महातपा उवाच । ब्रह्मणो मानसः पुत्रः अत्रिर्नाम महातपाः । तस्य पुत्रोऽभवत्सोमो दक्षजामातृतां गतः
mahātapā uvāca | brahmaṇo mānasaḥ putraḥ atrirnāma mahātapāḥ | tasya putro'bhavatsomo dakṣajāmātṛtāṃ gataḥ
Sanskrit only: no published translation is held for this verse.
सप्तविंशति याः कन्या दाक्षायण्यः प्रकीर्त्तिताः । सोमपत्न्योऽतिमन्तव्यास्तासां श्रेष्ठा तु रोहिणि
saptaviṃśati yāḥ kanyā dākṣāyaṇyaḥ prakīrttitāḥ | somapatnyo'timantavyāstāsāṃ śreṣṭhā tu rohiṇi
Sanskrit only: no published translation is held for this verse.
तामेव रमते सोमो नेतरा इति शुश्रुमः । इतराः प्रोचुरागत्य दक्षस्यासमतां शशेः
tāmeva ramate somo netarā iti śuśrumaḥ | itarāḥ procurāgatya dakṣasyāsamatāṃ śaśeḥ
Sanskrit only: no published translation is held for this verse.
दक्षोऽप्यसकृदागत्य तमुवाच स नाकरोत् । समतां सोऽपि तं दक्षः शशापान्तर्हितो भव
dakṣo'pyasakṛdāgatya tamuvāca sa nākarot | samatāṃ so'pi taṃ dakṣaḥ śaśāpāntarhito bhava
Sanskrit only: no published translation is held for this verse.
एवं शप्तस्तु दक्षेण सोमो देहं त्यजेदथ । उवाच सोमो दक्षं तु भवानेवं भविष्यति । अनेकजो विहायेमं ब्रह्मदेहं सनातनम्
evaṃ śaptastu dakṣeṇa somo dehaṃ tyajedatha | uvāca somo dakṣaṃ tu bhavānevaṃ bhaviṣyati | anekajo vihāyemaṃ brahmadehaṃ sanātanam
Sanskrit only: no published translation is held for this verse.
एवमुक्त्वा क्षयं सोम अगमद् दक्षशापतः । देवा मनुष्याः पशवो नष्टे सोमे सवीरुधः
evamuktvā kṣayaṃ soma agamad dakṣaśāpataḥ | devā manuṣyāḥ paśavo naṣṭe some savīrudhaḥ
Sanskrit only: no published translation is held for this verse.
क्षीणाभवंस्तदा सर्वा ओषध्यश्च विशेषतः । क्षयं गच्छद्भिरत्यर्थमोषधीभिः सुरर्षभाः
kṣīṇābhavaṃstadā sarvā oṣadhyaśca viśeṣataḥ | kṣayaṃ gacchadbhiratyarthamoṣadhībhiḥ surarṣabhāḥ
Sanskrit only: no published translation is held for this verse.
मूलेषु वीरुधां सोमः स्थित इत्यूचुरातुराः । तेषां चिन्ताऽभवत् तीव्रा विष्णुं च शरणं ययुः
mūleṣu vīrudhāṃ somaḥ sthita ityūcurāturāḥ | teṣāṃ cintā'bhavat tīvrā viṣṇuṃ ca śaraṇaṃ yayuḥ
Sanskrit only: no published translation is held for this verse.
भगवानाह तान् सर्वान् ब्रूत किं क्रियते मया । ते चोचुर्देव दक्षेण शप्तः सोमो विनाशितः
bhagavānāha tān sarvān brūta kiṃ kriyate mayā | te cocurdeva dakṣeṇa śaptaḥ somo vināśitaḥ
Sanskrit only: no published translation is held for this verse.
तानुवाच तदा देवो मथ्यतां कलशोदधिः । ओषध्यः सर्वतो देवाः प्रक्षिप्याशु सुसंयतैः
tānuvāca tadā devo mathyatāṃ kalaśodadhiḥ | oṣadhyaḥ sarvato devāḥ prakṣipyāśu susaṃyataiḥ
Sanskrit only: no published translation is held for this verse.
एवमुक्त्वा ततो देवान् दध्यौ रुद्रं हरिः स्वयम् । ब्रह्माणं च तथा दध्यौ वासुकिं नेत्रकारणात्
evamuktvā tato devān dadhyau rudraṃ hariḥ svayam | brahmāṇaṃ ca tathā dadhyau vāsukiṃ netrakāraṇāt
Sanskrit only: no published translation is held for this verse.
ते सर्वे तत्र सहिता ममन्थुर्वरुणालयम् । तस्मिंस्तु मथिते जातः पुनः सोमो महीपते
te sarve tatra sahitā mamanthurvaruṇālayam | tasmiṃstu mathite jātaḥ punaḥ somo mahīpate
Sanskrit only: no published translation is held for this verse.
योऽसौ क्षेत्रज्ञसंज्ञो वै देहेऽस्मिन् पुरुषः परः । स एव सोमो मन्तव्यो देहिनां जीवसंज्ञितः । परेच्छया स मूर्त्तिं तु पृथक् सौम्यां प्रपेदिवान्
yo'sau kṣetrajñasaṃjño vai dehe'smin puruṣaḥ paraḥ | sa eva somo mantavyo dehināṃ jīvasaṃjñitaḥ | parecchayā sa mūrttiṃ tu pṛthak saumyāṃ prapedivān
Sanskrit only: no published translation is held for this verse.
तमेव देवमनुजाः षोडशेमाश्च देवताः । उपजीवन्ति वृक्षाश्च तथैवोषधयः प्रभुम्
tameva devamanujāḥ ṣoḍaśemāśca devatāḥ | upajīvanti vṛkṣāśca tathaivoṣadhayaḥ prabhum
Sanskrit only: no published translation is held for this verse.
रुद्रस्तमेव सकलं दधार शिरसा तदा । तदात्मिका भवन्त्यापो विश्वमूर्तिरसौ स्मृतः
rudrastameva sakalaṃ dadhāra śirasā tadā | tadātmikā bhavantyāpo viśvamūrtirasau smṛtaḥ
Sanskrit only: no published translation is held for this verse.
तस्य ब्रह्मा ददौ प्रीतः पौर्णमासीं तिथिं प्रभुः । तस्यामुपोषयेद् राजंस्तमर्थं प्रतिपादयेत्
tasya brahmā dadau prītaḥ paurṇamāsīṃ tithiṃ prabhuḥ | tasyāmupoṣayed rājaṃstamarthaṃ pratipādayet
Sanskrit only: no published translation is held for this verse.
यवान्नहारश्च भवेत् तस्य ज्ञानं प्रयच्छति । कान्तिं पुष्टिं च राजेन्द्र धनं धान्यं च केवलम्
yavānnahāraśca bhavet tasya jñānaṃ prayacchati | kāntiṃ puṣṭiṃ ca rājendra dhanaṃ dhānyaṃ ca kevalam
Sanskrit only: no published translation is held for this verse.
।। इति श्रीवराहपुराणे भगवच्छास्त्रे पञ्चत्रिंशोऽध्यायः
|| iti śrīvarāhapurāṇe bhagavacchāstre pañcatriṃśo'dhyāyaḥ
Sanskrit only: no published translation is held for this verse.