आह्लादं चक्षुषः प्रीतिं करोति मनसस् तथा केषांचिद् दर्शनं ब्रह्मन् मनुष्याणाम् अहर्निशम्
āhlādaṃ cakṣuṣaḥ prītiṃ karoti manasas tathā keṣāṃcid darśanaṃ brahman manuṣyāṇām aharniśam
Sanskrit only: no published translation is held for this verse.
Visnudharma 33
उद्वेजनीया भूतानाम् अनिमित्तं तथापरे वदन्ते विप्रियं नैव प्रीतिं कुर्वन्ति मानवाः
udvejanīyā bhūtānām animittaṃ tathāpare vadante vipriyaṃ naiva prītiṃ kurvanti mānavāḥ
Sanskrit only: no published translation is held for this verse.
एतद् यस्य फलं ब्रह्मन् दानस्य तपसो ऽथवा उपवासस्य वा तन् मे यथावद् वक्तुम् अर्हसि
etad yasya phalaṃ brahman dānasya tapaso 'thavā upavāsasya vā tan me yathāvad vaktum arhasi
Sanskrit only: no published translation is held for this verse.
अप्रीतिदस्य विप्रर्षे विपाको यस्य कर्मणः मनुष्याणाम् अशेषं वै तन् ममाचक्ष्व सत्तम
aprītidasya viprarṣe vipāko yasya karmaṇaḥ manuṣyāṇām aśeṣaṃ vai tan mamācakṣva sattama
Sanskrit only: no published translation is held for this verse.
देवब्राह्मणवेदेषु यज्ञेषु च नराधमैः यैर् जुगुप्सा कृता दाल्भ्य मनसाप्य् अतिमानिभिः
devabrāhmaṇavedeṣu yajñeṣu ca narādhamaiḥ yair jugupsā kṛtā dālbhya manasāpy atimānibhiḥ
Sanskrit only: no published translation is held for this verse.
तेषां संदर्शनात् सर्वो न सुखं विन्दते द्विज वदन्त्य् अप्य् अनुकूलानि न तेषु प्रीयते जनः
teṣāṃ saṃdarśanāt sarvo na sukhaṃ vindate dvija vadanty apy anukūlāni na teṣu prīyate janaḥ
Sanskrit only: no published translation is held for this verse.
स्पर्शाद् उद्विजते लोकः कटु तेषां च दर्शनम् संभाषणं च निन्दा वै कृता वेदद्विजातिके
sparśād udvijate lokaḥ kaṭu teṣāṃ ca darśanam saṃbhāṣaṇaṃ ca nindā vai kṛtā vedadvijātike
Sanskrit only: no published translation is held for this verse.
तस्मान् न निन्दां वेदादौ न जुगुप्सां च पण्डितः यज्ञादौ च नरः कुर्याद् य इच्छेच् छ्रेय आत्मनः
tasmān na nindāṃ vedādau na jugupsāṃ ca paṇḍitaḥ yajñādau ca naraḥ kuryād ya icchec chreya ātmanaḥ
Sanskrit only: no published translation is held for this verse.
यैस् तु प्रीतिः समस्तेषु वेददेवद्विजातिषु यज्ञादिके चैव कृता दाल्भ्य तद्दर्शनं नृणाम्
yais tu prītiḥ samasteṣu vedadevadvijātiṣu yajñādike caiva kṛtā dālbhya taddarśanaṃ nṛṇām
Sanskrit only: no published translation is held for this verse.
आह्लादश् चक्षुषः प्रीतिर् मनसो निर्वृतिः परा संभाषणे तथाह्लादः सर्वलोकस्य जायते
āhlādaś cakṣuṣaḥ prītir manaso nirvṛtiḥ parā saṃbhāṣaṇe tathāhlādaḥ sarvalokasya jāyate
Sanskrit only: no published translation is held for this verse.
स्तुताः प्रशस्ताः संप्रीत्या पूजिता बहुमानतः श्रेयः परं प्रयच्छन्ति देवा वेदा मखा द्विजाः
stutāḥ praśastāḥ saṃprītyā pūjitā bahumānataḥ śreyaḥ paraṃ prayacchanti devā vedā makhā dvijāḥ
Sanskrit only: no published translation is held for this verse.
लोकद्वये ऽपि चाप्रीतिं पशुपुत्रधनक्षयम् कुर्वन्ति द्विजशार्दूल एत एव विनिन्दिताः
lokadvaye 'pi cāprītiṃ paśuputradhanakṣayam kurvanti dvijaśārdūla eta eva vininditāḥ
Sanskrit only: no published translation is held for this verse.
एत एव समाख्याताः स्तवादिग्रहणे गुणाह् निन्दायाः श्रवणे दोष एतेषाम् एवम् एव हि
eta eva samākhyātāḥ stavādigrahaṇe guṇāh nindāyāḥ śravaṇe doṣa eteṣām evam eva hi
Sanskrit only: no published translation is held for this verse.
तस्मात् स्तव्याः प्रशंस्याश् च देवा वेदा द्विजातयः यज्ञाश् च मनसाप्य् एषां न निन्दाम् आचरेद् बुधः
tasmāt stavyāḥ praśaṃsyāś ca devā vedā dvijātayaḥ yajñāś ca manasāpy eṣāṃ na nindām ācared budhaḥ
Sanskrit only: no published translation is held for this verse.