श्रुतं भगवतो रूपम् अद्वैते यत् त्वयोदितम् विष्णोर् भृगुकुलश्रेष्ठ यच् च द्वैते महात्मनः
śrutaṃ bhagavato rūpam advaite yat tvayoditam viṣṇor bhṛgukulaśreṣṭha yac ca dvaite mahātmanaḥ
Sanskrit only: no published translation is held for this verse.
Library·Visnudharma·102
Visnudharma 102
अविद्याभिन्नदृग्बुद्धिः पुरुषो मुनिपुङ्गव द्वैतभूते जगत्य् अस्मिन्न् अद्वैतं भावयेत् कथम्
avidyābhinnadṛgbuddhiḥ puruṣo munipuṅgava dvaitabhūte jagaty asminn advaitaṃ bhāvayet katham
Sanskrit only: no published translation is held for this verse.
क्रोधलोभादयो दोषा ये मुक्तेः परिपन्थिनः विनिवृत्तिरूपा येन तेषां येन वदेर् ह तम्
krodhalobhādayo doṣā ye mukteḥ paripanthinaḥ vinivṛttirūpā yena teṣāṃ yena vader ha tam
Sanskrit only: no published translation is held for this verse.
सर्वेश्वरेश्वरेशस्य यच् च रूपं हरेः परम् तच् चाहं श्रोतुम् इच्छामि त्वत्तो भृगुकुलोद्वह
sarveśvareśvareśasya yac ca rūpaṃ hareḥ param tac cāhaṃ śrotum icchāmi tvatto bhṛgukulodvaha
Sanskrit only: no published translation is held for this verse.
सम्यक् पृष्टम् इदं भूप भवता गुह्यम् उत्तमम् द्वैताद्वैतकथालाप- संबन्धाद् उपकारकम्
samyak pṛṣṭam idaṃ bhūpa bhavatā guhyam uttamam dvaitādvaitakathālāpa- saṃbandhād upakārakam
Sanskrit only: no published translation is held for this verse.
पुरा धर्मगृहे जज्ञे चतुर्मूर्तिर् नरेश्वर देवदेवो जगद्धाता परमात्मा जनार्दनः
purā dharmagṛhe jajñe caturmūrtir nareśvara devadevo jagaddhātā paramātmā janārdanaḥ
Sanskrit only: no published translation is held for this verse.
जगतः पालनार्थाय दुर्वृत्तनिधनाय च स्वेच्छया भगवान् विष्णुः संभवत्य् एव भूतले
jagataḥ pālanārthāya durvṛttanidhanāya ca svecchayā bhagavān viṣṇuḥ saṃbhavaty eva bhūtale
Sanskrit only: no published translation is held for this verse.
स्वर्गे वापि भूलोके वा भुवर्लोके ऽथवा विभुः यत्र वा रोचते तत्र चिकीर्षुर् जगतो हितम्
svarge vāpi bhūloke vā bhuvarloke 'thavā vibhuḥ yatra vā rocate tatra cikīrṣur jagato hitam
Sanskrit only: no published translation is held for this verse.
तुरीयांशेन धर्मस्य भगवान् भूतभावनः यदावतारं कृतवांस् तदा तच्चरितं शृणु
turīyāṃśena dharmasya bhagavān bhūtabhāvanaḥ yadāvatāraṃ kṛtavāṃs tadā taccaritaṃ śṛṇu
Sanskrit only: no published translation is held for this verse.
नरो नारायणश् चैव हरिः कृष्णस् तथैव च विष्णोर् अंशांशका ह्य् एते चत्वारो धर्मसूनवः
naro nārāyaṇaś caiva hariḥ kṛṣṇas tathaiva ca viṣṇor aṃśāṃśakā hy ete catvāro dharmasūnavaḥ
Sanskrit only: no published translation is held for this verse.
तेषां नारायणनरौ गन्धमादनपर्वते आत्मन्य् आत्मानम् आधाय तेपते परमं तपः
teṣāṃ nārāyaṇanarau gandhamādanaparvate ātmany ātmānam ādhāya tepate paramaṃ tapaḥ
Sanskrit only: no published translation is held for this verse.
ध्यायमानाव् अनौपम्यं स्वकारणम् अकारणम् वासुदेवम् अनिर्देश्यम् अप्रतर्क्यम् अजं परम् योगयुक्तौ महामौनम् आस्थितौ गुरुतेजसौ
dhyāyamānāv anaupamyaṃ svakāraṇam akāraṇam vāsudevam anirdeśyam apratarkyam ajaṃ param yogayuktau mahāmaunam āsthitau gurutejasau
Sanskrit only: no published translation is held for this verse.
