यन् न तापाय वै पुंसां भवत्य् आमुष्मिकं कृतम् तापाय यच् च भवति तद् आचक्ष्व महामुने
yan na tāpāya vai puṃsāṃ bhavaty āmuṣmikaṃ kṛtam tāpāya yac ca bhavati tad ācakṣva mahāmune
Sanskrit only: no published translation is held for this verse.
Visnudharma 37
उपवासप्रभावं च कृष्णाराधनकाङ्क्षिणः कथयेह मम ब्रह्मन् न च तृप्यामि कथ्यते
upavāsaprabhāvaṃ ca kṛṣṇārādhanakāṅkṣiṇaḥ kathayeha mama brahman na ca tṛpyāmi kathyate
Sanskrit only: no published translation is held for this verse.
श्रूयतां दाल्भ्य यत् पृष्टाः कौतुकाद् भवता वयम् आमुष्मिकं न तापाय यच् च तापाय जायते
śrūyatāṃ dālbhya yat pṛṣṭāḥ kautukād bhavatā vayam āmuṣmikaṃ na tāpāya yac ca tāpāya jāyate
Sanskrit only: no published translation is held for this verse.
उपोषितप्रभावं च कृष्णाराधनकाङ्क्षिणः कथयामि यथावृत्तं पूर्वम् एव महामते
upoṣitaprabhāvaṃ ca kṛṣṇārādhanakāṅkṣiṇaḥ kathayāmi yathāvṛttaṃ pūrvam eva mahāmate
Sanskrit only: no published translation is held for this verse.
वैदिशं नाम नगरं प्रख्यातम् इह सत्तम तत्र वैश्यो ऽभवत् पूर्वं वीरभद्र इति श्रुतः
vaidiśaṃ nāma nagaraṃ prakhyātam iha sattama tatra vaiśyo 'bhavat pūrvaṃ vīrabhadra iti śrutaḥ
Sanskrit only: no published translation is held for this verse.
भार्याजामातृदुहितृ- पुत्रपौत्रस्नुषान्वितः प्रभूतभृत्यवर्गश् च बहुव्यापारकारकः
bhāryājāmātṛduhitṛ- putrapautrasnuṣānvitaḥ prabhūtabhṛtyavargaś ca bahuvyāpārakārakaḥ
Sanskrit only: no published translation is held for this verse.
पुत्रपौत्रादिभरण- व्यासक्तमतिर् एव च परलोकं प्रति मतिस् तस्य चात्यन्तदुर्मुखा
putrapautrādibharaṇa- vyāsaktamatir eva ca paralokaṃ prati matis tasya cātyantadurmukhā
Sanskrit only: no published translation is held for this verse.
चकारानुदिनं सो ऽथ न्यायान्यायैर् धनार्जनम् सर्वत्रान्यत्र निःस्नेहः परस्वे चातितर्षुलः
cakārānudinaṃ so 'tha nyāyānyāyair dhanārjanam sarvatrānyatra niḥsnehaḥ parasve cātitarṣulaḥ
Sanskrit only: no published translation is held for this verse.
न जुहोत्य् उदिते काले न ददात्य् अतितृष्णया बभूव चोद्यमस् तस्य पुत्रादिभरणे परः
na juhoty udite kāle na dadāty atitṛṣṇayā babhūva codyamas tasya putrādibharaṇe paraḥ
Sanskrit only: no published translation is held for this verse.
नित्यनैमित्तिकानां च हानिं चक्रे स्वकर्मणाम् तृष्णाभिभूतो विप्रर्षे स्ववर्गभरणाधृतः
nityanaimittikānāṃ ca hāniṃ cakre svakarmaṇām tṛṣṇābhibhūto viprarṣe svavargabharaṇādhṛtaḥ
Sanskrit only: no published translation is held for this verse.
कालेन गच्छता सो ऽथ मृतो विन्ध्याटवीतटे यातनादेहभृत् प्रेतो ग्रीष्मकाले ऽभवन् मुने
kālena gacchatā so 'tha mṛto vindhyāṭavītaṭe yātanādehabhṛt preto grīṣmakāle 'bhavan mune
Sanskrit only: no published translation is held for this verse.
तं ददर्श महाभागो दिव्यज्ञानसमन्वितः वेदवेदान्तविद् विद्वान् पिपीतो नाम वै द्विजः
taṃ dadarśa mahābhāgo divyajñānasamanvitaḥ vedavedāntavid vidvān pipīto nāma vai dvijaḥ
Sanskrit only: no published translation is held for this verse.
