अगस्त्य उवाच । अथापरं महाराज पुत्रप्राप्तिव्रतं शुभम् । कथयामि समासेन तन्मे निगदतः श्रृणु
agastya uvāca | athāparaṃ mahārāja putraprāptivrataṃ śubham | kathayāmi samāsena tanme nigadataḥ śrṛṇu
Sanskrit only: no published translation is held for this verse.
मासे भाद्रपदे या तु कृष्णपक्षे नरेश्वर । अष्टम्यामुपवासेन पुत्रप्राप्तिव्रतं हि तत्
māse bhādrapade yā tu kṛṣṇapakṣe nareśvara | aṣṭamyāmupavāsena putraprāptivrataṃ hi tat
Sanskrit only: no published translation is held for this verse.
षष्ठ्यां चैव तु संकल्प्य सप्तम्यामर्चयेद् हरिम् । देवक्युत्सङ्गगं देवं मातृभिः परिवेष्टितम्
ṣaṣṭhyāṃ caiva tu saṃkalpya saptamyāmarcayed harim | devakyutsaṅgagaṃ devaṃ mātṛbhiḥ pariveṣṭitam
Sanskrit only: no published translation is held for this verse.
प्रभाते विमलेऽष्टम्यामर्चयेत् प्रयतो हरिम् । प्राग्विधानेन गोविन्दमर्चयित्वा विधानतः
prabhāte vimale'ṣṭamyāmarcayet prayato harim | prāgvidhānena govindamarcayitvā vidhānataḥ
Sanskrit only: no published translation is held for this verse.
ततो यवैः कृष्णतिलैः सघृतैर्होमयेद् दधि । ब्राह्मणान् भोजयेद् भक्त्या यथाशक्त्या सदक्षिणान्
tato yavaiḥ kṛṣṇatilaiḥ saghṛtairhomayed dadhi | brāhmaṇān bhojayed bhaktyā yathāśaktyā sadakṣiṇān
Sanskrit only: no published translation is held for this verse.
ततः स्वयं तु भुञ्जीत प्रथमं बिल्वमुत्तमम् । पश्चाद् यथेष्टं भुञ्जीत स्नेहैः सर्वरसैर्युतम्
tataḥ svayaṃ tu bhuñjīta prathamaṃ bilvamuttamam | paścād yatheṣṭaṃ bhuñjīta snehaiḥ sarvarasairyutam
Sanskrit only: no published translation is held for this verse.
प्रतिमासमनेनैव विधिनोपोष्य मानवः । कृष्णाष्टमीमपुत्रोऽपि लभेत् पुत्रं न संशयः
pratimāsamanenaiva vidhinopoṣya mānavaḥ | kṛṣṇāṣṭamīmaputro'pi labhet putraṃ na saṃśayaḥ
Sanskrit only: no published translation is held for this verse.
श्रूयते च पुरा राजा शूरसेनः प्रतापवान् । स ह्यपुत्रस्तपस्तेपे हिमवत्पर्वतोत्तमे
śrūyate ca purā rājā śūrasenaḥ pratāpavān | sa hyaputrastapastepe himavatparvatottame
Sanskrit only: no published translation is held for this verse.
तस्यैवं कुर्वतो देवो व्रतमेतज्जगाद ह । सोऽप्येतत् कृतवान् राजा पुत्रं चैवोपलब्धवान्
tasyaivaṃ kurvato devo vratametajjagāda ha | so'pyetat kṛtavān rājā putraṃ caivopalabdhavān
Sanskrit only: no published translation is held for this verse.
वसुदेवं महाभागमनेकक्रतुयाजिनम् । तं लब्ध्वा सोऽपि राजर्षिः परं निर्वाणमापत्वान्
vasudevaṃ mahābhāgamanekakratuyājinam | taṃ labdhvā so'pi rājarṣiḥ paraṃ nirvāṇamāpatvān
Sanskrit only: no published translation is held for this verse.
एवं कृष्णाष्टमी राजन् मया ते परिकीर्तिता । संवत्सरान्ते दातव्यं कृष्णयुग्मं द्विजातये
evaṃ kṛṣṇāṣṭamī rājan mayā te parikīrtitā | saṃvatsarānte dātavyaṃ kṛṣṇayugmaṃ dvijātaye
Sanskrit only: no published translation is held for this verse.
एतत् पुत्रव्रतं नाम मया ते परिकीर्तितम् । एतत् कृत्वा नरः पापैः सर्वैरेव प्रमुच्यते
etat putravrataṃ nāma mayā te parikīrtitam | etat kṛtvā naraḥ pāpaiḥ sarvaireva pramucyate
Sanskrit only: no published translation is held for this verse.
।। इति श्रीवराहपुराणे भगवच्छास्त्रे त्रिषष्टितमोऽध्यायः
|| iti śrīvarāhapurāṇe bhagavacchāstre triṣaṣṭitamo'dhyāyaḥ
Sanskrit only: no published translation is held for this verse.