शुक्लपक्षे तु पौषस्य संप्राप्तिद्वादशीं शृणु याम् उपोष्य समाप्नोति सर्वान् एव मनोरथान्
śuklapakṣe tu pauṣasya saṃprāptidvādaśīṃ śṛṇu yām upoṣya samāpnoti sarvān eva manorathān
Sanskrit only: no published translation is held for this verse.
Visnudharma 14
पाषण्डादिभिर् आलापम् अकुर्वन् विष्णुतत्परः पूजयेत् प्रणतो देवम् एकाग्रमतिर् अच्युतम्
pāṣaṇḍādibhir ālāpam akurvan viṣṇutatparaḥ pūjayet praṇato devam ekāgramatir acyutam
Sanskrit only: no published translation is held for this verse.
पौषादिपारणं मासैः षड्भिर् ज्येष्ठान्तकं स्मृतम् प्रथमे पुण्डरीकाक्षं नाम देवस्य गीयते
pauṣādipāraṇaṃ māsaiḥ ṣaḍbhir jyeṣṭhāntakaṃ smṛtam prathame puṇḍarīkākṣaṃ nāma devasya gīyate
Sanskrit only: no published translation is held for this verse.
द्वितीये माधवाख्यं तु विश्वरूपं तु फाल्गुने पुरुषोत्तमाख्यं च ततः पञ्चमे चाच्युतेति च
dvitīye mādhavākhyaṃ tu viśvarūpaṃ tu phālgune puruṣottamākhyaṃ ca tataḥ pañcame cācyuteti ca
Sanskrit only: no published translation is held for this verse.
षष्ठे जयेति देवस्य गुह्यं नाम प्रकीर्त्यते पूर्वेषु षट्सु मासेषु स्नानप्राशनयोस् तिलाः
ṣaṣṭhe jayeti devasya guhyaṃ nāma prakīrtyate pūrveṣu ṣaṭsu māseṣu snānaprāśanayos tilāḥ
Sanskrit only: no published translation is held for this verse.
आषाढादिषु मासेषु पञ्चगव्यम् उदाहृतम् स्नाने च प्राशने चैव प्रशस्तं पापनाशनम्
āṣāḍhādiṣu māseṣu pañcagavyam udāhṛtam snāne ca prāśane caiva praśastaṃ pāpanāśanam
Sanskrit only: no published translation is held for this verse.
प्रतिमासं च देवस्य कृत्वा पूजां यथाविधि विप्राय दक्षिणां दद्याच् श्रद्दधानः स्वशक्तितः
pratimāsaṃ ca devasya kṛtvā pūjāṃ yathāvidhi viprāya dakṣiṇāṃ dadyāc śraddadhānaḥ svaśaktitaḥ
Sanskrit only: no published translation is held for this verse.
पारणान्ते च देवस्य प्रीणनं भक्तिपूर्वकम् क्रुवीत शक्त्या गोविन्दे सद्भावाभ्यर्चनो यतः
pāraṇānte ca devasya prīṇanaṃ bhaktipūrvakam kruvīta śaktyā govinde sadbhāvābhyarcano yataḥ
Sanskrit only: no published translation is held for this verse.
नक्तं भुञ्जीत च ततस् तैलक्षारविवर्जितं एकादश्याम् उषित्वैवं द्वादश्याम् अथवा दिने
naktaṃ bhuñjīta ca tatas tailakṣāravivarjitaṃ ekādaśyām uṣitvaivaṃ dvādaśyām athavā dine
Sanskrit only: no published translation is held for this verse.
एताम् उषित्वा धर्मज्ञे प्रीणनं देवतत्परः सर्वकामान् अवाप्नोति सर्वपापैः प्रमुच्यते
etām uṣitvā dharmajñe prīṇanaṃ devatatparaḥ sarvakāmān avāpnoti sarvapāpaiḥ pramucyate
Sanskrit only: no published translation is held for this verse.
यतः सर्वम् अवाप्नोति यद् यद् इच्छति चेतसा ततो लोकेषु विख्याता संप्राप्तिद्वादशीति वै
yataḥ sarvam avāpnoti yad yad icchati cetasā tato lokeṣu vikhyātā saṃprāptidvādaśīti vai
Sanskrit only: no published translation is held for this verse.
कृताभिलषिता ह्य् एषा प्रारब्धा धर्मतत्परैः पूरयत्य् अखिलान् कामान् संश्रुता च दिने दिने
kṛtābhilaṣitā hy eṣā prārabdhā dharmatatparaiḥ pūrayaty akhilān kāmān saṃśrutā ca dine dine
Sanskrit only: no published translation is held for this verse.