃ śṛṇuyādvāpi bhaktitaḥ

Sanskrit only: no published translation is held for this verse.

सर्वपापविनिर्मुक्तः स याति परमां गतिम् ।। प्रभासे नैमिषारण्ये गंगाद्वारेऽथ पुष्करे

sarvapāpavinirmuktaḥ sa yāti paramāṃ gatim || prabhāse naimiṣāraṇye gaṃgādvāre'tha puṣkare

Sanskrit only: no published translation is held for this verse.

प्रयागे ब्रह्मतीर्थे च तीर्थे चामरकण्टके ।। यत्पुण्यफलमाप्नोति तत्कोटिगुणितं भवेत्

prayāge brahmatīrthe ca tīrthe cāmarakaṇṭake || yatpuṇyaphalamāpnoti tatkoṭiguṇitaṃ bhavet

Sanskrit only: no published translation is held for this verse.

कपिलां द्विजमुख्याय सम्यग्दत्त्वा तु यत्फलम् ।। प्राप्नोति सकलं श्रुत्वा चाध्यायं तु न संशयः

kapilāṃ dvijamukhyāya samyagdattvā tu yatphalam || prāpnoti sakalaṃ śrutvā cādhyāyaṃ tu na saṃśayaḥ

Sanskrit only: no published translation is held for this verse.

श्रुत्वाऽस्यैव दशाध्यायं शुचिर्भूत्वा समाहितः ।। अग्निष्टोमातिरात्राभ्यां फलं प्राप्नोति मानवः

śrutvā'syaiva daśādhyāyaṃ śucirbhūtvā samāhitaḥ || agniṣṭomātirātrābhyāṃ phalaṃ prāpnoti mānavaḥ

Sanskrit only: no published translation is held for this verse.

यः पुनः सततं शृण्वन्नैरन्तर्येण बुद्धिमान् ।। पारयेत्परया भक्त्या तस्यापि शृणु यत्फलम्

yaḥ punaḥ satataṃ śṛṇvannairantaryeṇa buddhimān || pārayetparayā bhaktyā tasyāpi śṛṇu yatphalam

Sanskrit only: no published translation is held for this verse.

सर्वयज्ञेषु यत्पुण्यं सर्वदानेषु यत्फलम् ।। सर्वतीर्थाभिषेकेन यत्फलं मुनिभिः स्मृतम्

sarvayajñeṣu yatpuṇyaṃ sarvadāneṣu yatphalam || sarvatīrthābhiṣekena yatphalaṃ munibhiḥ smṛtam

Sanskrit only: no published translation is held for this verse.

तत्प्राप्नोति न सन्देहो वराहवचनं यथा ।। यदेतत्पारयेद्भक्त्या मम माहात्म्यमुत्तमम्

tatprāpnoti na sandeho varāhavacanaṃ yathā || yadetatpārayedbhaktyā mama māhātmyamuttamam

Sanskrit only: no published translation is held for this verse.

अपुत्रस्य भवेत्पुत्रः सपौत्रस्य सुपौत्रकः ।। यस्येदं लिखितं गेहे तिष्ठेत्संपूज्यते सदा

aputrasya bhavetputraḥ sapautrasya supautrakaḥ || yasyedaṃ likhitaṃ gehe tiṣṭhetsaṃpūjyate sadā

Sanskrit only: no published translation is held for this verse.

तस्य नारायणो देवः सन्तुष्टः स्याद्धि सर्वदा ।। यश्चैतच्छृणुयाद्भक्त्या नैरन्तर्येण मानवः

tasya nārāyaṇo devaḥ santuṣṭaḥ syāddhi sarvadā || yaścaitacchṛṇuyādbhaktyā nairantaryeṇa mānavaḥ

Sanskrit only: no published translation is held for this verse.

श्रुत्वा तु पूजयेच्छास्त्रं यथा विष्णुं सनातनम् ।। गन्धपुष्पैस्तथा वस्त्रैर्ब्राह्मणानां च तर्पणैः

śrutvā tu pūjayecchāstraṃ yathā viṣṇuṃ sanātanam || gandhapuṣpaistathā vastrairbrāhmaṇānāṃ ca tarpaṇaiḥ

Sanskrit only: no published translation is held for this verse.

यथाशक्ति नृपो ग्रामैः पूजयेच्च वसुन्धरे।। श्रुत्वा तु पूजयेद्यः पौराणिकं नियतः शुचिः

yathāśakti nṛpo grāmaiḥ pūjayecca vasundhare|| śrutvā tu pūjayedyaḥ paurāṇikaṃ niyataḥ śuciḥ

Sanskrit only: no published translation is held for this verse.

सर्वपापविनिर्मुक्तो विष्णुसायुज्यमाप्नुयात् २४।।ॐ।। इति श्रीवराहपुराणे भगवच्छास्त्रे धरणीवराहसंवादे फलश्रुतिर्नाम सप्तदशाधिकद्विशततमोऽध्यायः

sarvapāpavinirmukto viṣṇusāyujyamāpnuyāt 24||oṃ|| iti śrīvarāhapurāṇe bhagavacchāstre dharaṇīvarāhasaṃvāde phalaśrutirnāma saptadaśādhikadviśatatamo'dhyāyaḥ

Sanskrit only: no published translation is held for this verse.