तयोस् तपःप्रभावेण न तताप दिवाकरः ववौ चाशङ्कितो वायुः सुखस्पर्शो ह्य् असर्करः
tayos tapaḥprabhāveṇa na tatāpa divākaraḥ vavau cāśaṅkito vāyuḥ sukhasparśo hy asarkaraḥ
Sanskrit only: no published translation is held for this verse.
शिशिरो ऽभवद् अत्यर्थं ज्वलन्न् अपि विभावसुः सिंहव्याघ्रादयः सौम्याश् चेरुः सह मृगैर् गिरौ
śiśiro 'bhavad atyarthaṃ jvalann api vibhāvasuḥ siṃhavyāghrādayaḥ saumyāś ceruḥ saha mṛgair girau
Sanskrit only: no published translation is held for this verse.
तयोर् गौरवभारार्ता पृथिवी पृथिवीपते चचाल भूधराश् चेलुश् चुक्षुभुश् च महाब्धयः
tayor gauravabhārārtā pṛthivī pṛthivīpate cacāla bhūdharāś celuś cukṣubhuś ca mahābdhayaḥ
Sanskrit only: no published translation is held for this verse.
देवाश् च स्वेषु धिष्ण्येषु निष्प्रभेषु हतप्रभाः बभूवुर् अवनीपाल परमं क्षोभम् आगताः
devāś ca sveṣu dhiṣṇyeṣu niṣprabheṣu hataprabhāḥ babhūvur avanīpāla paramaṃ kṣobham āgatāḥ
Sanskrit only: no published translation is held for this verse.
देवराजस् ततः शक्रः संत्रस्तस् तपसस् तयोः युयोजाप्सरसः शुभ्रास् तयोर् विघ्नचिकीर्षया
devarājas tataḥ śakraḥ saṃtrastas tapasas tayoḥ yuyojāpsarasaḥ śubhrās tayor vighnacikīrṣayā
Sanskrit only: no published translation is held for this verse.
रम्भे तिलोत्तमे कुण्ठे घृताचि ललितावति उम्लोचे सुभ्रुप्रम्लोचे सौरभे ऽपि मदोद्धते
rambhe tilottame kuṇṭhe ghṛtāci lalitāvati umloce subhrupramloce saurabhe 'pi madoddhate
Sanskrit only: no published translation is held for this verse.
अलम्बुषे मिश्रकेशि पुण्डरीके वरूथिनि विलोभनीयं बिभ्राणा वपुर् मन्मथबोधनम् गन्धमादनम् आसाद्य कुरुध्वं वचनं मम
alambuṣe miśrakeśi puṇḍarīke varūthini vilobhanīyaṃ bibhrāṇā vapur manmathabodhanam gandhamādanam āsādya kurudhvaṃ vacanaṃ mama
Sanskrit only: no published translation is held for this verse.
नरनारायणौ तत्र तपोदीक्षान्वितौ द्विजौ तप्येते धर्मतनयौ तपः परमदुश्चरम्
naranārāyaṇau tatra tapodīkṣānvitau dvijau tapyete dharmatanayau tapaḥ paramaduścaram
Sanskrit only: no published translation is held for this verse.
ताव् अस्माकं वरारोहाः कुर्वाणौ परमं तपः कर्मातिशयदुःखार्ति- प्रदावयतिनाशकौ
tāv asmākaṃ varārohāḥ kurvāṇau paramaṃ tapaḥ karmātiśayaduḥkhārti- pradāvayatināśakau
Sanskrit only: no published translation is held for this verse.
तद् गच्छत न भीः कार्या भवतीभिर् इदं वचः स्मरः सहायो भविता वसन्तश् च वराङ्गनाः
tad gacchata na bhīḥ kāryā bhavatībhir idaṃ vacaḥ smaraḥ sahāyo bhavitā vasantaś ca varāṅganāḥ
Sanskrit only: no published translation is held for this verse.
रूपं च वः समालोक्य मदनोद्दीपनं परम् कन्दर्पवशम् अभ्येति विवशः को न मानवः
rūpaṃ ca vaḥ samālokya madanoddīpanaṃ param kandarpavaśam abhyeti vivaśaḥ ko na mānavaḥ
Sanskrit only: no published translation is held for this verse.
इत्य् उक्ता देवराजेन मदनेन समं तदा जग्मुर् अप्सरसः सर्वा वसन्तश् च महीपते
ity uktā devarājena madanena samaṃ tadā jagmur apsarasaḥ sarvā vasantaś ca mahīpate
Sanskrit only: no published translation is held for this verse.
गन्धमादनम् आसाद्य पुंस्कोकिलकुलाकुलम् चकार माधवो रम्यं प्रोत्फुल्लवनपादपम्
gandhamādanam āsādya puṃskokilakulākulam cakāra mādhavo ramyaṃ protphullavanapādapam
Sanskrit only: no published translation is held for this verse.
