अनायासेन भगवन् दानेनान्येन केनचित् पापं प्रशमम् आयाति येन तद् वक्तुम् अर्हसि
anāyāsena bhagavan dānenānyena kenacit pāpaṃ praśamam āyāti yena tad vaktum arhasi
Sanskrit only: no published translation is held for this verse.
Visnudharma 34
शृणु दाल्भ्य महापुण्यां द्वादशीं पापनाशनीम् याम् उपोष्य परं पुण्यं प्राप्नुते श्रद्धयान्वितः
śṛṇu dālbhya mahāpuṇyāṃ dvādaśīṃ pāpanāśanīm yām upoṣya paraṃ puṇyaṃ prāpnute śraddhayānvitaḥ
Sanskrit only: no published translation is held for this verse.
माघमासे तु संप्राप्त आषाढार्क्षं भवेद् यदि मूलं वा कृष्णपक्षस्य द्वादश्यां नियतस् तदा
māghamāse tu saṃprāpta āṣāḍhārkṣaṃ bhaved yadi mūlaṃ vā kṛṣṇapakṣasya dvādaśyāṃ niyatas tadā
Sanskrit only: no published translation is held for this verse.
गृह्णीयात् पुण्यफलदं विधानं तस्य मे शृणु देवदेवं समभ्यर्च्य सुस्नातः प्रयतः शुचिः
gṛhṇīyāt puṇyaphaladaṃ vidhānaṃ tasya me śṛṇu devadevaṃ samabhyarcya susnātaḥ prayataḥ śuciḥ
Sanskrit only: no published translation is held for this verse.
कृष्णनाम्ना च संस्तूय एकादश्यां महामते उपोषितो द्वितीये ऽह्नि पुनः संपूज्य केशवम्
kṛṣṇanāmnā ca saṃstūya ekādaśyāṃ mahāmate upoṣito dvitīye 'hni punaḥ saṃpūjya keśavam
Sanskrit only: no published translation is held for this verse.
संस्तूय नाम्ना च ततः कृष्णाख्येन पुनः पुनः दद्यात् तिलांस् तु विप्राय कृष्णो मे प्रीयताम् इति स्नानप्राशनयोः शस्तास् तथा कृष्णतिला मुने
saṃstūya nāmnā ca tataḥ kṛṣṇākhyena punaḥ punaḥ dadyāt tilāṃs tu viprāya kṛṣṇo me prīyatām iti snānaprāśanayoḥ śastās tathā kṛṣṇatilā mune
Sanskrit only: no published translation is held for this verse.
तिलप्ररोहे जायन्ते यावत्संख्यास् तिला द्विज तावद्वर्षसहस्राणि स्वर्गलोके महीयते
tilaprarohe jāyante yāvatsaṃkhyās tilā dvija tāvadvarṣasahasrāṇi svargaloke mahīyate
Sanskrit only: no published translation is held for this verse.
जातश् चेहाप्य् अरोगो ऽसौ नरो जन्मनि जन्मनि नान्धो न बधिरश् चेह न कुष्ठी न जुगुप्सितः भवत्य् एताम् उषित्वा तु तिलाख्यां द्वादशीं नरः
jātaś cehāpy arogo 'sau naro janmani janmani nāndho na badhiraś ceha na kuṣṭhī na jugupsitaḥ bhavaty etām uṣitvā tu tilākhyāṃ dvādaśīṃ naraḥ
Sanskrit only: no published translation is held for this verse.
विष्णोः प्रीणनम् अत्रोक्तं समाप्ते वर्षपारणे पूजां च कुर्याद् विप्राय भूयो दद्यात् तथा तिलान्
viṣṇoḥ prīṇanam atroktaṃ samāpte varṣapāraṇe pūjāṃ ca kuryād viprāya bhūyo dadyāt tathā tilān
Sanskrit only: no published translation is held for this verse.
अनेन दाल्भ्य विधिना तिलदानाद् असंशयम् मुच्यते पातकैः सर्वैर् निरायासेन मानवः
anena dālbhya vidhinā tiladānād asaṃśayam mucyate pātakaiḥ sarvair nirāyāsena mānavaḥ
Sanskrit only: no published translation is held for this verse.
दानविधिस् तथा श्रद्धा सर्वपातकशान्तये नार्थः प्रभूतो नायासः शारीरो मुनिसत्तम
dānavidhis tathā śraddhā sarvapātakaśāntaye nārthaḥ prabhūto nāyāsaḥ śārīro munisattama
Sanskrit only: no published translation is held for this verse.