भास्करस्यांशुभिर् दीप्तैर् दह्यन्तम् अनिवारणैः प्रतप्तवालुकामध्ये तृषा चात्यन्तपीडितम्
bhāskarasyāṃśubhir dīptair dahyantam anivāraṇaiḥ prataptavālukāmadhye tṛṣā cātyantapīḍitam
Sanskrit only: no published translation is held for this verse.
क्षुत्क्षामकण्ठं शुष्कास्यं स्तब्धोद्वृत्तविलोचनम् निष्क्रान्तजिह्वम् अङ्गेषु विस्फोटैः सर्वतश् चितम्
kṣutkṣāmakaṇṭhaṃ śuṣkāsyaṃ stabdhodvṛttavilocanam niṣkrāntajihvam aṅgeṣu visphoṭaiḥ sarvataś citam
Sanskrit only: no published translation is held for this verse.
निश्वासायासखेदेन विरलास्यम् अनादरम् निजेन कर्मणा बद्धम् असमर्थं पलायने
niśvāsāyāsakhedena viralāsyam anādaram nijena karmaṇā baddham asamarthaṃ palāyane
Sanskrit only: no published translation is held for this verse.
तं तादृशम् अथो दृष्ट्वा गार्दभेयो महामुनिः पिपीतः प्राह विप्रर्षिः कारुण्यस्तिमितं वचः
taṃ tādṛśam atho dṛṣṭvā gārdabheyo mahāmuniḥ pipītaḥ prāha viprarṣiḥ kāruṇyastimitaṃ vacaḥ
Sanskrit only: no published translation is held for this verse.
जानन्न् अपि तथा प्राप्तं तदनुष्ठानजं फलम् जन्तोस् तस्योपकाराय सर्वतो ह्लादयन्न् इव
jānann api tathā prāptaṃ tadanuṣṭhānajaṃ phalam jantos tasyopakārāya sarvato hlādayann iva
Sanskrit only: no published translation is held for this verse.
अधः सूर्यांशुभिस् तप्तैर् बहुभिर् यानपांसुभिः उपर्य् अर्ककरैर् उग्रैस् तृषा चार्तस् तथा क्षुधा
adhaḥ sūryāṃśubhis taptair bahubhir yānapāṃsubhiḥ upary arkakarair ugrais tṛṣā cārtas tathā kṣudhā
Sanskrit only: no published translation is held for this verse.
अन्यैस् तथाधिभिर् घोरैर् अविषह्यैर् अवारणैः कथयेह यथातत्त्वम् एकाकी दह्यसे कथम्
anyais tathādhibhir ghorair aviṣahyair avāraṇaiḥ kathayeha yathātattvam ekākī dahyase katham
Sanskrit only: no published translation is held for this verse.
तस्यैतद् वचनं श्रुत्वा पिपीतस्य सवेदनम् यातनास्थ उवाचेदं कृच्छ्राद् उच्छ्वास्य मस्तकम्
tasyaitad vacanaṃ śrutvā pipītasya savedanam yātanāstha uvācedaṃ kṛcchrād ucchvāsya mastakam
Sanskrit only: no published translation is held for this verse.
ब्रह्मन् नालोचितं पूर्वं कथम् अन्ते भविष्यति अशाश्वते शाश्वतधीस् तेन दह्यामि दुर्मतिः
brahman nālocitaṃ pūrvaṃ katham ante bhaviṣyati aśāśvate śāśvatadhīs tena dahyāmi durmatiḥ
Sanskrit only: no published translation is held for this verse.
धनापणगृहक्षेत्र- पुत्रदारहिते रतः नात्मनो ऽहं हितारम्भी तेन दह्यामि दुर्मतिः
dhanāpaṇagṛhakṣetra- putradārahite rataḥ nātmano 'haṃ hitārambhī tena dahyāmi durmatiḥ
Sanskrit only: no published translation is held for this verse.
इदं करिष्ये कृत्वेदं करिष्याम्य् अपरं त्व् इदम् इतीच्छाशतसरो ऽहं तेन दह्यामि दुर्मतिः
idaṃ kariṣye kṛtvedaṃ kariṣyāmy aparaṃ tv idam itīcchāśatasaro 'haṃ tena dahyāmi durmatiḥ
Sanskrit only: no published translation is held for this verse.
जुहोमि यदि तन् नास्ति ददामि यदि सीदति कुटुम्बम् इति मूढो ऽहम् तेन दह्यामि दुर्मतिः
juhomi yadi tan nāsti dadāmi yadi sīdati kuṭumbam iti mūḍho 'ham tena dahyāmi durmatiḥ
Sanskrit only: no published translation is held for this verse.
