इत्य् असाव् आत्मरक्षार्थं न्यस्तवान् विष्णुपञ्जरम् तेनासाध्यः स दुष्टानां बभूव नृप रक्षसाम्
ity asāv ātmarakṣārthaṃ nyastavān viṣṇupañjaram tenāsādhyaḥ sa duṣṭānāṃ babhūva nṛpa rakṣasām
Sanskrit only: no published translation is held for this verse.
Visnudharma 70
एतयारक्षया रक्षो निर्धूतं भुवि पातितम् जप्यावसाने विप्रो ऽसौ ददर्श विगतौजसम्
etayārakṣayā rakṣo nirdhūtaṃ bhuvi pātitam japyāvasāne vipro 'sau dadarśa vigataujasam
Sanskrit only: no published translation is held for this verse.
दृष्ट्वा च कृपयाविष्टः समाश्वास्य निशाचरम् पप्रच्छागमने हेतुं तं चाचष्ट यथातथम् कथयित्वा च तत् सर्वं राक्षसः पुनर् अब्रवीत्
dṛṣṭvā ca kṛpayāviṣṭaḥ samāśvāsya niśācaram papracchāgamane hetuṃ taṃ cācaṣṭa yathātatham kathayitvā ca tat sarvaṃ rākṣasaḥ punar abravīt
Sanskrit only: no published translation is held for this verse.
प्रसीद विप्रवर्य त्वं निर्विण्णस्यातिपापिनः पापप्रशमनायालम् उपदेशं प्रयच्छ मे
prasīda vipravarya tvaṃ nirviṇṇasyātipāpinaḥ pāpapraśamanāyālam upadeśaṃ prayaccha me
Sanskrit only: no published translation is held for this verse.
बहूनि पापानि मया कृतानि बहवो हताः कृताः स्त्रियश् च मे बह्व्यो विधवा हतपुत्रिकाः अनागसां च सत्त्वानाम् अनेकानां क्षयः कृतः
bahūni pāpāni mayā kṛtāni bahavo hatāḥ kṛtāḥ striyaś ca me bahvyo vidhavā hataputrikāḥ anāgasāṃ ca sattvānām anekānāṃ kṣayaḥ kṛtaḥ
Sanskrit only: no published translation is held for this verse.
सो ऽहम् इच्छामि विप्रर्षे प्रसादात् तव सुव्रत पापस्यास्य क्षयं कर्तुं कुरु मे धर्मदेशनाम्
so 'ham icchāmi viprarṣe prasādāt tava suvrata pāpasyāsya kṣayaṃ kartuṃ kuru me dharmadeśanām
Sanskrit only: no published translation is held for this verse.
कथं क्रूरस्वभावस्य सतस् तव निशाचर सहसैव समायाता जिज्ञासा धर्मवर्त्मनि
kathaṃ krūrasvabhāvasya satas tava niśācara sahasaiva samāyātā jijñāsā dharmavartmani
Sanskrit only: no published translation is held for this verse.
त्वाम् अत्तुम् आगतः क्षिप्तो रक्षया कृतया त्वया तत्संस्पर्शाच् च मे ब्रह्मन् साध्व् एतन् मनसि स्थितम्
tvām attum āgataḥ kṣipto rakṣayā kṛtayā tvayā tatsaṃsparśāc ca me brahman sādhv etan manasi sthitam
Sanskrit only: no published translation is held for this verse.
का सा रक्षा न तां वेद्मि वेद्मि नास्याः परायणम् किंत्व् अस्याः संगम् आसाद्य निर्वेदं प्रापितं परम्
kā sā rakṣā na tāṃ vedmi vedmi nāsyāḥ parāyaṇam kiṃtv asyāḥ saṃgam āsādya nirvedaṃ prāpitaṃ param
Sanskrit only: no published translation is held for this verse.
स कृपां कुरु धर्मज्ञ मय्य् अनुक्रोशम् आवह यथा पापापनोदो मे भवत्य् आर्य तथा कुरु
sa kṛpāṃ kuru dharmajña mayy anukrośam āvaha yathā pāpāpanodo me bhavaty ārya tathā kuru
Sanskrit only: no published translation is held for this verse.
इत्य् एवम् उक्तः स मुनिः सदयस् तेन रक्षसा प्रत्युवाच महाभाग विमृश्य सुचिरं तदा
ity evam uktaḥ sa muniḥ sadayas tena rakṣasā pratyuvāca mahābhāga vimṛśya suciraṃ tadā
Sanskrit only: no published translation is held for this verse.
यत् त्वम् आत्थोपदेशार्थं निर्विण्णः स्वेन कर्मणा युक्तम् एतन् न पापानां निवृत्तेर् उपकारकम्
yat tvam ātthopadeśārthaṃ nirviṇṇaḥ svena karmaṇā yuktam etan na pāpānāṃ nivṛtter upakārakam
Sanskrit only: no published translation is held for this verse.