प्रववौ दक्षिणः सद्यो मलयानुगतो ऽनिलः भृङ्गमालारुतरवैर् रमणीयम् अभूद् वनम्
pravavau dakṣiṇaḥ sadyo malayānugato 'nilaḥ bhṛṅgamālārutaravair ramaṇīyam abhūd vanam
Sanskrit only: no published translation is held for this verse.
गन्धश् च सुरभिः सद्यो वनराजिसमुद्भवः किंनरोरगयक्षाणां बभूव घ्राणतर्पणः
gandhaś ca surabhiḥ sadyo vanarājisamudbhavaḥ kiṃnaroragayakṣāṇāṃ babhūva ghrāṇatarpaṇaḥ
Sanskrit only: no published translation is held for this verse.
वराङ्गनाश् च ताः सर्वा नरनारायणाव् ऋषी विलोभयितुम् आरब्धा वराङ्गललितैः स्मितैः
varāṅganāś ca tāḥ sarvā naranārāyaṇāv ṛṣī vilobhayitum ārabdhā varāṅgalalitaiḥ smitaiḥ
Sanskrit only: no published translation is held for this verse.
जगुर् मनोहरं काश्चिन् ननृतुश् चात्र चापराः अवादयंस् तथैवान्या मनोहरतरं नृप
jagur manoharaṃ kāścin nanṛtuś cātra cāparāḥ avādayaṃs tathaivānyā manoharataraṃ nṛpa
Sanskrit only: no published translation is held for this verse.
हावैर् भावैः स्मितैस् त्रासैस् तथान्या वल्गुभाषितैः तयोः क्षोभाय तन्वङ्ग्यश् चक्रुर् उद्यमम् अङ्गनाः
hāvair bhāvaiḥ smitais trāsais tathānyā valgubhāṣitaiḥ tayoḥ kṣobhāya tanvaṅgyaś cakrur udyamam aṅganāḥ
Sanskrit only: no published translation is held for this verse.
तथापि न तयोः कश्चिन् मनसः पृथिवीपते विकारो ऽभवद् अध्यात्म- पारसंप्राप्तचेतसोः
tathāpi na tayoḥ kaścin manasaḥ pṛthivīpate vikāro 'bhavad adhyātma- pārasaṃprāptacetasoḥ
Sanskrit only: no published translation is held for this verse.
निवातस्थौ यथा दीपाव् अकम्पौ नृप तिष्ठतः वासुदेवार्पणे स्वच्छे तथैव मनसी तयोः
nivātasthau yathā dīpāv akampau nṛpa tiṣṭhataḥ vāsudevārpaṇe svacche tathaiva manasī tayoḥ
Sanskrit only: no published translation is held for this verse.
पूर्यमाणो ऽपि चाम्भोभिर् भुवम् अन्यां महोदधिः यथा न याति न ययौ तथा तन्मानसं क्वचित्
pūryamāṇo 'pi cāmbhobhir bhuvam anyāṃ mahodadhiḥ yathā na yāti na yayau tathā tanmānasaṃ kvacit
Sanskrit only: no published translation is held for this verse.
सर्वभूतहितौ ब्रह्म वासुदेवमयं परम् मन्यमानौ न रागस्य द्वेषस्य च वशंगतौ
sarvabhūtahitau brahma vāsudevamayaṃ param manyamānau na rāgasya dveṣasya ca vaśaṃgatau
Sanskrit only: no published translation is held for this verse.
स्मरो ऽपि न शशाकाथ प्रवेष्टुं हृदयं तयोः विद्यामयं दीपयुतम् अन्धकारम् इवालयम्
smaro 'pi na śaśākātha praveṣṭuṃ hṛdayaṃ tayoḥ vidyāmayaṃ dīpayutam andhakāram ivālayam
Sanskrit only: no published translation is held for this verse.
पुष्पोज्ज्वलांस् तरुवरान् वसन्तं दक्षिणानिलम् ताश् चैवाप्सरसः सर्वाः कन्दर्पं च महामुनी
puṣpojjvalāṃs taruvarān vasantaṃ dakṣiṇānilam tāś caivāpsarasaḥ sarvāḥ kandarpaṃ ca mahāmunī
Sanskrit only: no published translation is held for this verse.
यच् चारब्धं तपस् ताभ्याम् आत्मानं गन्धमादनम् ददृशाते ऽखिलं रूपं ब्रह्मणः पुरुषर्षभ
yac cārabdhaṃ tapas tābhyām ātmānaṃ gandhamādanam dadṛśāte 'khilaṃ rūpaṃ brahmaṇaḥ puruṣarṣabha
Sanskrit only: no published translation is held for this verse.
