सर्वकामान् अवाप्नोति समाराध्य जनार्दनम् प्रकारैर् बहुभिर् ब्रह्मन् यान् यान् इच्छति चेतसा
sarvakāmān avāpnoti samārādhya janārdanam prakārair bahubhir brahman yān yān icchati cetasā
Sanskrit only: no published translation is held for this verse.
Visnudharma 30
नॄणां स्त्रीणां च विप्रर्षे नान्यच् छोकस्य कारणम् अपत्याद् अधिकं किंचिद् विद्यते ह्य् अत्र जन्मनि
nṝṇāṃ strīṇāṃ ca viprarṣe nānyac chokasya kāraṇam apatyād adhikaṃ kiṃcid vidyate hy atra janmani
Sanskrit only: no published translation is held for this verse.
अपुत्रता महद् दुःखम् अतिदुःखं कुपुत्रता अपुत्रः सर्वदुःखानां हेतुभूतो मतो मम
aputratā mahad duḥkham atiduḥkhaṃ kuputratā aputraḥ sarvaduḥkhānāṃ hetubhūto mato mama
Sanskrit only: no published translation is held for this verse.
धन्यास् ते ये सुतं प्राप्य सर्वदुःखविवर्जितम् शस्तं प्रशान्तं बलिनं परां निर्वृतिम् आगताः
dhanyās te ye sutaṃ prāpya sarvaduḥkhavivarjitam śastaṃ praśāntaṃ balinaṃ parāṃ nirvṛtim āgatāḥ
Sanskrit only: no published translation is held for this verse.
स्वकर्मनिरतं नित्यं देवद्विजपरायणम् शास्त्रज्ञं धर्मतत्त्वज्ञं दीनानाथजनाश्रयम्
svakarmanirataṃ nityaṃ devadvijaparāyaṇam śāstrajñaṃ dharmatattvajñaṃ dīnānāthajanāśrayam
Sanskrit only: no published translation is held for this verse.
विनिर्जितारिं सर्वस्य मनोहृदयनन्दनम् देवानुकूलतायुक्तं युक्तं सम्यग् गुणेन च
vinirjitāriṃ sarvasya manohṛdayanandanam devānukūlatāyuktaṃ yuktaṃ samyag guṇena ca
Sanskrit only: no published translation is held for this verse.
मित्रस्वजनसम्मान- लब्धनिर्वाणम् उत्तमम् यः प्राप्नोति सुतं तस्मान् नान्यो धन्यतरो भुवि
mitrasvajanasammāna- labdhanirvāṇam uttamam yaḥ prāpnoti sutaṃ tasmān nānyo dhanyataro bhuvi
Sanskrit only: no published translation is held for this verse.
सो ऽहम् इच्छामि तच् छ्रोतुं त्वत्तः कर्म महामुने येनेदृग्लक्षणः पुत्रः प्राप्यते भुवि मानवैः
so 'ham icchāmi tac chrotuṃ tvattaḥ karma mahāmune yenedṛglakṣaṇaḥ putraḥ prāpyate bhuvi mānavaiḥ
Sanskrit only: no published translation is held for this verse.
एवम् एतन् महाभाग पित्रोः पुत्रसमुद्भवम् दुःखं प्रयात्य् उपशमं तेन येनेह केनचित्
evam etan mahābhāga pitroḥ putrasamudbhavam duḥkhaṃ prayāty upaśamaṃ tena yeneha kenacit
Sanskrit only: no published translation is held for this verse.
अत्रापि श्रूयतां वृत्तं यत् पूर्वम् अभवन् मुने उत्पत्तौ कार्तवीर्यस्य हैहयस्य महात्मनः
atrāpi śrūyatāṃ vṛttaṃ yat pūrvam abhavan mune utpattau kārtavīryasya haihayasya mahātmanaḥ
Sanskrit only: no published translation is held for this verse.
कृतवीर्यो महीपालो हैहयानाम् अभूत् पुरा तस्य शीलधना नाम बभूव वरवर्णिनी पत्नी सहस्रप्रवरा महिषी शीलमण्डना
kṛtavīryo mahīpālo haihayānām abhūt purā tasya śīladhanā nāma babhūva varavarṇinī patnī sahasrapravarā mahiṣī śīlamaṇḍanā
Sanskrit only: no published translation is held for this verse.
