सायं प्रातश् च यः संध्याम् उपास्ते ऽस्कन्नमानसः जपन् हि पावनीं देवीं गायत्रीं वेदमातरम्
sāyaṃ prātaś ca yaḥ saṃdhyām upāste 'skannamānasaḥ japan hi pāvanīṃ devīṃ gāyatrīṃ vedamātaram
Sanskrit only: no published translation is held for this verse.
Visnudharma 51
स तया पावितो देव्या ब्राह्मणः पूतकिल्बिषः न सीदेत् प्रतिगृह्णानः पृथिवीं तु ससागराम्
sa tayā pāvito devyā brāhmaṇaḥ pūtakilbiṣaḥ na sīdet pratigṛhṇānaḥ pṛthivīṃ tu sasāgarām
Sanskrit only: no published translation is held for this verse.
ये चान्ये दारुणाः केचिद् ग्रहाः सूर्यादयो दिवि ते चास्य सौम्या जायन्ते शिवाः शिवतमाह् सदा
ye cānye dāruṇāḥ kecid grahāḥ sūryādayo divi te cāsya saumyā jāyante śivāḥ śivatamāh sadā
Sanskrit only: no published translation is held for this verse.
यत्रतत्रगतं चैनं दारुणाः पिशिताशनाः घोररूपा महाकाया न कर्षन्ति द्विजोत्तमम्
yatratatragataṃ cainaṃ dāruṇāḥ piśitāśanāḥ ghorarūpā mahākāyā na karṣanti dvijottamam
Sanskrit only: no published translation is held for this verse.
यावन्तश् च पृथिव्यां हि चीर्णवेदव्रता द्विजाः अचीर्णव्रतवेदा वा विकर्मपथम् आश्रिताः
yāvantaś ca pṛthivyāṃ hi cīrṇavedavratā dvijāḥ acīrṇavratavedā vā vikarmapatham āśritāḥ
Sanskrit only: no published translation is held for this verse.
तेषां तु पावनार्थं हि नित्यम् एव युधिष्ठिर द्वे संध्ये ह्य् उपतिष्ठेत तद् अस्कन्नं महाव्रतम्
teṣāṃ tu pāvanārthaṃ hi nityam eva yudhiṣṭhira dve saṃdhye hy upatiṣṭheta tad askannaṃ mahāvratam
Sanskrit only: no published translation is held for this verse.
नास्ति किंचिन् नरव्याघ्र दुष्कृतं ब्राह्मणस्य तु यत्र स्थितः सदाध्यात्मे द्वे संध्ये ह्य् उपतिष्ठति
nāsti kiṃcin naravyāghra duṣkṛtaṃ brāhmaṇasya tu yatra sthitaḥ sadādhyātme dve saṃdhye hy upatiṣṭhati
Sanskrit only: no published translation is held for this verse.
पूर्णाहुतिं वा प्राप्नोति जुहुते च त्रयो ऽघ्नयः दहन्ति दुष्कृतं तस्य अग्नयो नात्र संशयः
pūrṇāhutiṃ vā prāpnoti juhute ca trayo 'ghnayaḥ dahanti duṣkṛtaṃ tasya agnayo nātra saṃśayaḥ
Sanskrit only: no published translation is held for this verse.
एवं सर्वस्य विप्रस्य किल्बिषं निर्दहाम्य् अहम् उभे संध्ये ह्य् उपासिनस् तस्मात् सर्वशुचिर् द्विजः
evaṃ sarvasya viprasya kilbiṣaṃ nirdahāmy aham ubhe saṃdhye hy upāsinas tasmāt sarvaśucir dvijaḥ
Sanskrit only: no published translation is held for this verse.
दैवे पित्र्ये च यत्नेन नियोक्तव्यो ऽजुगुप्सितः जुगुप्सितस् तु तच् छ्राद्धं दहत्य् अग्निर् इवेन्धनम्
daive pitrye ca yatnena niyoktavyo 'jugupsitaḥ jugupsitas tu tac chrāddhaṃ dahaty agnir ivendhanam
Sanskrit only: no published translation is held for this verse.