Visnudharma 7

शृणु दाल्भ्य परं काम्यं व्रतं संततिदं नृणाम् यम् उपोष्य न विच्छेदः पितृपिण्डस्य जायते

śṛṇu dālbhya paraṃ kāmyaṃ vrataṃ saṃtatidaṃ nṛṇām yam upoṣya na vicchedaḥ pitṛpiṇḍasya jāyate

Sanskrit only: no published translation is held for this verse.

कृष्णाष्टम्यां चैत्रमासे स्नातो नियतमानसः कृष्णम् अभ्यर्च्य पूजां च देवक्याः कुरुते तु यः

kṛṣṇāṣṭamyāṃ caitramāse snāto niyatamānasaḥ kṛṣṇam abhyarcya pūjāṃ ca devakyāḥ kurute tu yaḥ

Sanskrit only: no published translation is held for this verse.

निराहारो जपन् नाम कृष्णस्य जगतः पतेः उपविष्टो जपस्नान- क्षुतप्रस्खलितादिषु

nirāhāro japan nāma kṛṣṇasya jagataḥ pateḥ upaviṣṭo japasnāna- kṣutapraskhalitādiṣu

Sanskrit only: no published translation is held for this verse.

पूजायां चापि कृष्णस्य सप्त वारान् प्रकीर्तयेत् पाषण्डिनो विकर्मस्थान् नालपेच् चैव नास्तिकान्

pūjāyāṃ cāpi kṛṣṇasya sapta vārān prakīrtayet pāṣaṇḍino vikarmasthān nālapec caiva nāstikān

Sanskrit only: no published translation is held for this verse.

प्रभाते तु पुनः स्नातो दत्त्वा विप्राय दक्षिणाम् भुञ्जीत कृतपूजस् तु कृष्णस्यैव जगत्पतेः

prabhāte tu punaḥ snāto dattvā viprāya dakṣiṇām bhuñjīta kṛtapūjas tu kṛṣṇasyaiva jagatpateḥ

Sanskrit only: no published translation is held for this verse.

वैशाखज्येष्ठयोश् चैव पारणं हि त्रिमासिकम् उपोष्य देवदेवेशं घृतेन स्नापयेद् धरिम्

vaiśākhajyeṣṭhayoś caiva pāraṇaṃ hi trimāsikam upoṣya devadeveśaṃ ghṛtena snāpayed dharim

Sanskrit only: no published translation is held for this verse.

आषाढे श्रावणे चैव मासे भाद्रपदे तथा उपोषिते द्वितीयं वै पारणं पूर्ववत् तु तत्

āṣāḍhe śrāvaṇe caiva māse bhādrapade tathā upoṣite dvitīyaṃ vai pāraṇaṃ pūrvavat tu tat

Sanskrit only: no published translation is held for this verse.

तथैवाश्वयुजं चादिं कृत्वा मासत्रयं बुधः उपोष्य स्नापयेद् देवं हविषा पारणे गते

tathaivāśvayujaṃ cādiṃ kṛtvā māsatrayaṃ budhaḥ upoṣya snāpayed devaṃ haviṣā pāraṇe gate

Sanskrit only: no published translation is held for this verse.

पौषे माघे फाल्गुने च नरस् तद्वद् उपोषितः चतुर्थे पारणे पूर्णे घृतेन स्नापयेद् धरिम्

pauṣe māghe phālgune ca naras tadvad upoṣitaḥ caturthe pāraṇe pūrṇe ghṛtena snāpayed dharim

Sanskrit only: no published translation is held for this verse.

एवं कृतोपवासस्य पुरुषस्य तथा स्त्रियः न संततेः परिच्छेदः कदाचिद् अभिजायते

evaṃ kṛtopavāsasya puruṣasya tathā striyaḥ na saṃtateḥ paricchedaḥ kadācid abhijāyate

Sanskrit only: no published translation is held for this verse.

कृष्णाष्टमीम् इमां यस् तु नरो योषिद् अथापि वा उपोष्यतीह साह्लादं नृलोके प्राप्य निर्वृत्तिम्

kṛṣṇāṣṭamīm imāṃ yas tu naro yoṣid athāpi vā upoṣyatīha sāhlādaṃ nṛloke prāpya nirvṛttim

Sanskrit only: no published translation is held for this verse.

पुत्रपौत्रसमृद्धिं च मृतः स्वर्गे महीयते इत्य् एतत् कथितं दाल्भ्य मया कृष्णाष्टंईव्रतम्

putrapautrasamṛddhiṃ ca mṛtaḥ svarge mahīyate ity etat kathitaṃ dālbhya mayā kṛṣṇāṣṭaṃīvratam

Sanskrit only: no published translation is held for this verse.

प्रावृट्काले तु नियमाञ् शृणु काम्यान् इमान् मम

prāvṛṭkāle tu niyamāñ śṛṇu kāmyān imān mama

Sanskrit only: no published translation is held for this verse.

प्रावृट्काले यदा शेते वासुदेवः पयोनिधौ भोगिभोगे निजां मायां योगनिद्रां च मानयन्

prāvṛṭkāle yadā śete vāsudevaḥ payonidhau bhogibhoge nijāṃ māyāṃ yoganidrāṃ ca mānayan

Sanskrit only: no published translation is held for this verse.

विशिष्टा न प्रवर्तन्ते तदा यज्ञादिकाः क्रियाः देवानां सा भवेद् रात्रिर् दक्षिणायनसंज्ञिता

viśiṣṭā na pravartante tadā yajñādikāḥ kriyāḥ devānāṃ sā bhaved rātrir dakṣiṇāyanasaṃjñitā

Sanskrit only: no published translation is held for this verse.