शीतोष्णवर्षाभिभवं लोभात् सोड्ःअं मयाशुभम् तद् एव हि न धर्मार्थं तेन दह्यामि दुर्मतिः
śītoṣṇavarṣābhibhavaṃ lobhāt soḍḥaṃ mayāśubham tad eva hi na dharmārthaṃ tena dahyāmi durmatiḥ
Sanskrit only: no published translation is held for this verse.
पितृदेवमनुष्याणाम् अदत्त्वापोषिता हि ये ते ऽन्यत्र क्वापि वर्तन्ते दह्याम्य् एको ऽत्र दुर्मतिः
pitṛdevamanuṣyāṇām adattvāpoṣitā hi ye te 'nyatra kvāpi vartante dahyāmy eko 'tra durmatiḥ
Sanskrit only: no published translation is held for this verse.
पुत्रभृत्यकलत्रेषु मम त्व् आदृतमानसः कृत्वा कर्माण्य् असाधूनि दह्याम्य् एको ऽत्र दुर्मतिः
putrabhṛtyakalatreṣu mama tv ādṛtamānasaḥ kṛtvā karmāṇy asādhūni dahyāmy eko 'tra durmatiḥ
Sanskrit only: no published translation is held for this verse.
मृते मयि धने तस्मिन्न् अन्यायोपार्जिते मया नूनं ममेति वर्तन्ते दह्याम्य् एको ऽत्र दुर्मतिः
mṛte mayi dhane tasminn anyāyopārjite mayā nūnaṃ mameti vartante dahyāmy eko 'tra durmatiḥ
Sanskrit only: no published translation is held for this verse.
न हि नः पूजिता गेहान् निर्गता द्विजसत्तमाः स्ववर्गहितकामस्य तेन दह्याम्य् अहर्निशम्
na hi naḥ pūjitā gehān nirgatā dvijasattamāḥ svavargahitakāmasya tena dahyāmy aharniśam
Sanskrit only: no published translation is held for this verse.
यन् मे न पूजिता देवाः कुटुम्बं पोषीतं परम् एकाकी तेन दह्यामि ये पुष्टास् ते ऽन्यतो गताः
yan me na pūjitā devāḥ kuṭumbaṃ poṣītaṃ param ekākī tena dahyāmi ye puṣṭās te 'nyato gatāḥ
Sanskrit only: no published translation is held for this verse.
नित्यनैमित्तिकं कर्म कृते येषां न म कृतम् एकाकी तेन दह्यामि तैर् मन्ये क्वापि रम्यते
nityanaimittikaṃ karma kṛte yeṣāṃ na ma kṛtam ekākī tena dahyāmi tair manye kvāpi ramyate
Sanskrit only: no published translation is held for this verse.
यन् मे परिजनस्यार्थे कृतं कर्म शुभाशुभम् एकाकी तेन दह्यामि गतास् ते फलभोगिनः
yan me parijanasyārthe kṛtaṃ karma śubhāśubham ekākī tena dahyāmi gatās te phalabhoginaḥ
Sanskrit only: no published translation is held for this verse.
दाराः पुत्राश् च भृत्याश् च पापव्याप्त्या मयैधिताः एकाकी तेन दह्यामि गतास् ते फलभोगिनः
dārāḥ putrāś ca bhṛtyāś ca pāpavyāptyā mayaidhitāḥ ekākī tena dahyāmi gatās te phalabhoginaḥ
Sanskrit only: no published translation is held for this verse.
पुत्रदारादिभृत्यार्थे मयान्यायार्थसंचयाः कृतास् तेनात्र दह्यामि भुञ्जते ऽप्य् अन्यतो गताः
putradārādibhṛtyārthe mayānyāyārthasaṃcayāḥ kṛtās tenātra dahyāmi bhuñjate 'py anyato gatāḥ
Sanskrit only: no published translation is held for this verse.
कृतं पापं मया भुक्तम् अन्यैस् तत्कर्मसंचितम् दह्याम्य् एको ऽहम् अत्यन्तं त्यक्तस् तैः फलभोगिभिः
kṛtaṃ pāpaṃ mayā bhuktam anyais tatkarmasaṃcitam dahyāmy eko 'ham atyantaṃ tyaktas taiḥ phalabhogibhiḥ
Sanskrit only: no published translation is held for this verse.
यन् ममत्वाभिभूतेन मया धनम् उपार्जितम् अन्यस्य ते ऽद्य कस्यापि केवलं मम दुष्कृतम्
yan mamatvābhibhūtena mayā dhanam upārjitam anyasya te 'dya kasyāpi kevalaṃ mama duṣkṛtam
Sanskrit only: no published translation is held for this verse.
