एतान् धर्माञ् जगन्नाथः पाण्डुपुत्राय पृच्छते जगाद पुरुषव्याघ्र किम् अन्यच् छ्रोतुम् इच्छसि
etān dharmāñ jagannāthaḥ pāṇḍuputrāya pṛcchate jagāda puruṣavyāghra kim anyac chrotum icchasi
Sanskrit only: no published translation is held for this verse.
Visnudharma 64
भगवन् वहतां भक्तिं देवदेवे जनार्दने यत् फलं कथितं तज्ज्ञैस् तन् मे विस्तरतो वद
bhagavan vahatāṃ bhaktiṃ devadeve janārdane yat phalaṃ kathitaṃ tajjñais tan me vistarato vada
Sanskrit only: no published translation is held for this verse.
यत् फलं वहतां भक्तिम् अच्युते भवति प्रभो न तद् वर्णयितुं शक्यं हरिः सर्वेप्सितप्रदः
yat phalaṃ vahatāṃ bhaktim acyute bhavati prabho na tad varṇayituṃ śakyaṃ hariḥ sarvepsitapradaḥ
Sanskrit only: no published translation is held for this verse.
यादृक् सत्त्वं मनुष्याणां तादृग् आराध्य केशवम् फलम् इच्छन्ति तादृच् च लभ्यते तैर् नरेश्वर
yādṛk sattvaṃ manuṣyāṇāṃ tādṛg ārādhya keśavam phalam icchanti tādṛc ca labhyate tair nareśvara
Sanskrit only: no published translation is held for this verse.
मुक्तिकामा नरा मुक्तिं स्वर्गं देवत्वम् ईप्सवः गन्धर्वयक्षसिद्धानां वृण्वन्त्य् अन्ये सलोकताम्
muktikāmā narā muktiṃ svargaṃ devatvam īpsavaḥ gandharvayakṣasiddhānāṃ vṛṇvanty anye salokatām
Sanskrit only: no published translation is held for this verse.
वर्षेष्व् अभीप्सवो विष्णुं पातालेषु तथापरे भोगान् अभीप्सवो विष्णुं तोषयण्ति नराधिप
varṣeṣv abhīpsavo viṣṇuṃ pātāleṣu tathāpare bhogān abhīpsavo viṣṇuṃ toṣayaṇti narādhipa
Sanskrit only: no published translation is held for this verse.
तथापरे नरैश्वर्यम् आरोग्यं गुणवद् भुवि प्रार्थयन्त्य् अच्युतं देवम् आराध्य जगतो गतिम्
tathāpare naraiśvaryam ārogyaṃ guṇavad bhuvi prārthayanty acyutaṃ devam ārādhya jagato gatim
Sanskrit only: no published translation is held for this verse.
धर्मोपदेशाद् अचलां वहन् भक्तिं जनार्दने सशरीरो गतः स्वर्गं धर्मपुत्रो युधिष्ठिरः
dharmopadeśād acalāṃ vahan bhaktiṃ janārdane saśarīro gataḥ svargaṃ dharmaputro yudhiṣṭhiraḥ
Sanskrit only: no published translation is held for this verse.
तथैव जनकः कृष्णे विनिवेश्य स्वमानसम् अवाप परमां सिद्धिं वसुः प्रायात् त्रिपिष्टपम्
tathaiva janakaḥ kṛṣṇe viniveśya svamānasam avāpa paramāṃ siddhiṃ vasuḥ prāyāt tripiṣṭapam
Sanskrit only: no published translation is held for this verse.
अन्ये च ये ये मुनयो ये ये च वसुधाधिपाः अवापुर् अतुलान् कामांस् ते ते संतोष्य केशवम्
anye ca ye ye munayo ye ye ca vasudhādhipāḥ avāpur atulān kāmāṃs te te saṃtoṣya keśavam
Sanskrit only: no published translation is held for this verse.
