पञ्चदश्यां च शुक्लस्य फाल्गुनस्यैव सत्तम पाषण्डपतितांश् चैव तथैवान्त्यावसायिनः
pañcadaśyāṃ ca śuklasya phālgunasyaiva sattama pāṣaṇḍapatitāṃś caiva tathaivāntyāvasāyinaḥ
Sanskrit only: no published translation is held for this verse.
Visnudharma 5
नास्तिकान् भिन्नवृत्तींश् च पापिनश् चाप्य् अनालपन् नारायणे गतमनाः पुरुषो नियतेन्द्रियः
nāstikān bhinnavṛttīṃś ca pāpinaś cāpy anālapan nārāyaṇe gatamanāḥ puruṣo niyatendriyaḥ
Sanskrit only: no published translation is held for this verse.
तिष्ठन् व्रजन् प्रस्खलिते क्षुते वापि जनार्दनम् कीर्तयेत् तत्क्रियाकाले सप्तकृत्वः प्रकीर्तयेत्
tiṣṭhan vrajan praskhalite kṣute vāpi janārdanam kīrtayet tatkriyākāle saptakṛtvaḥ prakīrtayet
Sanskrit only: no published translation is held for this verse.
लक्ष्म्या समन्वितं देवम् अर्चयेच् च जनार्दनम् संध्याव्युपरमे चेन्दु- स्वरूपं हरिम् ईश्वरम्
lakṣmyā samanvitaṃ devam arcayec ca janārdanam saṃdhyāvyuparame cendu- svarūpaṃ harim īśvaram
Sanskrit only: no published translation is held for this verse.
रात्रिं च लक्ष्मीं संचिन्त्य सम्यग् अर्घ्येन पूजयेत् नक्तं च भुञ्जीत नरस् तैलक्षारविवर्जितम्
rātriṃ ca lakṣmīṃ saṃcintya samyag arghyena pūjayet naktaṃ ca bhuñjīta naras tailakṣāravivarjitam
Sanskrit only: no published translation is held for this verse.
तथैव चैत्रवैशाख- ज्येष्ठेषु मुनिसत्तम अर्चयीत यथाप्रोक्तं प्राप्ते प्राप्ते तु तद्दिने
tathaiva caitravaiśākha- jyeṣṭheṣu munisattama arcayīta yathāproktaṃ prāpte prāpte tu taddine
Sanskrit only: no published translation is held for this verse.
निष्पादितं भवेद् एकम् पारणं दाल्भ्य भक्तितः द्वितीयं चापि वक्ष्यामि पारणं द्विजसत्तम
niṣpāditaṃ bhaved ekam pāraṇaṃ dālbhya bhaktitaḥ dvitīyaṃ cāpi vakṣyāmi pāraṇaṃ dvijasattama
Sanskrit only: no published translation is held for this verse.
आषाढे श्रावणे मासि प्राप्ते भाद्रपदे तथा तथैवाश्वयुजे ऽभ्यर्च्य श्रीधरं च श्रिया सह
āṣāḍhe śrāvaṇe māsi prāpte bhādrapade tathā tathaivāśvayuje 'bhyarcya śrīdharaṃ ca śriyā saha
Sanskrit only: no published translation is held for this verse.
सम्यक् चन्द्रमसे दत्त्वा भुञ्जीतार्घ्यं यथाविधि द्वितीयम् एतद् आख्यातं तृतीयं पारणं शृणु
samyak candramase dattvā bhuñjītārghyaṃ yathāvidhi dvitīyam etad ākhyātaṃ tṛtīyaṃ pāraṇaṃ śṛṇu
Sanskrit only: no published translation is held for this verse.
कार्त्तिकादिषु मासेषु तथैवाभ्यर्च्य केशवम् भूत्या समन्वितं दद्याच् शशाङ्कायार्हनं निशि
kārttikādiṣu māseṣu tathaivābhyarcya keśavam bhūtyā samanvitaṃ dadyāc śaśāṅkāyārhanaṃ niśi
Sanskrit only: no published translation is held for this verse.
भुञ्जीत च तथा प्रोक्तं तृतीयम् इति पारणम् प्रतिपूजासु दद्याच् च ब्राह्मणेभ्यश् च दक्षिणाम्
bhuñjīta ca tathā proktaṃ tṛtīyam iti pāraṇam pratipūjāsu dadyāc ca brāhmaṇebhyaś ca dakṣiṇām
Sanskrit only: no published translation is held for this verse.
प्रतिमासं च वक्ष्यामि प्राशनं कायशोधनम् चतुरः प्रथमान् मासान् पञ्चगव्यम् उदाहृतम्
pratimāsaṃ ca vakṣyāmi prāśanaṃ kāyaśodhanam caturaḥ prathamān māsān pañcagavyam udāhṛtam
Sanskrit only: no published translation is held for this verse.
कुशोदकं तथैवान्यद् उक्तं मासचतुष्टयम् सूर्यांशुतप्तं तद्वच् च जलं मासचतुष्टयम्
kuśodakaṃ tathaivānyad uktaṃ māsacatuṣṭayam sūryāṃśutaptaṃ tadvac ca jalaṃ māsacatuṣṭayam
Sanskrit only: no published translation is held for this verse.
गीतवाद्यादिकं पाठ्यं तथा कृष्णस्य वा कथान् कारियीत च देवस्य पारणे पारणे गते
gītavādyādikaṃ pāṭhyaṃ tathā kṛṣṇasya vā kathān kāriyīta ca devasya pāraṇe pāraṇe gate
Sanskrit only: no published translation is held for this verse.
