भद्राश्व उवाच । मत्प्रश्नविषये ब्रह्मन् कथेयं कथिता त्वया । तस्या विभूतिरभवत् कस्य केन कृतेन ह
bhadrāśva uvāca | matpraśnaviṣaye brahman katheyaṃ kathitā tvayā | tasyā vibhūtirabhavat kasya kena kṛtena ha
Sanskrit only: no published translation is held for this verse.
अगस्त्य उवाच । आगतेयं कथा चित्रा सर्वस्य विषये स्थिता । त्वद्देहे मम देहे च सर्वजन्तुषु सा समा
agastya uvāca | āgateyaṃ kathā citrā sarvasya viṣaye sthitā | tvaddehe mama dehe ca sarvajantuṣu sā samā
Sanskrit only: no published translation is held for this verse.
तस्यां संभूतिमिच्छन् यस्तस्योपायं स्वयं परम् । पशुपालात् समुत्पन्नो यश्चतुष्पाच्चतुर्मुखः
tasyāṃ saṃbhūtimicchan yastasyopāyaṃ svayaṃ param | paśupālāt samutpanno yaścatuṣpāccaturmukhaḥ
Sanskrit only: no published translation is held for this verse.
स गुरुः स कथायास्तु तस्याश्चैव प्रवर्त्तकः । तस्य पुत्रः स्वरो नाम सप्तमूर्तिंरसौ स्मृतः
sa guruḥ sa kathāyāstu tasyāścaiva pravarttakaḥ | tasya putraḥ svaro nāma saptamūrtiṃrasau smṛtaḥ
Sanskrit only: no published translation is held for this verse.
तेन प्रोक्तं तु यत्किंचित् चतुर्णां साधनं नृप । ऋगर्थानां चतुर्भिस्ते तद्भक्त्याराध्यतां ययुः
tena proktaṃ tu yatkiṃcit caturṇāṃ sādhanaṃ nṛpa | ṛgarthānāṃ caturbhiste tadbhaktyārādhyatāṃ yayuḥ
Sanskrit only: no published translation is held for this verse.
चतुर्णां प्रथमो यस्तु चतुःश्रृङ्गसमास्थितः । वृषद्वितीयस्तत्प्रोक्तमार्गेणैव तृतीयकः । चतुर्थस्तत्प्रणीतस्तां पूज्य भक्त्या सुतं व्रजेत्
caturṇāṃ prathamo yastu catuḥśrṛṅgasamāsthitaḥ | vṛṣadvitīyastatproktamārgeṇaiva tṛtīyakaḥ | caturthastatpraṇītastāṃ pūjya bhaktyā sutaṃ vrajet
Sanskrit only: no published translation is held for this verse.
सप्तमूर्त्तेस्तु चरितं शुश्रुंवुः प्रथमं नृप । ब्रह्मचर्येण वर्त्तेत द्वितीयोऽस्य सनातनः
saptamūrttestu caritaṃ śuśruṃvuḥ prathamaṃ nṛpa | brahmacaryeṇa vartteta dvitīyo'sya sanātanaḥ
Sanskrit only: no published translation is held for this verse.
ततो भृत्यादिभरणं वृषभारोहणं त्रिषु । वनवासश्च निर्द्दिष्ट आत्मस्थे वृषभे सति
tato bhṛtyādibharaṇaṃ vṛṣabhārohaṇaṃ triṣu | vanavāsaśca nirddiṣṭa ātmasthe vṛṣabhe sati
Sanskrit only: no published translation is held for this verse.
अहमस्मि वदत्यन्यश्चतुर्द्धा एकधा द्विधा । भेदभिन्नसहोत्पन्नास्तस्यापत्यानि जज्ञिरे
ahamasmi vadatyanyaścaturddhā ekadhā dvidhā | bhedabhinnasahotpannāstasyāpatyāni jajñire
Sanskrit only: no published translation is held for this verse.
नित्यानित्यस्वरूपाणि दृष्ट्वा पूर्वं चतुर्मुखः । चिन्तयामास जनकं कथं पश्याम्यहं नृप
nityānityasvarūpāṇi dṛṣṭvā pūrvaṃ caturmukhaḥ | cintayāmāsa janakaṃ kathaṃ paśyāmyahaṃ nṛpa
Sanskrit only: no published translation is held for this verse.
मदीयस्य पितुर्ये हि गुणा आसन् महात्मनः । न ते सम्प्रति दृश्यन्ते स्वरापत्येषु केषुचित्
madīyasya piturye hi guṇā āsan mahātmanaḥ | na te samprati dṛśyante svarāpatyeṣu keṣucit
Sanskrit only: no published translation is held for this verse.
पितुः पुत्रस्य यः पुत्रः स पितामहनामवान् । एवं श्रुतिः स्थिता चेयं स्वरापत्येषु नान्यथा
pituḥ putrasya yaḥ putraḥ sa pitāmahanāmavān | evaṃ śrutiḥ sthitā ceyaṃ svarāpatyeṣu nānyathā
Sanskrit only: no published translation is held for this verse.
क्वापि संपत्स्यते भावो द्रष्टव्यश्चापि ते पिता । एवं नीतेऽपि किं कार्यमिति चिन्तापरोऽभवत्
kvāpi saṃpatsyate bhāvo draṣṭavyaścāpi te pitā | evaṃ nīte'pi kiṃ kāryamiti cintāparo'bhavat
Sanskrit only: no published translation is held for this verse.