यदा स्वपिति गोविन्दो यस् तु मासं चतुष्टयम् अधःशायी ब्रह्मचारी केशवार्पितमानसः

yadā svapiti govindo yas tu māsaṃ catuṣṭayam adhaḥśāyī brahmacārī keśavārpitamānasaḥ

Sanskrit only: no published translation is held for this verse.

नमो नमो ऽस्तु कृष्णाय केशवाय नमो नमः नमो ऽस्तु नरसिंहाय विष्णवे च नमो नमः

namo namo 'stu kṛṣṇāya keśavāya namo namaḥ namo 'stu narasiṃhāya viṣṇave ca namo namaḥ

Sanskrit only: no published translation is held for this verse.

इति प्रातस् तथा सायं जपेद् देवक्रियापरः शमयत्य् अतिदुष्पारं दुरितं जन्मसंचितम्

iti prātas tathā sāyaṃ japed devakriyāparaḥ śamayaty atiduṣpāraṃ duritaṃ janmasaṃcitam

Sanskrit only: no published translation is held for this verse.

मधु मांसं च यो मासाञ् चतुरस् तान् निरस्यति देवक्रियारतिर् विष्णोर् अनुस्मरणतत्परः

madhu māṃsaṃ ca yo māsāñ caturas tān nirasyati devakriyāratir viṣṇor anusmaraṇatatparaḥ

Sanskrit only: no published translation is held for this verse.

सो ऽपि स्वर्गं समभ्येति च्युतस् तस्मात् तु जायते अरोगी धनधान्याढ्यः कुलसंततिमान् नरः

so 'pi svargaṃ samabhyeti cyutas tasmāt tu jāyate arogī dhanadhānyāḍhyaḥ kulasaṃtatimān naraḥ

Sanskrit only: no published translation is held for this verse.

समस्तमन्दिराणां च यः सुप्ते मधुसूदने निर्वृत्तिं कुरुते सो ऽपि देवो वैमानिको भवेत्

samastamandirāṇāṃ ca yaḥ supte madhusūdane nirvṛttiṃ kurute so 'pi devo vaimāniko bhavet

Sanskrit only: no published translation is held for this verse.

अनेनैव विधानेन नरो विष्णुक्रियापरः एकाहारो भवेद् यस् तु सर्वपापैः प्रमुच्यते

anenaiva vidhānena naro viṣṇukriyāparaḥ ekāhāro bhaved yas tu sarvapāpaiḥ pramucyate

Sanskrit only: no published translation is held for this verse.

सुप्ते च सर्वलोकेशे नक्तभोजी भवेत् तु यः सर्वपापविनिर्मुक्तः स्वर्गलोके ऽमरो भवेत्

supte ca sarvalokeśe naktabhojī bhavet tu yaḥ sarvapāpavinirmuktaḥ svargaloke 'maro bhavet

Sanskrit only: no published translation is held for this verse.

शस्तं त्व् अनन्तरं पुंसां ततश् चैवेकभोजनम् नक्तभोजनतुल्यं तु नोपवासफलं क्वचित्

śastaṃ tv anantaraṃ puṃsāṃ tataś caivekabhojanam naktabhojanatulyaṃ tu nopavāsaphalaṃ kvacit

Sanskrit only: no published translation is held for this verse.

तैलाभङ्गं च यो मासांश् चतुरस् तान् निरस्यति सो ऽप्य् अङ्गलावण्यगुणम् आरोग्यं च नरो लभेत्

tailābhaṅgaṃ ca yo māsāṃś caturas tān nirasyati so 'py aṅgalāvaṇyaguṇam ārogyaṃ ca naro labhet

Sanskrit only: no published translation is held for this verse.

यस् त्व् एतानि समस्तानि मासान् एतान् नरश् चरेत् स विष्णुलोकम् आसाद्य विष्णोर् अनुचरो भवेत्

yas tv etāni samastāni māsān etān naraś caret sa viṣṇulokam āsādya viṣṇor anucaro bhavet

Sanskrit only: no published translation is held for this verse.

चतुर्भिः पारणं मासैर् निष्पाद्यं हरितत्परैः ब्राह्मणान् भोजयेद् दद्यात् ततस् तेभ्यश् च दक्षिणाम्

caturbhiḥ pāraṇaṃ māsair niṣpādyaṃ haritatparaiḥ brāhmaṇān bhojayed dadyāt tatas tebhyaś ca dakṣiṇām

Sanskrit only: no published translation is held for this verse.

पूजयेच् च जगन्नाथं सर्वपापहरं हरिम् प्रीयस्व देव गोविन्देत्य् एवं चैव प्रसादयेत्

pūjayec ca jagannāthaṃ sarvapāpaharaṃ harim prīyasva deva govindety evaṃ caiva prasādayet

Sanskrit only: no published translation is held for this verse.

इति दाल्भ्य समाख्यातं चातुर्मास्ये हि यद् व्रतम् देवदेवस्य सुप्तस्य द्वादशीं शृणु चापराम् यस्याम् अनन्तस्मरणाद् अनन्तफलभाग् भवेत्

iti dālbhya samākhyātaṃ cāturmāsye hi yad vratam devadevasya suptasya dvādaśīṃ śṛṇu cāparām yasyām anantasmaraṇād anantaphalabhāg bhavet

Sanskrit only: no published translation is held for this verse.