दाहाय नानलो वह्नेर् नापःक्लेदाय चाम्भसः तद्द्रव्यम् एव तद्द्रव्य- विकाराय न वै यतः
dāhāya nānalo vahner nāpaḥkledāya cāmbhasaḥ taddravyam eva taddravya- vikārāya na vai yataḥ
Sanskrit only: no published translation is held for this verse.
ततो विज्ञानविज्ञात- परब्रह्मस्वरूपयोः मधुकन्दर्पयोषित्सु विकारो नाभवत् तयोः
tato vijñānavijñāta- parabrahmasvarūpayoḥ madhukandarpayoṣitsu vikāro nābhavat tayoḥ
Sanskrit only: no published translation is held for this verse.
ततो गुरुतरं यत्नं वसन्तमदनौ नृप चक्राते ताश् च तन्वङ्ग्यस् तत्क्षोभाय पुनः पुनः
tato gurutaraṃ yatnaṃ vasantamadanau nṛpa cakrāte tāś ca tanvaṅgyas tatkṣobhāya punaḥ punaḥ
Sanskrit only: no published translation is held for this verse.
अथ नारायणो धैर्य- गाम्भीर्योदार्यमानसः ऊरोर् उत्पादयाम् आस तां वरोरुबलां तदा
atha nārāyaṇo dhairya- gāmbhīryodāryamānasaḥ ūror utpādayām āsa tāṃ varorubalāṃ tadā
Sanskrit only: no published translation is held for this verse.
त्रैलोक्यसुन्दरीरत्नम् अशेषम् अवनीपते गुणलाघवम् अभ्येति यस्याः संदर्शनाद् अनु
trailokyasundarīratnam aśeṣam avanīpate guṇalāghavam abhyeti yasyāḥ saṃdarśanād anu
Sanskrit only: no published translation is held for this verse.
तां विलोक्य महीपाल चकम्पे माधवानिलम् वसन्तो विस्मयं यातः संयातः संस्मरं स्मरः
tāṃ vilokya mahīpāla cakampe mādhavānilam vasanto vismayaṃ yātaḥ saṃyātaḥ saṃsmaraṃ smaraḥ
Sanskrit only: no published translation is held for this verse.
रम्भातिलोत्तमाद्याश् च विलक्षा देवयोषितः न रेजुर् अवनीपाल तल्लक्षहृदयेक्षणाः
rambhātilottamādyāś ca vilakṣā devayoṣitaḥ na rejur avanīpāla tallakṣahṛdayekṣaṇāḥ
Sanskrit only: no published translation is held for this verse.
ततः कामो वसन्तश् च पार्थिवाप्सरसश् च ताः प्रणम्य भगवन्तौ तौ तुष्टुवुर् मुनिसत्तमौ
tataḥ kāmo vasantaś ca pārthivāpsarasaś ca tāḥ praṇamya bhagavantau tau tuṣṭuvur munisattamau
Sanskrit only: no published translation is held for this verse.
प्रसीदतु जगद्धाता यस्य देवस्य मायया मोहिताः स्म विजानीमो नान्तरं वन्द्यनिन्द्ययोः
prasīdatu jagaddhātā yasya devasya māyayā mohitāḥ sma vijānīmo nāntaraṃ vandyanindyayoḥ
Sanskrit only: no published translation is held for this verse.
प्रसीदतु स नो देवो यस्य रूपम् इदं द्विधा धाम भूतस्य लोकानाम् अनादेर् अत्र तिष्ठति
prasīdatu sa no devo yasya rūpam idaṃ dvidhā dhāma bhūtasya lokānām anāder atra tiṣṭhati
Sanskrit only: no published translation is held for this verse.
नरनारायणौ देवौ शार्ङ्गचक्रायुधाव् उभौ आस्तां प्रसादसुमुखाव् अस्माकम् अपराधिनाम्
naranārāyaṇau devau śārṅgacakrāyudhāv ubhau āstāṃ prasādasumukhāv asmākam aparādhinām
Sanskrit only: no published translation is held for this verse.
निधानं सर्वविद्यानां सर्वपापेन्धनानलः नारायणो नो भगवान् सर्वपापं व्यपोहतु
nidhānaṃ sarvavidyānāṃ sarvapāpendhanānalaḥ nārāyaṇo no bhagavān sarvapāpaṃ vyapohatu
Sanskrit only: no published translation is held for this verse.
शार्ङ्गचक्रायुधः श्रीमान् आत्मज्ञानमयो ऽनघः नरः समस्तपापानि हत्वात्मा सर्वदेहिनाम्
śārṅgacakrāyudhaḥ śrīmān ātmajñānamayo 'naghaḥ naraḥ samastapāpāni hatvātmā sarvadehinām
Sanskrit only: no published translation is held for this verse.