अनाराध्य जगन्नाथं सर्वपापहरं हरिम् सद्गतिः केन संप्राप्ता भोगाश् चापि मनोरमाः
anārādhya jagannāthaṃ sarvapāpaharaṃ harim sadgatiḥ kena saṃprāptā bhogāś cāpi manoramāḥ
Sanskrit only: no published translation is held for this verse.
द्रौणिब्रह्मास्त्रनिर्दग्धस् तव राजन् पितामहः विष्णोः कार्यमनुष्यस्य दर्शनाद् उत्थितः पुनः
drauṇibrahmāstranirdagdhas tava rājan pitāmahaḥ viṣṇoḥ kāryamanuṣyasya darśanād utthitaḥ punaḥ
Sanskrit only: no published translation is held for this verse.
नामसंकीर्तनाद् यस्य पापम् अन्यैर् उपद्रवैः समं विनाशम् आयाति देवः को ऽभ्यधिकस् ततः
nāmasaṃkīrtanād yasya pāpam anyair upadravaiḥ samaṃ vināśam āyāti devaḥ ko 'bhyadhikas tataḥ
Sanskrit only: no published translation is held for this verse.
राष्ट्रस्य शरणं राजा पितरौ बालकस्य च धर्मः समस्तमर्त्यानां सर्वस्य शरणं हरिः
rāṣṭrasya śaraṇaṃ rājā pitarau bālakasya ca dharmaḥ samastamartyānāṃ sarvasya śaraṇaṃ hariḥ
Sanskrit only: no published translation is held for this verse.
मुक्तिहेतुम् अनाद्यन्तम् अजम् अक्षयम् अच्युतम् नमस्यन् सर्वलोकस्य नमस्यो जायते नरः
muktihetum anādyantam ajam akṣayam acyutam namasyan sarvalokasya namasyo jāyate naraḥ
Sanskrit only: no published translation is held for this verse.
न हि तस्य गुणाः सर्वे सर्वैर् मुनिगणैर् अपि वक्तुं शक्या वियुक्तस्य सत्त्वाद्यैर् अखिलैर् गुणैः
na hi tasya guṇāḥ sarve sarvair munigaṇair api vaktuṃ śakyā viyuktasya sattvādyair akhilair guṇaiḥ
Sanskrit only: no published translation is held for this verse.
श्रुतं मया यथा पूर्वम् आर्यको मे युधिष्ठिरः सशरीरो गतः स्वर्गं जितम् आत्मीयकर्मभिः
śrutaṃ mayā yathā pūrvam āryako me yudhiṣṭhiraḥ saśarīro gataḥ svargaṃ jitam ātmīyakarmabhiḥ
Sanskrit only: no published translation is held for this verse.
यत् त्व् एतद् भगवान् आह स यथा पाण्दुपूर्वजः धर्मोपदेशाद् गोविन्दम् आराधयत तद् वद
yat tv etad bhagavān āha sa yathā pāṇdupūrvajaḥ dharmopadeśād govindam ārādhayata tad vada
Sanskrit only: no published translation is held for this verse.
पुरा शासति धर्मज्ञे धर्मपुत्रे युधिष्ठिरे तस्यैव वैश्वदेवान्ते चण्डालो ऽभ्यागमत् किल
purā śāsati dharmajñe dharmaputre yudhiṣṭhire tasyaiva vaiśvadevānte caṇḍālo 'bhyāgamat kila
Sanskrit only: no published translation is held for this verse.
समुपेत्य गृहं तस्य धर्मपुत्रस्य विस्मितः उवाच श्वपचो द्वाःस्थं प्रश्रयावनतस्थितः
samupetya gṛhaṃ tasya dharmaputrasya vismitaḥ uvāca śvapaco dvāḥsthaṃ praśrayāvanatasthitaḥ
Sanskrit only: no published translation is held for this verse.
