दानं देवाः प्रशंसन्ति इति धर्मविदो विदुः नानादानविधिं तस्माच् शृणुष्व सुसमाहितः
dānaṃ devāḥ praśaṃsanti iti dharmavido viduḥ nānādānavidhiṃ tasmāc śṛṇuṣva susamāhitaḥ
Sanskrit only: no published translation is held for this verse.
Visnudharma 53
हिरण्यदानं गोदानं पृथिवीदानम् एव च एतानि वै पवित्राणि तारयन्ति परत्र च
hiraṇyadānaṃ godānaṃ pṛthivīdānam eva ca etāni vai pavitrāṇi tārayanti paratra ca
Sanskrit only: no published translation is held for this verse.
यद् यद् इष्टतमं लोके यच् चास्ति दयितं गृहे तत् तद् गुणवते देयं तद् एवाक्षयम् इच्छता
yad yad iṣṭatamaṃ loke yac cāsti dayitaṃ gṛhe tat tad guṇavate deyaṃ tad evākṣayam icchatā
Sanskrit only: no published translation is held for this verse.
सुवर्णदानं गोदानं पृथिवीदानम् एव च एतत् प्रयच्छमानो वै सर्वपापैः प्रमुच्यते
suvarṇadānaṃ godānaṃ pṛthivīdānam eva ca etat prayacchamāno vai sarvapāpaiḥ pramucyate
Sanskrit only: no published translation is held for this verse.
यद् ददासि विशिष्टेभ्यो यच् चाश्नासि दिने दिने तत् ते वित्तम् अहं मन्ये शेषं कस्यापि रक्षसि
yad dadāsi viśiṣṭebhyo yac cāśnāsi dine dine tat te vittam ahaṃ manye śeṣaṃ kasyāpi rakṣasi
Sanskrit only: no published translation is held for this verse.
तुल्यनामानि शस्तानि त्रीणि तुल्यफलानि च नित्यं देयानि राजेन्द्र गावः पृथ्वी सरस्वती
tulyanāmāni śastāni trīṇi tulyaphalāni ca nityaṃ deyāni rājendra gāvaḥ pṛthvī sarasvatī
Sanskrit only: no published translation is held for this verse.
तद्वज् जलम् अमित्रघ्न तत् तुल्यफलनामतः दत्त्वा तृप्तिम् अवाप्नोति यत्रतत्राभिजायते
tadvaj jalam amitraghna tat tulyaphalanāmataḥ dattvā tṛptim avāpnoti yatratatrābhijāyate
Sanskrit only: no published translation is held for this verse.
संकल्पविहितो यो ऽर्थो ब्राह्मणेभ्यः प्रदीयते अर्थिभ्यो ह्य् अर्थहेतुभ्यो मनस्वी तेन जायते
saṃkalpavihito yo 'rtho brāhmaṇebhyaḥ pradīyate arthibhyo hy arthahetubhyo manasvī tena jāyate
Sanskrit only: no published translation is held for this verse.
सीदते द्विजमुख्याय यो ऽर्थिने न प्रयच्छति अमर्थे सति दुर्बुद्धिर् नरकायोपपद्यते
sīdate dvijamukhyāya yo 'rthine na prayacchati amarthe sati durbuddhir narakāyopapadyate
Sanskrit only: no published translation is held for this verse.
धेनवो ऽनडुहश् चैव छत्त्रं वस्त्रम् उपानहौ देयानि याचमानेभ्यः पानम् अन्नं तथैव च एवं दानं समुद्दिष्टं व्युष्टिमत् तारकं परम्
dhenavo 'naḍuhaś caiva chattraṃ vastram upānahau deyāni yācamānebhyaḥ pānam annaṃ tathaiva ca evaṃ dānaṃ samuddiṣṭaṃ vyuṣṭimat tārakaṃ param
Sanskrit only: no published translation is held for this verse.
एष ते विहितो यज्ञः श्रद्धापूतः सदक्षिणः विशिष्टः स च यज्ञेषु ददताम् अनसूयया
eṣa te vihito yajñaḥ śraddhāpūtaḥ sadakṣiṇaḥ viśiṣṭaḥ sa ca yajñeṣu dadatām anasūyayā
Sanskrit only: no published translation is held for this verse.
दानविद्भिः कृतः पन्था येन यान्ति मनीषिणः यैर् दानैस् तर्पयिष्यन्ति श्रद्धापूतैर् द्विजोत्तमान्
dānavidbhiḥ kṛtaḥ panthā yena yānti manīṣiṇaḥ yair dānais tarpayiṣyanti śraddhāpūtair dvijottamān
Sanskrit only: no published translation is held for this verse.
यथा हि सुकृते क्षेत्रे फलं विन्दति क्षेत्रिकः एवं दत्त्वा ब्राह्मणेभ्यो दाता फलम् उपाश्नुते
yathā hi sukṛte kṣetre phalaṃ vindati kṣetrikaḥ evaṃ dattvā brāhmaṇebhyo dātā phalam upāśnute
Sanskrit only: no published translation is held for this verse.
ब्राह्मणाश् चैव विद्यन्ते सत्यवन्तो बहुश्रुताः न ददाति च दानानि मोघं तस्य धनार्जनम्
brāhmaṇāś caiva vidyante satyavanto bahuśrutāḥ na dadāti ca dānāni moghaṃ tasya dhanārjanam
Sanskrit only: no published translation is held for this verse.
उत्थायोत्थाय बोद्धव्यं किम् अद्य सुकृतं मया दत्तं वा दापितं वापि वोत्साह्यम् अपि वा कृतम्
utthāyotthāya boddhavyaṃ kim adya sukṛtaṃ mayā dattaṃ vā dāpitaṃ vāpi votsāhyam api vā kṛtam
Sanskrit only: no published translation is held for this verse.
उत्थायोत्थाय दातव्यं ब्राह्मणेभ्यो युधिष्ठिर आगमिष्यति यत् पात्रं तत् पात्रं तारयिष्यति
utthāyotthāya dātavyaṃ brāhmaṇebhyo yudhiṣṭhira āgamiṣyati yat pātraṃ tat pātraṃ tārayiṣyati
Sanskrit only: no published translation is held for this verse.
यच् च वेदमयं पात्रं यच् च पात्रं तपोमयम् असंकीर्णं च यत् पात्रं तत् पात्रं तारयिष्यति
yac ca vedamayaṃ pātraṃ yac ca pātraṃ tapomayam asaṃkīrṇaṃ ca yat pātraṃ tat pātraṃ tārayiṣyati
Sanskrit only: no published translation is held for this verse.