जटाकलापबन्धो ऽयम् अनयोर् अक्षयात्मनोः सौम्या च दृष्टिः पापानि हन्तु सर्वाणि नः शुभा
jaṭākalāpabandho 'yam anayor akṣayātmanoḥ saumyā ca dṛṣṭiḥ pāpāni hantu sarvāṇi naḥ śubhā
Sanskrit only: no published translation is held for this verse.
प्रसीदतु नरो ऽस्माकं तथा नारायणो ऽव्ययः अपराधः कृतो ऽस्माभिर् ययोर् अव्यक्तजन्मनोः
prasīdatu naro 'smākaṃ tathā nārāyaṇo 'vyayaḥ aparādhaḥ kṛto 'smābhir yayor avyaktajanmanoḥ
Sanskrit only: no published translation is held for this verse.
क्व मूर्तिर् ऐश्वर्यगुणैर् युक्ता दिव्यैर् महात्मनोः क्व नः शरीरकाणीदृग् मिश्रकर्मचितानि वै
kva mūrtir aiśvaryaguṇair yuktā divyair mahātmanoḥ kva naḥ śarīrakāṇīdṛg miśrakarmacitāni vai
Sanskrit only: no published translation is held for this verse.
तथाप्य् अविद्यादुष्टेन मनसा यः कृतो हि वाम् अस्माभिर् अपराधो ऽयं क्षम्यतां सुमहाद्युती
tathāpy avidyāduṣṭena manasā yaḥ kṛto hi vām asmābhir aparādho 'yaṃ kṣamyatāṃ sumahādyutī
Sanskrit only: no published translation is held for this verse.
शरणं च प्रपन्नानां तवास्मीति च वादिनाम् प्रसादं पितृहन्तॄणाम् अपि कुर्वन्ति साधवः
śaraṇaṃ ca prapannānāṃ tavāsmīti ca vādinām prasādaṃ pitṛhantṝṇām api kurvanti sādhavaḥ
Sanskrit only: no published translation is held for this verse.
एष एव वरो ऽस्माकम् अविवेकाहृतो महान् त्रैलोक्यवन्द्यौ यन्नाथौ विलोभयितुम् आगताः
eṣa eva varo 'smākam avivekāhṛto mahān trailokyavandyau yannāthau vilobhayitum āgatāḥ
Sanskrit only: no published translation is held for this verse.
प्रसीद देव विज्ञान- घनमूढदृशाम् अपि भवन्ति सन्तः सततं सद्धर्मन्यवतारकाः
prasīda deva vijñāna- ghanamūḍhadṛśām api bhavanti santaḥ satataṃ saddharmanyavatārakāḥ
Sanskrit only: no published translation is held for this verse.
दृष्ट्वैतन् नः समुत्पन्नं यथा स्त्रीरत्नम् ईदृशम् त्वयि नारायणोत्पन्ना श्रेष्ठा पारवती मतिः
dṛṣṭvaitan naḥ samutpannaṃ yathā strīratnam īdṛśam tvayi nārāyaṇotpannā śreṣṭhā pāravatī matiḥ
Sanskrit only: no published translation is held for this verse.
तेन सत्येन सत्यात्मन् परमात्मन् सनातनम् नारायण प्रसीदेति सर्वलोकपरायण
tena satyena satyātman paramātman sanātanam nārāyaṇa prasīdeti sarvalokaparāyaṇa
Sanskrit only: no published translation is held for this verse.
प्रसन्नबुद्धे शान्तात्मन् प्रसन्नवदनेक्षण प्रसीद योगिनाम् ईश नर सर्वगताच्युत
prasannabuddhe śāntātman prasannavadanekṣaṇa prasīda yoginām īśa nara sarvagatācyuta
Sanskrit only: no published translation is held for this verse.
नमस्यामो नरं देवं तथा नारायणं हरिम् नमो नराय नम्याय नमो नारायणाय च
namasyāmo naraṃ devaṃ tathā nārāyaṇaṃ harim namo narāya namyāya namo nārāyaṇāya ca
Sanskrit only: no published translation is held for this verse.
प्रसन्नानाम् अनाथानाम् अपराधवतां प्रभुः शं करोतु नरो ऽस्माकं शं नारायण देहि नः
prasannānām anāthānām aparādhavatāṃ prabhuḥ śaṃ karotu naro 'smākaṃ śaṃ nārāyaṇa dehi naḥ
Sanskrit only: no published translation is held for this verse.
एवम् अभ्यर्थितः स्तुत्या रागद्वेषादिवर्जितः प्राहेशः सर्वभूतानां साध्यो नारायणो नृप
evam abhyarthitaḥ stutyā rāgadveṣādivarjitaḥ prāheśaḥ sarvabhūtānāṃ sādhyo nārāyaṇo nṛpa
Sanskrit only: no published translation is held for this verse.
