यथैतद् भवता प्रोक्तं धर्मार्थादेस् तु साधनम् पत्नी नॄणां मुनिश्रेष्ठ योषितस् च तथा नरः
yathaitad bhavatā proktaṃ dharmārthādes tu sādhanam patnī nṝṇāṃ muniśreṣṭha yoṣitas ca tathā naraḥ
Sanskrit only: no published translation is held for this verse.
Visnudharma 41
तच् छ्रोतुम् इच्छे विप्रर्षे विधवा स्त्री न जायते उपोषीतेन येनाग्र्या पत्न्या च रहितो नरः
tac chrotum icche viprarṣe vidhavā strī na jāyate upoṣītena yenāgryā patnyā ca rahito naraḥ
Sanskrit only: no published translation is held for this verse.
अशून्यशयना नाम द्वितीयां शृणु तां मम याम् उपोष्य न वैधव्यं प्रयाति स्त्री द्विजोत्तम
aśūnyaśayanā nāma dvitīyāṃ śṛṇu tāṃ mama yām upoṣya na vaidhavyaṃ prayāti strī dvijottama
Sanskrit only: no published translation is held for this verse.
पत्नीवियुक्तश् च नरो न कदाचित् प्रजायते शेते जगत्पतिः कृष्णः श्रिया सार्धं यदा द्विज
patnīviyuktaś ca naro na kadācit prajāyate śete jagatpatiḥ kṛṣṇaḥ śriyā sārdhaṃ yadā dvija
Sanskrit only: no published translation is held for this verse.
अशून्यशयना नाम तदा ग्राह्या हि सा तिथिः कृष्णपक्षद्वितीयायां श्रावणे द्विजसत्तम
aśūnyaśayanā nāma tadā grāhyā hi sā tithiḥ kṛṣṇapakṣadvitīyāyāṃ śrāvaṇe dvijasattama
Sanskrit only: no published translation is held for this verse.
इदम् उच्चारयेन् नाम प्रणम्य जगतः पतिम् श्रीवत्सधारिणं श्रीशं भक्त्याभ्यर्च्य श्रिया सह
idam uccārayen nāma praṇamya jagataḥ patim śrīvatsadhāriṇaṃ śrīśaṃ bhaktyābhyarcya śriyā saha
Sanskrit only: no published translation is held for this verse.
श्रीवत्सधारिञ् श्रीकान्त श्रीधाम श्रीपते ऽच्युत गार्हस्थ्यं मा प्रणाशं मे यातु धर्मार्थकामदम्
śrīvatsadhāriñ śrīkānta śrīdhāma śrīpate 'cyuta gārhasthyaṃ mā praṇāśaṃ me yātu dharmārthakāmadam
Sanskrit only: no published translation is held for this verse.
अग्नयो मा प्रणश्यन्तु मा प्रणश्यन्तु देवताः पितरो मा प्रणश्यन्तु मत्तो दाम्पत्यभेदतः
agnayo mā praṇaśyantu mā praṇaśyantu devatāḥ pitaro mā praṇaśyantu matto dāmpatyabhedataḥ
Sanskrit only: no published translation is held for this verse.
लक्ष्म्या प्रयुज्यते देव न कदाचिद् यथा भवान् तथा कलत्रसंबन्धो देव मा मे विभिद्यताम्
lakṣmyā prayujyate deva na kadācid yathā bhavān tathā kalatrasaṃbandho deva mā me vibhidyatām
Sanskrit only: no published translation is held for this verse.
लक्ष्म्या न शून्यं वरद यथा ते शयनं सदा शय्या ममाप्य् अशून्यास्तु तथैव मधुसूदन
lakṣmyā na śūnyaṃ varada yathā te śayanaṃ sadā śayyā mamāpy aśūnyāstu tathaiva madhusūdana
Sanskrit only: no published translation is held for this verse.
एवं प्रसाद्य पूजां च कृत्वा लक्ष्म्यास् तथा हरेः फलानि दद्याच् छय्यायाम् अभीष्टानि जगत्पतेः
evaṃ prasādya pūjāṃ ca kṛtvā lakṣmyās tathā hareḥ phalāni dadyāc chayyāyām abhīṣṭāni jagatpateḥ
Sanskrit only: no published translation is held for this verse.
नक्तं प्रणम्यायतने हविर् भुञ्जीत वाग्यतः ब्राह्मणाय द्वितीये ऽह्नि शक्त्या दद्याच् च दक्षिणाम्
naktaṃ praṇamyāyatane havir bhuñjīta vāgyataḥ brāhmaṇāya dvitīye 'hni śaktyā dadyāc ca dakṣiṇām
Sanskrit only: no published translation is held for this verse.
एवं करोति यः सम्यग् नरो मासचतुष्टयम् तस्य जन्मत्रयं दाल्भ्य गृहभङ्गो न जायते
evaṃ karoti yaḥ samyag naro māsacatuṣṭayam tasya janmatrayaṃ dālbhya gṛhabhaṅgo na jāyate
Sanskrit only: no published translation is held for this verse.
अशून्यशयनश् चासौ धर्मकर्मार्थसाधकः भवत्य् अव्याहतैश्वर्यः पुरुषो नात्र संशयः
aśūnyaśayanaś cāsau dharmakarmārthasādhakaḥ bhavaty avyāhataiśvaryaḥ puruṣo nātra saṃśayaḥ
Sanskrit only: no published translation is held for this verse.
नारी च दाल्भ्य धर्मज्ञा व्रतम् एतद् यथाविधि या करोति न सा शोच्या बन्धुवर्गस्य जायते
nārī ca dālbhya dharmajñā vratam etad yathāvidhi yā karoti na sā śocyā bandhuvargasya jāyate
Sanskrit only: no published translation is held for this verse.
वैधव्यं दुर्भगत्वं वा भर्तृत्यागं च सत्तम नाप्नोति जन्मत्रितयम् एतच् चीर्त्वा पतिव्रता
vaidhavyaṃ durbhagatvaṃ vā bhartṛtyāgaṃ ca sattama nāpnoti janmatritayam etac cīrtvā pativratā
Sanskrit only: no published translation is held for this verse.