महातपा उवाच । श्रृणु चान्यां वसुपतेरुत्पत्तिं पापनाशिनीम् । यथा वायुः शरीरस्थो धनदः संबभूव ह
mahātapā uvāca | śrṛṇu cānyāṃ vasupaterutpattiṃ pāpanāśinīm | yathā vāyuḥ śarīrastho dhanadaḥ saṃbabhūva ha
Sanskrit only: no published translation is held for this verse.
आद्यं शरीरं यत् तस्मिन् वायुरन्तः स्थितोऽभवत् । प्रयोजनान्मूर्त्तिमत्त्वमादिष्टं क्षेत्रदेवता
ādyaṃ śarīraṃ yat tasmin vāyurantaḥ sthito'bhavat | prayojanānmūrttimattvamādiṣṭaṃ kṣetradevatā
Sanskrit only: no published translation is held for this verse.
तत्र मूर्त्तस्य वायोस्तु उत्पत्तिः कीर्त्त्यये मया । तां श्रृणुष्व महाभाग कथ्यमानां मयानघ
tatra mūrttasya vāyostu utpattiḥ kīrttyaye mayā | tāṃ śrṛṇuṣva mahābhāga kathyamānāṃ mayānagha
Sanskrit only: no published translation is held for this verse.
ब्रह्मणः सृष्टिकामस्य मुखाद् वायुर्विनिर्ययौ । प्रचण्डशर्करावर्षी तं ब्रह्मा प्रत्यषेधयत् । मूर्त्तो भवस्व शान्तश्च तत्रोक्तो मूर्त्तिमान् भवत्
brahmaṇaḥ sṛṣṭikāmasya mukhād vāyurviniryayau | pracaṇḍaśarkarāvarṣī taṃ brahmā pratyaṣedhayat | mūrtto bhavasva śāntaśca tatrokto mūrttimān bhavat
Sanskrit only: no published translation is held for this verse.
सर्वेषां चैव देवानां यद् वित्तं फलमेव च । तत्सर्वं पाहि येनोक्तं तस्माद् धनपतिर्भवत्
sarveṣāṃ caiva devānāṃ yad vittaṃ phalameva ca | tatsarvaṃ pāhi yenoktaṃ tasmād dhanapatirbhavat
Sanskrit only: no published translation is held for this verse.
तस्य ब्रह्मा ददौ तुष्टस्तिथिमेकादशीं प्रभुः । तस्यामनग्निपक्वाशी यो भवेन्नियतः शुचिः
tasya brahmā dadau tuṣṭastithimekādaśīṃ prabhuḥ | tasyāmanagnipakvāśī yo bhavenniyataḥ śuciḥ
Sanskrit only: no published translation is held for this verse.
तस्याशु धनदो देवस्तुष्टः सर्वं प्रयच्छति । एषा धनपतेर्मूर्तिः सर्वकिल्बिषनाशिनी
tasyāśu dhanado devastuṣṭaḥ sarvaṃ prayacchati | eṣā dhanapatermūrtiḥ sarvakilbiṣanāśinī
Sanskrit only: no published translation is held for this verse.
य एतां श्रृणुयाद् भक्त्या पुरुषः पठतेऽपि वा । सर्वकाममवाप्नोति स्वर्गलोकं च गच्छति
ya etāṃ śrṛṇuyād bhaktyā puruṣaḥ paṭhate'pi vā | sarvakāmamavāpnoti svargalokaṃ ca gacchati
Sanskrit only: no published translation is held for this verse.
।। इति श्रीवराहपुराणे भगवच्छास्त्रे त्रिंशोऽध्यायः
|| iti śrīvarāhapurāṇe bhagavacchāstre triṃśo'dhyāyaḥ
Sanskrit only: no published translation is held for this verse.