Visnudharma 42

उपवासाश्रितं सम्यग् लोकद्वयफलप्रदम् कथितं भवता सर्वं यत् पृष्टो ऽसि मया द्विज

upavāsāśritaṃ samyag lokadvayaphalapradam kathitaṃ bhavatā sarvaṃ yat pṛṣṭo 'si mayā dvija

Sanskrit only: no published translation is held for this verse.

अन्यद् इच्छाम्य् अहं श्रोतुं तद् भवान् प्रब्रवीतु मे संसारहेतुं मुक्तिं च संसारान् मुनिसत्तम

anyad icchāmy ahaṃ śrotuṃ tad bhavān prabravītu me saṃsārahetuṃ muktiṃ ca saṃsārān munisattama

Sanskrit only: no published translation is held for this verse.

अविद्याप्रभवं कर्म हेतुभूतं द्विजोत्तम संसारस्यास्य तन्मुक्तिः संक्षेपाच् छ्रूयतां मम

avidyāprabhavaṃ karma hetubhūtaṃ dvijottama saṃsārasyāsya tanmuktiḥ saṃkṣepāc chrūyatāṃ mama

Sanskrit only: no published translation is held for this verse.

स्वजातिविहितं कर्म लोभद्वेषविवर्जितम् कुर्वतः क्षीयते पूर्वं मन्युबन्धश् च नेष्यते

svajātivihitaṃ karma lobhadveṣavivarjitam kurvataḥ kṣīyate pūrvaṃ manyubandhaś ca neṣyate

Sanskrit only: no published translation is held for this verse.

अपूर्वसंभवाभवात् क्षयं यात्य् आदिकर्मणि दाल्भ्य संसारविच्छेदः कारणाभावसंभवः

apūrvasaṃbhavābhavāt kṣayaṃ yāty ādikarmaṇi dālbhya saṃsāravicchedaḥ kāraṇābhāvasaṃbhavaḥ

Sanskrit only: no published translation is held for this verse.

भवत्य् असंशयं चान्यच् श्रूयताम् अत्र कारणम् संसारान् मुच्यते दाल्भ्य समासाद् वदतो मम

bhavaty asaṃśayaṃ cānyac śrūyatām atra kāraṇam saṃsārān mucyate dālbhya samāsād vadato mama

Sanskrit only: no published translation is held for this verse.

तत्प्रायश्चित्तभूतं वै शृणु कर्मक्षयावहम्

tatprāyaścittabhūtaṃ vai śṛṇu karmakṣayāvaham

Sanskrit only: no published translation is held for this verse.

ब्राह्मणक्षत्रियविशां शूद्रान्त्यानां च सत्तम स्वजातिविहितं कर्म रागद्वेषादिवर्जितम्

brāhmaṇakṣatriyaviśāṃ śūdrāntyānāṃ ca sattama svajātivihitaṃ karma rāgadveṣādivarjitam

Sanskrit only: no published translation is held for this verse.

जातिप्रदस्य क्षयदं तद् एवाद्यस्य कर्मणः ज्ञानकारणभावं च तद् एव प्रतिपद्यते

jātipradasya kṣayadaṃ tad evādyasya karmaṇaḥ jñānakāraṇabhāvaṃ ca tad eva pratipadyate

Sanskrit only: no published translation is held for this verse.

पुमांश् चाधिगतज्ञानो भेदं नाप्नोति सत्तम ब्रह्मणा विष्णुसंज्ञेन परमेणाव्ययात्मना

pumāṃś cādhigatajñāno bhedaṃ nāpnoti sattama brahmaṇā viṣṇusaṃjñena parameṇāvyayātmanā

Sanskrit only: no published translation is held for this verse.

एतत् ते कथितं दाल्भ्य संसारस्य समासतः कारणं भवमुक्तिश् च जायते योगिनो यथा

etat te kathitaṃ dālbhya saṃsārasya samāsataḥ kāraṇaṃ bhavamuktiś ca jāyate yogino yathā

Sanskrit only: no published translation is held for this verse.