जगद्धातुर् अनन्तस्य वासुदेवस्य भार्गव ममावतारान् अखिलाञ् श्रोतुम् इच्छा प्रवर्तते
jagaddhātur anantasya vāsudevasya bhārgava mamāvatārān akhilāñ śrotum icchā pravartate
Sanskrit only: no published translation is held for this verse.
Visnudharma 66
यथा यथा हि कृष्णस्य कथेयं कथ्यते त्वया जायते मनसः प्रीतिर् उद्भूतपुलकस् तथा
yathā yathā hi kṛṣṇasya katheyaṃ kathyate tvayā jāyate manasaḥ prītir udbhūtapulakas tathā
Sanskrit only: no published translation is held for this verse.
मनःप्रीतिर् अनायासाद् अपुण्यचयसंक्षयः प्राप्यते पुरुषैर् ब्रह्मञ् शृण्वद्भिर् भगवत्कथाम्
manaḥprītir anāyāsād apuṇyacayasaṃkṣayaḥ prāpyate puruṣair brahmañ śṛṇvadbhir bhagavatkathām
Sanskrit only: no published translation is held for this verse.
स कुरुष्वामलमते प्रसादप्रवणं मनः अवतारान् सुरेशस्य विष्णोर् इच्छामि वेदितुम्
sa kuruṣvāmalamate prasādapravaṇaṃ manaḥ avatārān sureśasya viṣṇor icchāmi veditum
Sanskrit only: no published translation is held for this verse.
जगद्गुरुं जगद्योनिम् अनन्तम् उदकेशयम् नारायणं पुराकल्पे पृष्टवान् कमलोद्भवः
jagadguruṃ jagadyonim anantam udakeśayam nārāyaṇaṃ purākalpe pṛṣṭavān kamalodbhavaḥ
Sanskrit only: no published translation is held for this verse.
विनिर्जग्मुर् मुखेभ्यस् तु ब्रह्मणो व्यक्तजन्मनः ॐकारप्रवणा वेदा जग्मुस् ते च रसातलम्
vinirjagmur mukhebhyas tu brahmaṇo vyaktajanmanaḥ oṃkārapravaṇā vedā jagmus te ca rasātalam
Sanskrit only: no published translation is held for this verse.
एकार्णवे जगत्य् अस्मिन् ब्रह्मण्य् अमिततेजसि कृष्णनाभिह्रदोद्भूत- कमलोदरशायिनि
ekārṇave jagaty asmin brahmaṇy amitatejasi kṛṣṇanābhihradodbhūta- kamalodaraśāyini
Sanskrit only: no published translation is held for this verse.
भोगिशय्याशयः कृष्णो द्वितीयां तनुम् आत्मनः कृत्वा मीनमयीं सद्यः प्रविवेश रसातलम्
bhogiśayyāśayaḥ kṛṣṇo dvitīyāṃ tanum ātmanaḥ kṛtvā mīnamayīṃ sadyaḥ praviveśa rasātalam
Sanskrit only: no published translation is held for this verse.
वेदमूर्तिस् ततो वेदान् आनिन्ये ब्रह्मणो ऽन्तिकम् मधुकैटभाभ्यां च पुनर् भोगिशय्यागतो हरिः हृतान् हयशिरा भूत्वा वेदान् आहृतवान् रसात्
vedamūrtis tato vedān āninye brahmaṇo 'ntikam madhukaiṭabhābhyāṃ ca punar bhogiśayyāgato hariḥ hṛtān hayaśirā bhūtvā vedān āhṛtavān rasāt
Sanskrit only: no published translation is held for this verse.
आहृतेष्व् अथ वेदेषु देवदेवं पितामहः तुष्टाव प्रणतो भक्त्या तस्य चाविर् बभौ हरिः
āhṛteṣv atha vedeṣu devadevaṃ pitāmahaḥ tuṣṭāva praṇato bhaktyā tasya cāvir babhau hariḥ
Sanskrit only: no published translation is held for this verse.
अथामरगुरुं विष्णुम् अनन्तम् अजम् अव्ययम् उवाच प्रकटीभूतं प्रणिपत्याब्जसंभवः
athāmaraguruṃ viṣṇum anantam ajam avyayam uvāca prakaṭībhūtaṃ praṇipatyābjasaṃbhavaḥ
Sanskrit only: no published translation is held for this verse.
नमः सूक्ष्मातिसूक्ष्माय नमस् तुभ्यं त्रिमूर्तये बहुरूपादिमध्यान्त परिणामविवर्जित
namaḥ sūkṣmātisūkṣmāya namas tubhyaṃ trimūrtaye bahurūpādimadhyānta pariṇāmavivarjita
Sanskrit only: no published translation is held for this verse.
