श्रीवराह उवाच । पुनस्ते ऋषयः सर्वे तं पप्रच्छुः सनातनम् । रुद्रं पुराणपुरुषं शाश्वतं ध्रुवमव्ययम् । विश्वरूपमजं शंभुं त्रिनेत्रं शूलपाणिनम्
śrīvarāha uvāca | punaste ṛṣayaḥ sarve taṃ papracchuḥ sanātanam | rudraṃ purāṇapuruṣaṃ śāśvataṃ dhruvamavyayam | viśvarūpamajaṃ śaṃbhuṃ trinetraṃ śūlapāṇinam
Sanskrit only: no published translation is held for this verse.
ऋषय ऊचुः । त्वं परः सर्वदेवानामस्माकं च सुरेश्वर । पृच्छाम तेन त्वां प्रश्नमेकं तद् वक्तुमर्हसि
ṛṣaya ūcuḥ | tvaṃ paraḥ sarvadevānāmasmākaṃ ca sureśvara | pṛcchāma tena tvāṃ praśnamekaṃ tad vaktumarhasi
Sanskrit only: no published translation is held for this verse.
भूमिप्रमाणसंस्थानं पर्वतानां च विस्तरम् । समुद्राणां नदीनां च ब्रह्माण्डस्य च विस्तरम् । अस्माकं ब्रूहि कृपया देवदेव उमापते
bhūmipramāṇasaṃsthānaṃ parvatānāṃ ca vistaram | samudrāṇāṃ nadīnāṃ ca brahmāṇḍasya ca vistaram | asmākaṃ brūhi kṛpayā devadeva umāpate
Sanskrit only: no published translation is held for this verse.
रुद्र उवाच । सर्वेष्वेव पुराणेषु भूर्लोकः परिकीर्त्यते । ब्रह्मविष्णुभवादीनां वायव्ये च सविस्तरम्
rudra uvāca | sarveṣveva purāṇeṣu bhūrlokaḥ parikīrtyate | brahmaviṣṇubhavādīnāṃ vāyavye ca savistaram
Sanskrit only: no published translation is held for this verse.
इदानीं च प्रवक्ष्यामि समासाद् वः क्षमान्तरम् । तन्निबोधत धर्मज्ञा गदतो मम सत्तमाः
idānīṃ ca pravakṣyāmi samāsād vaḥ kṣamāntaram | tannibodhata dharmajñā gadato mama sattamāḥ
Sanskrit only: no published translation is held for this verse.
तस्य भरतस्य पिता ऋषभो हिमाद्रेर्दक्षिणं वर्षमदाद् भारतं नाम । भरतस्यापि पुत्रः सुमतिर्नामा । तस्य राज्यं दत्त्वा भरतोऽपि वनं ययौ । {५५} सुमतेस्तेजस्तत्पुत्रः सत्सुर्नामा । तस्यापीन्द्रद्युम्नो नाम । तस्यापि परमेष्ठी तस्यापि प्रतिहर्त्ता तस्य निखातः निखातस्य उन्नेता उन्नेतुरप्यभावस्तस्योद्गाता तस्य प्रस्तोता प्रस्तोतुश्च विभुः विभोः पृथुः पृथोरनन्तः अनन्तस्यापि गयः गयस्य नयस्तस्य विराटः {६०} तस्यापि महावीर्यस्ततः सुधीमान् धीमतो महान् महतो भौमनो भौमनस्य त्वष्टा त्वष्टुर्विरजाः तस्य राजो राजस्य शतजित् । {६३} तस्य पुत्रशतं जज्ञे तेनेमा वर्द्धिताः प्रजाः । तैरिदं भारतं वर्षं सप्तद्वीपं समाङ्कितम्
tasya bharatasya pitā ṛṣabho himādrerdakṣiṇaṃ varṣamadād bhārataṃ nāma | bharatasyāpi putraḥ sumatirnāmā | tasya rājyaṃ dattvā bharato'pi vanaṃ yayau | {55} sumatestejastatputraḥ satsurnāmā | tasyāpīndradyumno nāma | tasyāpi parameṣṭhī tasyāpi pratiharttā tasya nikhātaḥ nikhātasya unnetā unneturapyabhāvastasyodgātā tasya prastotā prastotuśca vibhuḥ vibhoḥ pṛthuḥ pṛthoranantaḥ anantasyāpi gayaḥ gayasya nayastasya virāṭaḥ {60} tasyāpi mahāvīryastataḥ sudhīmān dhīmato mahān mahato bhaumano bhaumanasya tvaṣṭā tvaṣṭurvirajāḥ tasya rājo rājasya śatajit | {63} tasya putraśataṃ jajñe tenemā varddhitāḥ prajāḥ | tairidaṃ bhārataṃ varṣaṃ saptadvīpaṃ samāṅkitam
Sanskrit only: no published translation is held for this verse.
तेषां वंशप्रसूत्या तु भुक्तेयं भारती प्रजा । कृतत्रेतादियुक्त्या तु युगाख्या ह्येकसप्ततिः
teṣāṃ vaṃśaprasūtyā tu bhukteyaṃ bhāratī prajā | kṛtatretādiyuktyā tu yugākhyā hyekasaptatiḥ
Sanskrit only: no published translation is held for this verse.
भुवनस्य प्रसङ्गेन मन्वन्तरमिदं शुभम् । स्वायंभुवं च कथितं मनोर्द्वीपान्निबोधत
bhuvanasya prasaṅgena manvantaramidaṃ śubham | svāyaṃbhuvaṃ ca kathitaṃ manordvīpānnibodhata
Sanskrit only: no published translation is held for this verse.
।। इति श्रीवराहपुराणे भगवच्छास्त्रे चतुःसप्ततितमोऽध्यायः ।।
|| iti śrīvarāhapurāṇe bhagavacchāstre catuḥsaptatitamo'dhyāyaḥ ||
Sanskrit only: no published translation is held for this verse.