सा त्व् अपुत्रा महाभागा मैत्रेयीं पर्यपृच्छत गुणवत्पुत्रलाभाय कृतासनपरिग्रहाम्
sā tv aputrā mahābhāgā maitreyīṃ paryapṛcchata guṇavatputralābhāya kṛtāsanaparigrahām
Sanskrit only: no published translation is held for this verse.
तया च पृष्टा वै सम्यग् मैत्रेयी ब्रह्मवादिनी कथयाम् आस परमं नाम्नानन्तव्रतं व्रतम्
tayā ca pṛṣṭā vai samyag maitreyī brahmavādinī kathayām āsa paramaṃ nāmnānantavrataṃ vratam
Sanskrit only: no published translation is held for this verse.
सर्वकामफलावाप्ति- कारकं पापनाशनम् तस्याः सा पुत्रलाभाय राजपुत्रास् तपस्विनी
sarvakāmaphalāvāpti- kārakaṃ pāpanāśanam tasyāḥ sā putralābhāya rājaputrās tapasvinī
Sanskrit only: no published translation is held for this verse.
यो ऽयम् इच्छेन् नरः कामं नारी वा वरवर्णिनि स तं समाराध्य विभुं समाप्नोति जनार्दनम्
yo 'yam icchen naraḥ kāmaṃ nārī vā varavarṇini sa taṃ samārādhya vibhuṃ samāpnoti janārdanam
Sanskrit only: no published translation is held for this verse.
मार्गशीर्षे मृगशिरो भीरु यस्मिन् दिने भवेत् तस्मिन् संप्राश्य गोमूत्रं स्नातो नियतमानसः
mārgaśīrṣe mṛgaśiro bhīru yasmin dine bhavet tasmin saṃprāśya gomūtraṃ snāto niyatamānasaḥ
Sanskrit only: no published translation is held for this verse.
पुष्पैर् धूपैस् तथा गन्धैर् उपहारैः स्वशक्तितः वामपादम् अनन्तस्य पूजयेद् वरवर्णिनि
puṣpair dhūpais tathā gandhair upahāraiḥ svaśaktitaḥ vāmapādam anantasya pūjayed varavarṇini
Sanskrit only: no published translation is held for this verse.
अनन्तः सर्वकामानाम् अनन्तं भगवान् फलम् ददात्व् अनन्तं च पुनस् तद् एवास्त्व् अन्यजन्मनि
anantaḥ sarvakāmānām anantaṃ bhagavān phalam dadātv anantaṃ ca punas tad evāstv anyajanmani
Sanskrit only: no published translation is held for this verse.
अनन्तपुण्योपचयं करोत्य् एतन् महाव्रतम् यथाभिलषितावाप्तिं कुर्वन् मा क्षयम् एतु च
anantapuṇyopacayaṃ karoty etan mahāvratam yathābhilaṣitāvāptiṃ kurvan mā kṣayam etu ca
Sanskrit only: no published translation is held for this verse.
इत्य् उच्चार्याभिपूज्यैनं यथावद् विधिना नरः समाहितमना भूत्वा प्रणिपातपुरःसरम्
ity uccāryābhipūjyainaṃ yathāvad vidhinā naraḥ samāhitamanā bhūtvā praṇipātapuraḥsaram
Sanskrit only: no published translation is held for this verse.
विप्राय दक्षिणां दद्याद् अनन्तः प्रीयताम् इति समुच्चार्य ततो नक्तं भुञ्जीयात् तैलवर्जितम्
viprāya dakṣiṇāṃ dadyād anantaḥ prīyatām iti samuccārya tato naktaṃ bhuñjīyāt tailavarjitam
Sanskrit only: no published translation is held for this verse.
ततश् च पौषे पुष्यर्क्षे तथैव भगवत्कटिम् वामाम् अभ्यर्चयेत् कृत्वा गोमूत्रप्राशनं बुधः
tataś ca pauṣe puṣyarkṣe tathaiva bhagavatkaṭim vāmām abhyarcayet kṛtvā gomūtraprāśanaṃ budhaḥ
Sanskrit only: no published translation is held for this verse.
