अगस्त्य उवाच । कामव्रतं महाराज श्रृणु मे गदतोऽधुना । येन कामाः समृद्ध्यन्ते मनसा चिन्तिता अपि
agastya uvāca | kāmavrataṃ mahārāja śrṛṇu me gadato'dhunā | yena kāmāḥ samṛddhyante manasā cintitā api
Sanskrit only: no published translation is held for this verse.
षष्ठ्यां फलाशनो यस्तु वर्षमेकं व्रतं चरेत् । पौषमाससिते पक्षे चतुर्थ्यां कृतभोजनः
ṣaṣṭhyāṃ phalāśano yastu varṣamekaṃ vrataṃ caret | pauṣamāsasite pakṣe caturthyāṃ kṛtabhojanaḥ
Sanskrit only: no published translation is held for this verse.
षष्ठ्यां तु पारयेद् धीमान् प्रथमं तु फलं नृप । ततो भुञ्जीत यत्नेन वाग्यतः शुद्धमोदनम्
ṣaṣṭhyāṃ tu pārayed dhīmān prathamaṃ tu phalaṃ nṛpa | tato bhuñjīta yatnena vāgyataḥ śuddhamodanam
Sanskrit only: no published translation is held for this verse.
ब्राह्मणैः सह राजेन्द्र अथवा केवलैः फलैः । तमेकं दिवसं स्थित्वा सप्तम्यां पारयेन्नृप
brāhmaṇaiḥ saha rājendra athavā kevalaiḥ phalaiḥ | tamekaṃ divasaṃ sthitvā saptamyāṃ pārayennṛpa
Sanskrit only: no published translation is held for this verse.
अग्निकार्यं तु कुर्वीत गुहरूपेण केशवम् । पूजयित्वाभिधानेन वर्षमेकं व्रतं चरेत्
agnikāryaṃ tu kurvīta guharūpeṇa keśavam | pūjayitvābhidhānena varṣamekaṃ vrataṃ caret
Sanskrit only: no published translation is held for this verse.
षड्वक्त्र कार्त्तिक गुह सेनानी कृत्तिकासुत । कुमार स्कन्द इत्येवं पूज्यो विष्णुः स्वनामभिः
ṣaḍvaktra kārttika guha senānī kṛttikāsuta | kumāra skanda ityevaṃ pūjyo viṣṇuḥ svanāmabhiḥ
Sanskrit only: no published translation is held for this verse.
समाप्तौ तु व्रतस्यास्य कुर्याद् ब्राह्मणभोजनम् । षण्मुखं सर्वसौवर्णं ब्राह्मणाय निवेदयेत्
samāptau tu vratasyāsya kuryād brāhmaṇabhojanam | ṣaṇmukhaṃ sarvasauvarṇaṃ brāhmaṇāya nivedayet
Sanskrit only: no published translation is held for this verse.
सर्वे कामाः समृद्ध्यन्तां मम देव कुमारक । त्वत्प्रसादादिमं भक्त्या गृह्यतां विप्र माचिरम्
sarve kāmāḥ samṛddhyantāṃ mama deva kumāraka | tvatprasādādimaṃ bhaktyā gṛhyatāṃ vipra māciram
Sanskrit only: no published translation is held for this verse.
अनेन दत्त्वा मन्त्रेण ब्राह्मणाय सयुग्मकम् । ततः कामाः समृद्ध्यन्ते सर्वे वै इह जन्मनि
anena dattvā mantreṇa brāhmaṇāya sayugmakam | tataḥ kāmāḥ samṛddhyante sarve vai iha janmani
Sanskrit only: no published translation is held for this verse.
अपुत्रो लभते पुत्रमधनो लभते धनम् । भ्रष्टराज्यो लभेद् राज्यं नात्र कार्या विचारणा
aputro labhate putramadhano labhate dhanam | bhraṣṭarājyo labhed rājyaṃ nātra kāryā vicāraṇā
Sanskrit only: no published translation is held for this verse.
एतद् व्रतं पुरा चीर्णं नलेन नृपसत्तम । ऋतुपर्णस्य विषये वसता व्रतचर्यया
etad vrataṃ purā cīrṇaṃ nalena nṛpasattama | ṛtuparṇasya viṣaye vasatā vratacaryayā
Sanskrit only: no published translation is held for this verse.
तथा राज्यच्युतैरन्यैर्बहुभिर्नृपसत्तमैः । पौराणिकं व्रतं चैव सिद्ध्यर्थं नृपसत्तम
tathā rājyacyutairanyairbahubhirnṛpasattamaiḥ | paurāṇikaṃ vrataṃ caiva siddhyarthaṃ nṛpasattama
Sanskrit only: no published translation is held for this verse.
।। इति श्रीवराहपुराणे भगवच्छास्त्रे एकषष्टितमोऽध्यायः
|| iti śrīvarāhapurāṇe bhagavacchāstre ekaṣaṣṭitamo'dhyāyaḥ
Sanskrit only: no published translation is held for this verse.