धनं प्राप्नोति पुण्येन मौनेनाज्ञां प्रयच्छति उपभोगं तु दानेन जीवितं ब्रह्मचर्यया
dhanaṃ prāpnoti puṇyena maunenājñāṃ prayacchati upabhogaṃ tu dānena jīvitaṃ brahmacaryayā
Sanskrit only: no published translation is held for this verse.
Visnudharma 47
अहिंसया परं रूपम् दीक्षया कुलजन्म च फलमूलाशनाद् राज्यं स्वर्गः पर्णाशनो भवेत्
ahiṃsayā paraṃ rūpam dīkṣayā kulajanma ca phalamūlāśanād rājyaṃ svargaḥ parṇāśano bhavet
Sanskrit only: no published translation is held for this verse.
पयोभक्ष दिवं यान्ति स्नानेन द्रविणाधिकाः शाकं साधयतो राज्यं नाकपृष्ठम् अनाशनात्
payobhakṣa divaṃ yānti snānena draviṇādhikāḥ śākaṃ sādhayato rājyaṃ nākapṛṣṭham anāśanāt
Sanskrit only: no published translation is held for this verse.
स्थण्डिले च शयानस्य गृहाणि शयनानि च चीरवल्कलधारिणां वस्त्राण्य् आभरणानि च
sthaṇḍile ca śayānasya gṛhāṇi śayanāni ca cīravalkaladhāriṇāṃ vastrāṇy ābharaṇāni ca
Sanskrit only: no published translation is held for this verse.
शयनासनयानानि ये गता हि तपोवनम् अग्निप्रवेशी नियतं ब्रह्मलोके महीयते
śayanāsanayānāni ye gatā hi tapovanam agnipraveśī niyataṃ brahmaloke mahīyate
Sanskrit only: no published translation is held for this verse.
रसानां प्रतिसंहारात् सौभाग्यम् अभिजायते आमिषप्रतिषेधात् तु भवत्य् आयुष्मती प्रजा
rasānāṃ pratisaṃhārāt saubhāgyam abhijāyate āmiṣapratiṣedhāt tu bhavaty āyuṣmatī prajā
Sanskrit only: no published translation is held for this verse.
उदवासं वसेद् यस् तु नागानाम् अधिपो भवेत् सत्यवादी नरश्रेष्ठ देवतैह् सह मोदते
udavāsaṃ vased yas tu nāgānām adhipo bhavet satyavādī naraśreṣṭha devataih saha modate
Sanskrit only: no published translation is held for this verse.
कीर्तिर् भवति दानेन आरोग्यं चाप्य् अहिंसया द्विजशुश्रूषया राज्यं दिव्यरूपम् अवाप्नुते
kīrtir bhavati dānena ārogyaṃ cāpy ahiṃsayā dvijaśuśrūṣayā rājyaṃ divyarūpam avāpnute
Sanskrit only: no published translation is held for this verse.
अन्नपानप्रदानेन कामभोगैस् तु तृप्यते दीपालोकप्रदानेन चक्षुष्माञ् जायते नरः
annapānapradānena kāmabhogais tu tṛpyate dīpālokapradānena cakṣuṣmāñ jāyate naraḥ
Sanskrit only: no published translation is held for this verse.
गन्धमाल्यप्रदानेन तुष्टिर् भवति पुष्कला केशश्मश्रून् धारयतो ह्य् अग्रा भवति संततिः
gandhamālyapradānena tuṣṭir bhavati puṣkalā keśaśmaśrūn dhārayato hy agrā bhavati saṃtatiḥ
Sanskrit only: no published translation is held for this verse.
वाक्शौचं मनसः शौचं यच् च शौचं जलाश्रयम् त्रिभिः शौचैर् उपेतो यः स स्वर्गी नात्र संशयः
vākśaucaṃ manasaḥ śaucaṃ yac ca śaucaṃ jalāśrayam tribhiḥ śaucair upeto yaḥ sa svargī nātra saṃśayaḥ
Sanskrit only: no published translation is held for this verse.
ताम्रायसानां भण्डानां दाता रत्नाधिपो भवेत् लभते तु परं स्थानं बलवान् पुष्यते सदा
tāmrāyasānāṃ bhaṇḍānāṃ dātā ratnādhipo bhavet labhate tu paraṃ sthānaṃ balavān puṣyate sadā
Sanskrit only: no published translation is held for this verse.