महातपा उवाच । पितॄणां संभवं राजन् कथ्यमानं निबोध मे । पूर्वं प्रजापतिर्ब्रह्मा सिसृक्षुर्विविधाः प्रजाः
mahātapā uvāca | pitṝṇāṃ saṃbhavaṃ rājan kathyamānaṃ nibodha me | pūrvaṃ prajāpatirbrahmā sisṛkṣurvividhāḥ prajāḥ
Sanskrit only: no published translation is held for this verse.
एकाग्रमनसा सर्वास्तन्मात्रा मनसा बहिः । कृत्वा परमकं ब्रह्म ध्यायन् सर्गेप्सुरुच्चकैः
ekāgramanasā sarvāstanmātrā manasā bahiḥ | kṛtvā paramakaṃ brahma dhyāyan sargepsuruccakaiḥ
Sanskrit only: no published translation is held for this verse.
तस्यात्मनि तदा योगं गतस्य परमेष्ठिनः । तन्मात्रा निर्ययुर्देहाद् धूमवर्णाकृतित्विषः
tasyātmani tadā yogaṃ gatasya parameṣṭhinaḥ | tanmātrā niryayurdehād dhūmavarṇākṛtitviṣaḥ
Sanskrit only: no published translation is held for this verse.
पिबाम इति भाषन्तः सुरान् सोम इति स्म ह । ऊर्ध्वं जिगमिषन्तो वै वियत्संस्थास्तपस्विनः
pibāma iti bhāṣantaḥ surān soma iti sma ha | ūrdhvaṃ jigamiṣanto vai viyatsaṃsthāstapasvinaḥ
Sanskrit only: no published translation is held for this verse.
तान् दृष्ट्वा सहसा ब्रह्मा तिर्यक्संस्थान उन्मुखान् । भवन्तः पितरः सन्तु सर्वेषां गृहमेधिनाम्
tān dṛṣṭvā sahasā brahmā tiryaksaṃsthāna unmukhān | bhavantaḥ pitaraḥ santu sarveṣāṃ gṛhamedhinām
Sanskrit only: no published translation is held for this verse.
ऊर्ध्ववक्त्रास्तु ये तत्र ते नान्दीमुखसंज्ञिताः । वृद्धिश्राद्धेषु सतत पूज्या श्रुतिविधानतः
ūrdhvavaktrāstu ye tatra te nāndīmukhasaṃjñitāḥ | vṛddhiśrāddheṣu satata pūjyā śrutividhānataḥ
Sanskrit only: no published translation is held for this verse.
अग्निं पुरस्कृतो यैस्तु ते द्विजा अग्निहोत्रिणः । नित्यैर्नैमित्तिकैः काम्यैः पार्वणैस्तर्पयन्तु तान्
agniṃ puraskṛto yaistu te dvijā agnihotriṇaḥ | nityairnaimittikaiḥ kāmyaiḥ pārvaṇaistarpayantu tān
Sanskrit only: no published translation is held for this verse.
बहिःप्रवरणा ये च क्षत्रियास्तर्पयन्तु तान् । आज्यं पिबन्ति ये चात्र तानर्चयन्तु विशः सदा
bahiḥpravaraṇā ye ca kṣatriyāstarpayantu tān | ājyaṃ pibanti ye cātra tānarcayantu viśaḥ sadā
Sanskrit only: no published translation is held for this verse.
ब्राह्मणैरभ्यनुज्ञाताः शूद्राः स्वपितृनामतः । तानेवार्चयतां सम्यग्विधिमन्त्रबहिष्कृताः
brāhmaṇairabhyanujñātāḥ śūdrāḥ svapitṛnāmataḥ | tānevārcayatāṃ samyagvidhimantrabahiṣkṛtāḥ
Sanskrit only: no published translation is held for this verse.
अनाहिताग्नयो ये च ब्रह्मक्षत्रविशो नराः । स्वकालिनस्तेऽर्चयन्तु लोकाग्निपुरतः सदा
anāhitāgnayo ye ca brahmakṣatraviśo narāḥ | svakālinaste'rcayantu lokāgnipurataḥ sadā
Sanskrit only: no published translation is held for this verse.
इत्येवं पूजिता यूयमिष्टान् कामान् प्रयच्छत । आयुः कीर्तिं धनं पुत्रान् विद्यामभिजनं स्मृतिम्
ityevaṃ pūjitā yūyamiṣṭān kāmān prayacchata | āyuḥ kīrtiṃ dhanaṃ putrān vidyāmabhijanaṃ smṛtim
Sanskrit only: no published translation is held for this verse.
इत्युक्त्वा तु तदा ब्रह्मा तेषां पन्थानमाकरोत् । दक्षिणायनसंज्ञं तु पितॄणां च पितामहः
ityuktvā tu tadā brahmā teṣāṃ panthānamākarot | dakṣiṇāyanasaṃjñaṃ tu pitṝṇāṃ ca pitāmahaḥ
Sanskrit only: no published translation is held for this verse.
तूष्णीं ससर्ज भूतानि तमूचुः पितरस्ततः । वृत्तिं नो देहि भगवन् यया विन्दामहे सुखम्
tūṣṇīṃ sasarja bhūtāni tamūcuḥ pitarastataḥ | vṛttiṃ no dehi bhagavan yayā vindāmahe sukham
Sanskrit only: no published translation is held for this verse.
ब्रह्मा उवाच । अमावास्यादिनं वोऽस्तु तस्यां कुशतिलोदकैः । तर्पिता मानुषैस्तृप्तिं परां गच्छथ नान्यथा
brahmā uvāca | amāvāsyādinaṃ vo'stu tasyāṃ kuśatilodakaiḥ | tarpitā mānuṣaistṛptiṃ parāṃ gacchatha nānyathā
Sanskrit only: no published translation is held for this verse.
तिला देयास्तथैतस्यामुपोष्य पितृभक्तितः । परमं तस्य संतुष्टा वरं यच्छत मा चिरम्
tilā deyāstathaitasyāmupoṣya pitṛbhaktitaḥ | paramaṃ tasya saṃtuṣṭā varaṃ yacchata mā ciram
Sanskrit only: no published translation is held for this verse.
।। इति श्रीवराहपुराणे भगवच्छास्त्रे चतुस्त्रिंशोऽध्यायः
|| iti śrīvarāhapurāṇe bhagavacchāstre catustriṃśo'dhyāyaḥ
Sanskrit only: no published translation is held for this verse.