धान्यं क्रमेणार्जितवित्तसंचयं विप्रे सुशीले ते प्रयच्छते यः वसुंधरा तस्य भवेत् सुतुष्टा धारा वसूनां प्रतिमुञ्चतीह
dhānyaṃ krameṇārjitavittasaṃcayaṃ vipre suśīle te prayacchate yaḥ vasuṃdharā tasya bhavet sutuṣṭā dhārā vasūnāṃ pratimuñcatīha
Sanskrit only: no published translation is held for this verse.
पुष्पोपभोगं च फलोपभोगं यः पादपं स्पर्शयते द्विजाय स श्रीसमृद्धं बहुरत्नपूर्णं लभत्य् अधिष्ठानवरं समृद्धम्
puṣpopabhogaṃ ca phalopabhogaṃ yaḥ pādapaṃ sparśayate dvijāya sa śrīsamṛddhaṃ bahuratnapūrṇaṃ labhaty adhiṣṭhānavaraṃ samṛddham
Sanskrit only: no published translation is held for this verse.
इन्धनानि च यो दद्याद् द्विजेभ्यः शिशिरागमे कायाग्निदीप्तिं सौभाग्यम् ऐश्वर्यं चाधिगच्छति
indhanāni ca yo dadyād dvijebhyaḥ śiśirāgame kāyāgnidīptiṃ saubhāgyam aiśvaryaṃ cādhigacchati
Sanskrit only: no published translation is held for this verse.
छत्त्रप्रदानेन गृहं वरिष्ठं रथं तथोपानहसंप्रदानात् धुर्यप्रदानेन गवाम् तथैव लोकान् अवाप्नोति पुरंदरस्य स्वर्गीयम् अप्य् आह हिरण्यदानम् तथा वरिष्ठं कनकप्रदानम्
chattrapradānena gṛhaṃ variṣṭhaṃ rathaṃ tathopānahasaṃpradānāt dhuryapradānena gavām tathaiva lokān avāpnoti puraṃdarasya svargīyam apy āha hiraṇyadānam tathā variṣṭhaṃ kanakapradānam
Sanskrit only: no published translation is held for this verse.
नैवेशिकं सर्वगुणोपपन्नं प्रयच्छते यः पुरुषो द्विजाय स्वाध्यायचारित्रगुणान्विताय तस्यापि लोकाः प्रवरा भवन्ति
naiveśikaṃ sarvaguṇopapannaṃ prayacchate yaḥ puruṣo dvijāya svādhyāyacāritraguṇānvitāya tasyāpi lokāḥ pravarā bhavanti
Sanskrit only: no published translation is held for this verse.
यो ब्रह्मदेयां प्रददाति कन्यां भूमिप्रदानं च करोति विप्रे हिरण्यदानं च तथा विशिष्टं स शक्रो लोकं लभते दुरापम्
yo brahmadeyāṃ pradadāti kanyāṃ bhūmipradānaṃ ca karoti vipre hiraṇyadānaṃ ca tathā viśiṣṭaṃ sa śakro lokaṃ labhate durāpam
Sanskrit only: no published translation is held for this verse.
सुचित्रवस्त्राभरणोपधानं दद्यान् नरो यः शयनं द्विजाय रूपान्वितां दक्षवतीं मनोज्ञां भार्याम् अयत्नोपचितां लभेत् सः
sucitravastrābharaṇopadhānaṃ dadyān naro yaḥ śayanaṃ dvijāya rūpānvitāṃ dakṣavatīṃ manojñāṃ bhāryām ayatnopacitāṃ labhet saḥ
Sanskrit only: no published translation is held for this verse.
लवणस्य तु दातारस् तिलानां सर्पिषस् तथा तेजस्विनो ऽभिजायन्ते भोगिनष् चिरजीविनः
lavaṇasya tu dātāras tilānāṃ sarpiṣas tathā tejasvino 'bhijāyante bhoginaṣ cirajīvinaḥ
Sanskrit only: no published translation is held for this verse.