कृत्वा व्याधिं व्या[ध्]इतं भक्षयति न करोति न तद् आप्नोति इदं त्व् अन्यत् । धन्यं यशस्यं पुण्यं च पवित्रं पापनाशनं ॥ [व्ध ३,३५२।२।१] ॥ आरोग्यं धनधान्यवर्धनं शत्रुघ्नं वशीकरणं यः पुरुषो ऽनेन विधिना सततं देवम् अभ्यर्चयति संपत्तिं जनयति अथवा तस्य न रोचते तदा श्वेतद्वीपम् अव्प्याप्य अर्कमण्डलं भित्त्वा निरुणद्धि प्रद्युम्नसंकर्षणान् प्राप्नोति सुदेवत्वम् अवाप्य निष्कलत्वम् आप्नोति ॥ [व्ध ३,३५२।२।२] ॥ ॥ इति श्रीविष्णुधर्मोत्तरे तृतीयखण्डे मार्कण्डेयवज्रसंवादे नारायणपूजनप्रकारवर्णनो नाम द्विपञ्चाशदुत्तरत्रिशततमो ऽध्यायः ॥ ३५२ ॥ मार्कण्डेय उवाच एतद् धि नारदः श्रुत्वा नरनारायणेरितम् । अनेनैव विधानेन सततं मधुसूदनम्
kṛtvā vyādhiṃ vyā[dh]itaṃ bhakṣayati na karoti na tad āpnoti idaṃ tv anyat / dhanyaṃ yaśasyaṃ puṇyaṃ ca pavitraṃ pāpanāśanaṃ // [Vdha 3,352.2.1] // ārogyaṃ dhanadhānyavardhanaṃ śatrughnaṃ vaśīkaraṇaṃ yaḥ puruṣo 'nena vidhinā satataṃ devam abhyarcayati saṃpattiṃ janayati athavā tasya na rocate tadā śvetadvīpam avpyāpya arkamaṇḍalaṃ bhittvā niruṇaddhi pradyumnasaṃkarṣaṇān prāpnoti sudevatvam avāpya niṣkalatvam āpnoti // [Vdha 3,352.2.2] // // iti śrīviṣṇudharmottare tṛtīyakhaṇḍe mārkaṇḍeyavajrasaṃvāde nārāyaṇapūjanaprakāravarṇano nāma dvipañcāśaduttaratriśatatamo 'dhyāyaḥ // 352 // mārkaṇḍeya uvāca etad dhi nāradaḥ śrutvā naranārāyaṇeritam / anenaiva vidhānena satataṃ madhusūdanam
Sanskrit only: no published translation is held for this verse.
पूजयाम् आस धर्मात्मा तद्गतेनान्तरात्मना । ततः पुंसवनो भगवान् नारदस्य महात्मनः
pūjayām āsa dharmātmā tadgatenāntarātmanā / tataḥ puṃsavano bhagavān nāradasya mahātmanaḥ
Sanskrit only: no published translation is held for this verse.
प्रत्यक्षतः पुनर् भूतं नारदं वाक्यम् अब्रवीत् । गच्छ नारद भद्र त्वं लोकांश् चर यथेप्सितान्
pratyakṣataḥ punar bhūtaṃ nāradaṃ vākyam abravīt / gaccha nārada bhadra tvaṃ lokāṃś cara yathepsitān
Sanskrit only: no published translation is held for this verse.
दर्शनं तव दास्यामि कालेकाले यथेप्सिते । अनुग्रहम् इदं प्राप्य देवेशात् पुरुषोत्तमात्
darśanaṃ tava dāsyāmi kālekāle yathepsite / anugraham idaṃ prāpya deveśāt puruṣottamāt
Sanskrit only: no published translation is held for this verse.
चचार नारदो लोकान् नित्यं संपूजयन् हरिम् । विश्वरूपम् इदं दृष्टं नारदेन महात्मना
cacāra nārado lokān nityaṃ saṃpūjayan harim / viśvarūpam idaṃ dṛṣṭaṃ nāradena mahātmanā
Sanskrit only: no published translation is held for this verse.
प्रह्लादेन पुनस् तेन नरकेसरिरूपिणः । तथा चामृतकादेहे तेनैव च महात्मना
prahlādena punas tena narakesarirūpiṇaḥ / tathā cāmṛtakādehe tenaiva ca mahātmanā
Sanskrit only: no published translation is held for this verse.
ब्रह्मणा च पुरा दृष्टं त्[र्]ऐलोक्याक्रमणे पुनः । पश्चिमे सागरे दृष्टं दशग्रीवेण रक्षसा
brahmaṇā ca purā dṛṣṭaṃ t[r]ailokyākramaṇe punaḥ / paścime sāgare dṛṣṭaṃ daśagrīveṇa rakṣasā
Sanskrit only: no published translation is held for this verse.
कृष्णावतारे दूत्येन गतस्य मधुविद्विषः । धार्तराष्ट्रसभामध्ये ऋषिभिश् च परीक्षितः
kṛṣṇāvatāre dūtyena gatasya madhuvidviṣaḥ / dhārtarāṣṭrasabhāmadhye ṛṣibhiś ca parīkṣitaḥ
Sanskrit only: no published translation is held for this verse.
महाभारतसंग्रामे दृष्टवान् अर्जुनस् तथा । बन्धुनाशभयोद्विग्नो यत्र तेन प्रबोधितः
mahābhāratasaṃgrāme dṛṣṭavān arjunas tathā / bandhunāśabhayodvigno yatra tena prabodhitaḥ
Sanskrit only: no published translation is held for this verse.
निवृत्ते भारते युद्धे गच्छन्तो द्वारकां पुनः । मार्गागतेन तद् दृष्टम् उत्तङ्केन महात्मना
nivṛtte bhārate yuddhe gacchanto dvārakāṃ punaḥ / mārgāgatena tad dṛṣṭam uttaṅkena mahātmanā
Sanskrit only: no published translation is held for this verse.
त्रैलोक्यनाथो गोविन्दः सततं भक्तवत्सलः । तस्य कर्ंआणि यो नित्यं पुरुषः परिकीर्तयेत्
trailokyanātho govindaḥ satataṃ bhaktavatsalaḥ / tasya karṃāṇi yo nityaṃ puruṣaḥ parikīrtayet
Sanskrit only: no published translation is held for this verse.
शृणुयाद् वा महीपाल शुचिस् तद्गतमानसः । सर्वपापविनिर्मुक्तः स याति परमां गतिम्
śṛṇuyād vā mahīpāla śucis tadgatamānasaḥ / sarvapāpavinirmuktaḥ sa yāti paramāṃ gatim
Sanskrit only: no published translation is held for this verse.
एवं स राजन् द्विजवर्यमुख्यः संप्राप्तवान् देववरात् प्रसादम् । भक्तिक्रमक्रैयनृपप्रसादात् तस्माद् धि कामान् पुरुषा लभन्ते
evaṃ sa rājan dvijavaryamukhyaḥ saṃprāptavān devavarāt prasādam / bhaktikramakraiyanṛpaprasādāt tasmād dhi kāmān puruṣā labhante
Sanskrit only: no published translation is held for this verse.