जगदीशस्य सर्वस्य जगतः सर्वकामद अहम् आत्मभवो देव त्वयाध्यक्षो निरूपितः
jagadīśasya sarvasya jagataḥ sarvakāmada aham ātmabhavo deva tvayādhyakṣo nirūpitaḥ
Sanskrit only: no published translation is held for this verse.
सो ऽहम् इच्छामि तं ज्ञातुम् आत्मानं प्रभवाव्ययम् विश्वस्य च विरूपस्य स्थावरस्य चरस्य च
so 'ham icchāmi taṃ jñātum ātmānaṃ prabhavāvyayam viśvasya ca virūpasya sthāvarasya carasya ca
Sanskrit only: no published translation is held for this verse.
यदि ते ऽनुग्रहकृता मयि बुद्धिर् जनार्दन तन् मां भक्त इति ज्ञात्वा कथयात्मानम् अच्युत
yadi te 'nugrahakṛtā mayi buddhir janārdana tan māṃ bhakta iti jñātvā kathayātmānam acyuta
Sanskrit only: no published translation is held for this verse.
कथयामि तवात्मानम् अनाख्यागोदरं परम् न वाचां विषये यो ऽसाव् अविशेषणलक्षणः
kathayāmi tavātmānam anākhyāgodaraṃ param na vācāṃ viṣaye yo 'sāv aviśeṣaṇalakṣaṇaḥ
Sanskrit only: no published translation is held for this verse.
प्रसादसुमुखः सो ऽहम् इमं यच्छामि ते वरम् अनाख्यातस्वरूपं मां भवाञ् ज्ञास्यति योगतः
prasādasumukhaḥ so 'ham imaṃ yacchāmi te varam anākhyātasvarūpaṃ māṃ bhavāñ jñāsyati yogataḥ
Sanskrit only: no published translation is held for this verse.
भक्तो मां तत्त्वतो वेत्ति मयि भक्तिश् च ते परा मज्जिज्ञासा परा ब्रह्मंस् तेन जाता मतिस् तव
bhakto māṃ tattvato vetti mayi bhaktiś ca te parā majjijñāsā parā brahmaṃs tena jātā matis tava
Sanskrit only: no published translation is held for this verse.
एवम् उक्तस् ततो ब्रह्मा विष्णुना प्रभविष्णुना विष्णोः स्वरूपं जिज्ञासुर् युयोजात्मानम् आत्मना
evam uktas tato brahmā viṣṇunā prabhaviṣṇunā viṣṇoḥ svarūpaṃ jijñāsur yuyojātmānam ātmanā
Sanskrit only: no published translation is held for this verse.
स ददर्शातिसूक्ष्मं च सूक्ष्मज्योतिष्य् अजं विभुम् नियुतार्धार्धमात्रेण व्याप्ताशेषचराचरम्
sa dadarśātisūkṣmaṃ ca sūkṣmajyotiṣy ajaṃ vibhum niyutārdhārdhamātreṇa vyāptāśeṣacarācaram
Sanskrit only: no published translation is held for this verse.
आत्मानम् इन्द्ररुद्रार्क- चन्द्राश्विवसुमारुतान् खादीन्य् अथ च शब्दादीन् ददृशे च स तन्मयान्
ātmānam indrarudrārka- candrāśvivasumārutān khādīny atha ca śabdādīn dadṛśe ca sa tanmayān
Sanskrit only: no published translation is held for this verse.
ये व्यक्ता ये तथाव्यक्ता भावा ये चापि पौरुषाः तांश् च तत्रातिसूक्ष्मो ऽपि दृष्टवान् अखिलान् विभुः
ye vyaktā ye tathāvyaktā bhāvā ye cāpi pauruṣāḥ tāṃś ca tatrātisūkṣmo 'pi dṛṣṭavān akhilān vibhuḥ
Sanskrit only: no published translation is held for this verse.
ततः प्रणम्य देवेशम् अजम् आर्तिहरं हरिम् पितामहः प्रह्वतनुर् वाक्यम् एतद् उवाच ह
tataḥ praṇamya deveśam ajam ārtiharaṃ harim pitāmahaḥ prahvatanur vākyam etad uvāca ha
Sanskrit only: no published translation is held for this verse.
ज्ञातं स्वरूपम् अज्ञात- स्वरूप भगवंस् तव मया न यद् वाग्विषये तत्रस्थं चाखिलं जगत्
jñātaṃ svarūpam ajñāta- svarūpa bhagavaṃs tava mayā na yad vāgviṣaye tatrasthaṃ cākhilaṃ jagat
Sanskrit only: no published translation is held for this verse.