स्वागतं मधवे काम भवतो ऽप्सरसाम् अपि यत् कार्यम् आगतानां व इहास्माभिस् तद् उच्यताम्
svāgataṃ madhave kāma bhavato 'psarasām api yat kāryam āgatānāṃ va ihāsmābhis tad ucyatām
Sanskrit only: no published translation is held for this verse.
यूयं संसिद्धये नूनम् अस्माकं वलशत्रुणा संप्रेषितास् ततो ऽस्माकं नृत्तगेयादिदर्शितम्
yūyaṃ saṃsiddhaye nūnam asmākaṃ valaśatruṇā saṃpreṣitās tato 'smākaṃ nṛttageyādidarśitam
Sanskrit only: no published translation is held for this verse.
न वयं नृत्तगीतेन नाङ्गचेष्टादिभाषितैः लुभ्यामो विषतो मन्ये विषया दारुणात्मकाः
na vayaṃ nṛttagītena nāṅgaceṣṭādibhāṣitaiḥ lubhyāmo viṣato manye viṣayā dāruṇātmakāḥ
Sanskrit only: no published translation is held for this verse.
शब्दादिसङ्गदुष्टानि यदा नाक्षाणि नः शुभाः तदा नृत्तादयो भावाः कथं लोभप्रदायिनः
śabdādisaṅgaduṣṭāni yadā nākṣāṇi naḥ śubhāḥ tadā nṛttādayo bhāvāḥ kathaṃ lobhapradāyinaḥ
Sanskrit only: no published translation is held for this verse.
ते सिद्धाः स्म न वै साध्या भवतीनां स्मरस्य च माधवस्य च शक्रो ऽपि स्वास्थ्यं यात्व् अविशङ्कितः
te siddhāḥ sma na vai sādhyā bhavatīnāṃ smarasya ca mādhavasya ca śakro 'pi svāsthyaṃ yātv aviśaṅkitaḥ
Sanskrit only: no published translation is held for this verse.
यो ऽसौ परस्मात् परमः पुरुषात् परमेश्वरः परमात्मा हृषीकेशः स्थावरस्य चरस्य च
yo 'sau parasmāt paramaḥ puruṣāt parameśvaraḥ paramātmā hṛṣīkeśaḥ sthāvarasya carasya ca
Sanskrit only: no published translation is held for this verse.
उत्पत्तिहेतुर् अन्ते च यस्मिन् सर्वं प्रलीयते स सर्ववासिदेवत्वाद् वासुदेवेत्य् उदाहृतः
utpattihetur ante ca yasmin sarvaṃ pralīyate sa sarvavāsidevatvād vāsudevety udāhṛtaḥ
Sanskrit only: no published translation is held for this verse.
वयम् अंशांशकास् तस्य चतुर्व्यूहस्य मायिनः तदादेशितवर्त्मनो जगद्बोधाय देहिनः
vayam aṃśāṃśakās tasya caturvyūhasya māyinaḥ tadādeśitavartmano jagadbodhāya dehinaḥ
Sanskrit only: no published translation is held for this verse.
तं सर्वभूतं सर्वेशं सर्वत्र समदर्शिनः पश्यन्तः कुत्र रागादीन् करिष्यामो विभेदकान्
taṃ sarvabhūtaṃ sarveśaṃ sarvatra samadarśinaḥ paśyantaḥ kutra rāgādīn kariṣyāmo vibhedakān
Sanskrit only: no published translation is held for this verse.
वसन्ते मयि चेन्द्रे च भवतीषु तथा स्मरे यदा स एव विश्वात्मा तदा द्वेषादयः कथम्
vasante mayi cendre ca bhavatīṣu tathā smare yadā sa eva viśvātmā tadā dveṣādayaḥ katham
Sanskrit only: no published translation is held for this verse.
तन्मयान्य् अविभक्तानि यदा सर्वेषु जन्तुषु पृथिव्य् आपस् तथा तेजो वायुर् आकाशम् एव च
tanmayāny avibhaktāni yadā sarveṣu jantuṣu pṛthivy āpas tathā tejo vāyur ākāśam eva ca
Sanskrit only: no published translation is held for this verse.
तथेन्द्रियाण्य् अहंकारो बुद्धिश् च न पृथग् यतः समदृष्टिर् यतः कुत्र रागद्वेषौ प्रवर्ततः
tathendriyāṇy ahaṃkāro buddhiś ca na pṛthag yataḥ samadṛṣṭir yataḥ kutra rāgadveṣau pravartataḥ
Sanskrit only: no published translation is held for this verse.
आत्मा चायम् अभेदेन यतः सर्वेषु जन्तुषु सर्वेश्वरेश्वरो विष्णुः कुत्र रागादयस् ततः
ātmā cāyam abhedena yataḥ sarveṣu jantuṣu sarveśvareśvaro viṣṇuḥ kutra rāgādayas tataḥ
Sanskrit only: no published translation is held for this verse.
