॥ इति श्रीविष्णुधर्मोत्तरे तृतीयखण्डे मार्कण्डेयवज्रसंवादे कश्यपस्तोत्रवर्णनो नाम चतुश् चत्वारिंशदधिकत्रिशततमो ऽध्यायः ॥ ३४४ ॥ वज्र उवाच प्रसादं परमं तस्य केशवस्य महात्मनः । ब्रूहि भक्तजने मह्यं देवदेवस्य चक्रिणः
// iti śrīviṣṇudharmottare tṛtīyakhaṇḍe mārkaṇḍeyavajrasaṃvāde kaśyapastotravarṇano nāma catuś catvāriṃśadadhikatriśatatamo 'dhyāyaḥ // 344 // vajra uvāca prasādaṃ paramaṃ tasya keśavasya mahātmanaḥ / brūhi bhaktajane mahyaṃ devadevasya cakriṇaḥ
Sanskrit only: no published translation is held for this verse.
न हि तृप्याम्य् अहं तस्य शृण्वानः श्रवणामृतम् । हस्तत्राणप्रदो लोके य एकः पततां नृणाम्
na hi tṛpyāmy ahaṃ tasya śṛṇvānaḥ śravaṇāmṛtam / hastatrāṇaprado loke ya ekaḥ patatāṃ nṛṇām
Sanskrit only: no published translation is held for this verse.
मार्कण्डेय उवाच देवाश् च ऋषयश् चैव विवदन्तः पुरानघ । बीजैर् यष्टव्यम् इत्य् एतत् त्रिवर्षपरमोषितैः
mārkaṇḍeya uvāca devāś ca ṛṣayaś caiva vivadantaḥ purānagha / bījair yaṣṭavyam ity etat trivarṣaparamoṣitaiḥ
Sanskrit only: no published translation is held for this verse.
अजसंज्ञानि बीजानि छागं घ्नन्तुम् अथार्हसि । पक्षो ऽयम् आसीद् धर्मज्ञ ऋषीणां भावितात्मनाम्
ajasaṃjñāni bījāni chāgaṃ ghnantum athārhasi / pakṣo 'yam āsīd dharmajña ṛṣīṇāṃ bhāvitātmanām
Sanskrit only: no published translation is held for this verse.
देवानां तु पशुः पक्षस् ततो मार्गागतो [ऽ]भवत् । राजोपरिचरो नाम वसुर् वसुमतां वरः
devānāṃ tu paśuḥ pakṣas tato mārgāgato [']bhavat / rājoparicaro nāma vasur vasumatāṃ varaḥ
Sanskrit only: no published translation is held for this verse.
देवाश् च ऋषयश् चैव पपृच्छन्तस् तदा वसुम् । यथोपनीतैर् यष्टव्यम् इत्य् उक्तं वसुना पुरा
devāś ca ṛṣayaś caiva papṛcchantas tadā vasum / yathopanītair yaṣṭavyam ity uktaṃ vasunā purā
Sanskrit only: no published translation is held for this verse.
गतेनानृतवाक्येन राजा हिंसाप्रवर्तिना । नित्यमाकाशगो भूत्वा भूमेर् विवरगो [ऽ]भवत्
gatenānṛtavākyena rājā hiṃsāpravartinā / nityamākāśago bhūtvā bhūmer vivarago [']bhavat
Sanskrit only: no published translation is held for this verse.
भूमेर् विवरगस्याथ देवपक्षार्थवादिनः । निधनार्थं मतिं चक्रुर् देवभक्तस्य दानवाः
bhūmer vivaragasyātha devapakṣārthavādinaḥ / nidhanārthaṃ matiṃ cakrur devabhaktasya dānavāḥ
Sanskrit only: no published translation is held for this verse.
तेषां चिकीर्षितं श्रुत्वा देवाः शीघ्रपराक्रमाः । न्यवेदयंस् तथा चक्रं देवाचार्ये बृहस्पतौ
teṣāṃ cikīrṣitaṃ śrutvā devāḥ śīghraparākramāḥ / nyavedayaṃs tathā cakraṃ devācārye bṛhaspatau
Sanskrit only: no published translation is held for this verse.
बृहस्पतिस् ततो गत्वा भूमेर् विवरगं नृपम् । रक्षाम् अध्यापयाम् आस वैष्णवीम् अपराजिताम्
bṛhaspatis tato gatvā bhūmer vivaragaṃ nṛpam / rakṣām adhyāpayām āsa vaiṣṇavīm aparājitām
Sanskrit only: no published translation is held for this verse.
भूतभव्यभविष्याणां कर्मणाम् अनुकीर्तनैः । निर्मिता ब्रह्मणा विद्या सर्वबाधाक्षयंकरी । अध्याप्य तं च राजानम् इदम् आह बृहस्पतिः
bhūtabhavyabhaviṣyāṇāṃ karmaṇām anukīrtanaiḥ / nirmitā brahmaṇā vidyā sarvabādhākṣayaṃkarī / adhyāpya taṃ ca rājānam idam āha bṛhaspatiḥ
Sanskrit only: no published translation is held for this verse.
बृहस्पतिर् उवाच इहस्थो भोक्ष्यसे राजन् वसोर् धारां हुतां द्विजैः । देवतानां प्रसादेन तया चाप्यायितः सदा
bṛhaspatir uvāca ihastho bhokṣyase rājan vasor dhārāṃ hutāṃ dvijaiḥ / devatānāṃ prasādena tayā cāpyāyitaḥ sadā
Sanskrit only: no published translation is held for this verse.
विद्यया चानया राजन्न् अवध्यस् त्वं भविष्यसि । भूमेर् विवरसंस्थो ऽपि दैत्यदानवराक्षसान् । एवम् उक्त्वा स राजानं तत्रैवान्तरधीयत
vidyayā cānayā rājann avadhyas tvaṃ bhaviṣyasi / bhūmer vivarasaṃstho 'pi daityadānavarākṣasān / evam uktvā sa rājānaṃ tatraivāntaradhīyata
Sanskrit only: no published translation is held for this verse.
वज्र उवाच रक्षां तु तां मे कथय द्विजेन्द्र कृता तु या देवपुरोहितेन । राज्ञो वसोर् भूमिबिलस्थितस्य रक्षा हि साग्र्या परमा मता मे
vajra uvāca rakṣāṃ tu tāṃ me kathaya dvijendra kṛtā tu yā devapurohitena / rājño vasor bhūmibilasthitasya rakṣā hi sāgryā paramā matā me
Sanskrit only: no published translation is held for this verse.