Visnudharma 44

पञ्चमेनाश्वमेधेन यदा स्नातो युधिष्ठिरः तदा नारायणं देवं प्रश्नम् एतम् अपृच्छत

pañcamenāśvamedhena yadā snāto yudhiṣṭhiraḥ tadā nārāyaṇaṃ devaṃ praśnam etam apṛcchata

Sanskrit only: no published translation is held for this verse.

भगवन् वैष्णवा धर्माः किंफलाः किंपरायणाः किं कृत्यम् अधिकृत्यैते भवतोत्पादिताः पुरा

bhagavan vaiṣṇavā dharmāḥ kiṃphalāḥ kiṃparāyaṇāḥ kiṃ kṛtyam adhikṛtyaite bhavatotpāditāḥ purā

Sanskrit only: no published translation is held for this verse.

यदि ते पाण्डुषु स्नेहो विद्यते मधुसूदन श्रोतव्याश् चेन् मया धर्मास् ततस् तान् कथयाखिलान्

yadi te pāṇḍuṣu sneho vidyate madhusūdana śrotavyāś cen mayā dharmās tatas tān kathayākhilān

Sanskrit only: no published translation is held for this verse.

पवित्राश् चैव ये धर्माः सर्वपापप्रणाशनाः तव वक्त्रच्युता देव सर्वधर्मेष्व् अनुत्तमाः

pavitrāś caiva ye dharmāḥ sarvapāpapraṇāśanāḥ tava vaktracyutā deva sarvadharmeṣv anuttamāḥ

Sanskrit only: no published translation is held for this verse.

याञ् श्रुत्वा ब्रह्महा गोघ्नः पितृघ्नो गुरुतल्पगः सुरापो वा कृतघ्नश् च मुच्यते सर्वकिल्बिषैः

yāñ śrutvā brahmahā goghnaḥ pitṛghno gurutalpagaḥ surāpo vā kṛtaghnaś ca mucyate sarvakilbiṣaiḥ

Sanskrit only: no published translation is held for this verse.

एतन् मे कथितं सर्वं सभामध्ये ऽरिसूदन वसिष्ठाद्यैर् महाभागैर् मुनिभिर् भावितात्मभिः

etan me kathitaṃ sarvaṃ sabhāmadhye 'risūdana vasiṣṭhādyair mahābhāgair munibhir bhāvitātmabhiḥ

Sanskrit only: no published translation is held for this verse.

ततो ऽहं तव देवेश पादमूलम् उपागतः धर्मान् कथय तान् देव यद्य् अहं भवतः प्रियः

tato 'haṃ tava deveśa pādamūlam upāgataḥ dharmān kathaya tān deva yady ahaṃ bhavataḥ priyaḥ

Sanskrit only: no published translation is held for this verse.

श्रुता मे मानवा धर्मा वासिष्ठाश् च महामते पराशरकृताश् चैव तथात्रेयस्य धीमतः

śrutā me mānavā dharmā vāsiṣṭhāś ca mahāmate parāśarakṛtāś caiva tathātreyasya dhīmataḥ

Sanskrit only: no published translation is held for this verse.

श्रुता गार्ग्यस्य शङ्खस्य लिखितस्य यमस्य च जापालेश् च महाबाहो मुनेर् द्वैपायनस्य च

śrutā gārgyasya śaṅkhasya likhitasya yamasya ca jāpāleś ca mahābāho muner dvaipāyanasya ca

Sanskrit only: no published translation is held for this verse.

उमामहेश्वराश् चैव जातिधर्माश् च पावनाः गुणेश् च गुणबाहोश् च काश्यपेयास् तथैव च

umāmaheśvarāś caiva jātidharmāś ca pāvanāḥ guṇeś ca guṇabāhoś ca kāśyapeyās tathaiva ca

Sanskrit only: no published translation is held for this verse.

बह्वायनकृताश् चैव शाकुनेयास् तथैव च अगस्त्यगीता मौद्गल्याः शाण्डिल्याः सौरभास् तथा

bahvāyanakṛtāś caiva śākuneyās tathaiva ca agastyagītā maudgalyāḥ śāṇḍilyāḥ saurabhās tathā

Sanskrit only: no published translation is held for this verse.