धन्यो ऽस्म्य् अनुगृहीतो ऽस्मि स्वरूपं यन् मया तव भगवञ् ज्ञातम् अज्ञातम् अनन्ताज नमो ऽस्तु ते
dhanyo 'smy anugṛhīto 'smi svarūpaṃ yan mayā tava bhagavañ jñātam ajñātam anantāja namo 'stu te
Sanskrit only: no published translation is held for this verse.
यदि प्रसादं देव त्वं प्रकरोषि ममापरम् परमं चावतारेषु यद् रूपं तद् वदस्व मे
yadi prasādaṃ deva tvaṃ prakaroṣi mamāparam paramaṃ cāvatāreṣu yad rūpaṃ tad vadasva me
Sanskrit only: no published translation is held for this verse.
केषु केषु मया ज्ञेयः स्थानेषु त्वम् अधोक्षज संभूतयो ममाचक्ष्व या भविष्यन्ति ते भुवि
keṣu keṣu mayā jñeyaḥ sthāneṣu tvam adhokṣaja saṃbhūtayo mamācakṣva yā bhaviṣyanti te bhuvi
Sanskrit only: no published translation is held for this verse.
देवलोके नृलोके वा पाताले खे ऽन्यतो ऽपि वा संभूतयो यास् तु भवान् करिष्यति वदस्व ताः
devaloke nṛloke vā pātāle khe 'nyato 'pi vā saṃbhūtayo yās tu bhavān kariṣyati vadasva tāḥ
Sanskrit only: no published translation is held for this verse.
त्वं कर्ता सर्वभूतानां संहर्ता चेश्वरेश्वरः तवापि कर्ता नान्यो ऽस्ति स्वेच्छया क्रीडते भवान् अहं वेद्मि भवन्तं हि न तवान्यो ऽस्ति वेदिता
tvaṃ kartā sarvabhūtānāṃ saṃhartā ceśvareśvaraḥ tavāpi kartā nānyo 'sti svecchayā krīḍate bhavān ahaṃ vedmi bhavantaṃ hi na tavānyo 'sti veditā
Sanskrit only: no published translation is held for this verse.
यन् मां त्वं पृच्छसि ब्रह्मन् अवताराश्रितं परम् तत् ते सम्यक् प्रवक्ष्यामि निबोध मम सुव्रत
yan māṃ tvaṃ pṛcchasi brahman avatārāśritaṃ param tat te samyak pravakṣyāmi nibodha mama suvrata
Sanskrit only: no published translation is held for this verse.
मम प्रकृत्या संयोगः स्वेच्छया संप्रवर्तते देवेषु नॄषु तिर्यक्षु स्थावरेषु चरेषु च ममावताराः कार्यार्थं जगतश् चोपकारिणः
mama prakṛtyā saṃyogaḥ svecchayā saṃpravartate deveṣu nṝṣu tiryakṣu sthāvareṣu careṣu ca mamāvatārāḥ kāryārthaṃ jagataś copakāriṇaḥ
Sanskrit only: no published translation is held for this verse.
यदा यदा हि धर्मस्य ग्लानिः समुपजायते अभ्युत्थानम् अधर्मस्य तदात्माङ्गं सृजाम्य् अहम्
yadā yadā hi dharmasya glāniḥ samupajāyate abhyutthānam adharmasya tadātmāṅgaṃ sṛjāmy aham
Sanskrit only: no published translation is held for this verse.
परित्राणाय साधूनां विनाशाय च दुष्कृतां धर्मसंस्थापनार्थाय संभवामि युगे युगे
paritrāṇāya sādhūnāṃ vināśāya ca duṣkṛtāṃ dharmasaṃsthāpanārthāya saṃbhavāmi yuge yuge
Sanskrit only: no published translation is held for this verse.
पूर्वोत्पन्नेषु भूतेषु नृदेवादिषु चाप्य् अहम् अनुप्रविश्य धर्मस्य करोमि परिपालनम्
pūrvotpanneṣu bhūteṣu nṛdevādiṣu cāpy aham anupraviśya dharmasya karomi paripālanam
Sanskrit only: no published translation is held for this verse.
प्रविश्य च तथा पूर्वं तनुं धर्मभृतां वर जगतो ऽस्य जगत्सृष्टिं करोमि स्थितिपालनम्
praviśya ca tathā pūrvaṃ tanuṃ dharmabhṛtāṃ vara jagato 'sya jagatsṛṣṭiṃ karomi sthitipālanam
Sanskrit only: no published translation is held for this verse.
देवत्वे देविका चेष्टा तिर्यक्त्वे मम तामसी इच्छया मानुषत्वे च विचरामि नृचेष्टया
devatve devikā ceṣṭā tiryaktve mama tāmasī icchayā mānuṣatve ca vicarāmi nṛceṣṭayā
Sanskrit only: no published translation is held for this verse.
