अध्यायं तपसो वक्ष्ये तन् मे निगदतः शृणु तपसो हि परं नास्ति तपसा विन्दते फलम्
adhyāyaṃ tapaso vakṣye tan me nigadataḥ śṛṇu tapaso hi paraṃ nāsti tapasā vindate phalam
Sanskrit only: no published translation is held for this verse.
Visnudharma 54
ऋषयस् तप आस्थाय मोदन्ते दैवतैः सह तपसा प्राप्यते स्वर्गं तपसा प्राप्यते यशः
ṛṣayas tapa āsthāya modante daivataiḥ saha tapasā prāpyate svargaṃ tapasā prāpyate yaśaḥ
Sanskrit only: no published translation is held for this verse.
आयुःप्रकर्षं भोगांश् च तपसा विन्दते नरः ज्ञानं विज्ञानम् आस्तिक्यं सौभाग्यं रूपम् उत्तमम्
āyuḥprakarṣaṃ bhogāṃś ca tapasā vindate naraḥ jñānaṃ vijñānam āstikyaṃ saubhāgyaṃ rūpam uttamam
Sanskrit only: no published translation is held for this verse.
तपसा लभ्यते सर्वं मनसा यद् यद् इच्छति नातप्ततपसो यान्ति ब्रह्मलोकं कदाचन
tapasā labhyate sarvaṃ manasā yad yad icchati nātaptatapaso yānti brahmalokaṃ kadācana
Sanskrit only: no published translation is held for this verse.
यत् कार्यं किंचिद् आस्थाय पुरुषस् तप्यते तपः सर्वं तत् समवाप्नोति परत्रेह च मानवः
yat kāryaṃ kiṃcid āsthāya puruṣas tapyate tapaḥ sarvaṃ tat samavāpnoti paratreha ca mānavaḥ
Sanskrit only: no published translation is held for this verse.
सुरापः पारदारी च भ्रूणहा गुरुतल्पगः तपसा तरते सर्वं सर्वतश् च विमुच्यते
surāpaḥ pāradārī ca bhrūṇahā gurutalpagaḥ tapasā tarate sarvaṃ sarvataś ca vimucyate
Sanskrit only: no published translation is held for this verse.
अपि सर्वेश्वरः स्थाणुर् विष्णुश् चैव सनातनः ब्रह्मा हुताशनः शक्रस् तपस्यन्ति सनातनाः
api sarveśvaraḥ sthāṇur viṣṇuś caiva sanātanaḥ brahmā hutāśanaḥ śakras tapasyanti sanātanāḥ
Sanskrit only: no published translation is held for this verse.
षडशीतिसहस्राणि मुनीनाम् ऊर्ध्वरेतसाम् तपसा दिवि मोदन्ते समेता दैवतैः सह
ṣaḍaśītisahasrāṇi munīnām ūrdhvaretasām tapasā divi modante sametā daivataiḥ saha
Sanskrit only: no published translation is held for this verse.
तपसा प्राप्यते राज्यं शक्रः सर्वसुरेश्वरः तपसा पालयन् सर्वम् अहन्य् अहनि वृत्रहा
tapasā prāpyate rājyaṃ śakraḥ sarvasureśvaraḥ tapasā pālayan sarvam ahany ahani vṛtrahā
Sanskrit only: no published translation is held for this verse.
सूर्याचन्द्रमसौ देवौ सर्वलोकहिते रतौ तपसैव प्रकाशेते नक्षत्राणि ग्रहास् तथा
sūryācandramasau devau sarvalokahite ratau tapasaiva prakāśete nakṣatrāṇi grahās tathā
Sanskrit only: no published translation is held for this verse.
न चास्ति तत् सुखं लोके यद् विना तपसा किल तपसैव सुखं सर्वम् इति धर्मविदो विदुः
na cāsti tat sukhaṃ loke yad vinā tapasā kila tapasaiva sukhaṃ sarvam iti dharmavido viduḥ
Sanskrit only: no published translation is held for this verse.
सर्वं च तपसाभ्येति सर्वं च सुखम् अश्नुते तपस् तप्यति यो ऽरण्ये मुनिर् मूलफलाशनः ऋचम् एकां अपि पठन् स याति परमां गतिम्
sarvaṃ ca tapasābhyeti sarvaṃ ca sukham aśnute tapas tapyati yo 'raṇye munir mūlaphalāśanaḥ ṛcam ekāṃ api paṭhan sa yāti paramāṃ gatim
Sanskrit only: no published translation is held for this verse.