करिष्ये यातुधानानां न त्व् अहं धर्मदेशनाम् तांस् त्वं पृच्छ द्विजान् सौम्य ये वै प्रवचने रताः
kariṣye yātudhānānāṃ na tv ahaṃ dharmadeśanām tāṃs tvaṃ pṛccha dvijān saumya ye vai pravacane ratāḥ
Sanskrit only: no published translation is held for this verse.
एवम् उक्त्वा ययौ विप्रश् चिन्ताम् आप च राक्षसः कथं पापापनोदः स्याद् इत्य् असौ व्याकुलेन्द्रियः
evam uktvā yayau vipraś cintām āpa ca rākṣasaḥ kathaṃ pāpāpanodaḥ syād ity asau vyākulendriyaḥ
Sanskrit only: no published translation is held for this verse.
न तदा खादते सत्त्वान् क्षुधा संपीडितो ऽपि सन् षष्ठे षष्ठे तदा काले जन्तुम् एकम् अभक्षयत्
na tadā khādate sattvān kṣudhā saṃpīḍito 'pi san ṣaṣṭhe ṣaṣṭhe tadā kāle jantum ekam abhakṣayat
Sanskrit only: no published translation is held for this verse.
स कदाचित् क्षुधाविष्टः पर्यटन् विपिने वने ददर्शाथ फलाहारम् अग्रतः कौशिकं द्विजम्
sa kadācit kṣudhāviṣṭaḥ paryaṭan vipine vane dadarśātha phalāhāram agrataḥ kauśikaṃ dvijam
Sanskrit only: no published translation is held for this verse.
तं जग्राह च भक्षार्थं षष्ठे काले बुभुक्षितः गुरोर् अर्थे फलाहारम् आगतं ब्रह्मचारिणम्
taṃ jagrāha ca bhakṣārthaṃ ṣaṣṭhe kāle bubhukṣitaḥ guror arthe phalāhāram āgataṃ brahmacāriṇam
Sanskrit only: no published translation is held for this verse.
गृहीतो रक्षसा तेन स तदा मुनिदारकः निराशो जीविते प्राह सामपूर्वं निशाचरम्
gṛhīto rakṣasā tena sa tadā munidārakaḥ nirāśo jīvite prāha sāmapūrvaṃ niśācaram
Sanskrit only: no published translation is held for this verse.
भो भद्रमुख यत्कार्यं गृहीतो ऽहम् इह त्वया तद् ब्रवीहि यथातत्त्वम् अयम् अस्म्य् अनुशाधि माम्
bho bhadramukha yatkāryaṃ gṛhīto 'ham iha tvayā tad bravīhi yathātattvam ayam asmy anuśādhi mām
Sanskrit only: no published translation is held for this verse.
षष्ठे काले ममाहारः क्षुधितस्य त्वम् आगतः निःशूकस्यातिपापस्य निर्घृणस्य द्विजद्रुहः
ṣaṣṭhe kāle mamāhāraḥ kṣudhitasya tvam āgataḥ niḥśūkasyātipāpasya nirghṛṇasya dvijadruhaḥ
Sanskrit only: no published translation is held for this verse.
यद्य् अवश्यं त्वयाध्याहं भक्षणीयो निशाचर आयास्यामि तद् अद्यैव निवेद्य गुरवे फलम्
yady avaśyaṃ tvayādhyāhaṃ bhakṣaṇīyo niśācara āyāsyāmi tad adyaiva nivedya gurave phalam
Sanskrit only: no published translation is held for this verse.
गुरुमूले तद् आगत्य यत् फलग्रहणं कृतम् ममात्र निष्ठां प्राप्तस्य तत् पापाय निवेदितम्
gurumūle tad āgatya yat phalagrahaṇaṃ kṛtam mamātra niṣṭhāṃ prāptasya tat pāpāya niveditam
Sanskrit only: no published translation is held for this verse.
स त्वं मुहूर्तमात्रं माम् अत्रैव प्रतिपालय निवेद्य गुरवे यावद् इहागच्छाम्य् अहं फलम्
sa tvaṃ muhūrtamātraṃ mām atraiva pratipālaya nivedya gurave yāvad ihāgacchāmy ahaṃ phalam
Sanskrit only: no published translation is held for this verse.
षष्ठे काले न मे ब्रह्मन् कश्चिद् ग्रहणम् आगतः प्रमुच्यते निबोधैतद् इति मे पापजीविकाम्
ṣaṣṭhe kāle na me brahman kaścid grahaṇam āgataḥ pramucyate nibodhaitad iti me pāpajīvikām
Sanskrit only: no published translation is held for this verse.
एक एवात्र मोक्षस्य तव हेतुः शृणुष्व तम् मुञ्चाम्य् अहम् असंदिग्धं यदि तत् कुरुते भवान्
eka evātra mokṣasya tava hetuḥ śṛṇuṣva tam muñcāmy aham asaṃdigdhaṃ yadi tat kurute bhavān
Sanskrit only: no published translation is held for this verse.