प्रतिक्षणं च भूतेषु सृजामि जगतः स्थितिम् करोमि विद्यमानेषु धर्मसंस्थापनेषु च
pratikṣaṇaṃ ca bhūteṣu sṛjāmi jagataḥ sthitim karomi vidyamāneṣu dharmasaṃsthāpaneṣu ca
Sanskrit only: no published translation is held for this verse.
यद् वै धर्मोपकाराय यच् च दुष्टनिवर्हणम् चरितं मानुषादीनां तद् वै जानीहि मत्कृतम्
yad vai dharmopakārāya yac ca duṣṭanivarhaṇam caritaṃ mānuṣādīnāṃ tad vai jānīhi matkṛtam
Sanskrit only: no published translation is held for this verse.
यच् च पृच्छसि मां ब्रह्मन् काः काः संभूतयस् तव ताः शृणुष्व समासेन या भविष्यन्ति सांप्रतम्
yac ca pṛcchasi māṃ brahman kāḥ kāḥ saṃbhūtayas tava tāḥ śṛṇuṣva samāsena yā bhaviṣyanti sāṃpratam
Sanskrit only: no published translation is held for this verse.
मत्स्येन भूत्वा पातालात् तव वेदाः समुद्धृताः मधुकैटभाभ्यां च हृता दत्ताश्वशिरसा मया
matsyena bhūtvā pātālāt tava vedāḥ samuddhṛtāḥ madhukaiṭabhābhyāṃ ca hṛtā dattāśvaśirasā mayā
Sanskrit only: no published translation is held for this verse.
त्वम् अप्य् अत्र महाभाग मदंशः कमलोदरात् मन्नाभिसंभवाज् जातः प्रजासृष्टिकरः परः
tvam apy atra mahābhāga madaṃśaḥ kamalodarāt mannābhisaṃbhavāj jātaḥ prajāsṛṣṭikaraḥ paraḥ
Sanskrit only: no published translation is held for this verse.
एकार्णवं च यद् इदं ब्रह्मन् पश्यस्य् अशेषतः अस्मिन् वसुमतीं देवीं मग्नां पातालम् आगताम्
ekārṇavaṃ ca yad idaṃ brahman paśyasy aśeṣataḥ asmin vasumatīṃ devīṃ magnāṃ pātālam āgatām
Sanskrit only: no published translation is held for this verse.
वेदपादो यूपदंष्ट्रः क्रतुदन्तश् चितीमुखः अग्निजिह्वो दर्भरोमा ब्रह्मशीर्षो महातपाः
vedapādo yūpadaṃṣṭraḥ kratudantaś citīmukhaḥ agnijihvo darbharomā brahmaśīrṣo mahātapāḥ
Sanskrit only: no published translation is held for this verse.
अहोरात्रेक्षणधरो वेदाङ्गश्रुतिभूषणः आज्यनासः श्रुवस्तुण्डः सामघोषस्वरो महान्
ahorātrekṣaṇadharo vedāṅgaśrutibhūṣaṇaḥ ājyanāsaḥ śruvastuṇḍaḥ sāmaghoṣasvaro mahān
Sanskrit only: no published translation is held for this verse.
प्राग्वंशकायो द्युतिमान् नानादीक्षाभिर् आचितः दक्षिणाहृदयो योगी महासत्त्रमयो महान्
prāgvaṃśakāyo dyutimān nānādīkṣābhir ācitaḥ dakṣiṇāhṛdayo yogī mahāsattramayo mahān
Sanskrit only: no published translation is held for this verse.
उपकर्मेष्टिरुचिरः प्रवर्गावर्तभूषणः नानाच्छन्दोगतिपथो ब्रह्मोक्तिकर्मविक्रमः
upakarmeṣṭiruciraḥ pravargāvartabhūṣaṇaḥ nānācchandogatipatho brahmoktikarmavikramaḥ
Sanskrit only: no published translation is held for this verse.
भूत्वा यज्ञवराहो ऽहम् इति ब्रह्मन् रसातलात् पृथिवीम् उद्धरिष्यामि स्थापयैष्यामि च स्थितौ
bhūtvā yajñavarāho 'ham iti brahman rasātalāt pṛthivīm uddhariṣyāmi sthāpayaiṣyāmi ca sthitau
Sanskrit only: no published translation is held for this verse.
पर्वतानां नदीनां च द्वीपादीनां च या स्थितिः तां च तद्वत् करिष्यामि शैलादीनाम् अनुक्रमात्
parvatānāṃ nadīnāṃ ca dvīpādīnāṃ ca yā sthitiḥ tāṃ ca tadvat kariṣyāmi śailādīnām anukramāt
Sanskrit only: no published translation is held for this verse.