भृगोर् अङ्गिरसश् चैव कश्यपोद्दालकास् तथा सौमन्तूग्रायणाग्राश् च पैलस्य च महात्मनः

bhṛgor aṅgirasaś caiva kaśyapoddālakās tathā saumantūgrāyaṇāgrāś ca pailasya ca mahātmanaḥ

Sanskrit only: no published translation is held for this verse.

वैशम्पायनगीताश् च पिशङ्गमकृताश् च ये ऐन्द्राश् च वारुणाश् चैव कौबेरा वात्स्यपौणकाः

vaiśampāyanagītāś ca piśaṅgamakṛtāś ca ye aindrāś ca vāruṇāś caiva kauberā vātsyapauṇakāḥ

Sanskrit only: no published translation is held for this verse.

आपस्तम्बाः श्रुता धर्मास् तथा गोपालकस्य च भृग्वङ्गिरःकृताश् चैव सौर्या हारीतकास् तथा याज्ञवल्क्यकृताश् चैव तथा सप्तर्षयश् च ये

āpastambāḥ śrutā dharmās tathā gopālakasya ca bhṛgvaṅgiraḥkṛtāś caiva sauryā hārītakās tathā yājñavalkyakṛtāś caiva tathā saptarṣayaś ca ye

Sanskrit only: no published translation is held for this verse.

एताश् चान्याश् च विविधाः श्रुता मे धर्मसंहिताः भगवञ् श्रोतुम् इच्छामि तव वक्त्राद् विनिःसृतान्

etāś cānyāś ca vividhāḥ śrutā me dharmasaṃhitāḥ bhagavañ śrotum icchāmi tava vaktrād viniḥsṛtān

Sanskrit only: no published translation is held for this verse.

एवम् उक्तः स पार्थेन प्रत्युवाच जनार्दनः बहुमानाच् च प्रीत्या च धर्मपुत्रं युधिष्ठिरम्

evam uktaḥ sa pārthena pratyuvāca janārdanaḥ bahumānāc ca prītyā ca dharmaputraṃ yudhiṣṭhiram

Sanskrit only: no published translation is held for this verse.

इष्टस् त्वं हि महाबाहो सदा मम युधिष्ठिर परमार्थं तव ब्रूयां किं पुनर् धर्मसंहिताम्

iṣṭas tvaṃ hi mahābāho sadā mama yudhiṣṭhira paramārthaṃ tava brūyāṃ kiṃ punar dharmasaṃhitām

Sanskrit only: no published translation is held for this verse.

परमज्ञानिभिः सिद्धैर् युञ्जद्भिर् अपि नित्यशः प्रशान्तस्येव दीपस्य गतिर् मम दुरत्यया

paramajñānibhiḥ siddhair yuñjadbhir api nityaśaḥ praśāntasyeva dīpasya gatir mama duratyayā

Sanskrit only: no published translation is held for this verse.

सर्ववेदमयं ब्रह्म पवित्रम् ऋषिभिः स्तुतम् कथयिष्यामि ते राजन् धर्मं धर्मभृताम् वर

sarvavedamayaṃ brahma pavitram ṛṣibhiḥ stutam kathayiṣyāmi te rājan dharmaṃ dharmabhṛtām vara

Sanskrit only: no published translation is held for this verse.

एवम् उक्ते तु कृष्णेन ऋषयो ऽमिततेजसः समाजग्मुः सभामध्ये श्रोतुकामा हरेर् गिरम्

evam ukte tu kṛṣṇena ṛṣayo 'mitatejasaḥ samājagmuḥ sabhāmadhye śrotukāmā harer giram

Sanskrit only: no published translation is held for this verse.

वैष्णवान् अखिलान् धर्मान् यः पठेत् पापनाशनान् भवेयुर् अक्षयास् तस्य लोकाः सत्पुण्यभागिनः

vaiṣṇavān akhilān dharmān yaḥ paṭhet pāpanāśanān bhaveyur akṣayās tasya lokāḥ satpuṇyabhāginaḥ

Sanskrit only: no published translation is held for this verse.

कृष्णदृष्टिहतं चास्य किल्बिषं संप्रणश्यति वैष्णवस्य च यज्ञस्य फलं प्राप्नोति मानवः

kṛṣṇadṛṣṭihataṃ cāsya kilbiṣaṃ saṃpraṇaśyati vaiṣṇavasya ca yajñasya phalaṃ prāpnoti mānavaḥ

Sanskrit only: no published translation is held for this verse.