गुरोर् यन् न विरोधाय यन् न धर्मोपरोधकम् तत् करिष्याम्य् अहं रक्षो यन् न व्रतहरं मम
guror yan na virodhāya yan na dharmoparodhakam tat kariṣyāmy ahaṃ rakṣo yan na vrataharaṃ mama
Sanskrit only: no published translation is held for this verse.
मया निसर्गतो ब्रह्मञ् जातिदोषाद् विशेषतः निर्विवेकेन पापेन पापं कर्म सदा कृतम्
mayā nisargato brahmañ jātidoṣād viśeṣataḥ nirvivekena pāpena pāpaṃ karma sadā kṛtam
Sanskrit only: no published translation is held for this verse.
आ बाल्यान् मम पापेषु न पुण्येषु रतं मनः तत्पापसंचयान् मोक्षं प्राप्नुयां येन तद् वद
ā bālyān mama pāpeṣu na puṇyeṣu rataṃ manaḥ tatpāpasaṃcayān mokṣaṃ prāpnuyāṃ yena tad vada
Sanskrit only: no published translation is held for this verse.
यानि पापानि कर्माणि बालत्वाच् चरितानि मे दुष्टां योनिम् इमां प्राप्य तन्मुक्तिं कथय द्विज
yāni pāpāni karmāṇi bālatvāc caritāni me duṣṭāṃ yonim imāṃ prāpya tanmuktiṃ kathaya dvija
Sanskrit only: no published translation is held for this verse.
यद्य् एतद् द्विजपुत्र त्वं ममाख्यास्यस्य् अशेषतः तत् क्षुधार्तात् समार्तस् त्वं नियतं मोक्षम् आप्स्यसि
yady etad dvijaputra tvaṃ mamākhyāsyasy aśeṣataḥ tat kṣudhārtāt samārtas tvaṃ niyataṃ mokṣam āpsyasi
Sanskrit only: no published translation is held for this verse.
न चैतत् पापशीलो ऽहम् अद्य त्वां क्षुत्पिपासितः षष्ठे काले नृशंसात्मा भक्षयिष्यामि निर्घृणः
na caitat pāpaśīlo 'ham adya tvāṃ kṣutpipāsitaḥ ṣaṣṭhe kāle nṛśaṃsātmā bhakṣayiṣyāmi nirghṛṇaḥ
Sanskrit only: no published translation is held for this verse.
एवम् उक्तो मुनिसुतस् तेन घोरेण रक्षसा चिन्ताम् अवाप महतीम् अशक्तस् तद् उदीरितुम्
evam ukto munisutas tena ghoreṇa rakṣasā cintām avāpa mahatīm aśaktas tad udīritum
Sanskrit only: no published translation is held for this verse.
विमृश्य सुचिरं विप्रः शरणं जातवेदसम् जगाम ज्ञानदानाय संशयं परमं गतः
vimṛśya suciraṃ vipraḥ śaraṇaṃ jātavedasam jagāma jñānadānāya saṃśayaṃ paramaṃ gataḥ
Sanskrit only: no published translation is held for this verse.
यदि शुश्रूषितो वह्निर् गुरोः शुश्रूषणाद् अनु व्रतानि वा सुचीर्णानि सप्तार्चिः पातु मां ततः
yadi śuśrūṣito vahnir guroḥ śuśrūṣaṇād anu vratāni vā sucīrṇāni saptārciḥ pātu māṃ tataḥ
Sanskrit only: no published translation is held for this verse.
न मातरं न पितरं गौरवेण यथा गुरुम् यथाहम् अवगच्छामि तथा मां पातु पावकः
na mātaraṃ na pitaraṃ gauraveṇa yathā gurum yathāham avagacchāmi tathā māṃ pātu pāvakaḥ
Sanskrit only: no published translation is held for this verse.
यथा गुरुं न मनसा कर्मणा वचसापि वा अवजानाम्य् अहं तेन पातु सत्येन पावकः
yathā guruṃ na manasā karmaṇā vacasāpi vā avajānāmy ahaṃ tena pātu satyena pāvakaḥ
Sanskrit only: no published translation is held for this verse.
इत्य् एवं शपथान् सत्यान् कुर्वतस् तस्य तत् पुनः सप्तार्चिषा समादिष्टा प्रादुरासीत् सरस्वती सा चोवाच द्विजसुतं राक्षसग्रहणाकुलम्
ity evaṃ śapathān satyān kurvatas tasya tat punaḥ saptārciṣā samādiṣṭā prādurāsīt sarasvatī sā covāca dvijasutaṃ rākṣasagrahaṇākulam
Sanskrit only: no published translation is held for this verse.
मा भैर् द्विजसुताहं त्वां मोक्षयाम्य् अतिसंकटात्
mā bhair dvijasutāhaṃ tvāṃ mokṣayāmy atisaṃkaṭāt
Sanskrit only: no published translation is held for this verse.