हिरण्याक्षं च दुर्वृत्तं कश्यपस्यात्मसंभवम् तेनैव घातयिष्यामि रूपेणाहं प्रजापते
hiraṇyākṣaṃ ca durvṛttaṃ kaśyapasyātmasaṃbhavam tenaiva ghātayiṣyāmi rūpeṇāhaṃ prajāpate
Sanskrit only: no published translation is held for this verse.
उत्पाद्य पृथिवीं सम्यक् स्थापयित्वा यथा पुरा सृष्टिं ततः करिष्यामि त्वाम् आविश्य प्रजापतिम्
utpādya pṛthivīṃ samyak sthāpayitvā yathā purā sṛṣṭiṃ tataḥ kariṣyāmi tvām āviśya prajāpatim
Sanskrit only: no published translation is held for this verse.
तत उत्सृज्य रूपाणि अमरादिविभेदतः व्यापयिष्यामि लोकांस् तु भूलोकादीम् अशेषतः
tata utsṛjya rūpāṇi amarādivibhedataḥ vyāpayiṣyāmi lokāṃs tu bhūlokādīm aśeṣataḥ
Sanskrit only: no published translation is held for this verse.
सृष्टं जगद् इदं देव- मानुष्यादिविशेषणम् हिरण्यकशिपुर् दैत्यस् तापयिष्यति विक्रमात्
sṛṣṭaṃ jagad idaṃ deva- mānuṣyādiviśeṣaṇam hiraṇyakaśipur daityas tāpayiṣyati vikramāt
Sanskrit only: no published translation is held for this verse.
व्यंसयित्वा वरांस् तस्य तैस् तैर् हेतुभिर् आत्मवान् नृसिंहरूपं कृत्वाहं घातयिष्यामि तं रिपुम्
vyaṃsayitvā varāṃs tasya tais tair hetubhir ātmavān nṛsiṃharūpaṃ kṛtvāhaṃ ghātayiṣyāmi taṃ ripum
Sanskrit only: no published translation is held for this verse.
क्षीराब्दौ कूर्मरूपो ऽहं देवानां कमलोद्भव मन्दरं धारयिष्यामि पृष्ठेनामृतमन्थने
kṣīrābdau kūrmarūpo 'haṃ devānāṃ kamalodbhava mandaraṃ dhārayiṣyāmi pṛṣṭhenāmṛtamanthane
Sanskrit only: no published translation is held for this verse.
हरिष्यति च देवानां यज्ञभागान् यदा बलिः तदाहं वामनो भूत्वा गत्वा तस्य महाध्वरम्
hariṣyati ca devānāṃ yajñabhāgān yadā baliḥ tadāhaṃ vāmano bhūtvā gatvā tasya mahādhvaram
Sanskrit only: no published translation is held for this verse.
वञ्चयित्वासुरपतिं करिष्यामि त्रिपिष्टपम् बलिं चापि करिष्यामि पातालतलवासिनम्
vañcayitvāsurapatiṃ kariṣyāmi tripiṣṭapam baliṃ cāpi kariṣyāmi pātālatalavāsinam
Sanskrit only: no published translation is held for this verse.
अत्रेर् दत्त्वा वरं चैव तस्य पुत्रत्वम् आगतः दत्तात्रेयो भविष्यामि निहंस्यामि तथासुरान्
atrer dattvā varaṃ caiva tasya putratvam āgataḥ dattātreyo bhaviṣyāmi nihaṃsyāmi tathāsurān
Sanskrit only: no published translation is held for this verse.
सत्त्वानाम् उपकाराय प्रधानपुरुषान्तरम् दर्शयिष्यामि लोकेषु कापिलं रूपम् आस्थितः
sattvānām upakārāya pradhānapuruṣāntaram darśayiṣyāmi lokeṣu kāpilaṃ rūpam āsthitaḥ
Sanskrit only: no published translation is held for this verse.
कार्तवीर्यादिभिश् चान्यैश् चतुर्दशभिर् अन्विताः भविष्यन्ति मदंशेन त्रेतायां चक्रवर्तिनः
kārtavīryādibhiś cānyaiś caturdaśabhir anvitāḥ bhaviṣyanti madaṃśena tretāyāṃ cakravartinaḥ
Sanskrit only: no published translation is held for this verse.
ततश् च भार्गवो रामो गृहीतपरशुर् द्विजः भूत्वा क्षत्रियहीनां च करिष्यामि वसुंधराम्
tataś ca bhārgavo rāmo gṛhītaparaśur dvijaḥ bhūtvā kṣatriyahīnāṃ ca kariṣyāmi vasuṃdharām
Sanskrit only: no published translation is held for this verse.