कस्यैतद् भवनं दिव्यं मणिरत्नविभूषितम् शुद्धस्फटिकसोपानं मणिकाञ्चनतोरणम्
kasyaitad bhavanaṃ divyaṃ maṇiratnavibhūṣitam śuddhasphaṭikasopānaṃ maṇikāñcanatoraṇam
Sanskrit only: no published translation is held for this verse.
अष्टाशीतिसहस्राणि ब्राह्मणानां दिने दिने युधिष्ठिरम् ऋते भूपं भुञ्जते कस्य वेश्मनि
aṣṭāśītisahasrāṇi brāhmaṇānāṃ dine dine yudhiṣṭhiram ṛte bhūpaṃ bhuñjate kasya veśmani
Sanskrit only: no published translation is held for this verse.
कथम् एतन् न जानीषे चन्द्रबिम्बम् इवापरम् युधिष्ठिरस्य भवनं देवराजगृहोपमम्
katham etan na jānīṣe candrabimbam ivāparam yudhiṣṭhirasya bhavanaṃ devarājagṛhopamam
Sanskrit only: no published translation is held for this verse.
अबलस्य बलं राजा बालस्य रुदितं बलम् बलं मूर्खस्य वै मौनं तस्करस्यानृतं बलम्
abalasya balaṃ rājā bālasya ruditaṃ balam balaṃ mūrkhasya vai maunaṃ taskarasyānṛtaṃ balam
Sanskrit only: no published translation is held for this verse.
गच्छ जल्प स्वराजानं प्रतीहार वचो मम दुःखार्तः कार्यवान् राजंश् चण्डालो द्वारि तिष्ठति
gaccha jalpa svarājānaṃ pratīhāra vaco mama duḥkhārtaḥ kāryavān rājaṃś caṇḍālo dvāri tiṣṭhati
Sanskrit only: no published translation is held for this verse.
इत्य् उक्तो धर्मराजस्य प्रतीहारो यथोदितम् निवेदयाम् आस तथा धर्मराजो ऽब्रवीद् इदम्
ity ukto dharmarājasya pratīhāro yathoditam nivedayām āsa tathā dharmarājo 'bravīd idam
Sanskrit only: no published translation is held for this verse.
किं रूपं कीदृशं शीलं को ऽस्यार्थः किं प्रयोजनम् ब्रूहि द्वाःस्थ यथावन् मे नरस् तिष्ठति कीदृशः
kiṃ rūpaṃ kīdṛśaṃ śīlaṃ ko 'syārthaḥ kiṃ prayojanam brūhi dvāḥstha yathāvan me naras tiṣṭhati kīdṛśaḥ
Sanskrit only: no published translation is held for this verse.
काककोकिलकृष्णाङ्गो भग्ननासारुणेक्षणः यवमध्यः कृशग्रीवो वक्रपादो महाहनुः
kākakokilakṛṣṇāṅgo bhagnanāsāruṇekṣaṇaḥ yavamadhyaḥ kṛśagrīvo vakrapādo mahāhanuḥ
Sanskrit only: no published translation is held for this verse.
ब्रूहि गच्छ दुराचारं चण्डालं पापकर्मिणम् देवकार्यस्य वेलायां दुतस् त्वं प्रत्युपस्थितः
brūhi gaccha durācāraṃ caṇḍālaṃ pāpakarmiṇam devakāryasya velāyāṃ dutas tvaṃ pratyupasthitaḥ
Sanskrit only: no published translation is held for this verse.
चण्डालपतितौ दृष्ट्वा नरः पश्येत भास्करम् स्नातस् त्व् एताव् अथालोक्य सचैलस्नानम् अर्हति
caṇḍālapatitau dṛṣṭvā naraḥ paśyeta bhāskaram snātas tv etāv athālokya sacailasnānam arhati
Sanskrit only: no published translation is held for this verse.