यद् अस्य रक्षसः श्रेयो जिह्वाग्रे ऽहं स्थिता तव तत् सर्वं कथयिष्यामि ततो मोक्षम् अवाप्स्यसि
yad asya rakṣasaḥ śreyo jihvāgre 'haṃ sthitā tava tat sarvaṃ kathayiṣyāmi tato mokṣam avāpsyasi
Sanskrit only: no published translation is held for this verse.
अदृश्या रक्षसा तेन प्रोक्त्वेत्थं तं सरस्वती अदर्शनम् इता सो ऽपि द्विजः प्राह निशाचरम्
adṛśyā rakṣasā tena proktvetthaṃ taṃ sarasvatī adarśanam itā so 'pi dvijaḥ prāha niśācaram
Sanskrit only: no published translation is held for this verse.
श्रूयतां तव यच् छ्रेयस् तथान्येषां च पापिनाम् समस्तपापशुद्ध्यर्थं पुण्योपचयदं च यत्
śrūyatāṃ tava yac chreyas tathānyeṣāṃ ca pāpinām samastapāpaśuddhyarthaṃ puṇyopacayadaṃ ca yat
Sanskrit only: no published translation is held for this verse.
प्रातर् उत्थाय सततं मध्याह्ने ऽह्नः क्षये ऽपि वा अयं शस्तः सदा जापः सर्वपापोपशान्तिदः
prātar utthāya satataṃ madhyāhne 'hnaḥ kṣaye 'pi vā ayaṃ śastaḥ sadā jāpaḥ sarvapāpopaśāntidaḥ
Sanskrit only: no published translation is held for this verse.
हरिं कृष्णं हृषीकेशं वासुदेवं जनार्दनम् प्रणतो ऽस्मि जगन्नाथं स मे पापं व्यपोहतु
hariṃ kṛṣṇaṃ hṛṣīkeśaṃ vāsudevaṃ janārdanam praṇato 'smi jagannāthaṃ sa me pāpaṃ vyapohatu
Sanskrit only: no published translation is held for this verse.
विश्वेश्वरम् अजं विष्णुम् अप्रमेयपराक्रमम् प्रणतो ऽस्मि प्रजापालं स मे पापं व्यपोहतु
viśveśvaram ajaṃ viṣṇum aprameyaparākramam praṇato 'smi prajāpālaṃ sa me pāpaṃ vyapohatu
Sanskrit only: no published translation is held for this verse.
विष्णुम् अच्युतम् ईशानम् अनन्तम् अपराजितम् प्रणतो ऽस्मि महात्मानं स मे पापं व्यपोहतु
viṣṇum acyutam īśānam anantam aparājitam praṇato 'smi mahātmānaṃ sa me pāpaṃ vyapohatu
Sanskrit only: no published translation is held for this verse.
चराचरगुरुं नाथं गोविन्दं शेषशायिनम् प्रणतो ऽस्मि परं देवं स मे पापं व्यपोहतु
carācaraguruṃ nāthaṃ govindaṃ śeṣaśāyinam praṇato 'smi paraṃ devaṃ sa me pāpaṃ vyapohatu
Sanskrit only: no published translation is held for this verse.
गोवर्धनधरं धीरं गोब्राह्मणहिते स्थितम् प्रणतो ऽस्मि गदापाणिं स मे पापं व्यपोहतु
govardhanadharaṃ dhīraṃ gobrāhmaṇahite sthitam praṇato 'smi gadāpāṇiṃ sa me pāpaṃ vyapohatu
Sanskrit only: no published translation is held for this verse.
शङ्खिनं चक्रिणं शान्तं शार्ङ्गिणं स्रग्धरं परम् प्रणतो ऽस्मि पतिं लक्ष्म्याः स मे पापं व्यपोहतु
śaṅkhinaṃ cakriṇaṃ śāntaṃ śārṅgiṇaṃ sragdharaṃ param praṇato 'smi patiṃ lakṣmyāḥ sa me pāpaṃ vyapohatu
Sanskrit only: no published translation is held for this verse.
दामोदरम् उदाराक्षं पुण्डरीकाक्षम् अव्ययम् प्रणतो ऽस्मि स्तुतं स्तुत्यैः स मे पापं व्यपोहतु
dāmodaram udārākṣaṃ puṇḍarīkākṣam avyayam praṇato 'smi stutaṃ stutyaiḥ sa me pāpaṃ vyapohatu
Sanskrit only: no published translation is held for this verse.
नारायणं नरं शौरिं माधवं मधुसूदनम् प्रणतो ऽस्मि धराधारं स मे पापं व्यपोहतु
nārāyaṇaṃ naraṃ śauriṃ mādhavaṃ madhusūdanam praṇato 'smi dharādhāraṃ sa me pāpaṃ vyapohatu
Sanskrit only: no published translation is held for this verse.
