Visnudharma 36

एवं स्तुतस् ततः प्राह प्रीतिमांस् तं जनार्दनः परिष्वज्य महाबाहुं समाश्वास्य च फाल्गुनम्

evaṃ stutas tataḥ prāha prītimāṃs taṃ janārdanaḥ pariṣvajya mahābāhuṃ samāśvāsya ca phālgunam

Sanskrit only: no published translation is held for this verse.

यस् त्वां वेत्ति स मां वेत्ति यस् त्वाम् अनु स माम् अनु अभेदेनात्मना वेद्मी त्वाम् अहं पाण्डुनन्दन

yas tvāṃ vetti sa māṃ vetti yas tvām anu sa mām anu abhedenātmanā vedmī tvām ahaṃ pāṇḍunandana

Sanskrit only: no published translation is held for this verse.

ममांशत्वं महाबाहो जगतः पालनेच्छया भुवो भारावतारार्थं पृथक् पार्थ मया कृतम्

mamāṃśatvaṃ mahābāho jagataḥ pālanecchayā bhuvo bhārāvatārārthaṃ pṛthak pārtha mayā kṛtam

Sanskrit only: no published translation is held for this verse.

देवदैत्योरगा यक्षा गन्धर्वाः किंनराप्सराः राक्षसाश् च पिशाचाश् च पशुपक्षिसरीसृपाः

devadaityoragā yakṣā gandharvāḥ kiṃnarāpsarāḥ rākṣasāś ca piśācāś ca paśupakṣisarīsṛpāḥ

Sanskrit only: no published translation is held for this verse.

वृक्षगुल्मादयः शैलाः सर्वभूतानि चार्जुन ममैवांशानि भूतानि विद्धि सर्वाण्य् अरिंदम

vṛkṣagulmādayaḥ śailāḥ sarvabhūtāni cārjuna mamaivāṃśāni bhūtāni viddhi sarvāṇy ariṃdama

Sanskrit only: no published translation is held for this verse.

भगवन् सर्वभूतात्मन् सर्वभूतेषु वै भवान् परमात्मस्वरूपेण स्थितं वेद्मि तद् अव्ययम्

bhagavan sarvabhūtātman sarvabhūteṣu vai bhavān paramātmasvarūpeṇa sthitaṃ vedmi tad avyayam

Sanskrit only: no published translation is held for this verse.

क्षेत्रेषु येषु येषु त्वं चिन्तनीयो मयाच्युत चेतसः प्रणिधानार्थं तन् ममाख्यातुम् अर्हसि

kṣetreṣu yeṣu yeṣu tvaṃ cintanīyo mayācyuta cetasaḥ praṇidhānārthaṃ tan mamākhyātum arhasi

Sanskrit only: no published translation is held for this verse.

यत्र यत्र च यन् नाम प्रीतये भवतः स्तुतौ प्रसादसुमुखो नाथ तन् ममाशेषतो वद

yatra yatra ca yan nāma prītaye bhavataḥ stutau prasādasumukho nātha tan mamāśeṣato vada

Sanskrit only: no published translation is held for this verse.

सर्वगः सर्वभूतो ऽहं न हि किंचिद् मया विना चराचरे जगत्य् अस्मिन् विद्यते कुरुसत्तम

sarvagaḥ sarvabhūto 'haṃ na hi kiṃcid mayā vinā carācare jagaty asmin vidyate kurusattama

Sanskrit only: no published translation is held for this verse.

तथापि येषु स्थानेषु चिन्तनीयो ऽहम् अर्जुन स्तोतव्यो नामभिर् यैस् तु श्रूयतां तद् वदामि ते

tathāpi yeṣu sthāneṣu cintanīyo 'ham arjuna stotavyo nāmabhir yais tu śrūyatāṃ tad vadāmi te

Sanskrit only: no published translation is held for this verse.

पुष्करे पुण्डरीकाक्षं गयायां च गदाधरम् लोहदण्डे तथा विष्णुं स्तुवंस् तरति दुष्कृतम्

puṣkare puṇḍarīkākṣaṃ gayāyāṃ ca gadādharam lohadaṇḍe tathā viṣṇuṃ stuvaṃs tarati duṣkṛtam

Sanskrit only: no published translation is held for this verse.

राघवं चित्रकूटे तु प्रभासे दैत्यसूदनम् वृन्दावने च गोविन्दं मा स्तुवन् पुण्यभाग् भवेत्

rāghavaṃ citrakūṭe tu prabhāse daityasūdanam vṛndāvane ca govindaṃ mā stuvan puṇyabhāg bhavet

Sanskrit only: no published translation is held for this verse.

