अगस्त्य उवाच । शान्तिव्रतं प्रवक्ष्यामि तव राजन् श्रृणुष्व तत् । येन चीर्णेन शान्तिः स्यात् सर्वदा गृहमेधिनाम्
agastya uvāca | śāntivrataṃ pravakṣyāmi tava rājan śrṛṇuṣva tat | yena cīrṇena śāntiḥ syāt sarvadā gṛhamedhinām
Sanskrit only: no published translation is held for this verse.
पञ्चम्यां शुक्लपक्षस्य कार्त्तिके मासि सुव्रत । आरभेद् वर्षमेकं तु भुञ्जीयादम्लवर्जितम्
pañcamyāṃ śuklapakṣasya kārttike māsi suvrata | ārabhed varṣamekaṃ tu bhuñjīyādamlavarjitam
Sanskrit only: no published translation is held for this verse.
नक्तं देवं तु संपूज्य हरिं शेषोपरि स्थितम् । अनन्तायेति पादौ तु वासुकायेति वै कटिम्
naktaṃ devaṃ tu saṃpūjya hariṃ śeṣopari sthitam | anantāyeti pādau tu vāsukāyeti vai kaṭim
Sanskrit only: no published translation is held for this verse.
तक्षकायेति जठरमुरः कर्कोटकाय च । पद्माय कण्ठं संपूज्य महापद्माय दोर्युगम्
takṣakāyeti jaṭharamuraḥ karkoṭakāya ca | padmāya kaṇṭhaṃ saṃpūjya mahāpadmāya doryugam
Sanskrit only: no published translation is held for this verse.
शङ्खपालाय वक्त्रं तु कुटिलायेति वै शिरः । एवं विष्णुगतं पूज्य पृथक्त्वेन च पूजयेत्
śaṅkhapālāya vaktraṃ tu kuṭilāyeti vai śiraḥ | evaṃ viṣṇugataṃ pūjya pṛthaktvena ca pūjayet
Sanskrit only: no published translation is held for this verse.
क्षीरेण स्नपनं कुर्यात् तानुद्दिश्य हरेः पुनः । तदग्रे होमयेत् क्षीरं तिलैः सह विचक्षणः
kṣīreṇa snapanaṃ kuryāt tānuddiśya hareḥ punaḥ | tadagre homayet kṣīraṃ tilaiḥ saha vicakṣaṇaḥ
Sanskrit only: no published translation is held for this verse.
एवं संवत्सरस्यान्ते कुर्याद् ब्राह्मणभोजनम् । नागं तु काञ्चनं कुर्याद् ब्राह्मणाय निवेदयेत्
evaṃ saṃvatsarasyānte kuryād brāhmaṇabhojanam | nāgaṃ tu kāñcanaṃ kuryād brāhmaṇāya nivedayet
Sanskrit only: no published translation is held for this verse.
एवं यः कुरुते भक्त्या व्रतमेतन्नराधिपः । तस्य शान्तिर्भवेन्नित्यं नागानां न भयं तथा
evaṃ yaḥ kurute bhaktyā vratametannarādhipaḥ | tasya śāntirbhavennityaṃ nāgānāṃ na bhayaṃ tathā
Sanskrit only: no published translation is held for this verse.
।। इति श्रीवराहपुराणे भगवच्छास्त्रे षष्टितमोऽध्यायः
|| iti śrīvarāhapurāṇe bhagavacchāstre ṣaṣṭitamo'dhyāyaḥ
Sanskrit only: no published translation is held for this verse.