इत्य् आज्ञप्ते तथोक्तस् तु चण्डालस् तेन वै ततः प्रत्युवाच प्रतीहारम् ईषन् मन्युपरिप्लुतः
ity ājñapte tathoktas tu caṇḍālas tena vai tataḥ pratyuvāca pratīhāram īṣan manyupariplutaḥ
Sanskrit only: no published translation is held for this verse.
किं देवकार्येण नराधिपस्य कृत्वा हि मन्युं विषयस्थितानाम् तद् देवकार्यं स च यज्ञहोमो यद् अश्रुपाता न पतन्ति राष्ट्रे
kiṃ devakāryeṇa narādhipasya kṛtvā hi manyuṃ viṣayasthitānām tad devakāryaṃ sa ca yajñahomo yad aśrupātā na patanti rāṣṭre
Sanskrit only: no published translation is held for this verse.
इत्य् एतद् वचनं श्रुत्वा निर्जगाम युधिष्ठिरः प्रत्युवाच च चण्डालम् ईषन् कोपसमन्वितः
ity etad vacanaṃ śrutvā nirjagāma yudhiṣṭhiraḥ pratyuvāca ca caṇḍālam īṣan kopasamanvitaḥ
Sanskrit only: no published translation is held for this verse.
कुतस् ते भयम् उत्पन्नं येन त्वं गृहम् आगतः आवाधाकारणं सर्वं यथावत् कथयस्व मे
kutas te bhayam utpannaṃ yena tvaṃ gṛham āgataḥ āvādhākāraṇaṃ sarvaṃ yathāvat kathayasva me
Sanskrit only: no published translation is held for this verse.
तद् अहं ते प्रतिज्ञाय चण्डकर्मकरक्षणम् अपास्य देवकार्यार्थं प्रविश्याम्य् अन्तरं पुनः
tad ahaṃ te pratijñāya caṇḍakarmakarakṣaṇam apāsya devakāryārthaṃ praviśyāmy antaraṃ punaḥ
Sanskrit only: no published translation is held for this verse.
न भुञ्जते ब्राह्मणा मे सर्वाश् चोद्विजते जनः प्राणिहिंसा च नो वृत्तिर् देव पुष्णाति मे ऽनृतम्
na bhuñjate brāhmaṇā me sarvāś codvijate janaḥ prāṇihiṃsā ca no vṛttir deva puṣṇāti me 'nṛtam
Sanskrit only: no published translation is held for this verse.
अनेकजन्मसाहस्रीं प्राप्य संसारपद्धतिम् मानुष्ये कुत्सितां जातिम् आपन्नो मुषितो ऽस्मि भोः
anekajanmasāhasrīṃ prāpya saṃsārapaddhatim mānuṣye kutsitāṃ jātim āpanno muṣito 'smi bhoḥ
Sanskrit only: no published translation is held for this verse.
कर्मभूमिम् इमां राजन् प्रार्थयन्ति दिवौकसः तां संप्राप्य वृथाजन्मा मुष्टो ऽस्मि कुरुसत्तम
karmabhūmim imāṃ rājan prārthayanti divaukasaḥ tāṃ saṃprāpya vṛthājanmā muṣṭo 'smi kurusattama
Sanskrit only: no published translation is held for this verse.
दुःखे दुःखाधिकान् पश्येत् सुखे पश्येत् सुखाधिकान् आत्मानं शोकहर्षाभ्यां शत्रुभ्याम् इव नार्पयेत्
duḥkhe duḥkhādhikān paśyet sukhe paśyet sukhādhikān ātmānaṃ śokaharṣābhyāṃ śatrubhyām iva nārpayet
Sanskrit only: no published translation is held for this verse.
सो ऽहम् इच्छामि विज्ञातुम् अतिदुष्कृतकर्मकृत् वक्तुम् अर्हसि धर्मज्ञ कः पापिष्ठतरो मया
so 'ham icchāmi vijñātum atiduṣkṛtakarmakṛt vaktum arhasi dharmajña kaḥ pāpiṣṭhataro mayā
Sanskrit only: no published translation is held for this verse.
