अगस्त्य उवाच । अथाविघ्नकरं राजन् कथयामि श्रृणुष्व मे । येन सम्यक् कृतेनापि न विघ्नमुपजायते
agastya uvāca | athāvighnakaraṃ rājan kathayāmi śrṛṇuṣva me | yena samyak kṛtenāpi na vighnamupajāyate
Sanskrit only: no published translation is held for this verse.
चतुर्थ्यां फाल्गुने मासि ग्रहीतव्यं व्रतं त्विदम् । नक्ताहारेण राजेन्द्र तिलान्नं पारणं स्मृतम् । तदेवाग्नौ तु होतव्यं ब्राह्मणाय च तद् भवेत्
caturthyāṃ phālgune māsi grahītavyaṃ vrataṃ tvidam | naktāhāreṇa rājendra tilānnaṃ pāraṇaṃ smṛtam | tadevāgnau tu hotavyaṃ brāhmaṇāya ca tad bhavet
Sanskrit only: no published translation is held for this verse.
चातुर्मास्यं व्रतं चैतत् कृत्वा वै पञ्च मे तथा । सौवर्णं गजवक्त्रं तु कृत्वा विप्राय दापयेत्
cāturmāsyaṃ vrataṃ caitat kṛtvā vai pañca me tathā | sauvarṇaṃ gajavaktraṃ tu kṛtvā viprāya dāpayet
Sanskrit only: no published translation is held for this verse.
पायसैः पञ्चभिः पात्रैरुपेतं तु तिलैस्तथा । एवं कृत्वा व्रतं चैतत् सर्वविघ्नैर्विमुच्यते
pāyasaiḥ pañcabhiḥ pātrairupetaṃ tu tilaistathā | evaṃ kṛtvā vrataṃ caitat sarvavighnairvimucyate
Sanskrit only: no published translation is held for this verse.
हयमेधस्य विघ्ने तु संजाते सगरः पुरा । एतदेव चरित्वा तु हयमेधं समाप्तवान्
hayamedhasya vighne tu saṃjāte sagaraḥ purā | etadeva caritvā tu hayamedhaṃ samāptavān
Sanskrit only: no published translation is held for this verse.
तथा रुद्रेण देवेन त्रिपुरं निघ्नता पुरा । एतदेव कृतं तस्मात् त्रिपुरं तेन पातितम् । मया समुद्रं पिबता एतदेव कृतं व्रतम्
tathā rudreṇa devena tripuraṃ nighnatā purā | etadeva kṛtaṃ tasmāt tripuraṃ tena pātitam | mayā samudraṃ pibatā etadeva kṛtaṃ vratam
Sanskrit only: no published translation is held for this verse.
अन्यैरपि महीपालैरेतदेव कृतं पुरा । तपोऽर्थिभिर्ज्ञानकृतैर्निर्विघ्नार्थे परंतप
anyairapi mahīpālairetadeva kṛtaṃ purā | tapo'rthibhirjñānakṛtairnirvighnārthe paraṃtapa
Sanskrit only: no published translation is held for this verse.
शूराय धीराय गजाननाय लम्बोदरायैकदंष्ट्राय चैव । एवं पूज्यस्तद्दिने तत् पुनश्च होमं कुर्याद् विघ्नविनाशहेतोः
śūrāya dhīrāya gajānanāya lambodarāyaikadaṃṣṭrāya caiva | evaṃ pūjyastaddine tat punaśca homaṃ kuryād vighnavināśahetoḥ
Sanskrit only: no published translation is held for this verse.
अनेन कृतमात्रेण सर्वविघ्नैर्विमुच्यते । विनायकस्य कृपया कृतकृत्यो नरो भवेत्
anena kṛtamātreṇa sarvavighnairvimucyate | vināyakasya kṛpayā kṛtakṛtyo naro bhavet
Sanskrit only: no published translation is held for this verse.
।। इति श्रीवराहपुराणे भगवच्छास्त्रे नवपञ्चाशोऽध्यायः
|| iti śrīvarāhapurāṇe bhagavacchāstre navapañcāśo'dhyāyaḥ
Sanskrit only: no published translation is held for this verse.