अगस्त्य उवाच । अथापरं प्रवक्ष्यामि शौर्यव्रतमनुत्तमम् । येन भीरोरपि महच्छौर्यं भवति तत्क्षणात्
agastya uvāca | athāparaṃ pravakṣyāmi śauryavratamanuttamam | yena bhīrorapi mahacchauryaṃ bhavati tatkṣaṇāt
Sanskrit only: no published translation is held for this verse.
मासि चाश्वयुजे शुद्धां नवमीं समुपोषयेत् । सप्तम्यां कृतसंकल्पः स्थित्वाऽष्टम्यां निरोदनः
māsi cāśvayuje śuddhāṃ navamīṃ samupoṣayet | saptamyāṃ kṛtasaṃkalpaḥ sthitvā'ṣṭamyāṃ nirodanaḥ
Sanskrit only: no published translation is held for this verse.
नवम्यां पारयेत् पिष्टं प्रथमं भक्तितो नृप । ब्राह्मणान् भोजयेद् भक्त्या देवीं चैव तु पूजयेत् । दुर्गां देवीं महाभागां महामायां महाप्रभाम्
navamyāṃ pārayet piṣṭaṃ prathamaṃ bhaktito nṛpa | brāhmaṇān bhojayed bhaktyā devīṃ caiva tu pūjayet | durgāṃ devīṃ mahābhāgāṃ mahāmāyāṃ mahāprabhām
Sanskrit only: no published translation is held for this verse.
एवं संवत्सरं यावदुपोष्येति विधानतः । व्रतान्ते भोजयेद् धीमान् यथाशक्त्या कुमारिकाः
evaṃ saṃvatsaraṃ yāvadupoṣyeti vidhānataḥ | vratānte bhojayed dhīmān yathāśaktyā kumārikāḥ
Sanskrit only: no published translation is held for this verse.
हेमवस्त्रादिभिस्तास्तु भूषयित्वा तु शक्तितः । पश्चात् क्षमापयेत् तास्तु देवी मे प्रीयतामिति
hemavastrādibhistāstu bhūṣayitvā tu śaktitaḥ | paścāt kṣamāpayet tāstu devī me prīyatāmiti
Sanskrit only: no published translation is held for this verse.
एवं कृते भ्रष्टराज्यो लभेद् राज्यं न संशयः । अविद्यो लभते विद्यां भीतः शौर्यं च विदन्ति
evaṃ kṛte bhraṣṭarājyo labhed rājyaṃ na saṃśayaḥ | avidyo labhate vidyāṃ bhītaḥ śauryaṃ ca vidanti
Sanskrit only: no published translation is held for this verse.
।। इति श्रीवराहपुराणे भगवच्छास्त्रे चतुःषष्टितमोऽध्यायः
|| iti śrīvarāhapurāṇe bhagavacchāstre catuḥṣaṣṭitamo'dhyāyaḥ
Sanskrit only: no published translation is held for this verse.