अध्वानम् उपरि श्रान्तं ब्राह्मणं गृहम् आगतम् अनर्चयित्वा यो भुङ्क्ते स पापिष्ठतरस् त्वया
adhvānam upari śrāntaṃ brāhmaṇaṃ gṛham āgatam anarcayitvā yo bhuṅkte sa pāpiṣṭhataras tvayā
Sanskrit only: no published translation is held for this verse.
मातरं पितरं चैव विकलं नेत्रदुर्बलम् यो नाभ्युद्धरते पुत्रः स पापिष्ठतरस् त्वया
mātaraṃ pitaraṃ caiva vikalaṃ netradurbalam yo nābhyuddharate putraḥ sa pāpiṣṭhataras tvayā
Sanskrit only: no published translation is held for this verse.
गोधनस्य तृषार्तस्य जलार्थं परिधावतः विघ्नम् आचरते यस् तु स पापिष्ठतरस् त्वया
godhanasya tṛṣārtasya jalārthaṃ paridhāvataḥ vighnam ācarate yas tu sa pāpiṣṭhataras tvayā
Sanskrit only: no published translation is held for this verse.
विवाहयित्वा यः कन्यां कुलजां शीलमण्डनाम् विना त्यजति दोषेण स पापिष्ठतरस् त्वया
vivāhayitvā yaḥ kanyāṃ kulajāṃ śīlamaṇḍanām vinā tyajati doṣeṇa sa pāpiṣṭhataras tvayā
Sanskrit only: no published translation is held for this verse.
आशाकारस् त्व् अदाता यो दातुश् च प्रतिषेधकः दत्तं च यः कीर्तयति स पापिष्ठतरस् त्वया
āśākāras tv adātā yo dātuś ca pratiṣedhakaḥ dattaṃ ca yaḥ kīrtayati sa pāpiṣṭhataras tvayā
Sanskrit only: no published translation is held for this verse.
बहुभृत्यैर् दरिद्रैश् च धनं सन्तं द्विजोत्तमैः याचितो न प्रयच्छेद् यः स पापिष्ठतरस् त्वया
bahubhṛtyair daridraiś ca dhanaṃ santaṃ dvijottamaiḥ yācito na prayacched yaḥ sa pāpiṣṭhataras tvayā
Sanskrit only: no published translation is held for this verse.
ब्राह्मणः क्षत्रियो वापि वैश्यः शूद्रो ऽपि वा नरः स्वधर्मं संत्यजेद् यस् तु स पापिष्ठतरस् त्वया
brāhmaṇaḥ kṣatriyo vāpi vaiśyaḥ śūdro 'pi vā naraḥ svadharmaṃ saṃtyajed yas tu sa pāpiṣṭhataras tvayā
Sanskrit only: no published translation is held for this verse.
कृतार्थो ऽहं गमिष्यामि यशोधर्मम् अवाप्नुहि तुष्टो ऽस्म्य् अहं स्वया योन्या मत्तः प्रोक्तास् त्वयाधमाः
kṛtārtho 'haṃ gamiṣyāmi yaśodharmam avāpnuhi tuṣṭo 'smy ahaṃ svayā yonyā mattaḥ proktās tvayādhamāḥ
Sanskrit only: no published translation is held for this verse.
देवतानाम् ऋषीणां च पितॄणां च कृतं मया सांप्रतं देशकालो ऽयं त्वम् एवात्र भवातिथिः
devatānām ṛṣīṇāṃ ca pitṝṇāṃ ca kṛtaṃ mayā sāṃprataṃ deśakālo 'yaṃ tvam evātra bhavātithiḥ
Sanskrit only: no published translation is held for this verse.