केशवं केशिहन्तारं कंसारिष्टनिसूदनम् प्रणतो ऽस्मि चतुर्बाहुं स मे पापं व्यपोहतु
keśavaṃ keśihantāraṃ kaṃsāriṣṭanisūdanam praṇato 'smi caturbāhuṃ sa me pāpaṃ vyapohatu
Sanskrit only: no published translation is held for this verse.
श्रीवत्सवक्षसं श्रीशं श्रीधरं श्रीनिकेतनम् प्रणतो ऽस्मि श्रियः कान्तं स मे पापं व्यपोहतु
śrīvatsavakṣasaṃ śrīśaṃ śrīdharaṃ śrīniketanam praṇato 'smi śriyaḥ kāntaṃ sa me pāpaṃ vyapohatu
Sanskrit only: no published translation is held for this verse.
यम् ईशं सर्वभूतानां ध्यायन्ति यतयो ऽक्षरम् वासुदेवम् अनिर्देश्यं तम् अस्मि शरणं गतः
yam īśaṃ sarvabhūtānāṃ dhyāyanti yatayo 'kṣaram vāsudevam anirdeśyaṃ tam asmi śaraṇaṃ gataḥ
Sanskrit only: no published translation is held for this verse.
समस्तालम्बनेभ्यो ऽयं संहृत्य मनसो गतिम् ध्यायन्ति वासुदेवाख्यं तम् अस्मि शरणं गतः
samastālambanebhyo 'yaṃ saṃhṛtya manaso gatim dhyāyanti vāsudevākhyaṃ tam asmi śaraṇaṃ gataḥ
Sanskrit only: no published translation is held for this verse.
सर्वगं सर्वभूतं च सर्वस्याधातम् ईश्वरम् वासुदेवं परं ब्रह्म तम् अस्मि शरणं गतः
sarvagaṃ sarvabhūtaṃ ca sarvasyādhātam īśvaram vāsudevaṃ paraṃ brahma tam asmi śaraṇaṃ gataḥ
Sanskrit only: no published translation is held for this verse.
परमात्मानम् अव्यक्तं यं प्रयान्ति सुमेधसः कर्मक्षये ऽक्षयं देवं तम् अस्मि शरणं गतः
paramātmānam avyaktaṃ yaṃ prayānti sumedhasaḥ karmakṣaye 'kṣayaṃ devaṃ tam asmi śaraṇaṃ gataḥ
Sanskrit only: no published translation is held for this verse.
पुण्यपापविनिर्मुक्ता यं प्रविश्य पुनर्भवम् न योगिनः प्राप्नुवन्ति तम् अस्मि शरणं गतः
puṇyapāpavinirmuktā yaṃ praviśya punarbhavam na yoginaḥ prāpnuvanti tam asmi śaraṇaṃ gataḥ
Sanskrit only: no published translation is held for this verse.
ब्रह्मा भूत्वा जगत् सर्वं सदेवासुरमानुषम् यः सृजत्य् अच्युतो देवस् तम् अस्मि शरणं गतः
brahmā bhūtvā jagat sarvaṃ sadevāsuramānuṣam yaḥ sṛjaty acyuto devas tam asmi śaraṇaṃ gataḥ
Sanskrit only: no published translation is held for this verse.
ब्रह्मत्वे यस्य वक्त्रेभ्यश् चतुर्वेदमयं वपुः सूतं प्रभो पुरा जज्ञे तम् अस्मि शरणं गतः
brahmatve yasya vaktrebhyaś caturvedamayaṃ vapuḥ sūtaṃ prabho purā jajñe tam asmi śaraṇaṃ gataḥ
Sanskrit only: no published translation is held for this verse.
ब्रह्मरूपधरं देवं जगद्योनिं जनार्दनम् स्रष्टृत्वे संस्थितं सृष्टौ प्रणतो ऽस्मि सनातनम्
brahmarūpadharaṃ devaṃ jagadyoniṃ janārdanam sraṣṭṛtve saṃsthitaṃ sṛṣṭau praṇato 'smi sanātanam
Sanskrit only: no published translation is held for this verse.
यः पाति सृष्टं च विभुः स्थिताव् असुरसूदनः तम् आदिपुरुषं विष्णुं प्रणतो ऽस्मि सनातनम्
yaḥ pāti sṛṣṭaṃ ca vibhuḥ sthitāv asurasūdanaḥ tam ādipuruṣaṃ viṣṇuṃ praṇato 'smi sanātanam
Sanskrit only: no published translation is held for this verse.
धृता मही हता दैत्याः परित्रातास् तथामराः येन तं विष्णुम् आद्येशं प्रणतो ऽस्मि सनातनम्
dhṛtā mahī hatā daityāḥ paritrātās tathāmarāḥ yena taṃ viṣṇum ādyeśaṃ praṇato 'smi sanātanam
Sanskrit only: no published translation is held for this verse.