पुनश् च राघवो रामो भूत्वा दशरथात्मजः बद्ध्वा महोदधिं कर्ता राक्षसानां कुलक्षयम्
punaś ca rāghavo rāmo bhūtvā daśarathātmajaḥ baddhvā mahodadhiṃ kartā rākṣasānāṃ kulakṣayam
Sanskrit only: no published translation is held for this verse.
अष्टाविंशतिमे प्राप्ते द्वापरे कंसम् उच्छ्रितम् केशिनं धेनुकं चैव शकुनिं पूतनां तथा अरिष्टं च हनिष्यामि मुरुं नरकम् एव च
aṣṭāviṃśatime prāpte dvāpare kaṃsam ucchritam keśinaṃ dhenukaṃ caiva śakuniṃ pūtanāṃ tathā ariṣṭaṃ ca haniṣyāmi muruṃ narakam eva ca
Sanskrit only: no published translation is held for this verse.
निशुम्भं सहयग्रीवण् तथान्यांश् चासुरेश्वरान् हनिष्यामि सुदुर्वृत्तांल् लोकानां हितकाम्यया
niśumbhaṃ sahayagrīvaṇ tathānyāṃś cāsureśvarān haniṣyāmi sudurvṛttāṃl lokānāṃ hitakāmyayā
Sanskrit only: no published translation is held for this verse.
प्रवर्षति स देवेन्द्रे महोभङ्गविरोधिते गोवर्धनं गिरिवरं धारयिष्यामि बाहुना
pravarṣati sa devendre mahobhaṅgavirodhite govardhanaṃ girivaraṃ dhārayiṣyāmi bāhunā
Sanskrit only: no published translation is held for this verse.
भाराक्रान्ताम् इमाम् उर्वीं धनंजयसहायवान् घातयित्वाखिलान् भूपांल् लघ्वीं कर्तास्मि सत्तम
bhārākrāntām imām urvīṃ dhanaṃjayasahāyavān ghātayitvākhilān bhūpāṃl laghvīṃ kartāsmi sattama
Sanskrit only: no published translation is held for this verse.
प्राप्ते कलियुगे कृत्स्नम् उपसंहृत्य वै कुलम् द्वारकां प्लावयिष्यामि उत्स्रक्ष्यामि मनुष्यताम्
prāpte kaliyuge kṛtsnam upasaṃhṛtya vai kulam dvārakāṃ plāvayiṣyāmi utsrakṣyāmi manuṣyatām
Sanskrit only: no published translation is held for this verse.
द्वितीयो यो ममांशस् तु रामो ऽनन्तः स लाङ्गली सो ऽपि संत्यज्य वसुधां रसातलम् उपेष्यति
dvitīyo yo mamāṃśas tu rāmo 'nantaḥ sa lāṅgalī so 'pi saṃtyajya vasudhāṃ rasātalam upeṣyati
Sanskrit only: no published translation is held for this verse.
ततः कलियुगे घोरे संप्राप्ते ऽब्जसमुद्भव शुद्धोदनसुतो बुद्धो भविष्यामि विमत्सरः
tataḥ kaliyuge ghore saṃprāpte 'bjasamudbhava śuddhodanasuto buddho bhaviṣyāmi vimatsaraḥ
Sanskrit only: no published translation is held for this verse.
बौद्धं धर्मम् उपाश्रित्य करिष्ये धर्मदेशनाम् नराणाम् अथ नारीणां दयां भूतेषु दर्शयन्
bauddhaṃ dharmam upāśritya kariṣye dharmadeśanām narāṇām atha nārīṇāṃ dayāṃ bhūteṣu darśayan
Sanskrit only: no published translation is held for this verse.
रक्ताम्बरा ह्य् आञ्जिताक्षाः प्रशान्तमनसस् ततः शूद्रा धर्मं प्रवक्ष्यन्ति मयि बुद्धत्वम् आगते
raktāmbarā hy āñjitākṣāḥ praśāntamanasas tataḥ śūdrā dharmaṃ pravakṣyanti mayi buddhatvam āgate
Sanskrit only: no published translation is held for this verse.
एडूकचिह्ना पृथिवी न देवगृहभूषिता भवित्री प्रायशो ब्रह्मन् मयि बुद्धत्वम् आगते
eḍūkacihnā pṛthivī na devagṛhabhūṣitā bhavitrī prāyaśo brahman mayi buddhatvam āgate
Sanskrit only: no published translation is held for this verse.