चण्डालो ऽहं महाराज पतितो लोकवर्जितः कथं निहीनो वर्णेभ्यो भोक्ष्यामि भवतो गृहे
caṇḍālo 'haṃ mahārāja patito lokavarjitaḥ kathaṃ nihīno varṇebhyo bhokṣyāmi bhavato gṛhe
Sanskrit only: no published translation is held for this verse.
चण्डालो भव पापो वा शत्रुर् वा पितृघातकः देशकालाभ्युपेतं त्वां भरणीयं हि वेद्म्य् अहम्
caṇḍālo bhava pāpo vā śatrur vā pitṛghātakaḥ deśakālābhyupetaṃ tvāṃ bharaṇīyaṃ hi vedmy aham
Sanskrit only: no published translation is held for this verse.
दशसूनासमं चक्रं दशचक्रसमो ध्वजः दशध्वजसमा वेश्या दशवेश्यासमो नृपः
daśasūnāsamaṃ cakraṃ daśacakrasamo dhvajaḥ daśadhvajasamā veśyā daśaveśyāsamo nṛpaḥ
Sanskrit only: no published translation is held for this verse.
दश सूनासहस्राणि कुरुते यो हि सौनिकः तेन तुल्यः स्मृतो राजा घोरस् तस्य प्रतिग्रहः
daśa sūnāsahasrāṇi kurute yo hi saunikaḥ tena tulyaḥ smṛto rājā ghoras tasya pratigrahaḥ
Sanskrit only: no published translation is held for this verse.
नानागोत्रादिचरणा भुञ्जते ब्राह्मणा मम न ते वदन्ति वाग्दुष्टं यथैतत् कीर्तितं त्वया
nānāgotrādicaraṇā bhuñjate brāhmaṇā mama na te vadanti vāgduṣṭaṃ yathaitat kīrtitaṃ tvayā
Sanskrit only: no published translation is held for this verse.
लोभात्मानो न जानीयुर् ब्राह्मणा राजकिल्बिषम् वरं स्वमांसम् अत्तव्यं न तु राजप्रतिग्रहम्
lobhātmāno na jānīyur brāhmaṇā rājakilbiṣam varaṃ svamāṃsam attavyaṃ na tu rājapratigraham
Sanskrit only: no published translation is held for this verse.
राजकिल्बिषदग्धानां ब्राह्मणानां युधिष्ठिर छिन्नानाम् इव बीजानां पुनर्जन्म न विद्यते
rājakilbiṣadagdhānāṃ brāhmaṇānāṃ yudhiṣṭhira chinnānām iva bījānāṃ punarjanma na vidyate
Sanskrit only: no published translation is held for this verse.
राजप्रतिग्रहो घोरो मध्वास्वादो विषोपमः बुधेन प्रतिहर्तव्यः स्वमांसस्येव भक्षणम्
rājapratigraho ghoro madhvāsvādo viṣopamaḥ budhena pratihartavyaḥ svamāṃsasyeva bhakṣaṇam
Sanskrit only: no published translation is held for this verse.
अधीत्य चतुरो वेदान् सर्वशास्त्रार्थतत्त्ववित् नरेन्द्रभवने भुङ्क्त्वा विष्ठायां जायते कृमिः
adhītya caturo vedān sarvaśāstrārthatattvavit narendrabhavane bhuṅktvā viṣṭhāyāṃ jāyate kṛmiḥ
Sanskrit only: no published translation is held for this verse.
निन्दसे सर्वराजानो न चात्मानं प्रशंससि अथवा निन्द्यरूपेण पिता नस् त्वम् इहागतः
nindase sarvarājāno na cātmānaṃ praśaṃsasi athavā nindyarūpeṇa pitā nas tvam ihāgataḥ
Sanskrit only: no published translation is held for this verse.