ब्रह्माणम् इन्द्रम् ईशानम् आदित्यान् मरुतो ऽखिलान् विश्वेदेवान् ऋषीन् साध्यान् वसून् पितृगणांस् तथा
brahmāṇam indram īśānam ādityān maruto 'khilān viśvedevān ṛṣīn sādhyān vasūn pitṛgaṇāṃs tathā
Sanskrit only: no published translation is held for this verse.
यक्षराक्षसभूतादीन् नागसर्पसरीसृपान् मनुष्यपक्षिगोरूप- गजसिंहजलेचरान्
yakṣarākṣasabhūtādīn nāgasarpasarīsṛpān manuṣyapakṣigorūpa- gajasiṃhajalecarān
Sanskrit only: no published translation is held for this verse.
मक्षिकामशकादंशाञ् शलभान् अलसान् कृमीन् गुल्मवृक्षलतावल्लि- त्वक्सारतृणजातिजान्
makṣikāmaśakādaṃśāñ śalabhān alasān kṛmīn gulmavṛkṣalatāvalli- tvaksāratṛṇajātijān
Sanskrit only: no published translation is held for this verse.
यच् च किंचिद् अदृश्यं वा दृश्यं वा त्रिदशाङ्गनाः मन्यध्वं रूपम् एकस्य तत् सर्वं परमात्मनः
yac ca kiṃcid adṛśyaṃ vā dṛśyaṃ vā tridaśāṅganāḥ manyadhvaṃ rūpam ekasya tat sarvaṃ paramātmanaḥ
Sanskrit only: no published translation is held for this verse.
जानमानः कथं विष्णुम् आत्मानं परमं च यत् रागद्वेषौ तथा लोभं कः कुर्याद् अमराङ्गनाः
jānamānaḥ kathaṃ viṣṇum ātmānaṃ paramaṃ ca yat rāgadveṣau tathā lobhaṃ kaḥ kuryād amarāṅganāḥ
Sanskrit only: no published translation is held for this verse.
सर्वभूतस्थिते विष्णौ सर्वगे सर्वधातरि निपात्यतां पृथग्भूते कुत्र रागादिको गणः
sarvabhūtasthite viṣṇau sarvage sarvadhātari nipātyatāṃ pṛthagbhūte kutra rāgādiko gaṇaḥ
Sanskrit only: no published translation is held for this verse.
एवम् अस्मासु युष्मासु सर्वभूतेषु चाबलाः तन्मयत्वैकभूतेषु रागाद्यवसरः कुतः
evam asmāsu yuṣmāsu sarvabhūteṣu cābalāḥ tanmayatvaikabhūteṣu rāgādyavasaraḥ kutaḥ
Sanskrit only: no published translation is held for this verse.
सम्यग्दृष्टिर् इयं प्रोक्ता समस्तैक्यावलोकिनी पृथग्विज्ञानम् अत्रैव लोकसंव्यवहारवत्
samyagdṛṣṭir iyaṃ proktā samastaikyāvalokinī pṛthagvijñānam atraiva lokasaṃvyavahāravat
Sanskrit only: no published translation is held for this verse.
भूतेन्द्रियान्तःकरण- प्रधानपुरुषात्मकम् जगद् यद् एतद् अखिलं तदा भेदः किमात्मकः
bhūtendriyāntaḥkaraṇa- pradhānapuruṣātmakam jagad yad etad akhilaṃ tadā bhedaḥ kimātmakaḥ
Sanskrit only: no published translation is held for this verse.
भवन्ति लयम् आयान्ति समुद्रे सलिलोर्मयः न वारिभेदतो भिन्नास् तथैवैक्याद् इदं जगत्
bhavanti layam āyānti samudre salilormayaḥ na vāribhedato bhinnās tathaivaikyād idaṃ jagat
Sanskrit only: no published translation is held for this verse.
यथाग्नेर् अर्चिषः पीताः पिङ्गलारुणधूसराः भवन्ति नाग्निभेदेन तथैतद् ब्रह्मणो जगत्
yathāgner arciṣaḥ pītāḥ piṅgalāruṇadhūsarāḥ bhavanti nāgnibhedena tathaitad brahmaṇo jagat
Sanskrit only: no published translation is held for this verse.
भवतीभिश् च यत् क्षोभम् अस्माकं स पुरंदरः कारयत्य् असद् एतच् च विवेकाधारचेतसाम्
bhavatībhiś ca yat kṣobham asmākaṃ sa puraṃdaraḥ kārayaty asad etac ca vivekādhāracetasām
Sanskrit only: no published translation is held for this verse.