यज्ञैर् यजन्ति यं विप्रा यज्ञेशं यज्ञभावनम् तं यज्ञपुरुषं विष्णुं प्रणतो ऽस्मि सनातनम्
yajñair yajanti yaṃ viprā yajñeśaṃ yajñabhāvanam taṃ yajñapuruṣaṃ viṣṇuṃ praṇato 'smi sanātanam
Sanskrit only: no published translation is held for this verse.
वर्णाश्रमान् स्थिताव् आद्यो यः स्थापयति वर्त्मनि तम् आदिपुरुषं विष्णुं प्रणतो ऽस्मि सनातनम्
varṇāśramān sthitāv ādyo yaḥ sthāpayati vartmani tam ādipuruṣaṃ viṣṇuṃ praṇato 'smi sanātanam
Sanskrit only: no published translation is held for this verse.
कल्पान्ते रुद्ररूपो यः संहरत्य् अखिलं जगत् तम् आदिपुरुषं विष्णुं प्रणतो ऽस्मि जनार्दनम्
kalpānte rudrarūpo yaḥ saṃharaty akhilaṃ jagat tam ādipuruṣaṃ viṣṇuṃ praṇato 'smi janārdanam
Sanskrit only: no published translation is held for this verse.
पातालवीथीभूरादींस् तथा लोकान् बिभर्ति यः तम् अन्तपुरुषं विष्णुं प्रणतो ऽस्मि जनार्दनम्
pātālavīthībhūrādīṃs tathā lokān bibharti yaḥ tam antapuruṣaṃ viṣṇuṃ praṇato 'smi janārdanam
Sanskrit only: no published translation is held for this verse.
संभक्षयित्वा सकलं यथा सृष्टम् इदं जगत् यो नृत्यत्य् अतिरौद्रात्मा प्रणतो ऽस्मि जनार्दनम्
saṃbhakṣayitvā sakalaṃ yathā sṛṣṭam idaṃ jagat yo nṛtyaty atiraudrātmā praṇato 'smi janārdanam
Sanskrit only: no published translation is held for this verse.
सुरासुराः पितृगणा यक्षगन्धर्वराक्षसाः यस्यांशभूता देवस्य सर्वगं तं नमाम्य् अहम्
surāsurāḥ pitṛgaṇā yakṣagandharvarākṣasāḥ yasyāṃśabhūtā devasya sarvagaṃ taṃ namāmy aham
Sanskrit only: no published translation is held for this verse.
समस्तदेवाः सकला मानुषाणां च जातयः यस्यांशभूता देवस्य सर्वगं तं नमाम्य् अहम्
samastadevāḥ sakalā mānuṣāṇāṃ ca jātayaḥ yasyāṃśabhūtā devasya sarvagaṃ taṃ namāmy aham
Sanskrit only: no published translation is held for this verse.
वृक्षगुल्मादयो यस्य तथा पशुमृगादयः एकांशभूता देवस्य सर्वगं तं नमाम्य् अहम्
vṛkṣagulmādayo yasya tathā paśumṛgādayaḥ ekāṃśabhūtā devasya sarvagaṃ taṃ namāmy aham
Sanskrit only: no published translation is held for this verse.
यस्मान् नान्यत् परं किंचिद् यस्मिन् सर्वं महात्मनि यः सर्वम् अव्ययो ऽनन्तः सर्वगं तं नमाम्य् अहम्
yasmān nānyat paraṃ kiṃcid yasmin sarvaṃ mahātmani yaḥ sarvam avyayo 'nantaḥ sarvagaṃ taṃ namāmy aham
Sanskrit only: no published translation is held for this verse.
यथा सर्वेषु भूतेषु स्थावरेषु चरेषु च विष्णुर् एव तथा पापं ममाशेषं प्रणश्यतु
yathā sarveṣu bhūteṣu sthāvareṣu careṣu ca viṣṇur eva tathā pāpaṃ mamāśeṣaṃ praṇaśyatu
Sanskrit only: no published translation is held for this verse.
यथा विष्णुमयं सर्वं यत् सर्वेन्द्रियगोचरम् यच् च ज्ञानपरिच्छेद्यं पापं नश्यतु मे तथा
yathā viṣṇumayaṃ sarvaṃ yat sarvendriyagocaram yac ca jñānaparicchedyaṃ pāpaṃ naśyatu me tathā
Sanskrit only: no published translation is held for this verse.
प्रवृत्तं च निवृत्तं च कर्म विष्णुमयं यथा अनेकजन्मकर्मोत्थं पापं नश्यतु मे तथा
pravṛttaṃ ca nivṛttaṃ ca karma viṣṇumayaṃ yathā anekajanmakarmotthaṃ pāpaṃ naśyatu me tathā
Sanskrit only: no published translation is held for this verse.