अनन्तः सर्वकामानाम् इति चोच्चारयेद् बुधः भुञ्जीत च तथा विप्रं वाचयित्वा यथाविधि
anantaḥ sarvakāmānām iti coccārayed budhaḥ bhuñjīta ca tathā vipraṃ vācayitvā yathāvidhi
Sanskrit only: no published translation is held for this verse.
माघे मघासु तद्वच् च बाहुं देवस्य पूजयेत् स्कन्धं च फल्गुनीयोगे फाल्गुने मासि भामिनि
māghe maghāsu tadvac ca bāhuṃ devasya pūjayet skandhaṃ ca phalgunīyoge phālgune māsi bhāmini
Sanskrit only: no published translation is held for this verse.
चतुर्ष्व् एतेषु गोमूत्र- प्राशनं नृपनन्दिनि
caturṣv eteṣu gomūtra- prāśanaṃ nṛpanandini
Sanskrit only: no published translation is held for this verse.
देवस्य दक्षिणस्कन्धं चैत्रे चित्रासु पूजयेत् तथैव प्राशनं चात्र पञ्चगव्यम् उदाहृतम्
devasya dakṣiṇaskandhaṃ caitre citrāsu pūjayet tathaiva prāśanaṃ cātra pañcagavyam udāhṛtam
Sanskrit only: no published translation is held for this verse.
विप्रे वाचनके दद्याद् यावन् मासचतुष्टयम् वैशाखे च विशाखासु बाहुं संपूज्य दक्षिणम्
vipre vācanake dadyād yāvan māsacatuṣṭayam vaiśākhe ca viśākhāsu bāhuṃ saṃpūjya dakṣiṇam
Sanskrit only: no published translation is held for this verse.
तथैवोक्तयवान् दद्यात् तद्वन् नक्तं भुजिक्रिया कटिपूजां च ज्येष्ठासु ज्येष्ठमूले शुभव्रते
tathaivoktayavān dadyāt tadvan naktaṃ bhujikriyā kaṭipūjāṃ ca jyeṣṭhāsu jyeṣṭhamūle śubhavrate
Sanskrit only: no published translation is held for this verse.
आषाढासु तथाषाढे कुर्यात् पादार्चनं शुभे पदद्वयं च श्रवणे श्रावणे सुभ्रु पूजयेत्
āṣāḍhāsu tathāṣāḍhe kuryāt pādārcanaṃ śubhe padadvayaṃ ca śravaṇe śrāvaṇe subhru pūjayet
Sanskrit only: no published translation is held for this verse.
घृतं विप्राय दातव्यं प्राशनीयं तथा दधि कार्त्तिकान्तेषु मासेषु प्राशनं दानम् एव च
ghṛtaṃ viprāya dātavyaṃ prāśanīyaṃ tathā dadhi kārttikānteṣu māseṣu prāśanaṃ dānam eva ca
Sanskrit only: no published translation is held for this verse.
गुह्यं प्रोष्ठपदायोगे मासि भाद्रपदे ऽर्चयेत् तद्वद् आश्वयुजे पूज्यं हृदयं चाश्विनीषु वै
guhyaṃ proṣṭhapadāyoge māsi bhādrapade 'rcayet tadvad āśvayuje pūjyaṃ hṛdayaṃ cāśvinīṣu vai
Sanskrit only: no published translation is held for this verse.
कुर्यात् समाहितमनाः स्नानप्राशनशौचवान् अनन्तशिरसः पूजां कार्त्तिके कृत्तिकासु च
kuryāt samāhitamanāḥ snānaprāśanaśaucavān anantaśirasaḥ pūjāṃ kārttike kṛttikāsu ca
Sanskrit only: no published translation is held for this verse.
यस्मिन् यस्मिन् दिने पूजा तत्र तत्र तदा दिने नामानन्तस्य जप्तव्यं क्षुतप्रस्खलितादिषु
yasmin yasmin dine pūjā tatra tatra tadā dine nāmānantasya japtavyaṃ kṣutapraskhalitādiṣu
Sanskrit only: no published translation is held for this verse.
घृतेनानन्तम् उद्दिश्य पूर्वमासचतुष्टयम् कुर्वीत होमं चैत्रादौ शालिना कुलनन्दिनि
ghṛtenānantam uddiśya pūrvamāsacatuṣṭayam kurvīta homaṃ caitrādau śālinā kulanandini
Sanskrit only: no published translation is held for this verse.
