अगस्त्य उवाच । सार्वभौमव्रतं चान्यत् कथयामि समासतः । येन सम्यक्कृतेनाशु सार्वभौमो नृपो भवेत्
agastya uvāca | sārvabhaumavrataṃ cānyat kathayāmi samāsataḥ | yena samyakkṛtenāśu sārvabhaumo nṛpo bhavet
Sanskrit only: no published translation is held for this verse.
कार्तिकस्य तु मासस्य दशमी शुक्लपक्षिका । तस्यां नक्ताशनो नित्यं दिक्षु शुद्धबलिं हरेत्
kārtikasya tu māsasya daśamī śuklapakṣikā | tasyāṃ naktāśano nityaṃ dikṣu śuddhabaliṃ haret
Sanskrit only: no published translation is held for this verse.
विचित्रैः कुसुमैर्भक्त्या पूजयित्वा द्विजोत्तमान् । दिशां तु प्रार्थनां कुर्यान् मन्त्रेणानेन सुव्रतः । सर्वा भवन्त्यः सिद्ध्यन्तु मम जन्मनि जन्मनि
vicitraiḥ kusumairbhaktyā pūjayitvā dvijottamān | diśāṃ tu prārthanāṃ kuryān mantreṇānena suvrataḥ | sarvā bhavantyaḥ siddhyantu mama janmani janmani
Sanskrit only: no published translation is held for this verse.
एवमुक्त्वा बलिं तासु दत्त्वा शुद्धेन चेतसा । ततो रात्रौ तु भुञ्जीत दध्यन्नं तु सुसंस्कृतम्
evamuktvā baliṃ tāsu dattvā śuddhena cetasā | tato rātrau tu bhuñjīta dadhyannaṃ tu susaṃskṛtam
Sanskrit only: no published translation is held for this verse.
पूर्वं पश्चाद् यथेष्टं तु एवं संवत्सरं नृप । यः करोति नरो नित्यं तस्य दिग्विजयो भवेत्
pūrvaṃ paścād yatheṣṭaṃ tu evaṃ saṃvatsaraṃ nṛpa | yaḥ karoti naro nityaṃ tasya digvijayo bhavet
Sanskrit only: no published translation is held for this verse.
एकादश्यां तु यत्नेन नरः कुर्याद् यथाविधि । मार्गशीर्षे शुक्लपक्षादारभ्याब्दं विचक्षणः । तद् व्रत धनदस्येष्टं कृतं वित्तं प्रयच्छति
ekādaśyāṃ tu yatnena naraḥ kuryād yathāvidhi | mārgaśīrṣe śuklapakṣādārabhyābdaṃ vicakṣaṇaḥ | tad vrata dhanadasyeṣṭaṃ kṛtaṃ vittaṃ prayacchati
Sanskrit only: no published translation is held for this verse.
एकादश्यां निराहारो यो भुङ्क्ते द्वादशीदिने । शुक्ले वाऽप्यथवा कृष्णे तद् व्रतं वैष्णवं महत्
ekādaśyāṃ nirāhāro yo bhuṅkte dvādaśīdine | śukle vā'pyathavā kṛṣṇe tad vrataṃ vaiṣṇavaṃ mahat
Sanskrit only: no published translation is held for this verse.
एवं चीर्ण सुघोराणि हन्ति पापानि रपार्थिव । त्रयोदश्यां तु नक्तेन धर्मव्रतमथोच्यते
evaṃ cīrṇa sughorāṇi hanti pāpāni rapārthiva | trayodaśyāṃ tu naktena dharmavratamathocyate
Sanskrit only: no published translation is held for this verse.
शुक्लपक्षे फाल्गुनस्य तथारभ्य विचक्षणः । रौद्रं व्रतं चतुर्दश्यां कृष्णपक्षे विशेषतः । माघमासादथारभ्य पूर्णं संवत्सरं नृप
śuklapakṣe phālgunasya tathārabhya vicakṣaṇaḥ | raudraṃ vrataṃ caturdaśyāṃ kṛṣṇapakṣe viśeṣataḥ | māghamāsādathārabhya pūrṇaṃ saṃvatsaraṃ nṛpa
Sanskrit only: no published translation is held for this verse.
इन्दुव्रतं पञ्चदश्यां शुक्लायां नक्तभोजनम् । पितृव्रतममावास्यामिति राजन तथेरितम्
induvrataṃ pañcadaśyāṃ śuklāyāṃ naktabhojanam | pitṛvratamamāvāsyāmiti rājana tatheritam
Sanskrit only: no published translation is held for this verse.
दश पञ्च च वर्षाणि य एवं कुरुते नृप । तिथिव्रतानि कस्तस्य फलं व्रतप्रमाणतः
daśa pañca ca varṣāṇi ya evaṃ kurute nṛpa | tithivratāni kastasya phalaṃ vratapramāṇataḥ
Sanskrit only: no published translation is held for this verse.
अश्वमेधसहस्त्राणि राजसूयशतानि च । यष्टानि तेन राजेन्द्र कल्पोक्ताः क्रतवस्तथा
aśvamedhasahastrāṇi rājasūyaśatāni ca | yaṣṭāni tena rājendra kalpoktāḥ kratavastathā
Sanskrit only: no published translation is held for this verse.
एकमेव कृतं हन्ति व्रतं पापानि नित्यशः । यः पुनः सर्वमेतद्धि कुर्यान्नरवरात्मज । स शुद्धो विरजो लोकानाप्नोति सकलं नृप
ekameva kṛtaṃ hanti vrataṃ pāpāni nityaśaḥ | yaḥ punaḥ sarvametaddhi kuryānnaravarātmaja | sa śuddho virajo lokānāpnoti sakalaṃ nṛpa
Sanskrit only: no published translation is held for this verse.
।। इति श्रीवराहपुराणे भगवच्छास्त्रे पञ्चषष्टितमोऽध्यायः
|| iti śrīvarāhapurāṇe bhagavacchāstre pañcaṣaṣṭitamo'dhyāyaḥ
Sanskrit only: no published translation is held for this verse.