स्कन्धदर्शनमात्रं हि पश्यन्तः सकलं जगत् शूद्राः शूद्रेषु दास्यन्ति मयि बुद्धत्वम् आगते
skandhadarśanamātraṃ hi paśyantaḥ sakalaṃ jagat śūdrāḥ śūdreṣu dāsyanti mayi buddhatvam āgate
Sanskrit only: no published translation is held for this verse.
अल्पायुषस् ततो मर्त्या मोहोपहतचेतसः नरकार्हाणि कर्माणि करिष्यन्ति प्रजापते
alpāyuṣas tato martyā mohopahatacetasaḥ narakārhāṇi karmāṇi kariṣyanti prajāpate
Sanskrit only: no published translation is held for this verse.
स्वाध्यायेष्व् अवसीदन्तो ब्राह्मणाः शौचवर्जिताः अन्त्यप्रतिग्रहादानं करिष्यन्त्य् अल्पमेधसः
svādhyāyeṣv avasīdanto brāhmaṇāḥ śaucavarjitāḥ antyapratigrahādānaṃ kariṣyanty alpamedhasaḥ
Sanskrit only: no published translation is held for this verse.
न श्रोष्यन्ति पितुः पुत्राः श्वश्रूश्वशुरयोः स्नुषाः न भार्या भर्तुर् ईशस्य न भृत्या विनयस्थिताः
na śroṣyanti pituḥ putrāḥ śvaśrūśvaśurayoḥ snuṣāḥ na bhāryā bhartur īśasya na bhṛtyā vinayasthitāḥ
Sanskrit only: no published translation is held for this verse.
वर्णसंकरतां प्राप्ते लोके ऽस्मिन् दस्युतां गते ब्राह्मणादिषु वर्णेषु भविष्यत्य् अधरोत्तरम्
varṇasaṃkaratāṃ prāpte loke 'smin dasyutāṃ gate brāhmaṇādiṣu varṇeṣu bhaviṣyaty adharottaram
Sanskrit only: no published translation is held for this verse.
धर्मकञ्चुकसंवीता विधर्मरुचयस् तथा मानुषान् भक्षयिष्यन्ति म्लेच्छाः पार्थिवरूपिणः
dharmakañcukasaṃvītā vidharmarucayas tathā mānuṣān bhakṣayiṣyanti mlecchāḥ pārthivarūpiṇaḥ
Sanskrit only: no published translation is held for this verse.
ततः कलियुगस्यान्ते वेदो वाजसनेयकः दश पञ्च च वै शाखाः प्रमाणेन भविष्यति
tataḥ kaliyugasyānte vedo vājasaneyakaḥ daśa pañca ca vai śākhāḥ pramāṇena bhaviṣyati
Sanskrit only: no published translation is held for this verse.
ततो ऽहं संभविष्यामि ब्राह्मणो हरिपिङ्गलः कल्की विष्णुयशःपुत्रो याज्ञवल्क्यपुरोहितः
tato 'haṃ saṃbhaviṣyāmi brāhmaṇo haripiṅgalaḥ kalkī viṣṇuyaśaḥputro yājñavalkyapurohitaḥ
Sanskrit only: no published translation is held for this verse.
म्लेच्छान् उत्सादयिष्यामि गृहीतास्त्रः कुशायुधः स्थापयिष्यामि मर्यादाश् चातुर्वर्ण्ये यथोदिताः
mlecchān utsādayiṣyāmi gṛhītāstraḥ kuśāyudhaḥ sthāpayiṣyāmi maryādāś cāturvarṇye yathoditāḥ
Sanskrit only: no published translation is held for this verse.
तथाश्रमेषु सर्वेषु ब्रह्मचारिव्रतादिकाः स्थापयित्वा ततः सर्वाः प्रजाः सद्धर्मवर्त्मनि कल्किरूपं परित्यज्य दिवम् एष्याम्य् अहं पुनः
tathāśrameṣu sarveṣu brahmacārivratādikāḥ sthāpayitvā tataḥ sarvāḥ prajāḥ saddharmavartmani kalkirūpaṃ parityajya divam eṣyāmy ahaṃ punaḥ
Sanskrit only: no published translation is held for this verse.
ततः कृतयुगं भूयः पूर्ववत् संप्रवर्त्स्यते वर्णाश्रमाश् च धर्मेषु द्वेषु स्थास्यन्ति सत्तम
tataḥ kṛtayugaṃ bhūyaḥ pūrvavat saṃpravartsyate varṇāśramāś ca dharmeṣu dveṣu sthāsyanti sattama
Sanskrit only: no published translation is held for this verse.
एवं सर्वेषु कल्पेषु सर्वमन्वन्तरेषु च ममावताराः शतशो ये भवन्ति जगद्धिताः
evaṃ sarveṣu kalpeṣu sarvamanvantareṣu ca mamāvatārāḥ śataśo ye bhavanti jagaddhitāḥ
Sanskrit only: no published translation is held for this verse.