एवं संपूज्य विधिवत् सपत्नीकं जनार्दनम् नाप्नोतीष्तवियोगादीन् पुमान् योषिद् अथापि वा
evaṃ saṃpūjya vidhivat sapatnīkaṃ janārdanam nāpnotīṣtaviyogādīn pumān yoṣid athāpi vā
Sanskrit only: no published translation is held for this verse.
जनार्दनं सलक्ष्मीकम् अर्चयेत् प्रथमं ततः सश्रीकं श्रीधरं भक्त्या तृतीये भूतिकेशवौ
janārdanaṃ salakṣmīkam arcayet prathamaṃ tataḥ saśrīkaṃ śrīdharaṃ bhaktyā tṛtīye bhūtikeśavau
Sanskrit only: no published translation is held for this verse.
यावन्त्य् एतद्विधानेन पारणेनार्चति प्रभुम् तावन्ति जन्मान्य् असुखं नाप्नोतीष्टवियोगजम्
yāvanty etadvidhānena pāraṇenārcati prabhum tāvanti janmāny asukhaṃ nāpnotīṣṭaviyogajam
Sanskrit only: no published translation is held for this verse.
कुले सतां स्फीतधने भोगभुज् जायते नरः
kule satāṃ sphītadhane bhogabhuj jāyate naraḥ
Sanskrit only: no published translation is held for this verse.
श्रोतुम् इच्छाम्य् अहं तात यममार्गं सुदुर्गमम् यथा सुखेन संयान्ति मानवास् तद् वदस्व मे
śrotum icchāmy ahaṃ tāta yamamārgaṃ sudurgamam yathā sukhena saṃyānti mānavās tad vadasva me
Sanskrit only: no published translation is held for this verse.
प्रतिमासं तु नामानि कृष्णस्यैतानि द्वादश कृतोपवासः सुस्नातः पूजयित्वा जनार्दनम् उच्चारयन् नरो ऽभ्येति सुसुखेनैव तत्पथम्
pratimāsaṃ tu nāmāni kṛṣṇasyaitāni dvādaśa kṛtopavāsaḥ susnātaḥ pūjayitvā janārdanam uccārayan naro 'bhyeti susukhenaiva tatpatham
Sanskrit only: no published translation is held for this verse.
ततो विप्राय वै दद्याद् उदकुम्भं सदक्षिणं उपानद्वस्त्रयुग्मं च छत्त्रं कनकम् एव च
tato viprāya vai dadyād udakumbhaṃ sadakṣiṇaṃ upānadvastrayugmaṃ ca chattraṃ kanakam eva ca
Sanskrit only: no published translation is held for this verse.
यद् वै मासगतं नाम तत्प्रीतिश् चापि संवदेत् संवत्सरान्ते ऽप्य् अथवा प्रतिमासं द्विजान् बुधः वाचयेद् उदकुम्भाद्यैर् दानैः सर्वान् अनुक्रमात्
yad vai māsagataṃ nāma tatprītiś cāpi saṃvadet saṃvatsarānte 'py athavā pratimāsaṃ dvijān budhaḥ vācayed udakumbhādyair dānaiḥ sarvān anukramāt
Sanskrit only: no published translation is held for this verse.
केशवं मार्गशीर्षे तु पौषे नारायणं तथा माधवं माघमासे तु गोविन्दं फाल्गुने तथा
keśavaṃ mārgaśīrṣe tu pauṣe nārāyaṇaṃ tathā mādhavaṃ māghamāse tu govindaṃ phālgune tathā
Sanskrit only: no published translation is held for this verse.
विष्णुं चैत्रे ऽथ वैशाखे तथैव मधुसूदनम् ज्येष्ठे त्रिविक्रमं देवम् आषाढे वामनं तथा
viṣṇuṃ caitre 'tha vaiśākhe tathaiva madhusūdanam jyeṣṭhe trivikramaṃ devam āṣāḍhe vāmanaṃ tathā
Sanskrit only: no published translation is held for this verse.
श्रावणे श्रीधरं चैव हृषीकेशेति चापरम् नाम भाद्रपदे मासि गीयते पुण्यकाङ्क्षिभिः
śrāvaṇe śrīdharaṃ caiva hṛṣīkeśeti cāparam nāma bhādrapade māsi gīyate puṇyakāṅkṣibhiḥ
Sanskrit only: no published translation is held for this verse.
पद्मनाभं चाश्वयुजे दामोदरम् अतः परम् कार्त्तिके देवदेवेशं स्तुवंस् तरति दुर्गतिम्
padmanābhaṃ cāśvayuje dāmodaram ataḥ param kārttike devadeveśaṃ stuvaṃs tarati durgatim
Sanskrit only: no published translation is held for this verse.
इह वै स्वस्थतां प्राप्य मरणे स्मरणं ततः याम्यक्लेशम् असंप्राप्य स्वर्गलोके महीयते
iha vai svasthatāṃ prāpya maraṇe smaraṇaṃ tataḥ yāmyakleśam asaṃprāpya svargaloke mahīyate
Sanskrit only: no published translation is held for this verse.
ततो मानुष्यम् आसाद्य निरातङ्को गतज्वरः धनधान्यवति स्फीते जन्म साधुकुले ऽर्हति
tato mānuṣyam āsādya nirātaṅko gatajvaraḥ dhanadhānyavati sphīte janma sādhukule 'rhati
Sanskrit only: no published translation is held for this verse.