यन् निशायां तथा प्रातर् यच् च मध्यापराह्णयोः संध्ययोश् च कृतं पापं कर्मणा मनसा गिरा
yan niśāyāṃ tathā prātar yac ca madhyāparāhṇayoḥ saṃdhyayoś ca kṛtaṃ pāpaṃ karmaṇā manasā girā
Sanskrit only: no published translation is held for this verse.
तिष्ठता व्रजता यच् च शय्यासनगतेन च कृतं यद् अशुभं कर्म कायेन मनसा गिरा
tiṣṭhatā vrajatā yac ca śayyāsanagatena ca kṛtaṃ yad aśubhaṃ karma kāyena manasā girā
Sanskrit only: no published translation is held for this verse.
अज्ञानतो ज्ञानतो वा वासुदेवस्य कीर्तनात् तत् सर्वं विलयं यातु तोयस्थं लवणं यथा
ajñānato jñānato vā vāsudevasya kīrtanāt tat sarvaṃ vilayaṃ yātu toyasthaṃ lavaṇaṃ yathā
Sanskrit only: no published translation is held for this verse.
परदारपरद्रव्य- वाञ्छाद्रोहोद्भवं च यत् परिपीडोद्भवं निन्दां कुर्वतो यन् महात्मनाम्
paradāraparadravya- vāñchādrohodbhavaṃ ca yat paripīḍodbhavaṃ nindāṃ kurvato yan mahātmanām
Sanskrit only: no published translation is held for this verse.
यच् च भोज्ये तथा पेये यच् च कण्डूयनादिषु तद् यातु विलयं तोये यथा लवणभाजनम्
yac ca bhojye tathā peye yac ca kaṇḍūyanādiṣu tad yātu vilayaṃ toye yathā lavaṇabhājanam
Sanskrit only: no published translation is held for this verse.
यद् बाल्ये यच् च कौमारे यत् पापं यौवने मम वयःपरिणतौ यच् च यच् च जन्मान्तरेषु मे
yad bālye yac ca kaumāre yat pāpaṃ yauvane mama vayaḥpariṇatau yac ca yac ca janmāntareṣu me
Sanskrit only: no published translation is held for this verse.
तन् नारायणगोविन्द- हरिकृष्णेशकीर्तनात् प्रयातु विलयं तोये यथा लवणभाजनम्
tan nārāyaṇagovinda- harikṛṣṇeśakīrtanāt prayātu vilayaṃ toye yathā lavaṇabhājanam
Sanskrit only: no published translation is held for this verse.
विष्णवे वासुदेवाय हरये केशवाय च जनार्दनाय कृष्णाय नमो भूयो नमो नमः
viṣṇave vāsudevāya haraye keśavāya ca janārdanāya kṛṣṇāya namo bhūyo namo namaḥ
Sanskrit only: no published translation is held for this verse.
इदं सारस्वतं स्तोत्रम् अशेषाघविनाशनम् पठतां शृण्वतां चैव सर्वपापविनाशनम्
idaṃ sārasvataṃ stotram aśeṣāghavināśanam paṭhatāṃ śṛṇvatāṃ caiva sarvapāpavināśanam
Sanskrit only: no published translation is held for this verse.
इदं यः प्रातर् उत्थाय प्रणिपत्य जनार्दनम् जपत्य् एकमनाः पापं समस्तं स व्यपोहति
idaṃ yaḥ prātar utthāya praṇipatya janārdanam japaty ekamanāḥ pāpaṃ samastaṃ sa vyapohati
Sanskrit only: no published translation is held for this verse.
यस् तु संवत्सरं पूर्णं सायं प्रातः समाहितः जपत्य् एतन् नरः पुण्यं कृत्वा मनसि केशवम्
yas tu saṃvatsaraṃ pūrṇaṃ sāyaṃ prātaḥ samāhitaḥ japaty etan naraḥ puṇyaṃ kṛtvā manasi keśavam
Sanskrit only: no published translation is held for this verse.
शारीरं मानसं वाग्जं ज्ञानतो ऽज्ञानतो ऽपि वा कृतं तेन तु यत् पापं सप्त जन्मान्तराणि वै
śārīraṃ mānasaṃ vāgjaṃ jñānato 'jñānato 'pi vā kṛtaṃ tena tu yat pāpaṃ sapta janmāntarāṇi vai
Sanskrit only: no published translation is held for this verse.
महापातकम् अल्पं वा तथा यच् चोपपातकम् सकलं नाशयत्य् एतत् तथान्यत् पुण्यम् ऋच्छति
mahāpātakam alpaṃ vā tathā yac copapātakam sakalaṃ nāśayaty etat tathānyat puṇyam ṛcchati
Sanskrit only: no published translation is held for this verse.
विप्राय सुविशिष्टाय तिलपात्राणि षोडश अहन्य् अहनि यो दद्यात् पठत्य् एतच् च तत् समम्
viprāya suviśiṣṭāya tilapātrāṇi ṣoḍaśa ahany ahani yo dadyāt paṭhaty etac ca tat samam
Sanskrit only: no published translation is held for this verse.