जयं जयन्त्यां तद्वच् च जयन्तं हस्तिनापुरे वाराहं कर्दमाले तु काश्मीरे चक्रपाणिनम्

jayaṃ jayantyāṃ tadvac ca jayantaṃ hastināpure vārāhaṃ kardamāle tu kāśmīre cakrapāṇinam

Sanskrit only: no published translation is held for this verse.

जनार्दनं च कुब्जाम्रे मथुरायां च केशवम् कुब्जके श्रीधरं तद्वद् गङ्गाद्वारे सुरोत्तमम्

janārdanaṃ ca kubjāmre mathurāyāṃ ca keśavam kubjake śrīdharaṃ tadvad gaṅgādvāre surottamam

Sanskrit only: no published translation is held for this verse.

शालग्रामे महायोगिं हरिं गोवर्धनाचले पिण्डारके चतुर्बाहुं शङ्खोद्धारे च शङ्खिनम्

śālagrāme mahāyogiṃ hariṃ govardhanācale piṇḍārake caturbāhuṃ śaṅkhoddhāre ca śaṅkhinam

Sanskrit only: no published translation is held for this verse.

वामनं च कुरुक्षेत्रे यमुनायां त्रिविक्रमम् विश्वेश्वरं तथा शोणे कपिलं पूर्वसागरे

vāmanaṃ ca kurukṣetre yamunāyāṃ trivikramam viśveśvaraṃ tathā śoṇe kapilaṃ pūrvasāgare

Sanskrit only: no published translation is held for this verse.

श्वेतद्वीपपतिं चापि गङ्गासागरसंगमे भूधरं देविकानद्यां प्रयागे चैव माधवम्

śvetadvīpapatiṃ cāpi gaṅgāsāgarasaṃgame bhūdharaṃ devikānadyāṃ prayāge caiva mādhavam

Sanskrit only: no published translation is held for this verse.

नरनारायणाख्यं च तथा बदरिकाश्रमे समुद्रे दक्षिणे स्तव्यं पद्मनाभेति फाल्गुन

naranārāyaṇākhyaṃ ca tathā badarikāśrame samudre dakṣiṇe stavyaṃ padmanābheti phālguna

Sanskrit only: no published translation is held for this verse.

द्वारकायां तथा कृष्णं स्तुवंस् तरति दुर्गतिम् रामं नाम महेन्द्राद्रौ हृषीकेशं तथार्बुदे

dvārakāyāṃ tathā kṛṣṇaṃ stuvaṃs tarati durgatim rāmaṃ nāma mahendrādrau hṛṣīkeśaṃ tathārbude

Sanskrit only: no published translation is held for this verse.

अश्वतीर्थे हयग्रीवं विश्वरूपं हिमाचले नृसिंहं कृतसौचे च विपाशायां द्विजप्रियम्

aśvatīrthe hayagrīvaṃ viśvarūpaṃ himācale nṛsiṃhaṃ kṛtasauce ca vipāśāyāṃ dvijapriyam

Sanskrit only: no published translation is held for this verse.

नैमिषे यज्ञपुरुषं जम्बूमार्गे तथाच्युतम् अनन्तं सैन्धवारण्ये दण्डके शाङ्गधारिणम्

naimiṣe yajñapuruṣaṃ jambūmārge tathācyutam anantaṃ saindhavāraṇye daṇḍake śāṅgadhāriṇam

Sanskrit only: no published translation is held for this verse.

उत्पलावर्तके शौरिं नर्मदायां श्रियः पतिम् दामोदरं रैवतके नन्दायां जलशायिनम्

utpalāvartake śauriṃ narmadāyāṃ śriyaḥ patim dāmodaraṃ raivatake nandāyāṃ jalaśāyinam

Sanskrit only: no published translation is held for this verse.

सर्वयोगेश्वरं चैव सिन्धुसागरसंगमे सह्याद्रौ देवदेवेशं वैकुण्ठं मागधे वने

sarvayogeśvaraṃ caiva sindhusāgarasaṃgame sahyādrau devadeveśaṃ vaikuṇṭhaṃ māgadhe vane

Sanskrit only: no published translation is held for this verse.

सर्वपापहरं विन्ध्ये उड्रेषु पुरुषोत्तमम् हृदये चापि कौन्तेय परमात्मानम् आत्मनः

sarvapāpaharaṃ vindhye uḍreṣu puruṣottamam hṛdaye cāpi kaunteya paramātmānam ātmanaḥ

Sanskrit only: no published translation is held for this verse.

