॥ इति विष्णुधर्मोत्तरे तृतीयखण्डे मार्कण्डेयवज्रसंवादे वासुदेवस्तोत्रं नाम सप्तचत्वारिंशदधिकत्रिशततमो ऽध्यायः ॥ ३४७ ॥ मार्कण्डेय उवाच वसुना वसुवेशेन वाग्मिना विष्णुर् ईडितः । उवाच प्राञ्जलिं प्रह्वं पार्थिवं पुरतः स्थितम्
// iti viṣṇudharmottare tṛtīyakhaṇḍe mārkaṇḍeyavajrasaṃvāde vāsudevastotraṃ nāma saptacatvāriṃśadadhikatriśatatamo 'dhyāyaḥ // 347 // mārkaṇḍeya uvāca vasunā vasuveśena vāgminā viṣṇur īḍitaḥ / uvāca prāñjaliṃ prahvaṃ pārthivaṃ purataḥ sthitam
Sanskrit only: no published translation is held for this verse.
वासुदेव उवाच नानृतं नृप वक्तव्यं प्राणैः कण्ठगैर् अपि । धर्मप्रश्नो न वक्तव्यस् तथैकेन विशेषतः
vāsudeva uvāca nānṛtaṃ nṛpa vaktavyaṃ prāṇaiḥ kaṇṭhagair api / dharmapraśno na vaktavyas tathaikena viśeṣataḥ
Sanskrit only: no published translation is held for this verse.
बहुज्ञेनापि धर्मज्ञ धर्मकामेन कर्हिचित् । दुर्विज्ञेयास् तथा धर्माः सूक्ष्मा राजन् दुरन्वयाः
bahujñenāpi dharmajña dharmakāmena karhicit / durvijñeyās tathā dharmāḥ sūkṣmā rājan duranvayāḥ
Sanskrit only: no published translation is held for this verse.
तस्मान् नैकेन वक्तव्याः कदाचिद् अपि जानता । उक्त्वानृतं महत् प्राप्तं त्वया कृच्छ्रं नराधिप
tasmān naikena vaktavyāḥ kadācid api jānatā / uktvānṛtaṃ mahat prāptaṃ tvayā kṛcchraṃ narādhipa
Sanskrit only: no published translation is held for this verse.
गतिभ्रंशस् तथैवाप्ता देवज्ञार्थवादिना । मम भक्तो ऽसि सततं तेन ते निष्कृतिः कृता
gatibhraṃśas tathaivāptā devajñārthavādinā / mama bhakto 'si satataṃ tena te niṣkṛtiḥ kṛtā
Sanskrit only: no published translation is held for this verse.
कालेनाल्पेन कल्पेन या न शक्या सुरासुरैः । गच्छ पालय राज्यं त्वं तथैवाविचलो भव
kālenālpena kalpena yā na śakyā surāsuraiḥ / gaccha pālaya rājyaṃ tvaṃ tathaivāvicalo bhava
Sanskrit only: no published translation is held for this verse.
नावमानं त्वया कार्यं ब्राह्मणानां कथंचन । ब्राह्मणो हि महद् भूतं विज्ञेयं दैवतं परम्
nāvamānaṃ tvayā kāryaṃ brāhmaṇānāṃ kathaṃcana / brāhmaṇo hi mahad bhūtaṃ vijñeyaṃ daivataṃ param
Sanskrit only: no published translation is held for this verse.
मार्कण्डेय उवाच एवम् उक्त्वा वसुं विष्णुस् तत्रैवादर्शनं गतः । तार्क्ष्येण सहितो राजन् विस्मितश् चाभवद् वसुः
mārkaṇḍeya uvāca evam uktvā vasuṃ viṣṇus tatraivādarśanaṃ gataḥ / tārkṣyeṇa sahito rājan vismitaś cābhavad vasuḥ
Sanskrit only: no published translation is held for this verse.
राज्यं चावाप भूयो ऽपि खेचरत्वं तथैव च । ततः सभाजितश् चापि देवैः सर्वैः समागतैः
rājyaṃ cāvāpa bhūyo 'pi khecaratvaṃ tathaiva ca / tataḥ sabhājitaś cāpi devaiḥ sarvaiḥ samāgataiḥ
Sanskrit only: no published translation is held for this verse.
एवं स देवेन हि भक्तियुक्तो रसातलस्थो वसुधाधिपेशः । भयात् सुघोरात् प्रविमुच्य युक्तो राज्येन गत्वा नभसस् तथैव
evaṃ sa devena hi bhaktiyukto rasātalastho vasudhādhipeśaḥ / bhayāt sughorāt pravimucya yukto rājyena gatvā nabhasas tathaiva
Sanskrit only: no published translation is held for this verse.