भद्राश्व उवाच । भगवन् सितकृष्णे द्वे भिन्ने जगति केशवान् । स्त्रियौ बभूवतुः के द्वे सितकृष्णा च का शुभा
bhadrāśva uvāca | bhagavan sitakṛṣṇe dve bhinne jagati keśavān | striyau babhūvatuḥ ke dve sitakṛṣṇā ca kā śubhā
Sanskrit only: no published translation is held for this verse.
कश्चासौ पुरुषो ब्रह्मन् य एकः सप्तधा भवेत् । कोऽसौ द्वादशधा विप्र द्विदेहः षट्शिराः शुभः
kaścāsau puruṣo brahman ya ekaḥ saptadhā bhavet | ko'sau dvādaśadhā vipra dvidehaḥ ṣaṭśirāḥ śubhaḥ
Sanskrit only: no published translation is held for this verse.
दम्पत्यं च द्विजश्रेष्ठ कृतसूर्योदयादनम् । कस्मादेतज्जगदिदं विततं द्विजसत्तम
dampatyaṃ ca dvijaśreṣṭha kṛtasūryodayādanam | kasmādetajjagadidaṃ vitataṃ dvijasattama
Sanskrit only: no published translation is held for this verse.
अगस्त्य उवाच । सितकृष्णे स्त्रियौ ये ते ते भगिन्यौ प्रकीर्तिते । सत्यासत्ये द्विवर्णा च नारी रात्रिरुदाहृता
agastya uvāca | sitakṛṣṇe striyau ye te te bhaginyau prakīrtite | satyāsatye dvivarṇā ca nārī rātrirudāhṛtā
Sanskrit only: no published translation is held for this verse.
यः पुमान् सप्तधा जात एको भूत्वा नरेश्वर । स समुद्रस्तु विज्ञेयः सप्तधैको व्यवस्थितः
yaḥ pumān saptadhā jāta eko bhūtvā nareśvara | sa samudrastu vijñeyaḥ saptadhaiko vyavasthitaḥ
Sanskrit only: no published translation is held for this verse.
योऽसौ द्वादशधा राजन् द्विदेहः षट्शिराः प्रभुः । संवत्सरः स विज्ञेयः शरीरे द्वे गती स्मृते । ऋतवः षट् च वक्त्राणि एष संवत्सरः स्मृतः
yo'sau dvādaśadhā rājan dvidehaḥ ṣaṭśirāḥ prabhuḥ | saṃvatsaraḥ sa vijñeyaḥ śarīre dve gatī smṛte | ṛtavaḥ ṣaṭ ca vaktrāṇi eṣa saṃvatsaraḥ smṛtaḥ
Sanskrit only: no published translation is held for this verse.
दम्पत्यं तदहोरात्रं सूर्याचन्द्रमसौ ततः । ततो जगत् समुत्तस्थौ देवस्यास्य नृपोत्तम
dampatyaṃ tadahorātraṃ sūryācandramasau tataḥ | tato jagat samuttasthau devasyāsya nṛpottama
Sanskrit only: no published translation is held for this verse.
स विष्णुः परमो देवो विज्ञेयो नृपसत्तम । न च वेदक्रियाहीनः पश्यते परमेश्वरम्
sa viṣṇuḥ paramo devo vijñeyo nṛpasattama | na ca vedakriyāhīnaḥ paśyate parameśvaram
Sanskrit only: no published translation is held for this verse.
।। इति वराहपुराणे भगवच्छास्त्रे सप्तषष्टितमोऽध्यायः
|| iti varāhapurāṇe bhagavacchāstre saptaṣaṣṭitamo'dhyāyaḥ
Sanskrit only: no published translation is held for this verse.