क्षीरेण श्रावणादौ तु होमं मासचतुष्टयम् शस्तं तु सर्वमासेषु हविष्यान्नं च भोजनम्
kṣīreṇa śrāvaṇādau tu homaṃ māsacatuṣṭayam śastaṃ tu sarvamāseṣu haviṣyānnaṃ ca bhojanam
Sanskrit only: no published translation is held for this verse.
एवं द्वादशभिर् मासैः पारणं त्रितयं शुभे पारिते समवाप्नोति सर्वान् एव मनोरथान्
evaṃ dvādaśabhir māsaiḥ pāraṇaṃ tritayaṃ śubhe pārite samavāpnoti sarvān eva manorathān
Sanskrit only: no published translation is held for this verse.
पुत्रार्थिभिर् वित्तकामैर् भृत्यदारान् अभीप्सुभिः प्रार्थयद्भिश् च कर्तव्यम् आरोग्यबलसंपदम्
putrārthibhir vittakāmair bhṛtyadārān abhīpsubhiḥ prārthayadbhiś ca kartavyam ārogyabalasaṃpadam
Sanskrit only: no published translation is held for this verse.
एतद् व्रतं महाभागे पुण्यं स्वस्त्ययनप्रदम् अनन्तव्रतसंज्ञं वै सर्वपापप्रणाशनम्
etad vrataṃ mahābhāge puṇyaṃ svastyayanapradam anantavratasaṃjñaṃ vai sarvapāpapraṇāśanam
Sanskrit only: no published translation is held for this verse.
तत् कुरुष्वैव देवि त्वं व्रतं शीलधने वरम् विशिष्टं सर्वलोकस्य यदि पुत्रम् अभीप्ससि
tat kuruṣvaiva devi tvaṃ vrataṃ śīladhane varam viśiṣṭaṃ sarvalokasya yadi putram abhīpsasi
Sanskrit only: no published translation is held for this verse.
इति शीलधना श्रुत्वा मैत्रेयीवचनं शुभम् चचारैतद् व्रतवरं सुसमाहितमानसा
iti śīladhanā śrutvā maitreyīvacanaṃ śubham cacāraitad vratavaraṃ susamāhitamānasā
Sanskrit only: no published translation is held for this verse.
पुत्रार्थिन्यास् ततस् तस्या व्रतेनानेन सुव्रत विष्णुस् तुतोष तुष्टे च विष्णौ सा सुषुवे सुतम्
putrārthinyās tatas tasyā vratenānena suvrata viṣṇus tutoṣa tuṣṭe ca viṣṇau sā suṣuve sutam
Sanskrit only: no published translation is held for this verse.
तस्य वै जातमात्रस्य प्रववाव् अनिलः शिवः नीरजस्कम् अभूद् व्योम मुदं प्रापाखिलं जगत्
tasya vai jātamātrasya pravavāv anilaḥ śivaḥ nīrajaskam abhūd vyoma mudaṃ prāpākhilaṃ jagat
Sanskrit only: no published translation is held for this verse.
देवदुन्दुभयो नेदुः पुष्पवृष्टिः पपात च प्रजगुर् दिवि गन्धर्वा ननृतुश् चाप्सरोगणाः धर्मे मनः समस्तस्य दाल्भ्य लोकस्य चाभवत्
devadundubhayo neduḥ puṣpavṛṣṭiḥ papāta ca prajagur divi gandharvā nanṛtuś cāpsarogaṇāḥ dharme manaḥ samastasya dālbhya lokasya cābhavat
Sanskrit only: no published translation is held for this verse.
तस्य नाम पिता चक्रे तनयस्यार्जुनेति वै कृतवीर्यसुतत्वाच् च कार्तवीर्यो बभूव सः
tasya nāma pitā cakre tanayasyārjuneti vai kṛtavīryasutatvāc ca kārtavīryo babhūva saḥ
Sanskrit only: no published translation is held for this verse.
तेनापि भगवान् विष्णुर् दत्तात्रेयस्वरूपवान् आराधितो ऽतिमहता तपसा दाल्भ्य भूभृता
tenāpi bhagavān viṣṇur dattātreyasvarūpavān ārādhito 'timahatā tapasā dālbhya bhūbhṛtā
Sanskrit only: no published translation is held for this verse.