वटे वटे वैश्रवणं चत्वरे चत्वरे शिवम् पर्वते पर्वते रामं सर्वत्र मधुसूदनम्

vaṭe vaṭe vaiśravaṇaṃ catvare catvare śivam parvate parvate rāmaṃ sarvatra madhusūdanam

Sanskrit only: no published translation is held for this verse.

नरं भूमौ तथा व्योम्नि कौन्तेय गरुडध्वजम् वासुदेवं च सर्वत्र संस्मरञ् ज्योतिषां पतिम्

naraṃ bhūmau tathā vyomni kaunteya garuḍadhvajam vāsudevaṃ ca sarvatra saṃsmarañ jyotiṣāṃ patim

Sanskrit only: no published translation is held for this verse.

अर्चयन् प्रणमंस् तु त्वं संस्मरंश् च धनंजय एतेष्व् एतानि नामानि नरः पापैः प्रमुच्यते

arcayan praṇamaṃs tu tvaṃ saṃsmaraṃś ca dhanaṃjaya eteṣv etāni nāmāni naraḥ pāpaiḥ pramucyate

Sanskrit only: no published translation is held for this verse.

स्थानेष्व् एतेषु मन्नाम्नाम् एतेषां प्रीणनं नरः द्विजानां प्रीणनं कृत्वा स्वर्गलोके ऽभिजायते

sthāneṣv eteṣu mannāmnām eteṣāṃ prīṇanaṃ naraḥ dvijānāṃ prīṇanaṃ kṛtvā svargaloke 'bhijāyate

Sanskrit only: no published translation is held for this verse.

नामान्य् एतानि कौन्तेय स्थानान्य् एतानि चात्मवान् जयं वै पञ्चपञ्चाशत् त्रिसन्ध्यं मत्परायणः

nāmāny etāni kaunteya sthānāny etāni cātmavān jayaṃ vai pañcapañcāśat trisandhyaṃ matparāyaṇaḥ

Sanskrit only: no published translation is held for this verse.

त्रीणि जन्मानि यत् पापम् अवस्थात्रितये कृतम् तत् क्षालयत्य् असंदिग्धं जायते च सतां कुले

trīṇi janmāni yat pāpam avasthātritaye kṛtam tat kṣālayaty asaṃdigdhaṃ jāyate ca satāṃ kule

Sanskrit only: no published translation is held for this verse.

द्विष्कालं वा जपन्न् एव दिवारात्रौ च यत् कृतम् तस्माद् विमुच्यते पापात् सद्भावपरमो नरः

dviṣkālaṃ vā japann eva divārātrau ca yat kṛtam tasmād vimucyate pāpāt sadbhāvaparamo naraḥ

Sanskrit only: no published translation is held for this verse.

जप्तान्य् एतानि कौन्तेय सकृच्छ्रद्धासमन्वितम् मोचयन्ते नरं पापाद् यत् तत्रैव दिने कृतम्

japtāny etāni kaunteya sakṛcchraddhāsamanvitam mocayante naraṃ pāpād yat tatraiva dine kṛtam

Sanskrit only: no published translation is held for this verse.

धन्यं यशस्यम् आयुष्यं जयं कुरु कुलोद्वह ग्रहानुकूलतां चैव करोत्य् आशु न संशयः

dhanyaṃ yaśasyam āyuṣyaṃ jayaṃ kuru kulodvaha grahānukūlatāṃ caiva karoty āśu na saṃśayaḥ

Sanskrit only: no published translation is held for this verse.

उपोषितो मत्परमः स्थानेष्व् एतेषु मानवः कृतायतनवासश् च प्राप्नोत्य् अभिमतं फलम्

upoṣito matparamaḥ sthāneṣv eteṣu mānavaḥ kṛtāyatanavāsaś ca prāpnoty abhimataṃ phalam

Sanskrit only: no published translation is held for this verse.

उत्क्रान्तिर् अप्य् अशेषेषु स्थानेष्व् एतेषु शस्यते अन्यस्थानाच् छतगुणम् एतेष्व् अनशनादिकम्

utkrāntir apy aśeṣeṣu sthāneṣv eteṣu śasyate anyasthānāc chataguṇam eteṣv anaśanādikam

Sanskrit only: no published translation is held for this verse.

यस् तु मत्परमः कालं करोत्य् एतेषु मानवः देवानाम् अपि पूज्यो ऽसौ मम लोके महीयते

yas tu matparamaḥ kālaṃ karoty eteṣu mānavaḥ devānām api pūjyo 'sau mama loke mahīyate

Sanskrit only: no published translation is held for this verse.