॥ इति श्रीविष्णुधर्मोत्तरे तृतीयखण्डे मार्कण्डेयवज्रसंवादे सुमुखोपाख्यानवर्णनो नाम त्रिचत्वारिंशदुत्तरत्रिशततमो ऽध्यायः ॥ ३।३४३ ॥ वज्र उवाच श्रोतुम् इच्छाम्य् अहं त्वत्तः प्रसादं परमं हि यत् । कृतं भक्तजने तेन विष्णुना प्रभविष्णुना
// iti śrīviṣṇudharmottare tṛtīyakhaṇḍe mārkaṇḍeyavajrasaṃvāde sumukhopākhyānavarṇano nāma tricatvāriṃśaduttaratriśatatamo 'dhyāyaḥ // 3.343 // vajra uvāca śrotum icchāmy ahaṃ tvattaḥ prasādaṃ paramaṃ hi yat / kṛtaṃ bhaktajane tena viṣṇunā prabhaviṣṇunā
Sanskrit only: no published translation is held for this verse.
मार्कण्डेय उवाच हते त्रिभुवने राजञ् शक्रस्य बलिना पुरा । जगाम शक्रः शरणं कश्यपं पितरं ततः
mārkaṇḍeya uvāca hate tribhuvane rājañ śakrasya balinā purā / jagāma śakraḥ śaraṇaṃ kaśyapaṃ pitaraṃ tataḥ
Sanskrit only: no published translation is held for this verse.
कश्यपः शक्रम् आदाय जगामाथ पितामहम् । तम् आह वरदो ब्रह्मा गच्छ कश्यप केशवम्
kaśyapaḥ śakram ādāya jagāmātha pitāmaham / tam āha varado brahmā gaccha kaśyapa keśavam
Sanskrit only: no published translation is held for this verse.
क्षीरोदशायिनं देवं शरणं मधुसूदनम् । तं च प्रार्थय पुत्रत्वे स ते पुत्रो भविष्यति
kṣīrodaśāyinaṃ devaṃ śaraṇaṃ madhusūdanam / taṃ ca prārthaya putratve sa te putro bhaviṣyati
Sanskrit only: no published translation is held for this verse.
ततः स सर्वं त्रैलोक्यं देवराजस्य दास्यति । एवं चोक्तः कश्यपस् तु सार्धं त्रिदशपुङ्गवैः
tataḥ sa sarvaṃ trailokyaṃ devarājasya dāsyati / evaṃ coktaḥ kaśyapas tu sārdhaṃ tridaśapuṅgavaiḥ
Sanskrit only: no published translation is held for this verse.
क्षीराब्धिं स ततो गत्वा ददर्श तपसा हरिम् । दृष्ट्वा स्तवेन तुष्टाव ततस् तस्य तदा हरिः
kṣīrābdhiṃ sa tato gatvā dadarśa tapasā harim / dṛṣṭvā stavena tuṣṭāva tatas tasya tadā hariḥ
Sanskrit only: no published translation is held for this verse.
प्रसन्नः पुत्रताम् एत्य देवो वामनरूपधृक् । त्रिभिर् नतैस् त्रिभुवनं सर्वम् आक्रम्य विश्वधृक्
prasannaḥ putratām etya devo vāmanarūpadhṛk / tribhir natais tribhuvanaṃ sarvam ākramya viśvadhṛk
Sanskrit only: no published translation is held for this verse.
प्रादाच् छक्राय राजेन्द्र बद्ध्वा दैत्येश्वरं बलिम् । कश्यपेन स्तुतस् त्व् एवं तस्य पुत्रत्वम् आगतः
prādāc chakrāya rājendra baddhvā daityeśvaraṃ balim / kaśyapena stutas tv evaṃ tasya putratvam āgataḥ
Sanskrit only: no published translation is held for this verse.
वज्र उवाच स्तवेन येन तुष्टाव कश्यपो मधुसूदनम् । तं स्तवं त्वं समाचक्ष्व सर्वपापहरं शिवम्
vajra uvāca stavena yena tuṣṭāva kaśyapo madhusūdanam / taṃ stavaṃ tvaṃ samācakṣva sarvapāpaharaṃ śivam
Sanskrit only: no published translation is held for this verse.
मार्कण्डेय उवाच शृणु राजन् स्तवं पुण्यं कश्यपेन प्रकीर्तितम् । क्षीरोदशयनाद् दृष्ट्वा देवदेवं समुत्थितम्
mārkaṇḍeya uvāca śṛṇu rājan stavaṃ puṇyaṃ kaśyapena prakīrtitam / kṣīrodaśayanād dṛṣṭvā devadevaṃ samutthitam
Sanskrit only: no published translation is held for this verse.
नारायण अनन्त वृणसमे आदित्यवर्ण आदित्यतेजाः महापुरुष पुरुषोत्तम आदिदेव पद्मनाभ पद्महास पद्मशय पद्माक्ष हिरण्याग्रकेश शुक्ल विश्वात्मन् विश्वदेव विश्वतोमुख विश्वाख्य विश्वसंभव विश्वभुक् त्वम् एव भुविक्रम अतिभूः प्रभाकर शम्भुः भ्[उ]वःस्वयंभू भूतादिः महाभूत विश्वग विश्वं त्वम् एव विश्वगोप्तासि पवित्रम् असि हविः विश्वधात ऊर्ध्वकर्म अमृतत्त्वाग्र (??) भुवःपात घृताक्त (??) अग्ने द्रुहिण अनन्तकर्मन् वशं प्राग्यं विश्वपार्श्व पार्श्व त्वम् एव विश्व वरार्थिनस् त्राहीति स्तोत्रेण यः काश्यपनिर्मितेन स्तोत्रं सदा देववरस्य कर्ता । काल्यं शुचिस् तद्गतमानसेन गन्ता स लोकान् पुरुषोत्तमस्य
nārāyaṇa ananta vṛṇasame ādityavarṇa ādityatejāḥ mahāpuruṣa puruṣottama ādideva padmanābha padmahāsa padmaśaya padmākṣa hiraṇyāgrakeśa śukla viśvātman viśvadeva viśvatomukha viśvākhya viśvasaṃbhava viśvabhuk tvam eva bhuvikrama atibhūḥ prabhākara śambhuḥ bh[u]vaḥsvayaṃbhū bhūtādiḥ mahābhūta viśvaga viśvaṃ tvam eva viśvagoptāsi pavitram asi haviḥ viśvadhāta ūrdhvakarma amṛtattvāgra (??) bhuvaḥpāta ghṛtākta (??) agne druhiṇa anantakarman vaśaṃ prāgyaṃ viśvapārśva pārśva tvam eva viśva varārthinas trāhīti stotreṇa yaḥ kāśyapanirmitena stotraṃ sadā devavarasya kartā / kālyaṃ śucis tadgatamānasena gantā sa lokān puruṣottamasya
Sanskrit only: no published translation is held for this verse.