अन्तर्दुःखेन दग्धो ऽन्तर् बहिर् दह्यामि भानुना नान्तर्दुःखं न वा भानुः पापम् एव द्विधा स्थितम्
antarduḥkhena dagdho 'ntar bahir dahyāmi bhānunā nāntarduḥkhaṃ na vā bhānuḥ pāpam eva dvidhā sthitam
Sanskrit only: no published translation is held for this verse.
कंचित् कर्मसमुद्धारं पश्यस्य् असुखसागरात् मम येनाहम् आह्लादम् आप्नुयां मुनिसत्तम
kaṃcit karmasamuddhāraṃ paśyasy asukhasāgarāt mama yenāham āhlādam āpnuyāṃ munisattama
Sanskrit only: no published translation is held for this verse.
अल्पकालिकम् उद्धारं तव पश्याम्य् असंशयम् प्रक्षीणप्रायम् एतत् ते सुकृतं चास्ति ते परम्
alpakālikam uddhāraṃ tava paśyāmy asaṃśayam prakṣīṇaprāyam etat te sukṛtaṃ cāsti te param
Sanskrit only: no published translation is held for this verse.
अतीते दशमे जन्मन्य् अच्युताराधनेच्छया सुकर्मजयदां भद्र द्वादशीं त्वम् उपोषितः
atīte daśame janmany acyutārādhanecchayā sukarmajayadāṃ bhadra dvādaśīṃ tvam upoṣitaḥ
Sanskrit only: no published translation is held for this verse.
तव तस्याः प्रभावेण पापम् अत्यन्तदुर्जयम् अल्पैर् अहोभिः संक्षीणं नवपात्रे यथा जलम्
tava tasyāḥ prabhāveṇa pāpam atyantadurjayam alpair ahobhiḥ saṃkṣīṇaṃ navapātre yathā jalam
Sanskrit only: no published translation is held for this verse.
यद् अन्यः क्षपयेद् वर्षैस् तद् दिनैर् भवतः क्षयम् गतं पापम् अयं तस्याः प्रभावो ऽत्यन्तदुर्लभः
yad anyaḥ kṣapayed varṣais tad dinair bhavataḥ kṣayam gataṃ pāpam ayaṃ tasyāḥ prabhāvo 'tyantadurlabhaḥ
Sanskrit only: no published translation is held for this verse.
शमं पापस्य कुरुते जयं सुकृतकर्मणः सत्कर्मजयदा ह्य् एषा ततो वै द्वादशी स्मृता
śamaṃ pāpasya kurute jayaṃ sukṛtakarmaṇaḥ satkarmajayadā hy eṣā tato vai dvādaśī smṛtā
Sanskrit only: no published translation is held for this verse.
यच् चैतद् वेदनार्तेन भवता परिदेवितम् तत् तथा नात्र संदेहो ममता पापहेतुकी
yac caitad vedanārtena bhavatā paridevitam tat tathā nātra saṃdeho mamatā pāpahetukī
Sanskrit only: no published translation is held for this verse.
पापम् अत्र कृतं प्रेत्य भद्र तापाय जायते आह्लादाय तथा पुण्यम् इह पुण्यकृतां नृणाम्
pāpam atra kṛtaṃ pretya bhadra tāpāya jāyate āhlādāya tathā puṇyam iha puṇyakṛtāṃ nṛṇām
Sanskrit only: no published translation is held for this verse.
वीरभद्रं समाश्वास्य ययाव् इत्थं महामुनिः सो ऽप्य् अल्पेनैव कालेन ततो मोक्षम् अवाप्तवान्
vīrabhadraṃ samāśvāsya yayāv itthaṃ mahāmuniḥ so 'py alpenaiva kālena tato mokṣam avāptavān
Sanskrit only: no published translation is held for this verse.
एवं दाल्भ्य परे लोके यद् अत्रासुकृतं कृतम् तत् तापाय सुखायोक्तं यद् अत्रैव शुभं कृतम्
evaṃ dālbhya pare loke yad atrāsukṛtaṃ kṛtam tat tāpāya sukhāyoktaṃ yad atraiva śubhaṃ kṛtam
Sanskrit only: no published translation is held for this verse.
उपवासप्रभावश् च कथितस् ते महामुने येनाल्पैर् एव दिवसैर् भूरि पापं क्षयं गतम्
upavāsaprabhāvaś ca kathitas te mahāmune yenālpair eva divasair bhūri pāpaṃ kṣayaṃ gatam
Sanskrit only: no published translation is held for this verse.
तस्मान् नरेण पुण्याय पतितव्यं न पातके उपवासाश् च कर्तव्याः सदैवात्महितैषिणा
tasmān nareṇa puṇyāya patitavyaṃ na pātake upavāsāś ca kartavyāḥ sadaivātmahitaiṣiṇā
Sanskrit only: no published translation is held for this verse.