तस्य चिन्तयतः शस्त्रं पितृकं पुरतो बभौ । तेन शस्त्रेण तं रोषान्ममन्थ स्वरमन्तिके
tasya cintayataḥ śastraṃ pitṛkaṃ purato babhau | tena śastreṇa taṃ roṣānmamantha svaramantike
Sanskrit only: no published translation is held for this verse.
तस्मिन् मथितमात्रे तु शिरस्तस्यापि दुर्ग्रहम् । नालिकेरफलाकारं चतुर्वक्त्रोऽन्वपश्यत
tasmin mathitamātre tu śirastasyāpi durgraham | nālikeraphalākāraṃ caturvaktro'nvapaśyata
Sanskrit only: no published translation is held for this verse.
तच्चावृतं प्रधानेन दशधा संवृतो बभौ । चतुष्पादेन शस्त्रेण चिच्छेद तिलकाण्डवत्
taccāvṛtaṃ pradhānena daśadhā saṃvṛto babhau | catuṣpādena śastreṇa ciccheda tilakāṇḍavat
Sanskrit only: no published translation is held for this verse.
प्रकामं तिलसंच्छिन्ने तदमूलौ न मे बभौ । अहं त्वहं वदन् भूतं तमप्येवमथाच्छिनत्
prakāmaṃ tilasaṃcchinne tadamūlau na me babhau | ahaṃ tvahaṃ vadan bhūtaṃ tamapyevamathācchinat
Sanskrit only: no published translation is held for this verse.
तस्मिन् छिन्ने तदस्यांसे ह्रस्वमन्यमवेक्षत । अहं भूतादि वः पञ्च वदन्तं भूतिमन्तिकात्
tasmin chinne tadasyāṃse hrasvamanyamavekṣata | ahaṃ bhūtādi vaḥ pañca vadantaṃ bhūtimantikāt
Sanskrit only: no published translation is held for this verse.
तमप्येवमथो छित्त्वा पञ्चाशून्यममीक्षत । कृत्वावकाशं ते सर्वे जल्पन्त इदमन्तिकात्
tamapyevamatho chittvā pañcāśūnyamamīkṣata | kṛtvāvakāśaṃ te sarve jalpanta idamantikāt
Sanskrit only: no published translation is held for this verse.
तमप्यसङ्गशस्त्रेण चिच्छेद तिलकाण्डवत् । तस्मिंच्छिन्ने दशांशेन ह्रस्वमन्यमपश्यत
tamapyasaṅgaśastreṇa ciccheda tilakāṇḍavat | tasmiṃcchinne daśāṃśena hrasvamanyamapaśyata
Sanskrit only: no published translation is held for this verse.
पुरुषं रूपशस्त्रेण तं छित्त्वाऽन्यमपश्यत । तद्वद् ह्रस्वं सितं सौम्यं तमप्येवं तदाऽकरोत्
puruṣaṃ rūpaśastreṇa taṃ chittvā'nyamapaśyata | tadvad hrasvaṃ sitaṃ saumyaṃ tamapyevaṃ tadā'karot
Sanskrit only: no published translation is held for this verse.
एवं कृते शरीरं तु ददर्श स पुनः प्रभुः । स्वकीयमेवाकस्यान्तः पितरं नृपसत्तम
evaṃ kṛte śarīraṃ tu dadarśa sa punaḥ prabhuḥ | svakīyamevākasyāntaḥ pitaraṃ nṛpasattama
Sanskrit only: no published translation is held for this verse.
त्रसरेणुसमं मूर्त्या अव्यक्तं सर्वजन्तुषु । समं दृष्ट्वा परं हर्षं उभे विसस्वरार्त्तवित्
trasareṇusamaṃ mūrtyā avyaktaṃ sarvajantuṣu | samaṃ dṛṣṭvā paraṃ harṣaṃ ubhe visasvarārttavit
Sanskrit only: no published translation is held for this verse.
एवंविधोऽसौ पुरुषः स्वरनामा महातपाः । मूर्त्तिस्तस्य प्रवृत्ताख्यं निवृत्ताख्यं शिरो महत्
evaṃvidho'sau puruṣaḥ svaranāmā mahātapāḥ | mūrttistasya pravṛttākhyaṃ nivṛttākhyaṃ śiro mahat
Sanskrit only: no published translation is held for this verse.
एतस्मादेव तस्याशु कथया राजसत्तम । संभूतिरभवद् राजन् विवृत्तेस्त्वेष एव तु
etasmādeva tasyāśu kathayā rājasattama | saṃbhūtirabhavad rājan vivṛttestveṣa eva tu
Sanskrit only: no published translation is held for this verse.
एषेतिहासः प्रथमः सर्वस्य जगतो भृशम् । य इमं वेत्ति तत्त्वेन साक्षात् कर्मपरो भवेत्
eṣetihāsaḥ prathamaḥ sarvasya jagato bhṛśam | ya imaṃ vetti tattvena sākṣāt karmaparo bhavet
Sanskrit only: no published translation is held for this verse.
।। इति श्रीवराहपुराणे भगवच्छास्त्रे त्रिपञ्चाशोऽध्यायः
|| iti śrīvarāhapurāṇe bhagavacchāstre tripañcāśo'dhyāyaḥ
Sanskrit only: no published translation is held for this verse.