तस्य तुष्टो जगन्नाथश् चक्रवर्तित्वम् उत्तमम् ददौ शौर्यबले चाति- सकलान्य् आयुधानि च
tasya tuṣṭo jagannāthaś cakravartitvam uttamam dadau śauryabale cāti- sakalāny āyudhāni ca
Sanskrit only: no published translation is held for this verse.
स च वव्रे वरं देव वधस् त्वत्तो भवेद् इति पुरानुस्मरणं ज्ञानं भीतानां चार्तिनाशनम् स्मरणाद् उपकारित्वं जगतो ऽस्य जगत्पते
sa ca vavre varaṃ deva vadhas tvatto bhaved iti purānusmaraṇaṃ jñānaṃ bhītānāṃ cārtināśanam smaraṇād upakāritvaṃ jagato 'sya jagatpate
Sanskrit only: no published translation is held for this verse.
तम् आह देवदेवेशः पुण्डरीकनिभेक्षणः सर्वम् एतन् महाभाग तव भूप भविष्यति
tam āha devadeveśaḥ puṇḍarīkanibhekṣaṇaḥ sarvam etan mahābhāga tava bhūpa bhaviṣyati
Sanskrit only: no published translation is held for this verse.
यश् च प्रभाते रात्रौ च त्वां नरः कीर्तयिष्यति नमो ऽस्तु कार्तवीर्यायेत्य् अभिधास्यति चैव यः तिलप्रस्थप्रदानस्य स नरः पुण्यम् आप्स्यति
yaś ca prabhāte rātrau ca tvāṃ naraḥ kīrtayiṣyati namo 'stu kārtavīryāyety abhidhāsyati caiva yaḥ tilaprasthapradānasya sa naraḥ puṇyam āpsyati
Sanskrit only: no published translation is held for this verse.
अनष्टद्रव्यता चैव तव नामाभिकीर्तनैः भविष्यति महीपालेत्य् उक्त्वा तं प्रययौ हरिः
anaṣṭadravyatā caiva tava nāmābhikīrtanaiḥ bhaviṣyati mahīpālety uktvā taṃ prayayau hariḥ
Sanskrit only: no published translation is held for this verse.
स चापि वरम् आसाद्य प्रसन्नाद् गरुडध्वजात् पालयाम् आस भूपालः सप्तद्वीपां वसुंधराम्
sa cāpi varam āsādya prasannād garuḍadhvajāt pālayām āsa bhūpālaḥ saptadvīpāṃ vasuṃdharām
Sanskrit only: no published translation is held for this verse.
तेनेष्टं विविधैर् यज्ञैः समाप्तवरदक्षिणैः जित्वारिवर्गम् अखिलं धर्मतः पालिताः प्रजाः
teneṣṭaṃ vividhair yajñaiḥ samāptavaradakṣiṇaiḥ jitvārivargam akhilaṃ dharmataḥ pālitāḥ prajāḥ
Sanskrit only: no published translation is held for this verse.
अनन्तव्रतमाहात्म्याद् आसाद्य तनयं च तम् पित्रोः पुत्रोद्भवं दुःखं नासीत् स्वल्पम् अपि द्विज
anantavratamāhātmyād āsādya tanayaṃ ca tam pitroḥ putrodbhavaṃ duḥkhaṃ nāsīt svalpam api dvija
Sanskrit only: no published translation is held for this verse.
एवम् एतत् समाख्यातम् अनन्ताख्यं व्रतं तव यच् चीर्त्वा राजपत्नी सा कार्तवीर्यम् असूयत
evam etat samākhyātam anantākhyaṃ vrataṃ tava yac cīrtvā rājapatnī sā kārtavīryam asūyata
Sanskrit only: no published translation is held for this verse.
यश् चैतच् छृणुयाज् जन्म कार्तवीर्यस्य मानवः स्त्री वा दुःखम् अपत्योत्थं सप्त जन्मानि नाश्नुते
yaś caitac chṛṇuyāj janma kārtavīryasya mānavaḥ strī vā duḥkham apatyotthaṃ sapta janmāni nāśnute
Sanskrit only: no published translation is held for this verse.