सुवर्णं परमं दानं सुवर्णं दक्षिणा परा एतत् पवित्रं परमम् एतत् स्वस्त्ययनं महत्
suvarṇaṃ paramaṃ dānaṃ suvarṇaṃ dakṣiṇā parā etat pavitraṃ paramam etat svastyayanaṃ mahat
Sanskrit only: no published translation is held for this verse.
Visnudharma 58
दश पूर्वापरान् वंशान् आत्मानं च विशाम्यते अपि पापशतं कृत्वा दत्त्वा विप्रेषु तारयेत्
daśa pūrvāparān vaṃśān ātmānaṃ ca viśāmyate api pāpaśataṃ kṛtvā dattvā vipreṣu tārayet
Sanskrit only: no published translation is held for this verse.
सुवर्णं ये प्रयच्छन्ति नराः शुद्धेन चेतसा देवतास् ते प्रयच्छन्ति समस्ता इति नः श्रुतम्
suvarṇaṃ ye prayacchanti narāḥ śuddhena cetasā devatās te prayacchanti samastā iti naḥ śrutam
Sanskrit only: no published translation is held for this verse.
अग्निर् हि देवताः सर्वाः सुवर्णं च हुताशनः तस्मात् सुवर्णं ददता दत्ताः सर्वाश् च देवताः
agnir hi devatāḥ sarvāḥ suvarṇaṃ ca hutāśanaḥ tasmāt suvarṇaṃ dadatā dattāḥ sarvāś ca devatāḥ
Sanskrit only: no published translation is held for this verse.
अग्न्यभावे च कुर्वन्ति वह्निस्थानेषु काञ्चनम् सर्ववेदप्रमाणज्ञा वेदश्रुतिनिदर्शनात्
agnyabhāve ca kurvanti vahnisthāneṣu kāñcanam sarvavedapramāṇajñā vedaśrutinidarśanāt
Sanskrit only: no published translation is held for this verse.
ये त्व् एनं ज्वालयित्वाग्निम् आदित्योदयनं प्रति दद्युर् वै व्रतम् उद्दिश्य सर्वान् कामान् अवाप्नुयुः
ye tv enaṃ jvālayitvāgnim ādityodayanaṃ prati dadyur vai vratam uddiśya sarvān kāmān avāpnuyuḥ
Sanskrit only: no published translation is held for this verse.
सुवर्णदः स्वर्गलोके कामान् इष्टान् उपाश्नुते विरजाम्बरसंवीतः परियाति यतस् ततः
suvarṇadaḥ svargaloke kāmān iṣṭān upāśnute virajāmbarasaṃvītaḥ pariyāti yatas tataḥ
Sanskrit only: no published translation is held for this verse.
विमानेनार्कवर्णेन भास्वरेण विराजता अप्सरोगणसंकीर्णे भास्वता स्वेन तेजसा
vimānenārkavarṇena bhāsvareṇa virājatā apsarogaṇasaṃkīrṇe bhāsvatā svena tejasā
Sanskrit only: no published translation is held for this verse.
हंसबर्हिणयुक्तेन कामगेन नरोत्तमः दिव्यगन्धवहः स्वर्गे परिगच्छेद् इतस् ततः
haṃsabarhiṇayuktena kāmagena narottamaḥ divyagandhavahaḥ svarge parigacched itas tataḥ
Sanskrit only: no published translation is held for this verse.
तस्मात् स्वशक्त्या दातव्यं काञ्चनं मानवैर् भुवि न ह्य् अतः परमं लोके सद्यः पापविमोचनम्
tasmāt svaśaktyā dātavyaṃ kāñcanaṃ mānavair bhuvi na hy ataḥ paramaṃ loke sadyaḥ pāpavimocanam
Sanskrit only: no published translation is held for this verse.
सुवर्णस्य तु शुद्धस्य सुवर्णं यः प्रयच्छति बहून्य् अब्दसहस्राणि स्वर्गलोके महीयते
suvarṇasya tu śuddhasya suvarṇaṃ yaḥ prayacchati bahūny abdasahasrāṇi svargaloke mahīyate
Sanskrit only: no published translation is held for this verse.