संकर्षणात्मजश् चैव कल्पान्ते च रसातलात् समुत्पत्स्येत् तदा रुद्रः कालाग्निर् इति यः श्रुतः
saṃkarṣaṇātmajaś caiva kalpānte ca rasātalāt samutpatsyet tadā rudraḥ kālāgnir iti yaḥ śrutaḥ
Sanskrit only: no published translation is held for this verse.
ततः क्षयं करिष्यामि जगत् स्थावरजङ्गमम् भूयश् चैव हि स्वप्स्यामि जगत्य् एकार्णवे स्थिते त्वद्रूपी च ततो भूत्वा जगत् स्रक्ष्याम्य् अहं पुनः
tataḥ kṣayaṃ kariṣyāmi jagat sthāvarajaṅgamam bhūyaś caiva hi svapsyāmi jagaty ekārṇave sthite tvadrūpī ca tato bhūtvā jagat srakṣyāmy ahaṃ punaḥ
Sanskrit only: no published translation is held for this verse.
एतत् संक्षेपतो ब्रह्मन् मयाख्यातं यथातथम् अंशावतरणं सर्वं मत्तः संक्षेपतः शृणु
etat saṃkṣepato brahman mayākhyātaṃ yathātatham aṃśāvataraṇaṃ sarvaṃ mattaḥ saṃkṣepataḥ śṛṇu
Sanskrit only: no published translation is held for this verse.
यद् दृश्यं यच् च वै स्पृश्यं यद् घ्रेयं रस्यते च यत् यच् छ्रव्यं यच् च मन्तव्यं बोधव्यं चाहम् अंशगः
yad dṛśyaṃ yac ca vai spṛśyaṃ yad ghreyaṃ rasyate ca yat yac chravyaṃ yac ca mantavyaṃ bodhavyaṃ cāham aṃśagaḥ
Sanskrit only: no published translation is held for this verse.
यत् तु बुद्धेः परतरम् अनाख्येयम् अनोपमम् तद् अहं ब्रह्म निर्द्वन्द्वं यद् वै पश्यन्ति सूरयः
yat tu buddheḥ parataram anākhyeyam anopamam tad ahaṃ brahma nirdvandvaṃ yad vai paśyanti sūrayaḥ
Sanskrit only: no published translation is held for this verse.
इदं जन्मरहस्यं मे यो नरः कीर्तयिष्यति सुलभो ऽहं भविष्यामि तस्य जन्मनि जन्मनि
idaṃ janmarahasyaṃ me yo naraḥ kīrtayiṣyati sulabho 'haṃ bhaviṣyāmi tasya janmani janmani
Sanskrit only: no published translation is held for this verse.
पठन्न् एतद् ब्रह्महा तु सुरापो गुरुतल्पगः स्तेयी कृतघ्नो गोघ्नश् च सर्वपापैः प्रमुच्यते
paṭhann etad brahmahā tu surāpo gurutalpagaḥ steyī kṛtaghno goghnaś ca sarvapāpaiḥ pramucyate
Sanskrit only: no published translation is held for this verse.
गर्भिणी जनयेत् पुत्रं कन्या विन्दति सत्पतिम् लभन्ते ऽभिमतान् कामान् नरास् तांस् तान् यथेप्सितान्
garbhiṇī janayet putraṃ kanyā vindati satpatim labhante 'bhimatān kāmān narās tāṃs tān yathepsitān
Sanskrit only: no published translation is held for this verse.
इति देवातिदेवेन ब्रह्मणो व्यक्तजन्मनः रहस्यम् इदम् आख्यातं तवापि कथितं मया
iti devātidevena brahmaṇo vyaktajanmanaḥ rahasyam idam ākhyātaṃ tavāpi kathitaṃ mayā
Sanskrit only: no published translation is held for this verse.
विष्णुः सर्वगतो ऽनन्तः सर्वं तत्र प्रतिष्ठितम् स च सर्वम् इदं राजन् न ततो विद्यते परम्
viṣṇuḥ sarvagato 'nantaḥ sarvaṃ tatra pratiṣṭhitam sa ca sarvam idaṃ rājan na tato vidyate param
Sanskrit only: no published translation is held for this verse.
एतत् पवित्रं पठितं तथा दुःस्वप्ननाशनम् जातिस्मरत्वं प्रज्ञां च ददाति पठतां नृणाम्
etat pavitraṃ paṭhitaṃ tathā duḥsvapnanāśanam jātismaratvaṃ prajñāṃ ca dadāti paṭhatāṃ nṛṇām
Sanskrit only: no published translation is held for this verse.