भवत्यः स च देवेन्द्रो लोकाश् च ससुरासुराः समुद्राद्रिवनोपेता मद्देहान्तरगोचराः
bhavatyaḥ sa ca devendro lokāś ca sasurāsurāḥ samudrādrivanopetā maddehāntaragocarāḥ
Sanskrit only: no published translation is held for this verse.
यथेयं चारुसर्वाङ्गी भवतीनां मयोरुतः दर्शिता दर्शयिष्यामि तथात्रैवाखिलं जगत्
yatheyaṃ cārusarvāṅgī bhavatīnāṃ mayorutaḥ darśitā darśayiṣyāmi tathātraivākhilaṃ jagat
Sanskrit only: no published translation is held for this verse.
प्रयातु शक्रो मा गर्वम् इन्द्रत्वं कस्य सुस्थिरम् यूयं च मा स्मयं यात सन्ति रूपान्विताः स्त्रियः
prayātu śakro mā garvam indratvaṃ kasya susthiram yūyaṃ ca mā smayaṃ yāta santi rūpānvitāḥ striyaḥ
Sanskrit only: no published translation is held for this verse.
किं सुरूपं कुरूपं वा यदा भेदो न दृश्यते तारतम्यं सुरूपत्वे सततं भिन्नदर्शिनाम्
kiṃ surūpaṃ kurūpaṃ vā yadā bhedo na dṛśyate tāratamyaṃ surūpatve satataṃ bhinnadarśinām
Sanskrit only: no published translation is held for this verse.
भवतीनां स्मयं मत्वा रूपौदार्यगुणोद्भवम् मयेयं दर्शिता तन्वी ततस् तच्छमम् इच्छता
bhavatīnāṃ smayaṃ matvā rūpaudāryaguṇodbhavam mayeyaṃ darśitā tanvī tatas tacchamam icchatā
Sanskrit only: no published translation is held for this verse.
यस्मान् मदूरोर् उद्भूता इयम् इन्दीवरेक्षणा उर्वशी नाम कल्याणी भविष्यति ततो ऽप्सराः
yasmān madūror udbhūtā iyam indīvarekṣaṇā urvaśī nāma kalyāṇī bhaviṣyati tato 'psarāḥ
Sanskrit only: no published translation is held for this verse.
तद् इयं देवराजाय नीयतां वरवर्णिनी भवत्यस् तेन चास्माकं प्रेषिताः प्रीतिम् इच्छता
tad iyaṃ devarājāya nīyatāṃ varavarṇinī bhavatyas tena cāsmākaṃ preṣitāḥ prītim icchatā
Sanskrit only: no published translation is held for this verse.
वक्तव्यश् च सहस्राक्षो नास्माकं भोगकारणात् तपश्चर्या न चाप्राप्य- फलं प्राप्तुम् अभीप्सितम्
vaktavyaś ca sahasrākṣo nāsmākaṃ bhogakāraṇāt tapaścaryā na cāprāpya- phalaṃ prāptum abhīpsitam
Sanskrit only: no published translation is held for this verse.
सन्मार्गम् अस्य जगतो दर्शयिष्यन् करोम्य् अहम् तपो नरेण सहितो जगतः पालनोद्यतः
sanmārgam asya jagato darśayiṣyan karomy aham tapo nareṇa sahito jagataḥ pālanodyataḥ
Sanskrit only: no published translation is held for this verse.
यदि कश्चित् तवाबाधां करोति त्रिदशेश्वर तम् अहं वारयिष्यामि निर्वृतो भव वासव
yadi kaścit tavābādhāṃ karoti tridaśeśvara tam ahaṃ vārayiṣyāmi nirvṛto bhava vāsava
Sanskrit only: no published translation is held for this verse.
कर्तासि चेत् त्वम् आबाधाम् अदुष्टस्येह कस्यचित् तवापि शास्तैतद् अहं प्रवर्तिष्याम्य् असंशयम्
kartāsi cet tvam ābādhām aduṣṭasyeha kasyacit tavāpi śāstaitad ahaṃ pravartiṣyāmy asaṃśayam
Sanskrit only: no published translation is held for this verse.
एतज् ज्ञात्वा न संतापस् त्वया कार्यो हि मां प्रति उपकाराय जगताम् अवतीर्णो ऽस्मि वासव
etaj jñātvā na saṃtāpas tvayā kāryo hi māṃ prati upakārāya jagatām avatīrṇo 'smi vāsava
Sanskrit only: no published translation is held for this verse.
या चेयम् उर्वशी मत्तः समुद्भूता पुरंदर त्रेताग्निहेतुभूतेयम् ऐलं प्राप्य भविष्यति
yā ceyam urvaśī mattaḥ samudbhūtā puraṃdara tretāgnihetubhūteyam ailaṃ prāpya bhaviṣyati
Sanskrit only: no published translation is held for this verse.