एवं पुरा याज्ञवल्क्यः पृष्टः पत्न्या महामुनिः आचष्ट पुण्यफलदम् उपवासविधिं परम्
evaṃ purā yājñavalkyaḥ pṛṣṭaḥ patnyā mahāmuniḥ ācaṣṭa puṇyaphaladam upavāsavidhiṃ param
Sanskrit only: no published translation is held for this verse.
Visnudharma 17
तथा त्वम् अपि विप्रर्षे केशवाराधने रतः व्रतोपवासपरमो भवेथा नान्यमानसः
tathā tvam api viprarṣe keśavārādhane rataḥ vratopavāsaparamo bhavethā nānyamānasaḥ
Sanskrit only: no published translation is held for this verse.
पुनश् चैतन् महाभाग श्रूयतां गदतो मम प्रोक्तं नरेण देवानां तिथिमाहात्म्यम् उत्तमम्
punaś caitan mahābhāga śrūyatāṃ gadato mama proktaṃ nareṇa devānāṃ tithimāhātmyam uttamam
Sanskrit only: no published translation is held for this verse.
विजयातिजया चैव जयन्ती पापनाशनी तथोत्तरायणं शस्तं सर्वदा केशवार्चने
vijayātijayā caiva jayantī pāpanāśanī tathottarāyaṇaṃ śastaṃ sarvadā keśavārcane
Sanskrit only: no published translation is held for this verse.
यद् अन्यकाले वर्षेण केशवाल् लभ्यते फलम् सकृद् एवार्चिते कृष्णे तद् एतास्व् अपि लभ्यते
yad anyakāle varṣeṇa keśavāl labhyate phalam sakṛd evārcite kṛṣṇe tad etāsv api labhyate
Sanskrit only: no published translation is held for this verse.
विजयातिजया चैव जयन्ती पापनाशनी तथोत्तरायणं चैव यच् छस्तं केशवार्चने
vijayātijayā caiva jayantī pāpanāśanī tathottarāyaṇaṃ caiva yac chastaṃ keśavārcane
Sanskrit only: no published translation is held for this verse.
तत् सर्वं कथयेहाद्य तिथिमाहात्म्यम् उत्तमम् यत्र संपूजितः कृष्णः सर्वपापं व्यपोहति
tat sarvaṃ kathayehādya tithimāhātmyam uttamam yatra saṃpūjitaḥ kṛṣṇaḥ sarvapāpaṃ vyapohati
Sanskrit only: no published translation is held for this verse.
एकादश्यां सिते पक्षे पुष्यर्क्षं यत्र सत्तम तिथौ भवति सा प्रोक्ता विष्णुना पापनाशनी
ekādaśyāṃ site pakṣe puṣyarkṣaṃ yatra sattama tithau bhavati sā proktā viṣṇunā pāpanāśanī
Sanskrit only: no published translation is held for this verse.
तस्यां संपूज्य गोविन्दं जगताम् ईश्वरेश्वरम् सप्तजन्मकृतात् पापान् मुच्यते नात्र संशयः
tasyāṃ saṃpūjya govindaṃ jagatām īśvareśvaram saptajanmakṛtāt pāpān mucyate nātra saṃśayaḥ
Sanskrit only: no published translation is held for this verse.
यश् चोपवासं कुरुते तस्यां स्नातो द्विजोत्तम सर्वपापविनिर्मुक्तो विष्णुलोके महीयते
yaś copavāsaṃ kurute tasyāṃ snāto dvijottama sarvapāpavinirmukto viṣṇuloke mahīyate
Sanskrit only: no published translation is held for this verse.
दानं यद् दीयते किंचित् समुद्दिश्य जनार्दनम् होमो वा क्रियते तस्याम् अक्षयं लभते फलम्
dānaṃ yad dīyate kiṃcit samuddiśya janārdanam homo vā kriyate tasyām akṣayaṃ labhate phalam
Sanskrit only: no published translation is held for this verse.
एका ऋग् देवपुरतो जप्ता श्रद्धावता तथा ऋग्वेदस्य समस्तस्य जपता यच्छते फलम्
ekā ṛg devapurato japtā śraddhāvatā tathā ṛgvedasya samastasya japatā yacchate phalam
Sanskrit only: no published translation is held for this verse.
सामवेदफलं साम यजुर्वेदफलं यजुः जप्तम् एकं मुनिश्रेष्ठ ददात्य् अत्र न संशयः
sāmavedaphalaṃ sāma yajurvedaphalaṃ yajuḥ japtam ekaṃ muniśreṣṭha dadāty atra na saṃśayaḥ
Sanskrit only: no published translation is held for this verse.
तारका दिवि राजन्ते द्योतमाना द्विजोत्तम समभ्यर्च्य तिथाव् अस्यां देवदेवं जनार्दनम्
tārakā divi rājante dyotamānā dvijottama samabhyarcya tithāv asyāṃ devadevaṃ janārdanam
Sanskrit only: no published translation is held for this verse.
यतः पापम् अशेषं वै नाशयत्य् अत्र केशवः पुष्यर्क्षैकादशी ब्रह्मंस् तेनोक्ता पापनाशनी
yataḥ pāpam aśeṣaṃ vai nāśayaty atra keśavaḥ puṣyarkṣaikādaśī brahmaṃs tenoktā pāpanāśanī
Sanskrit only: no published translation is held for this verse.