अविप्लुतमतिश् चान्ते संप्राप्य स्मरणं हरेः विष्णुलोकम् अवाप्नोति सत्यम् एतन् मयोदितम्
aviplutamatiś cānte saṃprāpya smaraṇaṃ hareḥ viṣṇulokam avāpnoti satyam etan mayoditam
Sanskrit only: no published translation is held for this verse.
यथैतत् सत्यम् उक्तं मे नात्राल्पम् अपि वै मृषा राक्षसग्रस्तसर्वाङ्गं तथा माम् एष मुञ्चतु
yathaitat satyam uktaṃ me nātrālpam api vai mṛṣā rākṣasagrastasarvāṅgaṃ tathā mām eṣa muñcatu
Sanskrit only: no published translation is held for this verse.
एवम् उच्चारिते मुक्तः स तदा तेन रक्षसा अकामेन द्विजो भूयस् तम् आह रजनीचरम्
evam uccārite muktaḥ sa tadā tena rakṣasā akāmena dvijo bhūyas tam āha rajanīcaram
Sanskrit only: no published translation is held for this verse.
एतद् भद्रमुखाख्यातं तव पातकनाशनम् विष्णोः सारस्वतं स्तोत्रं यज् जगाद सरस्वती
etad bhadramukhākhyātaṃ tava pātakanāśanam viṣṇoḥ sārasvataṃ stotraṃ yaj jagāda sarasvatī
Sanskrit only: no published translation is held for this verse.
हुताशनेन प्रहिता मम जिह्वाग्रसंस्थिता जगादेमं स्तवं विष्णोः सर्वपापप्रशान्तिदम्
hutāśanena prahitā mama jihvāgrasaṃsthitā jagādemaṃ stavaṃ viṣṇoḥ sarvapāpapraśāntidam
Sanskrit only: no published translation is held for this verse.
अनेनैव जगन्नाथं त्वम् आराधय केशवम् ततः पापापनोदं तु स्तुते प्राप्स्यसि केशवे
anenaiva jagannāthaṃ tvam ārādhaya keśavam tataḥ pāpāpanodaṃ tu stute prāpsyasi keśave
Sanskrit only: no published translation is held for this verse.
अहर्निशं हृषीकेशं स्तवेनानेन राक्षस स्तौहि भक्तिं परां कृत्वा ततः पापाद् विमोक्ष्यसे
aharniśaṃ hṛṣīkeśaṃ stavenānena rākṣasa stauhi bhaktiṃ parāṃ kṛtvā tataḥ pāpād vimokṣyase
Sanskrit only: no published translation is held for this verse.
स्तुतो हि सर्वपापानि नाशयिष्यत्य् असंशयम् भक्त्या राक्षसशार्दूल सर्वपापहरो हरिः
stuto hi sarvapāpāni nāśayiṣyaty asaṃśayam bhaktyā rākṣasaśārdūla sarvapāpaharo hariḥ
Sanskrit only: no published translation is held for this verse.
ततः प्रणम्य तं विप्रं प्रसाद्य च निशाचरः शालग्रामं महाराज तदैव तपसे ययौ
tataḥ praṇamya taṃ vipraṃ prasādya ca niśācaraḥ śālagrāmaṃ mahārāja tadaiva tapase yayau
Sanskrit only: no published translation is held for this verse.
तत्राहर्निशम् एवैतज् जपञ् जप्यं नराधिप देवक्रियारतिर् भूत्वा तपस् तेपे स राक्षसः
tatrāharniśam evaitaj japañ japyaṃ narādhipa devakriyāratir bhūtvā tapas tepe sa rākṣasaḥ
Sanskrit only: no published translation is held for this verse.
आराध्य च जगन्नाथं स तत्र पुरुषोत्तमम् सर्वपापविनिर्मुक्तो विष्णुलोकम् अवाप्तवान्
ārādhya ca jagannāthaṃ sa tatra puruṣottamam sarvapāpavinirmukto viṣṇulokam avāptavān
Sanskrit only: no published translation is held for this verse.
तथा त्वम् अपि राजर्षे सर्वपापप्रशान्तिदम् आराधय हृषीकेशं जपन् सारस्वतं स्तवम्
tathā tvam api rājarṣe sarvapāpapraśāntidam ārādhaya hṛṣīkeśaṃ japan sārasvataṃ stavam
Sanskrit only: no published translation is held for this verse.
य एतत् परमं स्तोत्रं वासुदेवस्य मानवः पठिष्यति स सर्वेभ्यः पापेभ्यो मोक्षम् आप्स्यति
ya etat paramaṃ stotraṃ vāsudevasya mānavaḥ paṭhiṣyati sa sarvebhyaḥ pāpebhyo mokṣam āpsyati
Sanskrit only: no published translation is held for this verse.