॥ इति श्रीविष्णुधर्मोत्तरे तृ[तीये] ख[ण्डे] मार्कण्डेयवज्रसंवादे गरुडस्तोत्रं नाम षाट्चत्वारिंशदधिकत्रिशततमो ऽध्यायः ॥ मार्कण्डेय उवाच स्तुतस् तु गरुडो राज्ञा पृष्ठमारो ऽप्य् अपार्थिवम् । दर्शयाम् आस देवस्य विष्णोर् अमिततेजसः
// iti śrīviṣṇudharmottare tṛ[tīye] kha[ṇḍe] mārkaṇḍeyavajrasaṃvāde garuḍastotraṃ nāma ṣāṭcatvāriṃśadadhikatriśatatamo 'dhyāyaḥ // mārkaṇḍeya uvāca stutas tu garuḍo rājñā pṛṣṭhamāro 'py apārthivam / darśayām āsa devasya viṣṇor amitatejasaḥ
Sanskrit only: no published translation is held for this verse.
स दृष्ट्वा देवदेवेशम् प्रणतार्तिविनाशनम् । तुष्टाव भक्त्या राजेन्द्र देवेशम् अपराजितम्
sa dṛṣṭvā devadeveśam praṇatārtivināśanam / tuṣṭāva bhaktyā rājendra deveśam aparājitam
Sanskrit only: no published translation is held for this verse.
वसुर् उवाच नमस् ते पुण्डरीकाक्ष शरणागतवत्सल । दैत्यदानवदर्पघ्न प्रणतार्तिविनाशन
vasur uvāca namas te puṇḍarīkākṣa śaraṇāgatavatsala / daityadānavadarpaghna praṇatārtivināśana
Sanskrit only: no published translation is held for this verse.
कामकामद कामघ्न विश्वयोने जगत्पते । महामूर्तिनिशोत्थस्य तमसः प्रविनाशन
kāmakāmada kāmaghna viśvayone jagatpate / mahāmūrtiniśotthasya tamasaḥ pravināśana
Sanskrit only: no published translation is held for this verse.
न ते विदुः सुरगणाः प्रभवं न महर्षयः । आदिस् त्वं सर्वधर्माणाम् ऋषीणां च जगद्गुरो
na te viduḥ suragaṇāḥ prabhavaṃ na maharṣayaḥ / ādis tvaṃ sarvadharmāṇām ṛṣīṇāṃ ca jagadguro
Sanskrit only: no published translation is held for this verse.
सूक्ष्मस् त्वं सर्वभूतेभ्यो महद्भ्यश् च महत्तरः । दूरगस् त्वं महाभाग सर्वेषाम् अपि चागतः
sūkṣmas tvaṃ sarvabhūtebhyo mahadbhyaś ca mahattaraḥ / dūragas tvaṃ mahābhāga sarveṣām api cāgataḥ
Sanskrit only: no published translation is held for this verse.
सर्वभूतान्तरस्थो ऽपि कर्मभिर् न च लिप्यसे । अशरीरः शरीरस्थः सर्वभूतेष्व् अवस्थितः
sarvabhūtāntarastho 'pi karmabhir na ca lipyase / aśarīraḥ śarīrasthaḥ sarvabhūteṣv avasthitaḥ
Sanskrit only: no published translation is held for this verse.
पुरुषस् त्वं त्वम् अव्यक्तस् त्वम् आत्मा बुद्धिर् एव च । महाभूतानि भगवस् त्वं तथैवेन्द्रियाणि च
puruṣas tvaṃ tvam avyaktas tvam ātmā buddhir eva ca / mahābhūtāni bhagavas tvaṃ tathaivendriyāṇi ca
Sanskrit only: no published translation is held for this verse.
योगिभिर् मृष्यसे योग- ज्ञानज्ञेय पुरातन । ये त्वां भजन्ति ते यान्ति भगवन् परमां गतिम्
yogibhir mṛṣyase yoga- jñānajñeya purātana / ye tvāṃ bhajanti te yānti bhagavan paramāṃ gatim
Sanskrit only: no published translation is held for this verse.
जयम् अनघम् अजेयं विश्वगं देवदेवं त्रिदशरिपुविनाशे नित्यम् उद्युक्तशक्तिम् । द्विजसुरवरवन्द्यं नाशनं कल्मषाणां शरणम् उपगतो ऽहं वासुदेवं शरण्यम्
jayam anagham ajeyaṃ viśvagaṃ devadevaṃ tridaśaripuvināśe nityam udyuktaśaktim / dvijasuravaravandyaṃ nāśanaṃ kalmaṣāṇāṃ śaraṇam upagato 'haṃ vāsudevaṃ śaraṇyam
Sanskrit only: no published translation is held for this verse.