ज्ञातो ऽस्मि पृथिवीपाल तुष्टश् च तव दर्शनात् नन्दन्तु भूमिभागास् ते येषु त्वं पृथिवीपतिः
jñāto 'smi pṛthivīpāla tuṣṭaś ca tava darśanāt nandantu bhūmibhāgās te yeṣu tvaṃ pṛthivīpatiḥ
Sanskrit only: no published translation is held for this verse.
निर्जित्य परसैन्यानि क्षितिं धर्मेण पालय स्वल्पम् अप्य् अस्तु ते वेलां मा गोविन्दोज्झितं मनः
nirjitya parasainyāni kṣitiṃ dharmeṇa pālaya svalpam apy astu te velāṃ mā govindojjhitaṃ manaḥ
Sanskrit only: no published translation is held for this verse.
किं मे राज्येन भोस् तात विषयैर् जीवितेन वा यो ऽहं सूनासहस्रैस् तु दशभिः परिवेष्टितः
kiṃ me rājyena bhos tāta viṣayair jīvitena vā yo 'haṃ sūnāsahasrais tu daśabhiḥ pariveṣṭitaḥ
Sanskrit only: no published translation is held for this verse.
मा विषादं नरश्रेष्ठ समुपैहि युधिष्ठिर यज्ञेश्वरं यज्ञमूर्तिं त्वं च विष्णुं समाश्रितः
mā viṣādaṃ naraśreṣṭha samupaihi yudhiṣṭhira yajñeśvaraṃ yajñamūrtiṃ tvaṃ ca viṣṇuṃ samāśritaḥ
Sanskrit only: no published translation is held for this verse.
येषां न विषये विप्रा यज्ञैर् यज्ञपतिं हरिम् यजन्ति भूभुजस् तेषाम् एतत् सूनोदितं फलम्
yeṣāṃ na viṣaye viprā yajñair yajñapatiṃ harim yajanti bhūbhujas teṣām etat sūnoditaṃ phalam
Sanskrit only: no published translation is held for this verse.
येषां पाषण्डसंकीर्णं न राष्ट्रं ब्राह्मणोत्कटम् ते तु सूनासहस्राणां दशानां भागिनो नृपाः
yeṣāṃ pāṣaṇḍasaṃkīrṇaṃ na rāṣṭraṃ brāhmaṇotkaṭam te tu sūnāsahasrāṇāṃ daśānāṃ bhāgino nṛpāḥ
Sanskrit only: no published translation is held for this verse.
येषां न यज्ञपुरुषः कारणं पुरुषोत्तमः ते तु पापसमाचाराः सूनापापौघभागिनः
yeṣāṃ na yajñapuruṣaḥ kāraṇaṃ puruṣottamaḥ te tu pāpasamācārāḥ sūnāpāpaughabhāginaḥ
Sanskrit only: no published translation is held for this verse.
त्वं तु मत्प्रभवस् तात विष्णुभक्तस् तथैव च इष्टिर् वैश्वानरी पापम् उपहंस्यति ते ऽखिलम्
tvaṃ tu matprabhavas tāta viṣṇubhaktas tathaiva ca iṣṭir vaiśvānarī pāpam upahaṃsyati te 'khilam
Sanskrit only: no published translation is held for this verse.
अवश्यं विषये कश्चिद् ब्राह्मणः संश्रितव्रतः इष्टिं वैश्वानरीं कॢप्तां निर्वपेद् अब्दपर्यये तस्य षड्भागमात्रेण त्वं पापं निर्दहिष्यसि
avaśyaṃ viṣaye kaścid brāhmaṇaḥ saṃśritavrataḥ iṣṭiṃ vaiśvānarīṃ kḷptāṃ nirvaped abdaparyaye tasya ṣaḍbhāgamātreṇa tvaṃ pāpaṃ nirdahiṣyasi
Sanskrit only: no published translation is held for this verse.
स त्वं वरय भद्रं ते वरं यन् मनसेच्छसि सम्यक् श्रद्धासमाचाराद् अहम् आराधितस् त्वया
sa tvaṃ varaya bhadraṃ te varaṃ yan manasecchasi samyak śraddhāsamācārād aham ārādhitas tvayā
Sanskrit only: no published translation is held for this verse.
अथ पातकभीतस् त्वं सर्वभावेन भारत विमुक्तान्यसमारम्भो नारायणपरो भव
atha pātakabhītas tvaṃ sarvabhāvena bhārata vimuktānyasamārambho nārāyaṇaparo bhava
Sanskrit only: no published translation is held for this verse.
परः पराणाम् आद्यो ऽसौ ज्ञेयो ध्येयो जनार्दनः तदर्थम् अपि कर्माणि कुर्वन् पापं व्यपोहति
paraḥ parāṇām ādyo 'sau jñeyo dhyeyo janārdanaḥ tadartham api karmāṇi kurvan pāpaṃ vyapohati
Sanskrit only: no published translation is held for this verse.
लोभादिव्याप्तहृदयो यत् पापं कुरुते नरः विलयं याति तत् सर्वम् अच्युते हृदये स्थिते
lobhādivyāptahṛdayo yat pāpaṃ kurute naraḥ vilayaṃ yāti tat sarvam acyute hṛdaye sthite
Sanskrit only: no published translation is held for this verse.
शमायालं जलं वह्नेस् तमसो भास्करादयः क्षान्तिः कलेर् अघौघस्य नामसंकीर्तनं हरेः
śamāyālaṃ jalaṃ vahnes tamaso bhāskarādayaḥ kṣāntiḥ kaler aghaughasya nāmasaṃkīrtanaṃ hareḥ
Sanskrit only: no published translation is held for this verse.
प्रसन्नो यदि मे तात वरार्हो यदि चाप्य् अहम् वरं तद् एकम् एवैतं प्राप्तुम् इच्छाम्य् अहं पितः
prasanno yadi me tāta varārho yadi cāpy aham varaṃ tad ekam evaitaṃ prāptum icchāmy ahaṃ pitaḥ
Sanskrit only: no published translation is held for this verse.
जाग्रत्स्वप्नसुषुप्तेषु योगस्थस्य सदा मम या काचिन् मनसो वृत्तिः सा भवत्व् अच्युताश्रया
jāgratsvapnasuṣupteṣu yogasthasya sadā mama yā kācin manaso vṛttiḥ sā bhavatv acyutāśrayā
Sanskrit only: no published translation is held for this verse.
या या जायेत मे बुद्धिर् यावज् जीवाम्य् अहं पितः सा सा छिनत्तु संदेहान् कृष्णाप्तौ परिपन्थिनः
yā yā jāyeta me buddhir yāvaj jīvāmy ahaṃ pitaḥ sā sā chinattu saṃdehān kṛṣṇāptau paripanthinaḥ
Sanskrit only: no published translation is held for this verse.
यथा गोविन्दम् आराध्य सशरीरः सुरालयम् प्राप्नुयाम् इति मे तात प्रयच्छ प्रवरं वरम्
yathā govindam ārādhya saśarīraḥ surālayam prāpnuyām iti me tāta prayaccha pravaraṃ varam
Sanskrit only: no published translation is held for this verse.
एवम् एतद् अशेषं ते मत्प्रसादाद् भविष्यति नास्ति गोविन्दभक्तानां वाञ्छितं भुवि दुर्लभम्
evam etad aśeṣaṃ te matprasādād bhaviṣyati nāsti govindabhaktānāṃ vāñchitaṃ bhuvi durlabham
Sanskrit only: no published translation is held for this verse.
इति धर्मोपदेशेन सर्वदेववरं हरिम् आराध्य पाण्डवो यातः सशरीरः सुरालयम्
iti dharmopadeśena sarvadevavaraṃ harim ārādhya pāṇḍavo yātaḥ saśarīraḥ surālayam
Sanskrit only: no published translation is held for this verse.